ߓߌ߬ ߞߐ߬ߓߊ߬ߟߏ߲ ߢߌ߲߬ ߠߋ߬ ߡߊ߬߸ ߞߐߝߟߌ ߓߊ߲ߝߟߍ߬ߟߍ ߟߎ߬ ߡߊߞߐ߬ߣߐ߲߬ߣߍ߲߫ ߜߋ߲ߞߐ߰ߖߌ߬ߘߊ ߞߣߐ߫߸ ߝߟߐߡߊ ߡߍ߲ ߠߎ߬ ߟߊߓߐߣߍ߲߫ ߢߣߊߕߊߟߌ ߥߛߊ߬ߓߊ߰ߦߊ ߓߟߏ߫ ߡߎߣߎ߲߬߸ ߏ߬ ߦߋ߫ ߊߟߛߊߣ ߘߙߊ߬ߡߊߣ ߥߊߕߙߊ߫ ߟߊ߫ ߢߍߓߊ߯ߦߊ ߟߋ߬ ߝߐ߫ ߟߊ߫ ߝߙߋߟߋ߲߫߸ ߏ߬ ߡߍ߲ ߡߊ߫ ߓߊ߬ߙߊ߫ ߡߐ߰ ߛߌߦߊߡߊ߲߫ ߘߐ߫ ߞߊ߬ߣߌ߲߬، ߗߍ߭ ߣߌ߲߬ ߛߊ߲߬ ߈߃ ߟߋ߬ ߕߋ߲߬߸ ߊ߬ ߞߍߕߐ߫ ߟߐ߬ߒ߬ߞߋ߬ߟߊ߬ ߣߊ߯ߣߌ߲ߣߊ߲ ߠߋ߬ ߞߍ߫ ߟߊ߫ ߕߋ߲߬.
ߛߌ߰ ߞߍ߫ ߘߊ߫ ߞߊ߬ ߡߐ߰ ߞߋ߲߬ߥߟߎ߬ ߈،߇ ߟߋ߬ ߡߊߞߐ߬ߣߐ߲߬ ߢߣߊߕߊߟߌ߫ ߖߛߊ ߟߎ߬ ߞߣߐ߫߸ ߓߊ߬ߙߌ߬ %߅߀ ߟߋ߬ ߞߊ߬ ߞߟߌߟߌ ߏ߬ ߖߋ߬ߓߌ߬߸ ߞߊ߬ ߥߴߊ߬ߟߎ߬ ߘߌߦߊߣߊ߲ ߛߎߥߊ߲ߘߌ߫ ߢߣߊߕߊߟߌ߫ ߛߓߍߘߊ ߟߎ߬ ߞߣߐ߫.
ߢߣߊߕߊߟߌ ߥߛߊ߬ߓߊ߰ߦߊ߬ ߘߍߒߖߘߍߟߊ ߞߊ߬ ߞߎߣߎ߲߬ ߞߊ߯ߙߌ ߕߋ߬ߟߋ ߓߊ߲߫ ߢߣߊߕߊߟߌ ߞߐߝߟߌ߫ ߞߎ߲߬ߝߟߐ ߟߎ߬ ߟߊߓߐ ߟߋ߬ ߟߊ߫ ߤߊ߲߯ ߞߵߊ߬ ߛߌ߰ ߛߎ ߟߊ߫߸ ߛߌ߰ߘߊ߫ ߁߁߁ ߡߍ߲ ߠߎ߬ ߦߋ߫ ߦߋ߲߬߸ ߞߵߏ߬ ߟߊ߫ ߊߓߌߖߊ߲߬ ߣߐ߬ߘߎ߮ ߟߎ߫ ߞߊ߲߬߸ ߊ߬ ߣߌ߫ ߦߊߡߎ߬ߛߏ߬ߞߙߐ߫߸ ߊ߬ߟߎ߫ ߞߵߏ߬ ߟߎ߬ ߓߍ߯ ߕߊ ߘߌ߫ ߟߋ߬.
