ߣߎ߬ߡߊ߲߬ ߞߎߦߊߕߍ߫߸ ߊ߬ߟߋ ߡߍ߲ ߡߊߟߐ߲ߣߍ߲߫ ߡߐ߰ ߛߌߦߊߡߊ߲߫ ߓߟߏ߫ ߞߏ߫ <<ߟߊ߲߬ߓߋ߬ߕߌ߮>>߸ ߊ߬ ߦߋ߫ ߢߊ߰ߘߐ߬ߘߌ߬ߦߊ߬ߟߊ߫ ߟߋ߬ ߘߌ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ ߟߊ߫، ߒ߬ߓߊ߬߸ ߊ߬ ߟߊ߫ ߓߐߟߌ ߞߐߟߕߊ ߡߍ߲ ߦߋ߫ ߣߌ߲߬ ߘߍ߬ߞߙߏߝߏ ߟߎ߫ ߞߊ߲߬߸ ߏ߬ ߟߋ ߞߎߡߊ ߓߘߊ߫ ߛߌߦߊߦߊ߫ ߞߊߕߌ߫߸ ߡߍ߲ ߜߊ߬ߣߍ߲߫ ߞߏ߬ߣߌ߬ߦߊ߬ߞߊ ߛߌߦߊߡߊ߲߫ ߠߊ߫، ߓߊߏ߬߸ ߊ߬ ߟߊ߫ ߖߌ߬ߦߊ߬ߖߟߎ ߣߌ߲߬ ߡߊ߫ ߖߊ߲߰ߧߊ߬߸ ߓߊ߬ߙߵߊ߬ ߞߵߊ߬ ߘߊ ߛߊߥߏ ߟߊߛߋ߫ ߟߋ߬ ߞߏ߬ߣߌ߬ߦߊ߬ߞߊ ߟߎ߫ ߡߊ߬ ߝߛߊߦߌ߫߸ ߊ߬ߟߎ߬ ߛߌߦߊ ߓߍ߯ ߟߊߘߍ߬ߣߍ߲ ߡߊ߬ ߞߊ߬ߣߌ߲߬، ߊ߬ ߟߊ߫ ߞߎߡߊ ߏ߬ ߟߋ ߡߊ߫ ߘߌߦߊ߫ ߞߏ߬ߣߌ߬ߦߊ߬ߞߊ ߟߎ߬ ߦߋ߫߸ ߊ߬ ߘߏ߲߬ ߜߊ߬ ߘߊ߫ ߤߊߟߌ߬ ߛߌߦߊ߫ ߜߘߍ ߛߌߦߊߡߊ߲߫ ߝߣߊ߫ ߟߊ߫.
ߣߎ߬ߡߊ߲߬ ߞߎߦߊߕߍ߫ ߟߊ߫ ߞߎߡߊ ߞߵߊ߬ ߦߌ߬ߘߊ߫ ߟߋ߬߸ ߞߏ߫ ߞߏ߬ߣߌ߬ߦߊ߬ߞߊ ߟߎ߬ ߛߋߣߍ߲߫ ߖߌ߬ߣߍ߬ ߞߣߐ߫ ߟߌߓߋߙߌߦߊ߫ ߞߟߍ ߞߐ ߟߋ߬ ߘߐ߫، ߓߊߏ߬߸ ߊ߬ ߞߊ߲߫ ߞߏ߫: <<ߊ߲ ߧߴߊ߲ ߤߊ߲ߞߟߌ ߛߌ߰߸ ߡߍ߲ ߠߎ߬ ߦߴߊ߬ߟߎ߫ ߖߘߍ߬ ߞߍ߫ ߟߊ߫ ߡߊ߬ߣߌ߲߬ߞߊ ߘߌ߫߸ ߟߌߓߋߙߌߦߍ߲ ߠߎ߬ ߟߋ߬، (…)߸ ߟߋߓߋߙߌߦߊ߫ ߞߟߍ ߟߋ߬ ߞߵߊ߬ߟߎ߫ ߝߊ߬ ߟߎ߬ ߟߊߣߊ߬ ߟߊ߬ߖߌߣߍ߫ ߦߊ߲߬، ߊ߬ߟߎ߫ ߣߊ߬ ߘߴߊ߬ߟߎ߫ ߖߘߍ߬ ߞߍ߫ ߞߏ߬ߣߌ߬ߦߊ߬ߞߊ ߘߌ߫، ߣߴߏ߬ ߕߍ߫߸ ߞߏ߬ߣߌ߬ߦߞߊ߬ߘߋ߲ ߖߘߍ߬ߥߟߏ߸ ߞߏ߬ߣߌ߬ߦߞߊ߬ߘߋ߲߫ ߛߓߍ߬ߡߊ߸ ߞߏ߬ߣߌ߬ߦߞߊ߬ߘߋ߲ ߓߘߍߓߘߍ߸ ߊ߬ߟߎ߬ ߦߋ߫ ߡߐ߲ߓߟߌ߫ ߓߏߙߌ ߟߋ߬ ߟߊ߫ ߦߊ߲߬߸ ߊ߬ߟߎ߬ ߦߋ߫ ߡߍ߲ߞߊߣߌߛߍ߲ߧߊ ߟߋ߬ ߟߊ߫߸ ߡߍ߲ ߠߎ߬ ߦߋ߫ ߞߊߘߙߌ ߘߌ߫߸ ߏ߬ ߟߎ߬ ߦߋ߫ ߞߊߘߙߌߦߊ ߟߊ߫߸ ߊ߬ߟߎ߬ ߘߊ߫ ߕߍ߫ ߞߎߡߊ߫ ߘߐ߫.>> ߣߎ߬ߡߊ߲߫ ߠߋ߬ ߞߊ߲߫ ߕߋ߲߬.
