ߞߵߊ߬ ߓߍ߲߬ ߊߡߙߌߞߌ߬ ߟߊ߫ ߟߊ߬ߢߌߣߌ߲ ߡߊ߬߸ ߊߝߙߌߞߐߡ ߓߘߊ߫ ߓߙߊߘߐߦߊ߫ ߛߌߦߊߡߊ߲߫ ߛߌ߰ ߛߋ߲߬ߠߊ߫ ߞߟߍ߬ߡߎ߬ߙߊ߲߬ ߞߏ ߘߐ߫߸ ߞߊ߬ ߣߊ߬ ߥߊ߬ߟߏ߲߬ߠߌ߲ ߖߍ߬ߘߍߖߍ߬ߘߍ ߞߍ߫، ߞߵߊ߬ ߛߐ߬ߘߐ߲߬߸ ߟߋߜ߭ߐߛ߸ ߔߋߞߍ߲߫߸ ߊ߬ ߣߌ߫ ߥߊ߲ߛߌ߲ߕߐ߲߫߸ ߏ߬ ߟߎ߬ ߦߋ߫ ߞߎߡߊߢߐ߲߯ߦߊ ߞߊ߲߬߸ ߡߊ߬ߝߌ߲߬ߠߌ߲߬ ߞߏ߬ ߞߎߡߊ ߣߌ߫ ߞߊ߲߬ߞߊ߬ߙߌ߬ߡߊ߬ߟߊ ߓߍ߯ ߦߴߊ߬ߟߎ߬ ߟߊ߫ ߞߎߡߊ ߘߐ߫.
ߣߌߦߐߙߞ ߕߊߦߡ ߝߐ߰ߓߍ߬ߘߊ ߟߊ߫ ߘߐ߬ߛߏ߰ߙߋ߬ߟߌ ߘߏ߫ ߘߐ߫߸ ߊ߬ ߦߋ߫ ߘߊ߫ ߞߏ߫ ߊߡߙߌߞߌ߬ ߣߊ߲߬ߕߌ߮ ߟߎ߬ ߟߊ߫ ߡߊ߬ߡߙߊ߬ߟߌ߬ߘߊ ߡߍ߲ ߦߋ߫ ߝߘߊ߬ߝߌ߲߬ߠߊ߬߸ ߣߴߊ߬ ߘߌ߫ ߝߐ߫ ߊ߬ ߡߊ߬ ߞߏ߫ ߊߝߙߌߞߐߡ߸ ߏ߬ ߟߎ߬ ߓߘߊ߫ ߝߊ߲߬ߝߘߊ ߘߏ߫ ߟߊߕߊ߯ ߔߍ߲ߕߊߜ߭ߐߣ ߡߊ߬߸ ߊ߬ߟߎ߬ ߘߌ߫ ߛߋ߫ ߦߙߍߞߍߟߌ ߞߍ߫ ߟߊ߫ ߝߊ߬ߘߌ ߡߍ߲ ߠߎ߬ ߘߐ߫ ߖߋ߬ߟߌ߬ߓߊ߬ߟߊ߫ ߞߣߐ߫߸ ߞߵߊ߬ ߓߍ߲߬ ߡߊ߬ߞߊ߲߬ߞߊ߲߬ߠߌ߲ ߞߟߊ߬ߕߌ߰ߘߊ ߟߊ߫ ߟߊ߬ߢߌߣߌ߲ ߖߋ߬ߓߌ ߡߊ߬، ߊ߬ߟߎ߬ ߟߊ߫ ߘߐ߬ߛߙߋ ߦߋ߫ ߢߊ߫ ߛߊ߬ߓߊ߫ ߟߋ߬ ߝߐ߫ ߟߊ߫߸ ߣߊ߬ߟߌ߬ ߢߊ߬ <<ߜߌߟߌ߲>>߸ <<ߡߊ߲ߞߊ߲>> ߊ߬ ߣߌ߫ <<ߝߍ߲ߡߊ߲>>، ߊ߬ߟߎ߬ ߞߊ߲߫ ߞߏ߫ ߘߏߣߊߟ ߕߑߙߐ߲ߔ ߣߐ߬ ߊ߬ ߝߐ ߡߍ߲ ߞߍ߫ ߟߴߊ߬ߟߎ߬ ߦߋ߫߸ ߞߏ߫ ߊ߬ߟߎ߬ ߦߴߊ߬ߟߎ߬ ߘߐߓߍ߲߬ ߞߊ߬ ߣߊ߬ ߖߋ߬ߟߌ߬ߓߊ߬ߟߊ߫ ߞߊ߲ߡߊ߬߸ ߛߴߊ߬ߟߎ߬ ߘߌ߫ ߊ߬ߟߎ߬ ߟߊ߫ ߡߌ߬ߙߌ߲߬ߘߌ ߟߊߞߊ߲ߘߊ߫߸ ߛߌ߬ߟߡߊ߬ ߝߊߕߐ ߟߎ߬ ߓߘߊ߫ ߡߍ߲ ߠߎ߬ ߛߍ߰، ߏ߬ ߘߐ߫߸ ߞߏ߫ ߊ߬ߟߎ ߣߐ߬ ߝߊ߲߬ߝߘߊ߫ ߛߊ߬ߓߊ ߏ߬ ߟߋ ߡߊߗߍ߲߬ ߠߊ߫.
ߊ߬ߟߎ߬ ߞߊ߲߫ ߡߍ߲ ߡߊ߬ ߞߏ߫ ߝߊ߲߬ߝߘߊ߬ <<ߜߌߟߌ߲>>߸ ߏ߬ ߦߋ߫ ߡߊ߬ߞߊ߲߬ߞߊ߲߬ߠߌ߲ ߝߍ߬ߙߍ߫ ߟߋ߬ ߘߌ߫: ߞߊ߬ ߣߊ߲߬ߕߌ߰ ߞߙߎ ߘߏ߫ ߟߎ߫ ߟߊߣߊ߬ ߖߌ ߞߊ߲߬ ߖߌ߬ߣߍ߬ ߖߌߘߏ߮ ߝߍ߬߸ ߞߊ߬ ߜߊ߬ߟߏ ߟߊ߫ ߜߘߋߜߘߋߦߟߊ ߢߌ߲߬ ߠߎ߫ ߞߊ߲߬ ߦߋ߲߬، ߊ߬ߟߎ߬ ߞߊ߲߫ ߡߍ߲ ߝߣߊ߫ ߡߊ߬ ߞߏ߫ ߝߊ߲߬ߝߘߊ߬ <<ߡߊ߲ߞߊ߲>>߸ ߊ߬ ߦߌ߬ߘߊ߬ߣߴߊ߬ߟߎ߬ ߟߊ߫ ߞߊ߲߬ߞߎߡߊ ߞߣߐ߫ ߞߏ߫ ߊ߬ߟߎ߬ ߞߍߕߐ߫ ߏ߬ ߞߍ߫ ߟߊ߫ ߞߎߟߎ߲ߞߎߟߎ߲ ߛߌߟߊ ߟߋ߬ ߝߍ߬߸ ߞߎߟߎ߲ߞߎߟߎ߲ ߛߎ߯ߦߊ߫ ߝߌ߬ߟߊ ߡߍ߲ ߕߐ߯ ߞߏ߫ (MQ‑9 Reaper) ߊ߬ ߣߌ߫ (MQ‑1 Predator)߸ ߏ߬ ߟߊߓߊ߯ߙߊߕߐ߫ ߘߊߞߎ߲߫ ߢߌ߬ߡߊ߲߬ ߘߐ߫؟ ߊ߬ߟߎ߬ ߓߊ߯ ߕߐ߲߬ߕߐ߲ ߡߍ߲ ߦߋ߫߸ ߊ߬ ߣߌ߫ ߘߎ߰ߞߎߟߎ߲ ߡߍ߲ ߠߎ߬ ߟߊ߫ ߞߏ ߕߍ߰ߒ߬ߞߊ߲ ߓߊ߯ ߛߐ߬ߘߐ߲߬ ߊ߬ߟߎ߬ ߓߟߏ߫߸ ߞߵߏ߬ ߟߎ߫ ߥߊ߬ߟߏ߲߬ ߞߏ߬ߖߎ߰ߦߊ ߞߍ߫، ߏ߬ ߣߌ߫ ߟߊ߬ߛߏ߬ߓߌ߬ߟߌ ߝߍ߬ߙߍ ߟߎ߫ ߟߋ߬ ߥߊߕߐ߫ ߢߐ߲߮ ߝߍ߬߸ ߏ߬ ߡߍ߲ ߞߍߕߐ߫ ߕߙߎ߬ ߘߌ߫ ߞߵߊ߬ߟߎ߬ ߛߋ߫ ߥߊ߬ߟߏ߲߬ߠߌ߲ ߞߍ߫ ߟߊ߫ <<ߓߍ߲߬ߒ߬ߛߋ߲߬ߡߊ ߞߣߐ߫߸ ߊ߬ ߣߌ߫ ߕߍ߰ߒ߬ߞߊ߲>> ߘߐ߫، ߊ߬ ߟߊߓߊ߲ ߘߐ߫ ߛߊ߫߸ ߊ߬ߟߎ߬ ߞߊ߲߫ ߡߍ߲ ߝߣߊ߫ ߡߊ߬ ߞߏ߫ ߝߊ߲߬ߝߘߊ߬ <<ߝߍ߲ߡߊ߲>>߸ ߏ߬ ߛߋߕߐ߫ ߓߟߏߦߊ߫ ߟߴߊ߬ߟߎ߬ ߓߟߏ߫ ߖߋ߬ߟߌ߬ߓߊ߬ߟߊ߫ ߣߊ߲߬ߕߌ߮ ߟߎ߬ ߟߊ߫ ߘߍ߬ߡߍ߲ ߠߋ߬ ߞߣߐ߫: ߞߊ߬ ߛߋ߫ ߢߐ߲߮ ߠߊߛߏ߬ߓߌ߬ ߟߊ߫߸ ߞߊ߬ ߛߋ߫ ߢߐ߲߮ ߡߊߘߍ߬ߡߍ߲߬ ߠߊ߫ ߞߟߍ߬ߡߎ߬ߙߊ߲߬ ߞߏ ߘߐ߫߸ ߊ߬ ߣߴߊ߬ߟߎ߫ ߘߍ߭ ߞߊ߬ ߓߞߏ߫ ߤߙߊߡ ߞߟߍ߬߸ ߏ߬ ߞߍߢߐ߲߯ߝߍ ߦߋ߫ ߛߋ߫ ߣߐ߰ߦߊ߬ ߟߊ߫߸ ߊ߬ ߣߌ߫ ߡߙߊ߬ߒ߬ߡߊ߬ߝߋ߲߬ߕߌ߰ ߜߘߍ ߡߍ߲ ߠߎ߬ ߝߣߊ߫ ߦߋ߫ ߦߋ߲߬.