ߊ߬ ߓߘߊ߫ ߦߌ߬ߘߊ߬ ߞߏ߫ ߓߌ߬ ߞߐ߬ߓߊ߬ߟߏ߲ ߣߌ߲߬ ߁߁ߙߋ߲ ߡߊ߬߸ ߊ߬ߟߎ߬ ߓߍߣߊ߬ ߖߋ߬ߓߌ߫ ߞߎ߲߬ߝߟߐ ߟߎ߫ ߕߐ߭ ߟߊߓߐ߫، ߝߣߊ߫߸ ߞߵߊ߬ ߕߊ߬ ߕߟߋ߬ߞߎߣߊ ߡߊ߬ ߓߌ߬ ߞߊ߬ ߥߊ߫߸ ߞߊ߲ߕߌ߮ ߡߍ߲ ߛߎߥߊ߲ߘߌߣߍ߲߫ ߓߊ߯ ߞߍ߫߸ ߡߍ߲ ߣߐ߬ ߓߊ߯ ߞߍ߫ ߘߊ߬ߘߌ߬ߟߌ ߞߍ߫ ߟߊ߫ ߖߐ߫߸ ߊ߬ߟߎ߬ ߘߴߏ߬ ߝߐ߫߸ ߞߵߏ߬ ߞߍ߫ ߖߋ߬ߓߌ ߓߊ߲ߝߟߍ߬ߟߍ ߘߌ߫.
ߣߴߌ ߞߊ߬ ߜߋ߲ߞߐ߰ߖߌ߬ߘߊ ߞߐ߰ߘߎ߮ ߕߊ߬߸ ߦߋ߲߬ ߡߍ߲ ߝߊ߲߬ߓߊ ߛߌ߰ߓߊ߮ ߦߋ߫ ߖߎ߬ߟߊ ߟߎ߬ ߘߌ߫߸ ߊߟߛߊߣ ߥߊߕߙߊ߫ ߖߍ߬ߘߍ ߦߋ߫ ߖߎ߬ߟߊ ߏ߬ ߟߋ ߘߌ߫߸ ߊ߬ ߞߊ߬ ߘߊ߬ߘߌ߬ߟߌ߫ ߘߍ߬ߜߍ ߞߍ߫ ߦߋ߲߬ ߠߎ߬ ߘߐ߫ ߟߋ߬ ߝߛߊߦߌ߫߸ ߦߏ߫ ߛߊ߲߭ ߕߐ߭ ߟߎ߬ ߕߊ ߦߋ߫ ߢߊ ߡߍ߲ ߡߊ߬.
ߛߜ߭ߋߟߊ߫߸ ߊ߬ ߞߊ߬ %߉߈،߄߄ ߠߋ߬ ߞߍ߫ ߦߋ߲߬߸ ߞߊߣߌ߫ ߓߊ߬߸ ߞߐ߲߫ ߓߊ߬߸ ߊ߬ ߞߊ߬ ߉߉،߇ ߠߋ߬ ߞߍ߫ ߦߋ߲߬ ߠߎ߬ ߘߐ߫߸ ߣߴߌ ߘߏ߲߬ ߞߊ߬ ߝߙߋߞߛߋߘߎ߰ ߕߊ߬߸ ߊ߬ ߞߊ߬ %߉߈،߁ ߠߋ߬ ߛߐ߬ߘߐ߲߫ ߦߋ߲߬߸ ߛߌߣߋߡߗߊߟߌ߫ ߝߣߊ߫ ߞߊ߬ %߉߇،߈ ߠߋ߬ ߟߊߓߐ߫، ߊ߬ ߘߏ߲߬߸ ߜߋ߲ߞߐ߰ߖߌ߬ߘߊ ߞߏ߲ߞߏ߫ ߞߣߐ߫ ߦߙߐ ߡߍ߲ ߠߴߏ߬ ߘߌ߫߸ ߏ߬ ߟߎ߬ ߦߋ߫ ߓߐ߫ ߟߊ߫ ߟߋ߬ ߢߣߊߕߊߟߌ ߘߐ߫ ߔߎ߫߸ ߊ߬ߟߎ ߟߊ߫ ߕߘߍ߬ߒ߬ߘߐ߬ߟߌ ߦߋ߫ %߁߀߀ ߡߊߛߎ߬ߘߎ߲߬ߧߊ߬ ߟߊ߫ ߟߋ߬ ߞߘߊߎ߫.
ߥߙߏ߬ߘߎ߮ ߘߐ߫߸ ߊ߬ ߣߌ߫ ߕߟߋ߬ߓߋ ߘߐ߫߸ ߢߣߊߕߊߟߌ߫ ߛߓߍߘߊ ߘߏ߫ ߟߎ߫ ߘߐߞߏߟߏ߲ ߠߋ߬ ߖߍ߬ߘߍ ߕߘߍ߬߸ ߘߏ߫ ߟߎ߫ ߕߘߍ߬ߒ߬ߘߐ߬ߟߌ ߗߡߍ߬ߘߐ߬ߦߊ߬ ߖߌ߰ߣߍ߲߫ ߕߘߍ߬ ߔߙߐߔߙߐ߫، ߓߊ߬ߙߌ߬ ߏ߬ ߓߍ߯ ߣߴߊ߬ ߕߊ߬߸ ߊߟߛߊߣ ߥߊߕߙߊ߫ ߟߋ߬ ߢߍ ߘߐ߫ ߖߐ߫، ߤߊߟߌ߬ ߞߏߞߏߘߌ߫ ߞߊ߬ߝߏ߬ߙߋ߲ ߞߣߐ߫ ߊߓߌߖߊ߲߬߸ ߏ߬ ߕߘߍ߬ߒ߬ߘߐ߬ߟߌ ߕߍ߬ߘߍ߫ %߂߀ ߠߋ߬ ߘߌ߫߸ ߓߊ߬ߙߌ߬ ߥߊߕߙߊ߫ ߞߊ߬ %߆߈ ߠߋ߬ ߛߐ߬ߘߐ߲߫ ߦߋ߲߬.
ߡߊ߬ߡߌ߬ߘߊ߬ߟߌ߬ߟߊ߫ ߡߐ߰ ߣߊ߯ߣߌ߲ ߘߐ߫߸ ߡߐ߰ ߞߋߟߋ߲߫ ߓߍ߫ ߞߏ߫ ߗ߭ߊ߲߭ ߟߎ߬ߥߌ ߓߋߟߐ߲߫߸ ߏ߬ ߣߐ߬ « ߖߋ߬ߓߌ߬ ߝߟߐߡߊ » ߟߎ߬ ߦߋ ߡߍ߲ ߞߍ߫ ߟߊ߫ ߌߞߘߐ߫߸ ߊ߬ ߞߊ߬ « ߞߎߟߎ߲ߖߋߟߌ ߟߊߛߋ߫ ߞߊ߲ߕߌ߯ ߓߐߕߊ ߡߊ߬ ߊ߬ ߟߊ߫ ߛߎߘߊ߲ߠߌ߲ ߞߏߛߐ߲߬ ».
ߊ߬ ߞߊ߬ ߕߊ߲߬ߘߏ߬ߟߌ ߞߍ߫ ߢߣߊߕߊߟߌ ߕߊ߬ߡߌ߲ ߠߊ߫ « ߖߛߎ߬ߛߎߡߊ ߘߐ߫ ߦߙߐ߫ ߛߌߦߊߡߊ߲߫ » ߘߐ߫، ߓߊ߬ߙߵߊ߬ ߞߊ߬ ߞߏ߫ ߞߋߟߋ߲ ߡߍ߲ ߞߎ߬ߘߎߛߌ߰ ߊ߬ ߞߊ߲ߠߊ߫߸ ߏ߬ ߟߋ ߞߍ߫ ߘߊ߫ « ߢߣߊߕߊߟߌߟߊ ߟߎ߬ ߟߊ߫ ߕߜߋߦߊ » ߘߌ߫ ߕߌ߲߬ߞߎߘߎ߲ ߘߏ߫ ߟߎ߫ ߞߣߐ߫.
