ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߞߊ߲ߕߌ߮ ߣߐ߬ ߖߋ߬ߟߌ߬ߓߊ߬ߟߊ߫ ߞߊ߬ߝߏ߫ ߖߘߍ߬ߕߌ߮ ߟߋ߬ ߡߊߛߌߟߊ߲߫ ߠߊ߫ ߜߍ ߘߐ߫ ߣߌ߲߬ ߥߛߊߞߙߊ߫߸ ߞߵߊ߬ ߦߌ߬ߘߊ߬ ߞߏ߫ ߌߛߊ߫ ߣߊߡߎ߲ ߘߏ߲߬ߞߏ ߟߎ߬ ߦߋ߫ ߛߍ߰ߓߊ߫ ߟߋ߬ ߘߐ߫ ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߣߐ߫، ߏ߬ ߘߐ߫߸ ߣߴߊ߬ߟߎ߬ ߡߊ߫ ߢߊ߫ ߢߌߣߌ߲߫ ߏ߬ ߞߏ ߡߊ߬߸ ߞߏ߫ ߊ߬ ߘߌ߫ ߊߡߙߌߞߌ߬ ߣߊ߲߬ߕߌ߮ ߟߎ߬ ߟߊߕߊ߯ ߊ߬ߟߎ߬ ߦߋ߲߬.

ߘߏߣߊߟ ߕߑߙߐ߲ߔ ߣߐ߬ ߗߋߛߓߍ ߘߏ߫ ߟߋ߬ ߟߊߖߍ߲ߛߍ߲߫ ߠߴߊ߬ ߟߊ߫ ߖߊ߬ߕߋ߬ߘߊ ߟߊ߫ ߕߙߎߛ ߛߏߛ߭ߊߟ ߞߊ߲߬߸ ߞߵߊ߬ ߝߐ߫ ߊߡߙߌߞߌ߬ ߞߍ߬ߟߍ ߞߏߕߌ߮ (ߔߍ߲ߕߊߜ߭ߐߣ) ߦߋ߫߸ ߞߏ߫ ߊ߬ߟߴߊ߬ߟߎ߬ ߓߟߏߘߐߓߍ߲߬.

ߘߏߣߊߟ ߕߑߙߐ߲ߔ ߞߊ߲߫ ߠߋ߬߸ ߞߏ߫ ߣߴߊ߬ߟߎ߬ ߕߊ߯ ߘߊ߫ ߦߋ߲߬߸ ߊ߬ߟߎ߬ ߓߍߣߊ߬ ߜߊ߬ߟߏ ߟߊ߫ ߓߊ߰ߓߊ߰ߟߌ߬ߟߊ ߟߎ߫ ߞߊ߲߬ ߦߋ߲߬ ߝߋߎ߫߸ ߏ߬ ߟߎ߬ ߡߍ߲ ߠߎ߬ ߦߋ߫ ߥߊ߫ ߟߊ߫ ߓߊ߰ ߟߊ߫ ߌߛߊ߫ ߘߌ߯ߣߊ ߘߏ߲߬ߞߏ ߟߎ߫ ߡߊ߬ ߦߋ߲߬ ߕߋ߲߬ ߝߎ߯ߝߊߕߌ߫.

<<ߣߴߊ߲ ߥߊ߫ ߘߊ߫ ߡߊ߬ߙߴߊ߬ߟߎ߫ ߡߊ߬߸ ߊ߬ ߞߏ ߟߞߊߟߌߦߊߕߐ߫ ߟߋ߬߸ ߊ߬ ߘߏ߲߬ ߘߌ߫ ߜߟߍ߬ߦߴߊ߬ߟߎ߫ ߡߊ߬ ߞߏߛߓߍ߫߸ ߓߊߏ߬ ߗߌߙߏ߲ߠߌ߲߫ ߕߴߊ߬ ߘߐ߫، ߊ߬ ߜߟߍ߬ߦߊ߬ߕߐ߫ ߓߊ߰ߓߊ߰ߟߌ߬ߟߊ ߟߎ߫ ߡߊ߬ ߟߋ߬߸ ߦߏ߫ ߊ߬ߟߎ߬ ߝߣߊ߫ ߦߋ߫ ߜߊ߬ߟߏ ߟߊ߫ ߟߊ߫ ߌߛߊ߫ ߣߊߡߎ߲ ߘߏ߲߬ߞߏ ߟߎ߫ ߞߊ߲߬ ߢߊ ߡߍ߲ ߡߊ߬.>>

