ߞߎ߲߬ߝߍ߬ߕߊ߰ߟߊ ߟߎ߬ ߟߊ߫ ߛߌ߲߬ߝߏ߲߬ߘߊ߫ ߡߊ߲߬ߕߏ߲߬ߕߍ߬ߟߊ߬ߞߊ ߓߘߴߊ߬ ߦߌ߬ߘߊ߬ ߞߏ߫ ߂߀߂߂ ߟߊ߫߸ ߞߎ߲߬ߝߍ߬ߕߊ߰ߟߊ߫ ߡߐ߰ ߂ ߄߀߀ ߠߋ߬ ߓߣߐ߬ ߘߴߊ߬ ߣߌ ߘߐ߫ ߞߵߊ߬ߟߎ߬ ߥߊߕߐߟߊ ߕߏ߫ ߋߙߐߔߎ߬ ߡߋߘߌߕߋߙߊߣߋ߫ ߞߊ߲߬߸ ߊ߬ ߣߌ߫ ߊߕߑߟߊ߲ߕߌߞߌ߬ (ߣߊߟߌ߬ߡߎ߲߬ ߕߍߡߊߞߐ߯ߖߌߜߍ ߣߌ߫ ߟߌߓߊ߲߫ ߡߊ߲ߞߊ߲ ߘߌ߫). ߒ߬ߓߊ߬߸ ߘߏ߫ ߟߋ߬ ߝߣߊ߫ ߞߍ߫ ߛߊ߲ ߦߋ߫ ߣߌ߲߬߸ ߓߊ߲ߖߎߟ ߓߘߴߊ߬ ߦߌ߬ߘߊ߬ ߞߏ߫ ߡߐ߰ ߁߀߀ ߟߋ߬ ߓߣߐ߬ߣߍ߲߬ ߘߌ߫ ߞߍ߫ ߊ߬ ߣߌ ߘߐ߫ ߞߎߟߎ߲߫ ߝߘߌ ߣߌ߲߬ ߘߐ߫.
ߡߐ߰ ߁߅߀ ߟߋ߬ ߕߘߍ߬ ߞߎߟߎ߲ ߘߏ߫ ߞߣߐ߫߸ ߞߎ߲߬ߝߍ߬ߕߊ߰ߟߊ߫ ߜߊ߲߬ߛߊ߲ ߕߘߍ߬ ߡߍ߲ ߞߣߐ߫ ߞߊ߬ߣߌ߲߬، ߜ߲߭ߊ߲ߓߌߞߊ ߟߎ߬ ߣߌ߫ ߛߣߍ߬ߜ߭ߊ߬ߟߌ߬ߞߊ ߟߎ߬ ߕߘߍ߬ ߡߍ߲ ߞߣߐ߫ ߘߓߊ߬ߓߌߟߊ ߕߋ߬ߟߋ߫ ߂߇ ߡߊ߬߸ ߟߋߡߊߦߌߛߙߊߕ ߖߌ߫ ߡߍߣߍ߲ ߞߊ߲߬߸ ߞߎߘߍ߫ ߁߁߇ ߦߋ߫ ߦߋ߲߬ ߡߍ߲ ߣߌ߫ ߣߎߥߊߞߑߛ߭ߐߕ ߕߍ߫ ߞߊ߬ߣߌ߲߬، ߝߊߦߌߘߊ߫߸ ߡߐ߰ ߁߀߀ ߟߋ߬ ߝߊ߰ߣߴߊ߬ ߘߐ߫߸ ߏ߬ ߡߍ߲ ߞߎߡߊ ߝߐ߫ ߘߊ߫ ߜ߭ߊ߲ߓߌ߫ ߞߐߞߊ߲ߞߏ ߟߎ߬ ߞߏߕߌ߯ߘߊ ߓߟߏ߫ ߞߎߣߎ߲߬ ߛߌ߬ߣߌ߲߬ߟߏ߲ ߡߊ߬.