ߣߴߊߟߎ߫ ߞߵߊ߬ ߡߊߝߟߍ߫߸ ߕߘߍ߬ߒ߬ߘߐ߬ߟߌ ߗߡߍߘߍ߬ߦߊ߬ ߕߌ߯ߕߌ߮ ߡߊ߫ ߟߐ߲߫ ߡߎߣߎ߲߬ ߘߋ߬߸ ߓߊ߬ߙߌ߬ ߢߣߊߕߊߟߌ ߥߛߊ߬ߓߊ߰ߦߊ߬ ߘߍߒߖߘߍߟߊ ߞߊ߲ߕߌ߮ ߊߓߙߊߤߌߡ ߞߎ߬ߟߌߓߊ߬ߟߌ߬ ߞߵߊ߬ ߖߊ߬ߕߋ߬ߛߎ ߝߐ߫ ߞߎ ߞߍ߲ߘߍߟߏ߲߸ ߞߏ߫ ߊ߬ ߦߋ߫ %߅߀ ߢߐ߲߰ ߠߋ߬ ߘߐ߫.
ߢߣߊߕߊߟߌ ߣߌ߲߬ ߞߏ߬ߣߌ߲ ߞߍߣߍ߲߫ ߠߋ߬߸ ߕߐ߯ߟߡߊ ߘߏ߫ ߟߎ߫ ߡߊ߫ ߛߐ߬ߘߐ߲߫ ߊ߬ ߘߐ߫߸ ߘߎߢߊ߫ ߜߍߓߏ߲ߦߟߊ߫ ߕߌ߬ߖߊߣ ߗߊߡ ߓߊ߬߸ ߞߊ߲ߕߌ߯ ߞߘߐ߫ ߟߏߙߊ߫ ߜߊ߬ߜߏ߫ ߓߊ߬߸ ߏ߬ ߟߎ߬ ߛߌ߫ ߡߊ߫ ߛߐ߬ߘߐ߲߬ ߢߣߊߕߊߟߌ ߘߐ߫ ߞߍ߲ߘߍߟߏ߲߫ ߕߊ߬ߡߌ߲߬ߣߍ߲߸ ߊ߬ߟߎ ߓߍ߯ ߡߊߕߊ߯ ߘߊ߫ ߟߋ߬߸ ߞߵߊ߬ߟߎ߬ ߜߍ߲߫ ߞߵߊ߬ߟߎ߬ ߕߐ߮ ߓߐ߫ ߢߣߊߕߊߟߌ ߡߊ߬ߡߌ߬ߘߊ߬ߟߌ߬ ߛߓߍ ߞߣߐ߫ ߝߋߎ߫، ߕߌ߬ߖߊߣ ߕߊ ߞߎ߲߭ ߞߍ߫ ߘߊ߫ ߝߊ߬ߛߏ߬ߦߊ߬ ߛߓߍ߬ ߞߏ ߟߋ߬ ߘߌ߫߸ ߜߊ߬ߜߏ߬ ߕߊ ߞߎ߲߭ ߞߍ߫ ߘߴߊ߬߬ ߖߊ߲߬ߞߌ ߟߋ߬ ߘߌ߫ ߞߏߟߊߕߐ߲߲ ߘߐ߫.
ߊ߬ ߦߌ߬ߘߊ߬ ߘߊ߫ ߞߏ߫ ߡߐ߰ ߝߌ߬ߟߊ߫ ߟߋ߬ ߝߊ߰ ߘߊ߫ ߞߍ߲ߘߍߟߏ߲ ߡߊ߬.
ߣߴߌ ߞߊ߬ ߢߣߊߕߊߟߌ߫ ߕߊ߬ߡߌ߲߬ߣߍ߲ ߕߊ߬߸ ߡߍ߲ ߞߍ߫ ߘߊ߫ ߂߀߂߀ ߠߊ߫߸ ߣߌ߫ ߥߊߕߙߊ߫ ߞߊ߬ %߉߄ ߛߐ߬ߘߐ߲߫ ߏ߬ ߘߐ߫߸ ߏ߬ ߝߣߊ߫ ߕߘߍ߬ߒ߬ߘߐ߬ߟߌ ߕߍ߬ߘߍ߫ %߅߀ ߟߋ߬ ߘߌ߫.