ߗߍ߭ ߣߌ߲߬ ߡߊߟߐ߲ߣߍ߲߫ ߘߎ߲߬ߓߎ߬ߦߊ߬ ߞߏ ߘߐ߫ ߞߏߛߓߍ߫߸ ߊ߬ ߞߍߣߍ߲߫ ߦߏ߫ ߏ߬ ߟߋ ߞߍߣߍ߲߫ ߛߊߓߎ߫ ߘߌ߫ ߛߍߣߍ߲߬ ߞߵߊ߬ ߓߌ߬ߟߴߊ߬ ߛߊ߬ߥߏ߬ ߘߐ߫߸ ߡߍ߲ ߓߊ߯ ߊ߬ ߘߌߦߊ߫ ߝߐߟߌ ߘߐ߫߸ ߊ߬ ߣߌ߫ ߞߍߟߌ ߘߐ߫߸ ߞߵߏ߬ ߝߐ߫߸ ߥߟߊ߫ ߞߵߏ߬ ߞߍ߫߸ ߣߌ߫ ߛߌߟߊ߲߫ ߣߌ߫ ߕߡߊ߬ߖߌ߬ ߕߍ߫، ߞߵߊ߬ ߛߐ߬ߘߐ߲߬ ߜߎ߸ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߡߴߊ߬ ߖߡߊ߬ߣߊ߬ߘߋ߲߬ߢߐ߲߰ ߛߌ߫ ߟߐ߬ ߞߏ߫ ߛߎ߮ ߢߌ߲߬ ߠߊ߫߸ ߊ߬ ߣߌ߫ ߡߍ߲ ߠߎ߬ ߦߋ߫ ߡߙߌߦߊ߫ ߞߋߟߋ߲߫ ߞߊ߲߬߸ ߊ߬ ߡߴߏ߬ ߝߋ߲߫ ߟߐ߬ ߣߌ߲߬ ߞߏ߫ ߛߎ߮ ߟߊ߫ ߝߋߎ߫، ߓߊߏ߬߸ ߊ߬ ߕߍ߫ ߕߐ߯ ߢߌߡߊ߫ ߘߌ߫ ߊ߬ ߟߊ߫߸ ߊ߬ ߟߊ߫ ߡߊ߬ߙߊ ߕߴߊ߬ ߟߐ߬ ߟߴߏ߬ ߛߎ߮ ߛߌߟߊ ߘߌ߫ ߟߊ߫ ߡߐ߰ ߡߊ߬߸ ߊ߬ ߟߊ߫ ߞߎ߲߬ߕߌ߰ߦߊ ߘߏ߲߬ ߝߣߊ߫ ߕߴߊ߬ ߟߐ߬ ߟߴߏ߬ ߟߊ߫.
