ߞߏߘߐߦߟߍߡߊ߲߫ ߓߟߋ߬ߓߟߋ߫ ߟߋ߬ ߘߏ߲߬ߣߍ߲߫ ߣߊ߲߬ߕߌ߮ ߟߎ߬ ߟߊ߫ ߞߏ ߘߐ߫ ߖߋ߬ߟߌ߬ߓߟߊ߬ ߞߣߐ߫߸ ߞߊ߬ߝߏ߬ ߖߊ߬ߛߏ߲߬ ߞߏ ߘߏ߫ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߕߊ߬ߡߌ߲ ߞߐ߫ ߞߎ߲߬ߢߐ߲߰ ߘߊ߲ߘߐ ߣߌ߲߬ ߞߣߐ߫ ߞߊ߬ߣߌ߲߬، ߒ߬ߓߊ߬߸ ߞߊ߲ߕߌ߮ ߓߘߊ߫ ߡߙߌߘߐ߫ ߕߊ߬߸ ߞߵߊ߬ ߓߍ߲߬ ߞߏ ߟߎ߬ ߥߊ߫ ߢߊ ߡߊߝߊ߬ߟߋ߲ ߡߊ߬ ߟߊ߬ߞߊ߲߬ߘߊ߬ߟߌ߬ ߞߎߟߎ߲ ߞߣߐ߫.

ߦߟߍ߬ߡߊ߲ ߠߋ߬ ߘߏ߲߬ߣߍ߲߫ ߣߊ߲߬ߕߌ߮ ߟߎ߬ ߟߊ߫ ߞߏ ߘߐ߫ ߖߋ߬ߟߌ߬ߓߟߊ߬ ߞߣߐ߫߸ ߡߍ߲ ߘߌ߯ߣߍ߲߫ ߣߊ߲߬ߕߌ߰ ߞߎ߲ߕߌ߮ ߟߎ߬ ߟߊ߫ ߞߏߛߓߍ߫، ߓߊߏ߬߸ ߞߊ߲ߕߌ߮ ߊߤߑߡߍߘ ߓߏ߬ߟߊ ߕߌ߬ߣߎ߬ߓߎ߫ ߣߐ߬ ߟߊ߬ߕߍ߰ߦߊ ߟߋ߬ ߟߊߓߐ߫ ߟߊ߫߸ ߞߊ߬ ߖߡߊ߬ߣߊ ߣߊ߲߬ߕߌ߰ ߞߎ߲ߕߌ߮ ߡߎ߰ߡߍ ߟߊߓߋ߬߸ ߝߏ߫ ߣߊ߲߬ߕߌ߰ ߟߊ߬ߛߏ߬ߓߌ߬ߟߌ ߘߊߞߎ߲ ߘߐߙߐ߲߫߸ ߡߊ߰ ߡߊ߫ ߞߍ߫ ߦߋ߲߬ ߠߋ߬ ߟߊ߫، ߡߙߌߘߐ ߏ߬ ߓߌ߬ߟߊ߬߬ ߘߊ߫ ߖߊ߬ߡߊ ߥߟߍ߫ ߞߊ߲߬ ߞߎߣߎ߲߬ ߛߌ߬ߣߌ߲߬ߟߏ߲ ߠߋ߬ ߡߊ߬ ߊߓߎߖߊ߫ ߞߣߐ߫߸ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߄ ߡߊ߬.

ߞߟߍ߬ߕߌ߰ ߏߟߎߝߋߡߌ ߏߟߎߦߘߋ߫ ߟߋ߬ ߓߌ߬ߟߊ߬ߣߍ߲߫ ߞߙߌߛߑߕߏߝߍߙ ߡߎߛߊ߫ ߣߐ߭ ߘߐ߫ ߖߡߊ߬ߣߊ ߣߊ߲߬ߕߌ߰ ߘߊ߯ߘߐ ߞߎ߲߬ߠߊ߫، ߊ߬ߟߋ ߟߋ߬ ߓߍߣߊ߬ ߞߍ߫ ߖߋ߬ߟߌ߬ߓߊ߬ߟߊ߫ ߣߊ߲߬ߕߌ߮ ߟߎ߬ ߣߎ߲ߖߟߎ ߘߌ߫ ߡߎ߬ߕߎ߲߬߸ ߖߡߊ߬ߣߊ ߏ߬ ߡߍ߲ ߓߎ߬ߘߎ߲߬ߣߍ߲߫ ߓߊ߰ߓߊ߰ߟߌ߬ ߞߏ ߣߌ߫ ߕߋ߰ߙߋ߬ߦߊ ߟߊ߫ ߥߊ߬ߞߘߐ߬ߟߊ ߟߎ߬ ߘߐ߫߸ ߊ߬ ߣߌ߫ ߛߏߞߟߍ ߣߴߏ߬ ߢߐ߲߰ ߘߐ ߟߎ߬.