ߜ߭ߊ߲ߓߌ߫ ߟߊ߬ߛߌ߰ߘߋ߲ ߡߍ߲ ߦߋ߫ ߣߎߥߊߞߑߛ߭ߐߕ߸ ߏ߬ ߞߵߊ߬ ߦߌ߬ߘߊ߫ ߟߋ߬ ߞߏ߫ ߡߐ߰ ߁߆ ߟߋ߬ ߓߐߣߴߊ߬ ߘߐ߫߸ ߜ߭ߊ߲ߓߌߞߊ߫ ߡߐ߰ ߟߏ߯ߟߎ߫ ߦߴߏ߬ ߡߍ߲ ߘߐ߫، ߛߎ߬ ߁߉ ߛߋ߫ ߘߊ߫ ߟߊߓߐ߫ ߟߊ߫ ߞߎߣߎ߲ߟߏ߲ ߘߓߊ߬ߓߌߟߊ ߕߋ߬ߟߋ߫ ߂߇ ߡߊ߬߸ ߓߌߟߏ߲ ߡߍ߲ ߓߍ߲߬ ߘߊ߫ ߘߓߊ߬ߓߌߟߊ ߕߋ߬ߟߋ߫ ߂߈ ߡߊ߬ ߛߊ߫߸ ߛߎ߬ ߅߁ ߝߣߊ߫ ߦߋ߫ ߘߊ߫ ߖߌߘߊ ߟߊ߫߸ ߞߊ߬ ߝߊ߰ߓߊ߰ߕߐ߬ ߟߐ߲ߣߍ߲ ߦߙߌߞߊ ߛߋ߫ ߡߐ߰ ߇߀ ߘߐ߫، ߡߏߙߌߕߊߣߌ߫ ߝߊ߰ߡߊ ߟߎ߬ ߣߌ߫ ߜ߭ߊ߲ߓߌ߫ ߟߊ߬ߛߌ߰ߘߊ ߞߵߊ߬ߟߎ߬ ߓߟߏߟߞߊߟߌߦߊ߫ ߟߋ߬ ߌߞߘߐ߫߸ ߞߊ߬ ߛߎ߬ ߟߊߓߐߣߍ߲ ߏ߬ ߟߎ߫ ߛߎ߬ߘߏ߲߬ ߞߏ ߛߌ߰ ߛߋ߲߬ߠߊ߫߸ ߡߍ߲ ߞߍ߫ ߘߊ߫ ߞߟߍ߬ߡߐ߰ߘߊ ߢߣߊ߫߸ ߕߐ߲ߓߟߏߡߊ ߟߎ߬ ߢߣߊ߫߸ ߊ߬ ߣߌ߫ ߕߊߟߛߊߟߊ ߟߎ߬ ߣߌ߫ ߓߊߙߊ߲ߕߏ߲߫ ߥߎߟߋ߲ ߣߌ߫ ߞߍ߲ߘߍߦߊ ߓߊ߯ߙߟߊ ߟߎ߬.
ߖߌ߬ߦߊ߬ߖߟߎ߬ ߟߊߖߍ߲ߛߍ߲ߣߍ߲ ߘߏ߫ ߟߎ߫ ߦߋ߫ ߘߴߊ߲ ߓߟߏ߫ ߘߍ߬ߞߙߏߝߏ ߟߎ߫ ߞߊ߲߬߸ ߡߐ߰ ߛߌߦߊߡߊ߲߫ ߛߎ߭ ߦߋ߫ ߦߋ߫ ߟߊ߫ ߖߌߘߊ ߟߎ߬ ߟߊ߫߸ ߡߍ߲ ߕߊ߬ߡߌ߲߬ ߘߴߊ߬ ߞߏ ߡߊ߲߬ߞߊ߲ ߠߊ߫ ߥߊ߬ߙߊ ߦߌ߬ߘߊ߬ ߟߊ߫.