ߡߎ߲߬ ߠߊ߫ ߓߌ߬ߟߊ߬ߢߐ߲߰ߡߊ ߞߏߟߊߕߍ߯ ߛߊ߲ߘߐ ߡߊ߫ ߛߋ߫ ߣߌ߲߬ ߞߏ ߣߐ߬ߝߍ߬ߜߍ߲߫ ߠߴߊ߬ ߖߘߍ߬ ߦߋ߫؟
ߣߎ߬ߡߊ߲߬ ߞߎߦߊߕߍ߫ ߦߋ߫ ߢߊ߰ߘߐ߬ߘߌ߬ߦߊ߬ߟߊ߫ ߟߋ߬ ߘߌ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ ߟߊ߫߸ ߞߟߋߞߟߋ߫ ߘߐ߫߸ ߊ߰ ߝߐ߫ ߟߊ߫ ߡߍ߲ ߡߊ߬ ߞߏ߫ <<ߟߊ߲߬ߓߋ߬ߕߌ߮>>، ߞߵߊ߬ ߛߐ߬ߘߐ߲߬߸ ߝߊ߬ߛߏ ߖߌ߬ߦߊ߬ߞߊ߲߬ߛߏ ߟߋ߬ ߦߋ߫ ߖߌ߬ߣߍ߫ ߝߐ߰ߓߍ߬ߦߊ߬ߟߌ ߛߊ߬ߙߌ߬ߦߊ ߡߊߓߏ߲߬ߧߊ ߛߌ߲߬ߝߏ߲߬ߘߊ߬ ߛߊ߲ߘߐߕߊ ߘߌ߫߸ ߏ߬ ߡߊ߲߫ ߞߊ߲߫ ߞߵߊ߬ ߞߵߊ߬ ߢߊ ߡߊߛߘߌ߬ ߝߋߎ߫߸ ߊ߬ ߟߊ߫ ߢߊ߰ߘߐ߬ߘߌ߬ߦߊ߬ߟߊ ߟߊ߫ ߣߊ߬ߣߌ߲߬ߠߌ߲߬ ߛߎ߮ ߣߌ߲߬ ߡߊ߬ ߕߋ߲߬߸ ߡߍ߲ ߞߎߡߊߣߍ߲߫ ߛߌߦߊ߫ ߞߋߟߋ߲߫ ߡߎ߰ߡߍ ߡߊ߬ ߘߍ߬ߞߙߏߝߏ ߟߎ߫ ߞߊ߲߬߸ ߊ߬ ߖߍ߬ߘߍ ߟߊ߫ ߘߎ߲߬ߘߎ߬ߡߊ߬ ߣߝߊ ߞߏߛߐ߲߬.
ߊ߲ ߓߘߴߊ߬ ߦߋ߫ ߦߊ߲߬ ߞߘߐ߬ߡߊ߲߬߸ ߟߊ߬ ߤߊߞ ߓߘߊ߫ ߝߐ߰ߓߍ߬ߘߊ ߘߏ߫ ߟߎ߫ ߛߊ߬ߡߊ߲߫ ߞߵߊ߬ߟߎ߬ ߓߐ߫ ߕߐ߲ߛߐ߲ ߠߎ߬ ߘߐ߫߸ ߞߵߊ߬ߟߎ߬ ߟߊ߫ ߞߟߋߞߟߋ ߟߎ߬ ߟߊߘߎ߲߫߸ ߞߊ߬ ߝߐ߰ߓߍ߬ߦߊ߬ߟߊ ߘߏ߫ ߟߎ߫ ߓߌ߲߬ߓߊ߬ߥߏ߬߸ ߞߏ߫ ߞߍ ߞߏߛߐ߲߬ ߊ߬ߟߎ߬ ߓߟߏ߫߸ ߡߍ߲ ߕߍ߫ ߓߍ߲߬ ߊ߬ߟߎ߬ ߟߊ߫ ߓߊ߯ߙߘߊ ߡߊ߬، ߊ߬ ߘߏ߲߬߸ ߣߎ߬ߡߊ߲߬ ߠߊ߫ ߓߐߟߌ ߡߍ߲ ߦߋ߫ ߣߌ߲߬߸ ߊ߬ ߣߐ߬ ߊ߬ ߕߌߢߍ߫ ߟߊ߫ ߝߊ߲߭ ߝߌ߬ߟߊ ߓߍ߯ ߟߋ߬ ߝߍ߬، ߊ߬ ߓߘߴߊ߬ ߕߌߢߍ߫ ߊ߬ ߟߊ߫ ߓߊ߯ߙߊ ߛߊ߬ߙߌ߬ߦߊ ߡߊ߬߸ ߞߊ߬ ߓߊ߲߫ ߞߵߊ߬ ߕߌߢߍ߫ ߝߊ߬ ߓߘߊ ߟߊ߲߬ߘߊ ߡߊ߬߸ ߊ߬ ߣߌ߫ ߤߊߟߌ߬ ߘߌ߯ߣߊ ߟߊ߫ ߖߏ߯ߦߊߟߌ ߡߊ߬، ߡߊ߬ߣߌ߲߬ߞߊ ߟߎ߬ ߣߌ߫ ߞߏ߬ߣߌ߬ߦߊ߬ߞߊ ߟߎ߬ ߓߍ߯ ߟߊߘߍ߬ߣߍ߲ ߦߋ߫ ߡߊ߲߬ߘߋ߲߬ߞߊ ߟߎ߫ ߟߋ߬ ߘߌ߫، ߖߋ߬ߟߌ߬ ߘߏ߲߬ ߠߊ߫ ߓߊ߯ߙߊ ߦߋ߫ ߡߍ߲ ߘߌ߫߸ ߏ߬ ߢߊߝߐߣߍ߲߫ ߠߋ߬ ߞߙߎߞߊ߲߫ ߝߎߥߊ߫ ߛߊ߬ߙߌ߬ߦߊ ߞߣߐ߫ ߝߛߊߦߌ߫߸ ߣߌ߫ ߘߎ߬ ߕߍ߫.