ߟߊ߬ߕߍ߰ߦߊ߬ ߡߍ߲ ߦߋ߫ ߕߋ߲߬߸ ߊ߬ߟߋ߫ ߞߟߊ߬ߣߐ߬ߦߊ߬ ߘߊ߫ ߞߊ߲ߕߌ߯ߘߊ ߓߋߟߋ߲ߕߌ߮ ߟߋ߬ ߓߟߏ߫߸ ߘߎ߲ߘߋ߬ ߘߊߙߋ߫، ߣߊ߲߬ߕߌ߰ ߞߎ߲߬ߕߌ߰ ߛߌߦߊߡߊ߲߫ ߜߘߍ߫ ߟߎ߫ ߓߍ߫߸ ߏ߬ ߟߎ߬ ߓߘߊ߫ ߓߌ߬ߟߊ߫ ߟߐ߬ߘߎ߮ ߟߎ߬ ߘߐ߫ ߕߊ߲߬:

  • ߘߊ߯ߓߊ ߞߟߍ߬ߕߌ߮ ߛ߭ߊߦߌߓߎ߬߸ ߏ߬ ߟߋ ߓߌ߬ߟߊ߬ߣߍ߲߫ ߘߎ߰ߡߊ߬ ߣߊ߲߬ߕߌ߰ߘߊ ߘߊ߯ߘߐ ߞߎ߲߬ߠߊ߫.
  • ߛߊ߲ߡߊ߫ ߜߘߋߕߌ߯ ߛߙߍߞߍ ߊ߬ߣߋ߬ߞߋ߸ ߏ߬ ߟߋ ߓߌ߬ߟߊ߬ߣߍ߲߫ ߛߊ߲ߡߊ߫ ߣߊ߲ߕߌ߯ߘߊ ߘߊ߯ߘߐ ߞߎ߲߬ߠߊ߫.
  • ߖߌߕߌ߯ ߛߌ߬ߣߊ ߊ߬ߓߊߛ߸ ߏ߬ ߟߋ ߝߣߊ߫ ߓߌ߬ߟߊ߬ߣߍ߲߫ ߖߌߞߊ߲߫ ߣߊ߲ߕߌ߮ ߟߎ߬ ߟߊ߫ ߘߊ߯ߘߐ ߞߎ߲߬ߠߊ߬.

ߎ߲ߖߋߘߦߋ߫ ߡߍ߲ ߦߋ߫ ߣߊ߲߬ߕߌ߰ ߟߊ߬ߛߏ߬ߓߌ߬ߟߌ ߞߎ߲߬ߕߌ߮ ߘߌ߫߸ ߏ߬ ߟߋ ߞߋߟߋ߲߫ ߔߋ߫ ߕߏ߫ ߘߴߊ߬ ߣߐ߭ ߘߐ߫.

ߞߊ߲ߕߌ߯ߘߊ ߟߊ߫ ߝߐߟߌ߫ ߘߐ߫߸ ߞߏ߫ ߦߟߍ߬ߡߊ߲ ߣߌ߲߬ ߞߎ߲߭ ߦߋ߫ « ߓߊ߯ߙߘߊ ߟߎ߬ ߣߌ߫ ߢߐ߲߯ ߕߍ ߘߏ߲߬ߖߟߎ߬ߡߊ߬ߟߌ ߝߊ߲߬ߞߊߘߏ߲߭ ߠߋ߬ ߘߌ߫ » ߊ߬ ߣߌ߫ ߞߊ߬ ߛߋ߫ « ߡߙߌߦߊ߫ ߞߋߟߋ߲߫ ߢߐ߲߯ߦߊ ߓߊ߲ߓߊ߲߫ ߠߊ߫ ߟߊ߬ߞߊ߲߬ߘߊ߬ߟߌ ߝߙߊ߬ߕߌ߬ ߞߏ ߟߎ߬ ߟߊߘߊ߲߭ » ߘߐ߫߸ ߛߊ߫ ߡߊ߬ߝߊ ߘߌ߫ ߓߊ߲ߓߊ߲߫ ߢߊ ߡߍ߲ ߡߊ߬ ߣߊ߲߬ߕߌ߰ߦߊ ߞߣߐ߫.

