ߞߐ߬ߓߊ߬ߟߏ߲ ߛߎ ߂߀߂߅ ߞߊ߬ߙߌ߬ߝߐ ߕߟߋ߬ ߁߄ ߡߊ߬߸ ߡߙߊ߬ߒ߬ߡߊ߬ߝߋ߲߬ߕߌ߮ ߘߏ߫ ߟߎ߫ ߕߊ߯ ߘߊ߫ ߓߋ߬ ߖߋߓߎ߫ ߙߊߤߐߛߌߞߊ ߟߎ߫ ߞߊ߲߬ ߖߋ߬ߟߌ߬ߓߊ߬ߟߊ߫ ߞߣߐ߫߸ ߞߊ߬ ߡߐ߰ ߂߇ ߓߐ߬ߣߐ߫ ߊ߬ ߣߌ ߘߐ߫، ߡߐ߰ ߛߌߦߊߡߊ߲߫ ߠߋ߬ ߖߐߞߌ߫ ߞߏߖߎ߯ߦߊ ߞߍߣߍ߲߫ ߊ߬ߟߋ߬ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߓߟߏ߫߸ ߓߊ߬ߏ ߊ߬ߟߎ߬ ߕߊ߯ ߘߊ߫ ߓߋ߬ ߊ߬ߟߎ߫ ߞߊ߲߬ ߜߊ߰ߢߊ߬ߜߊ߯ߢߊ ߘߝߊߣߍ߲ ߠߋ߬ ߘߐ߫. ߓߌߦߊ߲ߜߍ߲ߠߊ ߟߎ߫ ߟߋ߬ ߕߊ߯ߣߍ߲߫ ߘߏ߲߬ ߠߊ߫ ߛߣߍ߬ߞߍ߬ߟߊ ߟߎ߫ ߞߊ߲߬ ߛߎ ߘߐ߫߸ ߊ߬ߟߎ߬ ߣߌ߫ ߡߙߊ߬ߒ߬ߡߊ߬ߝߋ߲ ߠߎ߬: ߟߏ߲ߞߊ߲ ߣߌ߫ ߡߙߎ߬ߓߊ.
ߤߊ߲ߜ߭ߊߦߌ߫ ߜ߭ߊ߲ߞߌ߫ ߡߍ߲ ߦߋ߫ ߝߘߏ߬ߓߊ߬ ߞߟߊ߬ߕߌ߰ ߘߌ߫ ߘߌ߲߬ߞߌߙߊ ߏ߬ ߘߐ߫ ߦߋ߲߬߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߡߊ߲߬ߕߙߐ߬ߓߊ߰ߕߐ ߝߊ߲߬ߓߊ ߦߋ߫ ߡߏ߬ߛߏ ߟߎ߫ ߟߋ߬ ߘߌ߫߸ ߡߍ߲ ߠߎ߬ ߓߏ߲ߣߍ߲߫ ߡߊ߬ߙߌ߬ߝߊ ߟߊ߫߸ ߞߊ߬ ߘߏ߫ ߟߎ߫ ߝߣߊ߫ ߝߊ߰ ߡߎ߬ߙߎ ߟߊ߫، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ <<ߛߐ߲߬ߒ߬ߕߊ߲߫ ߡߐ߰ ߡߎ߬ߥߊ߲ ߣߌ߫ ߥߐߙߐ߲ߝߌ߬ߟߊ߫ ߟߋ߬ ߝߊ߰ ߘߊ߫ ߡߊ߬ߙߌ߬ߝߊ ߟߊ߫߸ ߘߏ߫ ߟߎ߫ ߝߊ߰ ߘߊ߫ ߡߙߎ߬ߓߊ ߟߊ߫، ߖߐߞߌߓߊ߯ߕߐ ߟߎ߬ ߓߘߊ߫ ߟߊߕߊ߯ ߘߊ߲ߘߊߛߏ ߟߊ߫، ߊ߲ ߕߊ߫ ߖߊ߬ߕߋ߬ ߘߐ߫߸ ߊ߬ ߞߍߓߊ߮ ߟߎ߬ ߦߋ߫ ߝߎߟߊߣߍ߲߫ ߓߌߦߊ߲ߜߍ߲ߠߊ ߟߎ߫ ߟߋ߬ ߘߌ߫.>> ߊ߬ߟߎ߬ ߟߊ߫ ߟߊ߬ߛߋ߬ߟߌ ߞߵߏ߬ ߟߋ ߦߌ߬ߘߊ߬
ߡߙߊ߬ߒ߬ߡߊ߬ߟߌ ߣߌ߲߬ ߞߍ߫ ߘߊ߫ ߂߁ߙߋ߲ ߠߋ߬ ߡߊ߬ ߖߋ߬ߟߌ߬ߓߊ߬ߟߊ߫ ߞߣߐ߫߸ ߏ߬ ߡߍ߲ ߦߋ߫ ߓߍ߲߬ ߠߊ߫ ߡߊ߲߬ߘߋ߲߬ ߖߡߊߣߊ ߟߎ߫ ߂߀ߙߋ߲ ߡߊ߬߸ ߏ߬ ߞߊ߬ ߘߎ߰ ߡߐ߱ ߟߎ߫ ߓߌ߬ߟߊ߫ ߞߣߐ߬ߘߐ߬ߝߟߌ ߘߐ߫ ߞߏߛߓߍ߫. ߘߊ߬ߝ߭ߌߘ ߛ߭ߎߥߊ߲߫ ߡߍ߲ ߦߋ߫ ߖߋߓߎ߫ ߘߎ߰ߘߋ߲ ߘߏ߫ ߘߌ߫߸ ߏ߬ ߞߵߊ߬ ߝߐ߫ ߞߏ߫: <<ߡߊ߬ߙߌ߬ߝߊ߬ ߕߋ߬ ߞߊ߲߬ ߝߟߐ ߟߎ߫ ߞߵߊ߲ ߛߐ߬ߘߐ߲߫ ߛߌ߫߬ߣߐ߮ ߟߋ߬ ߘߐ߫، ߊ߬ߟߎ߫ ߞߊ߬ ߡߐ߰ ߛߌߦߊߡߊ߲߫ ߝߊ߰ ߡߊ߬ߙߌ߬ߝߊ ߟߋ߬ ߟߊ߫߸ ߞߊ߬ ߘߏ߫ ߜߘߍ߫ ߟߎ߫ ߝߣߊ߫ ߝߊ߰ ߡߙߎ߬ߓߊ ߟߊ߫.