ߣߴߌ ߘߏ߲߬ ߞߊ߬ ߛߊ߬ߙߌ߬ߦߊ߬ ߞߎ߲ߘߊ߫ ߕߊ߬߸ ߣߊ߬ߣߌ߲߬ߠߌ߲ ߞߍ ߜߍ ߘߐ߫ ߣߌ߲߬ ߢߊ߸ ߏ߬ ߦߋ߫ ߞߏߘߐߕߍ߮ ߟߋ߬ ߘߌ߫ ߞߏߟߊߕߐ߲ ߛߊ߬ߙߌ߬ߦߊ ߞߣߐ߫߸ ߊ߬ ߕߌ߯ߕߌ߯ ߖߍ߬ߘߍ߸ ߣߴߊ߬ ߞߍ߫ ߘߊ߫ ߞߵߊ߬ ߟߐ߬ ߛߌߦߊ ߘߏ߫ ߡߊ߬߸ ߞߊ߬ ߓߊ߲߫ ߞߵߊ߬ ߟߊߖߍ߲ߛߍ߲߫ ߓߟߐߟߐ ߛߌߟߊ ߝߍ߬، ߞߎߡߊ߫ ߡߊߟߍߟߍ ߕߍ߫ ߡߍ߲ ߘߐ߫߸ ߣߎ߬ߡߊ߲߬ ߠߊ߫ ߓߐߟߌ ߣߌ߲߬ ߘߐߞߏߟߏ߲߫ ߡߊ߲߫ ߞߊ߲߫ ߞߊ߬ ߕߏ߫߸ ߖߌ߬ߣߍ߫ ߛߊ߬ߙߌ߬ߦߊ߬ ߓߏ߲߬ߘߊ ߟߎ߬ ߡߊ߲߫ ߞߊ߲߫ ߞߵߊ߬ߟߎ߬ ߢߊ ߓߍ߲߬ ߊ߬ ߡߊ߬ ߦߋ߲߬ ߕߋ߲߬ ߝߋߎ߫߸ ߣߴߊ߬ ߛߐ߬ߘߐ߲߬ ߘߊ߫ ߞߏ߫ ߞߏ߫ ߢߣߊߕߐߡߐ߲߫ ߕߴߊ߬ ߘߐ߫߸ ߘߎ߰ߘߋ߲ ߓߍ߯ ߞߊߡߊ߲߫ ߛߊ߬ߙߌ߬ߦߊ߬ ߢߊߞߘߐ߫ ߞߊ߬ߣߌ߲߬.