ߣߊ߲߬ߕߌ߰ ߞߏߟߊߕߍ߮ ߡߍ߲ ߠߎ߬ ߛߋ߫ ߘߊ߫ ߞߏߟߊߒߞߘߐߢߐ߲߯ߦߊ߫ ߟߊ߫ ߣߌߦߐߙߞ ߕߊߦߡ ߓߟߏ߫߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߥߊ߬ߟߏ߲߬ߠߌ߲߬ ߞߏ߫ ߘߊ߲ߘߐ߫ ߞߍ ߦߋ߲߬ ߕߋ߲߬߸ ߏ߬ ߕߴߛߋ߫ ߛߊ߲߬ ߦߙߌߞߊ ߝߐߢߐ߲߯ߞߐ ߟߊߘߊ߲߬ ߠߊ߫ ߌߞߘߐ߫ ߘߋ߬، ߝߏ߫ ߊ߬ ߞߏ ߡߊ߲߬ߞߊ߲ ߠߋ߬ ߟߊߥߙߊ߬߸ ߦߏ߫ ߡߍ߲ ߛߎ߮ ߞߍ߫ ߘߊ߫ ߌߙߊߞߌ߬߸ ߥߟߊ߫ ߊߝߑߜ߭ߊߣߌߛߑߕߊ߲߫߸ ߊ߬ߟߎ߬ ߟߊߣߴߊ߬ ߟߊ߫ ߞߍߢߊ ߏ߬ ߟߋ ߘߌ߫ ߛߴߊ߬ ߘߋ߲ ߞߍ߫ ߟߊ߫، ߊ߬ ߘߏ߲߬߸ ߞߍߢߊ ߏ߬ ߟߋ ߟߐ߮ ߦߋ߫ ߊߡߙߌߞߌ߬ ߡߙߌߘߐߕߟߊ ߛߌߦߊߡߊ߲߫ ߠߊ߫.
ߣߌ߲߬ ߞߏ ߡߊ߲߬ߞߊ߲ ߥߊ߬ߙߊ ߛߓߊߓߎ ߞߍߣߍ߲߫ ߊߡߙߌߞߌ߬ ߞߊ߲ߕߌ߮ ߟߊ߫ ߞߎߡߊ ߘߏ߫ ߟߋ߬ ߘߌ߫، ߓߊߏ߬߸ ߘߏߣߊߟ ߕߑߙߐ߲ߔ ߞߵߊ߬ ߟߊߛߋ߫ ߘߍ߬ߞߙߏߝߏ ߞߊ߲߬ ߞߏ߫: <<ߖߋ߬ߟߌ߬ߓߊ߬ߟߊ߫ ߞߎ߲߬ߠߊ߬ߛߌ߮ ߕߏ߫ ߘߴߊ߬ ߢߊ ߟߊߜߊ߲߫ ߌߛߊ߫ ߘߌ߲ߞߏ ߟߎ߬ ߝߊ߰ ߞߏ ߡߊ߬ ߦߋ߲߬ ߕߋ߲߬߸ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߓߍߣߵߊ߬ ߟߊ߫ ߘߍ߬ߡߍ߲ ߡߎ߰ߡߍ ߓߟߏߕߍ߰ ߖߋ߬ߟߌ߬ߓߊ߬ߟߊ߫ ߡߊ߬، ߊ߬ ߘߊ߲߬ ߕߴߏ߬ ߘߌ߫ ߘߋ߬߸ ߊߡߙߌߞߌ߬ ߘߌ߫ ߣߊ߬ ߣߊ߲߬ߕߌ߮ ߟߎ߬ ߘߌ߫ ߖߋ߬ߟߌ߬ߓߟߊ߬ ߞߊ߲ߡߊ߬߸ ߖߡߊ߬ߣߊ ߏ߬ ߡߍ߲ ߦߋ߫ ߌߛߊ ߣߊߡߎ߲ ߘߏ߲߬ߞߏ ߟߎ߫ ߡߐ߬ߟߐ ߓߐ߫ ߟߴߊ߬ߟߎ߬ ߟߊ߫߸ ߊߡߙߌߞߌ߬ ߘߌ߫ ߣߵߊ߬ߟߎ߬ ߞߊ߲ߡߊ߬ ߞߟߍ߬ߡߎߙߊ߲ ߘߌ߫߸ ߞߊ߬ ߓߊ߬ߓߊ߰ߟߌ߬ߟߊ߫ ߛߌ߬ߟߡߊ߬ ߝߊߕߐ ߏ߬ ߟߎ߬ ߟߊߜߊ߬ߣߊ߲߬߸ ߡߍ߲ ߠߎ߬ ߦߋ߫ ߘߊ߲߬ߠߊ߬ߕߊߡߌ߲ ߣߌ߫ ߞߘߊ߬ߜߟߍ߬ߦߊ ߞߊ߲߬ (…) ߏ߬ ߟߋ ߘߐ߫߸ ߒ ߧߋ߫ ߖߊ߬ߡߊߙߌ ߘߌ߫ ߟߊ߫ ߒ߬ ߠߊ߫ ߞߍ߬ߟߍ ߞߏߕߌ߮ ߡߊ߬߸ ߊ߬ ߦߴߊ߬ ߘߐߓߍ߲߬ ߕߊ߯ߟߌ߫ ߞߊ߲ߡߊ߬ ߌߞߘߐ߫، ߣߴߊ߲ ߘߏ߲߬ ߥߊ߫ ߘߊ߫ ߡߊ߬ߙߴߊ߬ߟߎ߫ ߡߊ߬߸ ߊ߬ ߞߏ ߟߞߊߟߌߦߊߕߐ߫ ߟߋ߬߸ ߤߌߣߊ߫ ߕߴߊ߬ ߘߐ߫..>> ߕߑߙߐ߲ߔ ߟߋ߬ ߞߊ߲߫ ߕߋ߲߬. ߊ߬ ߟߊ߫ ߞߎߡߊ ߏ߬ ߟߋ ߞߊ߬ ߡߊ߲߬ߞߊ߲ ߠߊߥߟߌ߬߸ ߘߏ߫ ߟߎ߫ ߞߵߏ߬ ߡߍ߲ ߖߊ߬ߕߋ߫ ߞߏߟߊ߲ߘߌߦߊ ߘߌ߫߸ ߞߵߊ߬ ߕߊ߫ ߓߌ߬ߟߊ߫ ߖߡߊ߬ߣߊ߫ ߜߘߍ߫ ߟߊ߫ ߞߏ ߘߐ߫ ߞߊ߬ߣߌ߲߬.
ߏ߬ ߟߋ ߘߐ߫߸ ߛߌ߯ߣߌ߲߬ ߞߐߞߊ߲ߞߏ ߟߎ߬ ߞߏߕߌ߯ߘߊ ߓߋߟߋ߲ߕߌ߮߸ ߓߐ߬ߟߐ߲߬ߞߊ߬ ߡߊߥߏ ߣߌ߲ߜ߭߸ ߏ߬ ߞߵߊ߬ ߛߌ߯ߣߌ߲߬ ߞߎ߲߬ߠߊ߬ߛߌ߮ ߟߊ߫ ߞߐߡߊߓߌ߲ߓߌ߲ߠߌ߲߫ ߞߏ ߝߐ߫߸ ߞߏ߫ ߊ߬ߟߎ߬ ߦߋ߫ ߖߋ߬ߟߌ߬ߓߊ߬ߟߊ߫ ߞߎ߲߬ߠߊ߬ߛߌ߮ ߞߐߝߍ߬ ߣߌ߲߬ ߞߏ ߘߐ߫: <<ߛߌ߯ߣߌ߲߬ ߞߐߘߏ߲߬ߣߍ߲߫ ߠߋ߬ ߖߡߊ߬ߣߊ߬ ߟߎ߬ ߟߊ߫߸ ߡߍ߲ ߠߎ߬ ߦߋ߫ ߘߌ߯ߣߊ߫ ߞߏ ߣߌ߫ ߡߐ߰ߦߊ ߤߊߞߍ߫ ߞߏ ߞߍ߫ ߟߴߊ߬ߟߎ߬ ߟߊ߫ ߞߏߟߊ߲ߘߌߦߊ ߣߌ߫ ߕߊߓߍ߲ߞߣߐߦߊ ߝߍ߬ߙߍ ߘߌ߫߸ ߞߵߊ߬ߟߎ߫ ߛߋ߲߭ߓߌ߬ߟߊ߬ ߡߐ߰ ߓߘߊ߬ ߞߏ ߘߐ߫߸ ߥߟߊ߫ ߞߵߏ߬ ߟߎ߬ ߡߊߛߌߟߊ߲߫ ߓߌ߲߬ߓߊ߬ߥߏ߬ߟߌ߬ ߞߏ ߣߌ߫ ߝߊ߲߬ߞߊ ߟߊ߫.>>