ߒ߬ߓߊ߬ ߞߍ߲ߘߍߟߏ߲߫ ߕߊ߬ߡߌ߲߬ߣߍ߲߸ ߊ߬ ߣߌ߫ ߡߐ߰ ߣߊ߯ߣߌ߲߫ ߠߋ߬ ߢߊ ߥߛߎߣߍ߲߫ ߕߘߍ߬ ߢߐ߲߮ ߢߊ ߘߐ߫ ߓߊ߬ߙߵߊ߬ߟߎ߬ ߛߌ߫ ߡߊ߫ ߛߴߊ߬ ߜߍ߬ߟߍ߲߬ߞߘߎ ߟߊ߫.
ߟߊ߬ߞߙߐ߬ߛߌ߬ߟߌ ߟߎ߫ ߞߵߊ߬ ߦߌ߬ߘߊ߬ ߞߏ߫ ߡߊ߲߬ߞߊ߲ ߥߟߌ߬ ߘߊ߫ ߢߣߊߕߊߟߌ߫ ߘߌ߲ߞߌߙߊ %߂ ߟߋ߬ ߞߣߐ߫߸ ߥߟߊ߫ ߦߙߐ߫ ߂߀߀ ߢߐ߲߰߸ ߞߊ߬ ߝߘߊ߫ ߕߐ߲ߓߟߏߡߊ ߟߎ߬ ߟߊ߫ ߖߊ߬ߕߋ߬ ߝߐߣߍ߲ ߠߊ߫ ߡߍ߲ ߡߊߛߐ߬ߘߐ߲߬ ߘߴߊ߲ ߓߟߏ߫.
ߞߣߐߟߊ ߞߏߕߌ߮ ߝ߭ߊߜ߭ߏ߲ߘߏ߫ ߖߏ߬ߡߊ߲߬ߘߋ߲߫ ߞߵߊ߬ ߦߌ߬ߘߊ߬ ߞߏ߫ ߡߊ߲߬ߞߊ߲߬ߓߊ ߞߍ߫ ߘߊ߫ ߢߣߊߕߊߟߌ ߖߎ߭ߛߌ߰ ߕߎߡߊ ߟߋ߬.
ߢߣߊߕߊߟߌ ߣߌ߲߬ ߘߐ߫߸ ߡߐ߰ ߡߎ߬ߥߊ߲ ߣߌ߫ ߝߌ߬ߟߊ߫ ߟߋ߬ ߖߐߞߌ߫ ߘߊ߫߸ ߘߏ߫ ߟߎ߫ ߕߊ ߞߍ߫ ߘߊ߫ ߞߌ߬ߛߍ ߟߊ߫߸ ߘߏ߫ ߟߎ߫ ߕߊ ߞߍ߫ ߘߊ߫ ߡߎ߬ߙߎ ߣߴߊ߬ ߢߐ߲߰ ߘߐ ߟߎ߬ ߟߊ߫، ߘߋ߲ߣߍ߲߫ ߛߊ߲߬ ߁߃ ߘߏ߫ ߝߣߊ߫ ߝߊ߰ ߘߊ߫߸ ߞߵߏ߬ ߟߊ߫ ߓߙߎߞߌߣߞߊ߫ ߞߋߟߋ߲߫ ߞߊ߲߬.
ߖߊ߬ߕߋ߬ߡߌ߬ߣߊ߬ ߓߟߏ ߡߊ߬߸ ߞߵߊ߬ ߕߊ߬ ߢߣߊߕߊߟߌ ߣߌ߲߬ ߞߏ ߟߎ߬ ߘߊߡߌ߬ߣߊ ߡߊ߬ ߞߵߊ߬ ߛߌ߰ ߛߌߛߍ߲߬ ߠߊ߫߸ ߡߐ߰ ߥߐ߯ߙߐ߫ ߢߐ߲߰ ߠߋ߬ ߓߘߊ߫ ߓߐ߬ߣߐ߫ ߊ߬ ߣߌ ߘߐ߫ ߞߏ߲ߓߌߕߌ߮ ߕߍߡߟߊ ߣߌ߫ ߥߊ߯ߕߌ ߣߌ߲߬ ߕߍ߫.