ߏ߬ ߞߐߝߍ߬߸ ߕߊߞߎߟߎ߲߫ ߝߌߟߊߣߊ߲ ߡߍ߲ ߓߐ߫ ߘߊ߫ ߒߘߊߙ߸ ߏ߬ ߦߋ߫ ߛߣߍ߬ߜ߭ߊߟߌ߫ ߟߋ߬ ߘߐ߫߸ ߏ߬ ߡߌ߬ߘߊ߬ ߘߊ߫ ߟߋ߬ ߡߏߙߌߕߊߣߌ߫ ߝߊ߰ߡߊ ߟߎ߬ ߓߟߏ߫، ߏ߬ ߞߣߐ߫ ߡߐ߮ ߓߍ߯ ߛߋ߫ ߘߊ߫ ߓߐ߫ ߟߴߊ߬ ߘߐ߫߸ ߜ߭ߊ߲ߓߌߞߊ߫ ߟߏ߫ߟߎ߫ ߕߎ߲߬ ߦߴߏ߬ ߡߍ߲߸ ߏ߬ ߟߎ߫ ߟߋ߬ ߞߊ߬ ߜ߭ߊ߲ߓߌߞߊ ߘߝߊ߫ ߡߐ߰ ߕߊ߲߫ ߠߊ߫ ߦߋ߲߬߸ ߡߍ߲ ߠߎ߬ ߟߊ߫ ߞߏ ߕߊ߬ ߘߊ߫ ߘߌ߲߬ߞߌߙߊ ߏ߬ ߝߊ߰ߡߊ ߟߎ߬ ߓߟߏ߫، ߜ߭ߊ߲ߓߌ߫ ߟߊ߬ߛߌ߰ߘߊ ߞߊ߲߫ ߞߏ߫ ߊ߬ ߣߌ߫ ߡߏߙߌߕߊߣߌ߫ ߣߌ߫ ߞߎ߲߬ߝߍ߬ߕߊ߰ߟߊ ߟߎ߬ ߟߊ߫ ߛߌ߲߬ߝߏ߲߬ߘߊ ߓߟߏ߫ ߦߋ߫ ߢߐ߲߯ ߓߟߏ߫ ߣߌ߲߬ ߞߏ ߘߐ߫߸ ߞߊ߬ ߛߋ߫ ߞߛߌߓߊ߮ ߏ߬ ߟߎ߬ ߟߊߞߐߛߊ߬ߦߌ߲߬ ߠߊ߫ ߟߊ߬ߞߊ߲߬ߘߊ߬ߟߌ ߞߣߐ߫.
ߜ߭ߊ߲ߓߌ߫ ߞߏߕߌ߫ߘߊ ߞߏ߬ߣߌ߲ ߞߵߊ߬ ߦߌ߬ߘߊ߫ ߟߋ߬ ߊ߬ ߟߊ߫ ߖߡߊ߬ߣߊ ߘߎ߰ߘߋ߲ ߠߎ߬ ߟߊ߫߸ ߊ߬ ߕߌ߯ߕߌ߯ ߘߋ߲ߡߌߛߍ߲ ߠߎ߬߸ ߞߏ߫ ߊ߬ߟߎ߬ ߦߋ߫ ߝߘߊ߫ ߕߊ߯ߡߊ߫ ߖߘߐ߬ߡߊ ߟߊ߫߸ ߊ߬ ߣߌ߫ ߞߏ߫ ߊ߬ߟߎ߬ ߓߍߣߊ߬ ߛߏ߬ߓߌ߬ߟߊ߬ߞߎ߬ߣߎ߲߬ߠߌ߲߬ߓߊ߫ ߛߌ߰ ߛߋ߲߬ߠߊ߫߸ ߞߊ߬ ߞߎ߲߬ߝߍ߬ߕߊ߯ߟߌ ߖߐ߬ߘߐ ߟߎ߬ ߢߊߝߐ߫.
ߣߌ߲߬ ߘߏ߲߬ ߕߴߊ߬ ߛߋ߲߬ߢߊ߬ ߝߟߐ߫ ߘߌ߫߸ ߡߊ߬ߛߎ߬ߓߊ߬ ߞߏ߬ ߛߌߦߊߡߊ߲߫ ߠߋ߬ ߞߍ߫ ߟߊ߫ ߋߙߐߔߎ߬ ߣߐ߭ߝߍ߬ ߕߍߡߊߞߐ߯ߖߌߜߍ ߣߌ߫ ߟߌߓߊ߲߫ ߡߊ߲ߞߊ߲ ߞߊ߲߬، ߞߊ߬ ߞߐ߲߰ ߣߌ߲߬ ߢߍ߫ ߕߟߋ߬ ߘߊ߲ߘߐ߫ ߟߊ߫߸ ߞߎ߲߬ߝߍ߬ߕߊ߰ߟߊ߫ ߡߐ߰ ߂߀߀ ߞߵߊ߬ߟߎ߬ ߡߊߝߟߍ߫ ߊߛߌߔߊ߲߫ ߠߊߛߐ߬ߘߐ߲߬ ߞߏ ߘߐ߫ ߞߏߕߊ߫ ߝߊ߲߭ ߝߍ߬ ߞߊ߬ ߓߐ߫ ߡߊ߬ߙߐߞߎ߬߸ ߡߏ߬ߛߏ ߟߎ߬ ߣߌ߫ ߘߋ߲ߣߍ߲ ߠߎ߬ ߕߍ߬ߘߍ߫ ߏ߬ ߟߎ߬ ߘߐ߫߸ ߤߊߟߌ߬ ߟߐ߬ߦߙߌ߬ߕߐ ߘߏ߫ ߟߎ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.