ߞߎߣߎ߲߬ ߞߐ߬ߟߏ߲ ߡߊ߬߸ ߡߊ߲߬ߞߊ߲߬ ߜߘߍ߫ ߥߟߌ߬ ߘߊ߫ ߜ߭ߊ߯ߖ߭ߊ߬ ߞߣߐ߫߸ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߉ ߡߊ߬߸ ߡߍ߲ ߞߊ߬ ߡߊ߲߬ߕߙߐ ߟߊߛߋ߫ ߘߎ߰ߘߋ߲ ߘߏ߫ ߟߎ߫ ߡߊ߬ ߦߙߐ߫ ߓߐߣߍ߲߫ ߢߐ߲߰ ߡߊ߫ ߝߌ߬ߟߊ߬ ߘߐ߫، ߞߍ߬ߟߍ ߡߍ߲ ߛߊ߲߭ ߝߌ߬ߟߊ ߦߋ߫ ߕߋ߲߬߸ ߊ߬ ߦߋ߫ ߛߋ߲߬ߠߊ߫߸ ߏ߬ ߞߏ ߓߘߊ߫ ߕߊ߬ߡߌ߲߫ ߡߐ߱ ߟߎ߫ ߖߘߐ߬ ߟߊ߫ ߞߏߛߓߍ߫.

ߔߊߟߍߛߑߕߌߣߌ߲ߞߊ߫ ߞߋߟߋ߲߫ ߠߋ߬ ߝߊ߰ ߘߊ߫ ߞߎߣߎ߲߬ ߥߎ߬ߙߊ ߟߊ߫߸ ߓߌ߬ߟߊ߬ߒ߬ߘߐ߫ ߝߌ߬ߟߊ߬ ߘߐ߫ ߦߙߐ߫ ߓߐߣߍ߲߫ ߢߐ߲߰ ߡߊ ߟߎ߬ ߘߐ߫ ߜ߭ߊ߯ߖ߭ߊ߬ ߞߐ߰ߘߎ߮ ߘߐ߫߸ ߊ߬ ߣߴߊ߬ ߕߊ߲ߓߊ߲ ߘߐ߫، ߟߌ߬ߤߟߊ ߡߍ߲ ߛߐ߬ߘߐ߲߬ ߘߴߊ߲ ߓߟߏ߫ ߞߊ߬ ߝߘߊ߫ ߘߌ߲߬ߞߌߙߊ ߏ߬ ߟߊ߫ ߦߋ߲߬߸ ߌߛߌ߬ߙߊ߬ߌߟߊ߫ ߣߊ߲߬ߕߌ߮ ߟߎ߫ ߟߋ߬ ߞߊ߬ ߥߊ߬ߟߏ߲߬ߠߌ߲ ߞߍ߫ ߊ߬ߟߊ߬ߕߊߕߙߊ߫ ߘߎ߱ ߞߣߐ߫߸ ߊ߬ ߣߌ߫ ߓߋߦߌ߫ ߟߊߤߌ߬ߦߊ߬߸ ߞߊ߬ ߗߍ߭ ߘߏ߫ ߡߊߘߌߡߌ߲߫߸ ߏ߬ ߡߊ߫ ߛߋ߫ ߓߐ߫ ߟߴߊ߬ ߟߊ߫ ߡߊ߬ߘߌ߬ߡߌ߲߬ߠߌ߲ ߏ߬ ߟߋ ߘߐ߫.

ߜ߭ߊ߯ߖ߭ߊ߬ ߕߊ߲ߓߊ߲ ߘߐ߫߸ ߘߋ߲ߣߍ߲߫ ߞߋߟߋ߲߫ ߠߋ߬ ߖߐߞߌ߫ ߘߊ߫ ߞߌ߬ߛߍ ߟߊ߫ ߦߋ߲߬߸ ߞߵߊ߬ ߛߐ߬ߘߐ߲߬ ߊ߬ ߦߋ߫ ߜߕߊ ߘߏ߫ ߞߣߐ߫ ߊ߬ߟߑߞߊߛߑߕߊ߬ߟ߸ ߦߋ߲߬ ߦߋ߫ ߘߋߦߌߙ ߊ߬ߟߑߓߊߟߊ߬ ߕߟߋ߬ߓߐ ߟߋ߬ ߘߐ߫، ߛߙߋ ߘߏ߫ ߟߎ߫ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ ߞߏ ߞߍ߫ ߘߊ߫ ߕߊ߬ߘߌ߬ߓߊ߬ߕߊߘߌߓߊ ߟߋ߬ ߘߌ߫ ߦߋ߲߬߸ ߞߊ߬ ߟߊ߬ߡߊ߮ ߘߏ߲߬ ߘߋ߲ߓߦߊ ߓߍ߯ ߘߐ߫߸ ߓߍ߯ ߦߴߊ߬ ߘߋ߲߫ ߡߞߊߘߊ߲ ߞߊ߲߬ ߞߊ߬ ߘߋ߲ߡߌߛߍ߲ ߠߎ߬ ߡߊߘߏ߲߬ ߊ߬ߟߎ߬ ߟߊ߫، ߞߊ߬ߕߎ߲߯߸ ߏ߬ ߟߎ߬ ߞߣߐ ߡߐ߬ߣߍ߲߫ ߠߋ߬ ߦߋ߲߬ ߞߘߊߎ߫߸ ߓߊߏ߬ ߊ߬ߟߎ߬ ߥߊ߯ߕߌ߫ ߦߙߌߞߊ ߟߋ߬ ߡߊ߲߬ߞߊ߲ ߘߐ߫ ߕߋ߲߬.