ߊ߬ ߞߎ߲߬ߢߐ߲߰ ߘߊ߲ߘߐ ߟߋ߬ ߕߋ߲߬߸ ߣߊ߲߬ߕߌ߰ ߕߊ߲ ߣߌ߫ ߥߐ߯ߙߐ߫ ߢߐ߲߰ ߡߌ߬ߘߊ߬ ߘߊ߫߸ ߛߌߞߊ߫ ߞߍߣߍ߲߫ ߡߍ߲ ߠߎ߬ ߡߊ߬ ߞߊ߬ߝߏ߬ ߖߊ߬ߛߏ߲߬ ߞߏ ߘߏ߫ ߘߐ߫ ߞߊ߲ߕߌ߮ ߣߴߊ߬ ߟߊ߫ ߡߐ߱ ߟߎ߬ ߞߊ߲ߡߊ߬߸ ߏ߬ ߟߋ ߞߐ ߞߍߣߍ߲߫ ߦߟߍ߬ߡߊ߲ ߣߌ߲߬ ߘߌ߫ ߕߋ߲߬، ߡߐ߱ ߟߎ߬ ߡߊ߫ ߢߌ߬ߣߊ߬ ߦߙߐ ߏ߬ ߞߐ߫ ߡߎߣߎ߲߬ ߤߊ߲߯ ߕߋ߲߬.

ߞߊ߲ߕߌ߯ ߕߌ߬ߣߓߎ߬ ߞߎߡߊ߫ ߘߊ߫ ߡߐ߰ ߞߎߘߊ ߢߌ߲߬ ߠߎ߬ ߦߋ߫߸ ߊ߬ ߞߵߊ߬ ߦߌ߬ߘߴߊ߬ߟߎ߬ ߟߊ߫ ߟߋ߬ ߞߏ߫ ߊ߬ߟߎ߬ ߦߴߊ߬ߟߎ߬ ߘߐߖߊ߬ ߞߊ߬ ߛߋ߫ ߖߡߊ߬ߣߊ ߟߊ߫ ߟߊߒߠߦߊ ߛߐ߬ߘߐ߲߬ ߠߊ߫، ߞߊ߬ ߞߊߘߊ߲ ߓߍ߯ ߞߍ߫߸ ߞߊ߬ ߖߊ߲߬ߕߏ߬ߒ߬ߘߐ ߞߍ߫ ߊ߬ߟߎ߬ ߢߍߡߌߣߊ߫ ߜߘߋ ߘߌ߫߸ ߞߊ߬ ߕߋߙߌߦߊ ߣߌ߫ ߡߊ߬ߝߊ ߝߊ߲߬ߞߊߘߏ߲߬ ߣߊ߲߬ߕߌ߮ ߟߎ߬ ߣߌ߫ ߢߐ߲߯ ߕߍ߫، ߊ߬ ߞߊ߬ ߝߏ߬ߟߌ ߟߊߛߋ߫ ߞߟߍ߬ߕߌ߯ ߞߙߌߛߑߕߏߝߍߙ ߡߎߛߊ߫ ߡߊ߬߸ ߏ߬ ߟߊ߫ ߝߊ߬ߛߏ߬ ߞߊߣߌ߲ ߞߏߛߐ߲߬߸ ߊ߬ ߣߴߊ߬ ߟߊ߫ ߞߎ߲߬ߕߌ߰ ߓߘߍ߬ߦߊ ߞߏߛߐ߲߬ ߥߊ߯ߕߌ߫ ߜߍߟߍ߲ ߢߌ߲߬ ߠߊ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.