ߕߎ߬ߢߊ ߦߋ߫ ߡߍ߲ ߘߌ߫ ߓߌ߬߸ ߢߊ ߞߊ߫ ߞߊ߲߫ ߞߊ߬ ߡߊߖߌ߰ ߘߍ߬ߞߙߏߝߏ ߟߎ߫ ߝߍ߬ ߡߎ߬ߕߎ߲߬߸ ߞߵߊ߬ߟߎ߬ ߟߊ߫ ߞߏ ߟߎ߬ ߛߌ߰ ߞߟߊ߬ ߞߋߟߋ߲߫ ߞߊ߲߬، ߡߐ߰ ߞߎ߲߬ߞߋߟߋ߲ ߠߎ߬ ߟߋ߬ ߥߟߌ߬ ߟߊ߫ ߦߋ߲߬ ߕߋ߲߬߸ ߞߊ߬ ߥߊ߫ ߓߊ߰ ߡߐ߱ ߟߎ߫ ߡߊ߬ ߦߋ߲߬ ߕߋ߲߬ ߝߎ߯ߝߊߕߌ߫߸ ߊ߬ߟߎ߬ ߟߊ߫ ߕߐ߬ߣߐ ߞߏߛߐ߲߬، ߤߊߟߌ߬ ߘߌ߯ߣߊ ߡߎ߬ߕߎ߲߬߸ ߏ߬ ߛߌ߫ ߟߊߕߏߣߍ߲߫ ߕߍ߫، ߊ߬ ߕߎ߬ߡߊ ߓߘߊ߫ ߛߋ߫߸ ߕߋߟߋ߲ߓߊ߯ߦߊ ߞߏߕߌ߮ ߦߴߊ߬ ߢߊ ߟߐ߬ ߔߊߟߊ߲ߞߊ߫ ߛߎ߮ ߣߌ߲߬ ߘߐ߫، ߓߊߏ߬߸ ߊ߰ ߟߋ߬ ߡߎ߬ߕߎ߲߬ ߦߏ߫ ߞߊ߬ߦߌ߯ ߛ߭ߊߙߟ ߥߑߙߊߕ ߥߊ߫ ߘߊ߫߸ ߡߍ߲ ߕߘߍ߬ ߕߋߟߋ߲ߓߊ߯ߦߊ ߞߏߕߌ߮ ߘߌ߫߸ ߛߊ߬ߙߌ߬ߦߊ߫ ߝߊ߲߬ߞߊ ߘߐ߯ߦߊ߫ ߘߊ߫، ߊ߬ߟߋ߫ ߕߋ߬ߟߋ ߘߐ߫߸ ߣߌ߲߬ ߞߏ߫ ߛߎ߮ ߘߐߞߏߟߏ߲߫ ߕߎ߲߬ ߕߍ߫ ߕߏ߫ ߟߊ߫: ߡߙߊ߬ߓߊ߮ ߘߏ߫ ߞߵߊ߬ ߞߏ߫ ߛߎ߮ ߞߍ߫ ߖߋ߬ߟߌ߬ߓߊ߬ߞߙߐ߫߸ ߊߜߊ߫ ߛ߭ߊߙߟ ߥߑߙߊߦߕ ߡߴߏ߬ ߟߐ߯ߟߊ߫ ߜߘߍ߫ ߞߍ߫ ߓߏ߲߬߸ ߊ߬ ߞߊ߬ ߡߙߌߘߐ ߟߋ߬ ߕߊ߬ ߌߞߘߐ߫߸ ߞߊ߬ ߛߎ߯ ߟߊߝߛߊ߫ ߞߎߡߊ߫ ߛߎ߮ ߏ߬ ߞߎ߲߬ߠߊߕߊ߬ߞߌ߲߬.
ߏ߬ ߘߐ߫߸ ߊ߬ ߞߊ߫ ߞߊ߲߫ ߡߎ߬ߕߎ߲߬߸ ߟߐ߲ߠߌ߲ߦߊ ߞߏߕߌ߮ ߦߴߊ߬ ߘߐߖߊ߬߸ ߞߊ߬ ߛߋ߫ ߟߊ߬ߘߍ߬ߓߊ ߘߏ߫ ߛߌ߰ ߟߊ߫ ߛߋ߲߬ߠߊ߫ ߡߊ߲߬ߘߋ߲߫ ߘߐ߬ߝߐ ߞߊ߲߬߸ ߛߊ߫ ߒ߬ ߓߌ߬ ߕߟߋ ߖߋ߬ߟߌ ߡߍ߲ ߠߎ߬ ߦߋ߫ ߓߋ߲ߓߊ ߟߎ߬ ߟߊ߫ ߛߌߟߊ ߓߌ߬ߟߊ ߞߊ߲߬߸ ߛߊ߫ ߏ߬ ߟߎ߬ ߟߊ߫ ߛߌߟߊ ߘߌ߫ ߘߐߞߣߍ߫ ߊ߬ߟߎ߫ ߡߊ߬߸ ߞߊ߬ ߡߊ߲߬ߘߋ߲߫ ߘߐ߬ߝߐ ߢߊߓߘߍ ߦߌ߬ߘߴߊ߬ߟߎ߬ ߟߊ߫.
ߟߊ߱ߦߌ߬ ߝߊ߬ߡߐ ߞߐ߲ߘߍ߫ ߓߟߏ߫߸ ߞߊ߲ߞߊ߲߫ ߕߌ߲߬ߞߎߘߎ߲ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߘߍ߭ ߞߊ߲ߕߌ߮.
Aucun commentaire pour le moment.