>> ߊ߬ ߓߊ߲߫ ߘߊ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߛߎ߭ ߘߏ߫ ߟߎ߫ ߖߋ߬ߣߌ߲߬ߣߍ߲ ߦߋ߫ ߘߴߊ߬ߟߎ߬ ߓߟߏ߫.
ߡߏߖ߭ߍߛ ߘߊ߬ ߛ߭ߡߏ߫ ߡߍ߲ ߝߣߊ߫ ߦߋ߫ ߦߋ߲߬ ߛߌ߰ߓߊ߮ ߘߏ߫ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߡߐ߰ ߛߊ߬ߓߊ߫ ߟߋ߬ ߝߊ߰ ߘߴߊ߬ߟߋ ߟߊ߫ ߡߐ߱ ߟߎ߬ ߘߐ߫، <<ߞߵߊ߬ ߛߐ߬ߘߐ߲߬ ߊ߬ߟߎ߬ ߡߊ߫ ߝߏߦߌ߬ ߞߍ߫، ߛߐ߲߬ߒ߬ߕߊ߲ ߠߎ߬ ߟߋ߬ ߕߘߍ߬، ߊ߬ߟߋ߬ ߛߎߡߊߒߘߐߓߊ߮ ߟߎ߫ ߣߊ߬ ߘߊ߫ ߟߋ߬ ߝߏ߯ ߒ ߓߘߊ߸ (ߊߟߊ߫ ߟߋ߬ ߞߊ߬) ߒ ߞߎ߲߬ߠߊ߬ߘߌ߬ߦߊ߬ ߘߐߙߐ߲߫.>> ߊ߬ ߖߛߎ߬ߞߊ߬ߛߌ߬ߓߊ߰ߕߐ ߞߵߏ߬ ߟߋ ߝߐ߫.
ߖߋ߬ߟߌ߬ߓߊ߬ߟߊ߫ ߟߊ߫ ߘߌ߲߬ߞߌߙߊ ߡߍ߲ ߦߋ߫ ߕߋ߲߬߸ ߣߊߟߌ߬ߡߎ߲߫ ߔߑߟߊ߬ߕߏ ߘߌ߫߸ ߞߎ߲߬ߠߊ߬ߛߘߌ ߓߘߊ߫ ߥߊ߬ߙߊ߫ ߟߋ߬ ߦߋ߲߬ ߕߋ߲߬ ߞߊߕߌ߫، ߡߊ߲߬ߞ߲ߊ ߦߋ߫ ߛߣߍ߬ߞߍ߬ߟߊ ߟߎ߬ ߣߌ߫ ߓߌߦߊ߲ߜߍ߲ߠߊ ߟߎ߫ ߟߋ߬ ߕߍ߫ ߦߋ߲߬߸ ߏ߬ ߟߎ߬ ߡߍ߲ ߠߎ߬ ߝߊ߲߬ߓߊ ߦߋ߫ ߛߌ߬ߟߊ߬ߡߊ ߟߎ߬ ߘߌ߫ ߞߊ߬ߣߌ߲߬߸ ߛߣߍ߬ߞߍ߬ߟߊ ߏ߬ ߟߎ߬ ߝߣߊ߫ ߝߊ߲߬ߓߊ ߦߋ߫ ߌߛߊߟߞߊ ߟߎ߫ ߟߋ߬ ߘߌ߫، ߊ߬ߟߎ߬ ߟߊ߫ ߡߊ߲߬ߞߊ߲ ߛߓߊߓߎ ߦߋ߫ ߘߎ߰ߞߏ߬ ߞߟߍ߫ ߘߊ߲߬ߠߊߕߊ߬ߡߌ߲߬ߣߍ߲ ߠߋ߬ ߘߌ߫ ߓߊ߲ߘߊߦߟߍߡߊ߲ ߓߟߏ߫، ߓߊߏ߬߸ ߓߍ߯ ߞߵߊ߬ ߟߐ߲߫ ߞߏ߫ ߓߌߦߊ߲߫ ߕߌ߮ ߟߎ߫ ߡߊ߬ߞߏ ߦߋ߫ ߓߌ߲߫ ߡߊ߫ ߦߙߐ ߟߎ߫ ߟߋ߬ ߟߊ߫߸ ߓߌߦߊ߲ ߠߎ߬ ߓߊߟߞߏ ߘߌ߫ ߣߐ߰ߦߊ߫ ߝߊ߲߭ ߡߍ߲ ߠߎ߬ ߘߐ߫، ߏ߬ ߟߋ ߡߊ߲߬ߞߊ߲ ߦߴߊ߬ߟߎ߬ ߣߌ߫ ߛߣߍ߬ߞߍ߬ߟߊ ߟߎ߬ ߕߍ߫߸ ߝߏ߫ ߡߙߊ߬ߒ߬ߡߊ߬ߝߋ߲߬ ߕߊ ߘߌ߫ ߓߐ߫ ߊ߬ ߘߐ߫ ߛߐ߲߬.