ߖߋ߬ߟߌ߬ߓߟߊ߬ߞߊ ߟߎ߫ ߝߊ߲߭ ߝߍ߬߸ ߓߏ߬ߟߊ ߕߌ߬ߣߎ߬ߓߎ߫ ߞߙߍ߬ߝߍ߬ ߡߐ߮ ߟߎ߬ ߞߵߊ߬ ߦߌ߬ߘߊ߬߸ ߞߏ߫ ߊ߬ߟߎ߬ ߟߊ߫ ߖߡߊ߬ߣߊ ߦߴߊ߬ ߖߘߍ߬ ߘߌ߫ ߟߋ߬، ߏ߬ ߘߐ߫߸ ߊ߬ ߣߌ߫ ߓߏ߲߬ߧߊ ߟߋ߬ ߞߊ߫ ߞߊ߲߫߸ ߞߏ߫ ߊ߬ߟߎ߫ ߘߏ߲߬ ߡߊ߫ ߓߍ߲߬ ߣߊ߲߬ߕߌ߰ ߜߘߍ߫ ߟߊߣߊ߬ ߞߏ ߡߵߊ߬ߟߎ߬ ߓߘߊ ߝߋߎ߫، ߘߊߣߌߦߍߟ ߓߎߥߟߊ߫ ߡߍ߲ ߦߋ߫ ߟߊ߬ߟߌ߬ߟߌ߬ߟߊ߫ ߣߌ߫ ߓߋߟߋ߲ߕߌ߯ ߘߌ߫ ߘߎߢߊ߫ ߞߊߓߋ ߟߊ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: ߣߌ߲߬ ߦߋ߫ <<ߞߌ߬ߓߊ߬ߙߏ߬ ߟߊ߬ ߞߟߍ>> ߟߋ߬ ߘߌ߫߸ ߡߍ߲ ߠߊߥߟߌ߬ߣߴߊ߬ ߡߊ߬߸ ߛߊ߫ ߘߎߢߊ߫ ߘߌ߫ ߖߋ߬ߟߌ߬ߓߊ߬ߟߊ߫ ߞߎ߲߬ߠߊ߬ߛߌ߮ ߖߊ߬ߕߋ߫ ߕߎ߰ߡߏ߬ߙߌ߬ߟߊ߲߬ߜߏ ߟߎ߬ ߘߌ߫، ߊ߬ߟߋ ߟߊ߫ ߝߐߟߌ߫ ߘߐ߫߸ ߞߏ߫ ߟߊ߬ߞߙߐ߬ߛߟߌ߬ߟߊ߫ ߘߍ߲ߣߍ߲ߒߖߘߍ߬ߟߊ ߟߎ߬ ߡߊ߫ ߝߏߦߌ߬ ߦߋ߫ ߖߋ߬ߟߌ߬ߓߊ߬ߟߊ߫ ߞߎ߲߬ߠߊ߬ߛߌ߮ ߣߐ߬ ߘߐ߫߸ ߡߍ߲ ߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߘߌ߯ߣߊ ߘߏ߫ ߞߊ߲ߡߊ߬، ߊ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫: <<ߊ߲ ߧߴߊ߬ ߢߌߣߌ߲߫ ߠߊ߫ ߛߟߊߕߌ߯ ߕߑߙߐ߲ߔ ߝߍ߬߸ ߊ߬ ߦߴߊ߲ ߘߍ߬ߡߍ߲߫ ߠߋ߬ ߊ߲ ߧߋ߫ ߛߋ߫ ߣߊ߲߬ߕߌ߰ ߖߐ߯ߙߊ߲߫ ߝߊ߲߬ߞߊ߬ߡߊ ߟߎ߫ ߛߐ߬ߘߐ߲߬ ߠߊ߫߸ ߞߊ߬ ߛߋ߫ ߞߎ߲߬ߠߊ߬ߛߘߌ ߞߟߍ߬ ߟߊ߫، ߊ߲ ߕߍ߫ ߊߡߙߌߞߌ߬ ߞߟߍ߬ߘߋ߲߫ ߝߍ߬ ߒ߬ ߠߊ߫ ߘߎ߰ߞߟߏ ߞߊ߲߬ ߦߊ߲߬.>>
ߘߐ߬ߛߙߋ ߣߌ߲߬ ߦߋ߫ ߞߎߡߊ߫ ߟߊ߫ ߞߏ߫ ߢߍ߬ߣߍ߲߬ߡߊ߬ߓߊ߫ ߟߋ߬ ߞߊ߲߬: ߣߊߟߌ߬ߡߎ߲߫ ߘߍ߬ߡߍ߲߬ߠߌ߲߬ ߞߏ ߣߌ߫ ߞߏߟߊ߲ߘߌߦߊ߫ ߞߏ ߘߌ߫، ߞߊ߬ߕߎ߲߯߸ ߘߍ߬ߡߍ߲߬ߠߌ߲ ߦߋ߫ ߛߋ߫ ߞߍ߫ ߟߊ߫ ߞߊ߬ ߖߋ߬ߟߌ߬ߓߊ߬ߟߊ߫ ߣߊ߲߬ߕߌ߮ ߟߎ߬ ߡߊߜߍ߲߫ ߡߎ߬ߙߊ߲߫ ߝߊ߲߬ߞߊ߬ߡߊ ߟߎ߬ ߟߊ߫߸ ߊ߬ߟߎ߬ ߦߋ߫ ߛߋ߫ ߥߊ߬ߟߏ߲߬ߠߌ߲ ߞߍ߫ ߟߊ߫ ߥߎߟߊ߫ ߟߊ߫߸ ߊ߬ ߣߌ߫ ߞߊ߬ ߊߡߙߌߞߌ߬ ߣߊ߲߬ߕߌ߮ ߟߎ߬ ߟߊߣߊ߬، ߞߎߡߊ ߦߋ߫ ߦߙߐ߫ ߝߌ߬ߟߊ ߏ߬ ߟߋ ߘߐ߫، ߊ߬ ߞߏ߬ߣߌ߱߸ ߕߍߓߊ߯ߦߟߊ ߟߎ߬ ߣߌ߫ ߓߘߍ߬ߓߘߍ߬ߟߌ߬ߟߊ ߟߎ߬ ߦߴߊ߬ ߞߏ ߘߐߖߊ߬ߥߏ ߞߊ߲߬ ߊ߬ߟߎ߬ ߣߌ߫ ߢߐ߲߯ ߕߍ߫، ߊߝߙߌߞߐߡ ߘߏ߲߬ ߓߘߴߊ߬ ߟߊ߫ ߝߊ߲߬ߝߘߊ ߟߊߕߊ߯߸ ߊ߬ߟߎ߬ ߦߋ߫ ߥߊ߲ߛߌ߲ߕߐ߲߫ ߠߊ߫ ߖߋ߬ߓߌ߬ߟߌ ߡߊߞߐ߬ߣߐ߲ ߞߊ߲߬ ߘߐߙߐ߲߫߸ ߣߴߊ߬ߟߎ߬ ߘߌ߫ ߥߊ߬ ߥߟߴߊ߬ߟߎ߬ ߕߍ߫ ߥߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.