ߊ߬ ߓߊ߲߫ ߘߊ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߣߌ߫ <<ߖߋ߬ߟߌ߬ߓߊ߬ߟߊ߫ ߞߎ߲߬ߠߊ߬ߛߌ߮ ߕߏ߫ ߘߴߊ߬ ߢߊ ߟߊߜߊ߲߫ ߌߛߊ߫ ߘߌ߲ߞߏ ߟߎ߬ ߝߊ߰ ߞߏ ߡߊ߬ ߦߋ߲߬ ߕߋ߲߬߸ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߓߍߣߵߊ߬ ߟߊ߫ ߘߍ߬ߡߍ߲ ߡߎ߰ߡߍ ߓߟߏߕߍ߰ ߖߋ߬ߟߌ߬ߓߊ߬ߟߊ߫ ߡߊ߬، ߊ߬ ߘߊ߲߬ ߕߴߏ߬ ߘߌ߫ ߘߋ߬߸ ߊߡߙߌߞߌ߬ ߘߌ߫ ߣߊ߬ ߣߊ߲߬ߕߌ߮ ߟߎ߬ ߘߌ߫ ߖߋ߬ߟߌ߬ߓߟߊ߬ ߞߊ߲ߡߊ߬߸ ߖߡߊ߬ߣߊ ߏ߬ ߡߍ߲ ߦߋ߫ ߌߛߊ ߣߊߡߎ߲ ߘߏ߲߬ߞߏ ߟߎ߫ ߡߐ߬ߟߐ ߓߐ߫ ߟߴߊ߬ߟߎ߬ ߟߊ߫߸ ߊߡߙߌߞߌ߬ ߘߌ߫ ߣߵߊ߬ߟߎ߬ ߞߊ߲ߡߊ߬ ߞߟߍ߬ߡߎߙߊ߲ ߘߌ߫߸ ߞߊ߬ ߓߊ߬ߓߊ߰ߟߌ߬ߟߊ߫ ߛߌ߬ߟߡߊ߬ ߝߊߕߐ ߏ߬ ߟߎ߬ ߟߊߜߊ߬ߣߊ߲߬߸ ߡߍ߲ ߠߎ߬ ߦߋ߫ ߘߊ߲߬ߠߊ߬ߕߊߡߌ߲ ߣߌ߫ ߞߘߊ߬ߜߟߍ߬ߦߊ ߞߊ߲߬ (…) ߏ߬ ߟߋ ߘߐ߫߸ ߒ ߧߋ߫ ߖߊ߬ߡߊߙߌ ߘߌ߫ ߟߊ߫ ߒ߬ ߠߊ߫ ߞߍ߬ߟߍ ߞߏߕߌ߮ ߡߊ߬߸ ߊ߬ ߦߴߊ߬ ߘߐߓߍ߲߬ ߕߊ߯ߟߌ߫ ߞߊ߲ߡߊ߬ ߌߞߘߐ߫، ߣߴߊ߲ ߘߏ߲߬ ߥߊ߫ ߘߊ߫ ߡߊ߬ߙߴߊ߬ߟߎ߫ ߡߊ߬߸ ߊ߬ ߞߏ ߟߞߊߟߌߦߊߕߐ߫ ߟߋ߬߸ ߤߌߣߊ߫ ߕߴߊ߬ ߘߐ߫..>> ߕߑߙߐ߲ߔ ߟߋ߬ ߞߊ߲߫ ߕߋ߲߬.

ߊߡߙߌߞߌ߬ ߞߊ߲ߕߌ߮ ߞߏ߬ߣߌ߲ ߓߘߊ߫ ߞߟߊߦߊ ߞߍ߫ ߖߋ߬ߟߌ߬ߓߊ߬ߟߊ߫ ߞߎ߲߬ߠߊ߬ߛߌ߮ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߞߎ߲߬ߠߊ߬ߘߌߦߊ ߡߍ߲ ߏ߬ ߟߎ߫ ߞߊ߲߬߸ ߏ߬ ߟߋ ߊ߬ߟߎ߬ ߛߋߞߏ ߞߍ ߘߌ߫ ߖߏߣߊ߫ ߘߋ߬.

ߊߡߙߌߞߌ߬ ߞߍ߬ߟߍ ߞߏߕߌ߮ ߔߌߕ ߤߍߖ߭ߌߛ ߞߵߊ߬ ߦߌ߬ߘߊ߬ ߞߏ߫: <<ߞߏߛߓߍ߫ ߛߟߊߕߌ߮߸ ߜߊ߬ߟߏ ߡߍ߲ ߟߊ ߦߴߌߘߐ߫ ߌߛߊߡߐ߮ ߟߎ߫ ߞߊ߲߬ ߖߋ߬ߟߌ߬ߓߊ߬ߟߊ߫ ߞߣߐ߫߸ ߊ߬ ߣߌ߫ ߘߎߢߊ߫ ߢߊߝߍ߬߸ ߏ߬ ߓߍ߯ ߞߊ߫ ߞߊ߲߫ ߠߋ߬ ߞߊ߬ ߟߊߟߐ߬ ߌߞߘߐ߫، ߞߍ߬ߟߍ ߞߏߕߌ߯ߘߊ ߦߴߊ߬ ߓߟߏߘߐߓߍ߲߭ ߞߊ߲߬ ߞߊ߬ ߞߏ ߘߏ߫ ߞߍ߫ ߖߏߣߊ߫، ߏ߬ ߘߐ߫߸ ߖߋ߬ߟߌ߬ߓߊ߬ߟߊ߫ ߞߎ߲߬ߠߊ߬ߛߌ߮ ߟߎ߬ ߦߋ߫ ߌߛߊߡߐ߮ ߟߎ߬ ߟߊߕߊ߲߬ߞߊ߬ ߖߏߣߊ߫߸ ߥߟߊ߫ ߊ߲ߠߎ߬ ߖߍ߬ߘߍ ߢߊ ߦߋ߫ ߓߐ߫ ߜߍ ߘߐ߫ ߞߊ߬ ߥߊ߫ ߓߊ߰ߓߊ߰ߟߌ߬ߟߊ߫ ߜߘߋߜߘߋߦߟߊ ߢߌ߲߬ ߠߎ߬ ߟߊߜߊ߬ߣߊ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.