ߟߊ߬ߛߋ߬ߟߌ ߡߍ߲ ߞߍ߫ ߘߊ߫ ߝߘߏ߬ߓߊ߬ ߞߟߊߘߊ ߓߟߏ߫߸ ߣߴߊ߬ ߞߣߐߞߍߣߍ߲߫ ߜߊ߬ߜߏ߬ ߣߌ߫ ߕߌ߬ߖߊߣ ߗߊߡ ߠߊ߫߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߡߐ߰ ߥߐߙߐ߲ߝߌ߬ߟߊ߫ ߟߋ߬ ߓߣߐ߬ߣߴߊ߬ ߣߌ ߘߐ߫߸ ߏ߬ ߝߐ߫ ߘߴߊ߬ߟߎ߬ ߓߟߏ߫ ߞߎߣߎ߲߬ ߞߊ߯ߙߌ ߛߎ ߟߋ ߘߐ߫.
ߊ߬ߟߎ߬ ߡߐߣߍߣߍ߲ ߞߵߊ߬ ߦߌ߬ߘߊ߬ ߞߏ߫ « ߘߎߢߊ߫ ߗߋߘߋ߲ ߠߎ߬ ߡߊߞߎ߲߬ߣߴߏ߬ ߡߊ߬ ߜߘߎ߫ » ߞߏ߫ ߊ߬ߟߎ߬ ߓߘߴߊ߬ߟߎ߬ ߢߊ ߓߍ߲߬߸ ߥߊߕߙߊ߫ ߦߋ߫ ߛߊ߬ߙߌ߬ߦߊ߬ ߛߐߛߐ ߟߎ߫ ߞߊ߲߬، ߏ߬ ߟߋ ߘߐ߫߸ ߞߏ߫ ߊ߬ߟߎ ߞߊ߬ ߡߍ߲ ߟߐ߲߫߸ ߏ߬ ߟߋ ߢߣߊߕߊߟߌ ߣߌ߲߬ ߡߊߛߊ߬ߦߌ߲ ߘߌ߫ ߘߏߦߌ߲߫߸ ߣߴߏ߬ ߕߍ߫ ߊ߬ߟߎ߬ ߡߊ߫ ߓߍ߲߬ ߣߌ߲߬ ߡߊ߬ ߝߋߎ߫.
ߊߟߎ߫ ߦߴߊ߬ ߟߐ߲߫߸ ߜߋ߲ߞߐ߰ߖߌ߬ߘߊ ߢߣߊߕߊߟߌ ߝߊ߲߬ߓߊ ߦߋ߫ ߞߍ߫ ߟߊ߫ ߡߊ߲߬ߞߊ߲ ߠߎ߬ ߟߋ߬ ߘߐ߫߸ ߂߀߁߀ ߠߊ߫߸ ߡߐ߰ ߃ ߀߀߀ ߢߐ߲߰ ߠߋ߬ ߝߊ߰ ߘߊ߫، ߂߀߂߀ ߠߊ߫߸ ߡߐ߰ ߈߅ ߢߐ߲߰ ߠߋ߬ ߝߊ߰ ߘߊ߫.
ߢߌ߬ߣߊ߲߬ ߕߊ ߣߌ߲߬ ߘߐ߫߸ ߕߐ߲ߓߟߏߡߊ߫ ߄߄ ߀߀߀ ߠߋ߬ ߟߊߖߌ߰ ߘߊ߫ ߖߡߊ߬ߣߊ ߢߊߝߍ߬߸ ߞߊ߬ ߓߊ߲߫ ߞߊ߬ ߝߘߏ߬ߓߊ߬ ߞߟߊߘߊ ߟߊ߫ ߔߊߞߌߛߦߊ ߓߍ߯ ߟߊߕߐ߲߫ ߜߘߋߜߘߋ߫߸ ߝߏ߫ ߊ߬ߟߎ߫ ߞߊ߬ ߡߐ߰ ߗߡߍ߬ ߣߌ߫ ߞߐ߫ ߡߌ߬ߘߊ߫ ߖߊ߬ߡߊ ߟߊ߫ ߖߛߎ߬ߛߎߡߊ ߘߐߖߐ߲߰ߛߐ߲ ߞߏߛߐ߲߬ ߊ߬ߟߎ߬ ߓߟߏ߫ ߔߊߞߌߛߦߊ ߕߐ߯ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.