ߜ߭ߊ߯ߖ߭ߊ߬ ߞߏߢߊ ߓߘߊ߫ ߛߋ߫ ߡߊ߬ߝߟߍ߬ߟߌ߬ ߞߎ߲ߘߊ߫، ߞߊ߬ߕߎ߲߯߸ ߊ߬ߟߎ߬ ߟߊ߫ ߜߋߋߙߋ߲ߜߋߙߋ߲ߧߊ ߞߏߕߌ߯ߘߊ ߞߵߊ߬ ߟߊߛߋ߫ ߊ߬ ߟߊ߫ ߞߊ߲߬ߞߎߡߊ ߘߐ߫ ߞߎߣߎ߲߬ ߞߐ߬ߟߏ߲߸ ߞߏ߫ ߞߍ߬ߟߍ ߘߊߡߌ߬ߣߊ ߂߀߂߃ ߞߏ߲ߓߌߕߌ߮ ߟߊ߫ ߤߊ߲߯ ߕߋ߲߬߸ ߊ߬ ߝߊ߰ߓߊ߰ߕߐ ߓߘߊ߫ ߛߋ߫ ߡߐ߰ ߇߀ ߃߆߆ ߘߐ߫߸ ߞߵߊ߬ ߖߐߞߌߓߊ߯ߕߐ ߛߋ߫ ߡߐ߰ ߁߇߁ ߀߆߄ ߘߐ߫، ߦߙߌߞߊ ߏ߬ ߡߍ߲ ߦߴߊ߬ ߞߏ ߟߊ߲߬ߓߏ߲ ߦߌ߬ߘߊ߬ ߟߊ߫߸ ߡߐ߰ ߘߴߊ߬ ߝߐ߫ ߞߏ߫ ߊ߬ ߞߍ߬ߟߍ ߟߊߥߟߌ߬ߣߍ߲߫ <<ߣߊ߬ߒ߬ߕߊ߲ ߠߎ߬ ߟߋ߬ ߝߊ߰ ߞߊ߲ߡߊ߬>> ߏ߬ ߘߐ߫ ߞߍ߬.

ߛߊ߲߭ ߝߌ߬ߟߊ߬ ߞߐߝߍ߬ ߂߀߂߃ ߞߏ߲ߓߌߕߌ߮ ߕߟߋ߬ ߇ ߡߊ߬߸ ߌߛߌ߬ߙߊ߬ߌߟߊ߫ ߦߋ߫ ߟߜߊ߬ߣߊ߲߬ߠߌ߲߬ ߝߊߘߌ ߟߋ߬ ߘߐ߫ ߝߊߦߌߘߊ߫، ߞߟߍ߬ߟߊ߬ߟߐ߬ ߞߏ ߓߘߊ߫ ߝߐ߫ ߘߊ ߘߐ߫߸ ߊ߬ ߣߌ߫ ߛߓߍ ߞߣߐ߫߸ ߞߊ߬ߦߌ߯ ߞߏ߲ߓߌߕߌ߮ ߕߟߋ߬ ߁߀ ߕߊ߬ߡߌ߲߬ߣߍ߲ ߡߊ߬، ߓߊ߬ߙߌ߬߸ ߞߣߍ ߞߊ߲߬ ߔߊߟߍߛߑߕߌߣߌ߲߬ ߞߣߐ߫ ߦߋ߲߬߸ ߊ߬ ߘߎ߰ߘߋ߲ ߠߎ߬ ߞߊ߲߫ ߞߏ߫ ߜߊ߬ߟߏ ߖߍ߬ߘߍߖߍ߬ߘߍ ߟߋ߬ ߟߊ߫ ߟߴߊ߬ߟߎ߫ ߞߊ߲߬߸ ߊ߬ߟߎ߬ ߟߊ߫ ߦߙߐ ߟߎ߬ ߦߋ߫ ߘߐߝߏߘߏ߲߫ ߠߊ߫ ߟߋ߬ ߞߘߊߎ߫߸ ߡߊ߬ߙߌ߬ߝߊ߬ ߕߋ ߕߍ߫ ߟߊߟߐ߬ ߟߊ߫߸ ߊ߬ߟߎ߬ ߦߋ߫ ߞߣߐ߬ߜߊ ߘߝߊߣߍ߲ ߠߋ߬ ߘߐ߫ ߦߋ߲߬߸ ߟߏ߲ ߓߍ߯ ߟߋ߬ ߘߏ߲߬ ߦߴߏ߬ ߘߌ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.