ߡߊ߲߬ߞߊ߲ ߣߌ߲߬ ߞߍߣߍ߲߫ ߦߙߐ ߡߍ߲ ߘߐ߫߸ ߦߋ߲߬ ߦߋ߫ ߛߌ߬ߟߊ߬ߡߊ ߟߎ߬ ߣߌ߫ ߌߛߊߟߞߊ ߟߎ߬ ߡߊߞߍ߫ ߦߙߐ ߟߋ߬ ߘߌ߫ ߖߋ߬ߟߌ߬ߓߊ߬ߟߊ߫ ߥߙߏ߬ߘߎ߮ ߘߐ߫߸ ߡߍ߲ ߡߊ߲߬ߞߊ߲߬ ߓߘߎߓߘߎ ߟߎ߬ ߞߍ߫ ߘߌߡߊ߲߫ ߥߊ߬ߥߎߟߋ ߘߌ߫، ߓߊ߬ߙߌ߬߸ ߊ߬ ߞߏ ߝߣߊ߫ ߕߊ߬ߡߌ߲ ߥߙߊ߬ ߟߊ߫ ߢߊ ߣߌ߲߬ ߡߊ߬߸ ߏ߬ ߕߊ߬ߣߍ߲߫ ߖߡߊ߬ߣߊ ߝߊ߰ߡߊ ߟߎ߬ ߟߊ߫ ߡߊ߬ߞߎ߲ ߠߋ߬ ߡߊ߬ ߦߋ߲߬ ߝߙߋߞߋ ߟߎ߫ ߡߊ߬߸ ߊ߬ߟߎ߫ ߞߢߊ߬ߣߍ߲߫ ߊ߬ߟߎ߬ ߢߊ߫ ߞߍ߫ ߟߴߊ߬ߟߎ߬ ߢߊ߫ ߘߌ߫߸ ߞߊ߬ ߞߏߟߊߕߐ߲߫ ߕߌߢߍߟߌߟߊ ߟߎ߬ ߟߊ߫.
ߞߎ߲߬ߢߐ߲߯ ߕߊ߬ߡߌ߲߬ߣߍ߲߸ ߡߙߊ߬ߒ߬ߡߊ߬ߟߌ߬ ߜߘߍ߫ ߝߣߊ߫ ߞߍ߫ ߘߊ߫ ߦߋ߲߬߸ ߞߊ߬ ߡߐ߰ ߓߌߣߊ߯ߣߌ߲߫ ߣߌ߫ ߞߐ߫ ߓߐ߬ߣߐ߫ ߊ߬ ߣߌ ߘߐ߫ ߖߘߍ߬ߞߎ߲߬ߞߊ߬ߘߊ߲߬ߠߊ ߘߏ߫ ߟߎ߫ ߓߟߏ߫߸ ߡߍ߲ ߓߍ߯ ߦߴߊ߬ ߦߌ߬ߘߊ߬ ߟߊ߫ ߞߏ߫ ߞߎ߲߬ߠߊ߬ߛߘߌ ߓߘߊ߫ ߥߊ߬ߙߊ߫ ߦߋ߲߬.
ߊߡߑߣߍߛߑߕߌ ߟߊ߫ ߝߐߟߌ߫ ߘߐ߫߸ ߞߏ߫ ߡߐ߰ ߂ ߆߀߀ ߟߋ߬ ߓߘߊ߫ ߝߊ߰ ߔߑߟߊ߬ߕߏ ߞߊ߬ߝߏ ߞߣߐ߫ ߛߊ߲߬ ߝߌ߬ߟߊ߬ ߟߊ߬ߓߊ߲ ߣߌ߲߬ ߞߣߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.