ߊ߬ߟߑߥߊ߬ߟߌߘ ߓߎ߬ߣ ߞߊ߬ߟߍߘ ߓߎ߬ߣ ߕߊ߬ߟߊߟߎ߬ߟ ߛߊ߬ߥߎߘ ߦߋ߫ ߡߊ߲߬ߛߊ߬ߘߋ߲ ߠߋ߬ ߘߌ߫ ߛߊ߬ߥߎ߬ߘߌߦߊ ߟߊ߫ (ߛߎ߰ߘߎ߬ߟߊ߫)، ߂߀߀߅ ߟߋ߬ ߟߊ߫߸ ߊ߬ ߞߊ߬ ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߞߐ߲߬ߛߏ ߟߊ߫ ߟߐ߲ߘߙ߸ ߞߵߊ߬ ߕߊ߬ ߏ߬ ߡߊ߬ ߞߵߊ߬ ߛߌ߰ ߢߌ߬ߣߊ߲߬ ߠߊ߫߸ ߊ߬ ߦߋ߫ ߜߘߎ ߘߐ߫߸ ߊ߬ ߕߴߛߋ߫ ߟߊ߫ ߞߎߡߊ߫ ߟߊ߫߸ ߊ߬ ߕߴߊ߬ ߖߍ߬ߘߍ߫ ߞߊ߬ߟߊߡߊ߬، ߒ߬ߓߊ߬߸ ߞߎߣߎ߲߬ ߞߍ߲ߘߍߟߏ߲ ߡߊ߬߸ ߞߊ߬ߙߌ߬ߝߐ ߕߟߋ߬ ߁߉߸ ߊ߬ ߞߊ߬ ߡߊ߲߬ߛߊ߬ߓߊ ߟߊ߫ ߞߟߌߟߌ ߟߊߡߌ߬ߣߊ߫ ߞߵߊ߬ ߛߌ߬ߞߛߊߓߌ ߕߏ߫ ߛߊ߲߬ ߃߆ ߘߐ߫، ߊ߬ ߞߊ߬ ߦߟߍ߬ߘߐ߬ߞߍ߫ ߝߌ߬ߟߊ߫ ߡߎ߰ߡߍ߫ ߟߋ߬ ߞߍ߫ ߜߘߎ ߘߐ߫، ߊ߬ ߛߊ߲߬ߞߊ ߟߊߕߋ߬ ߘߴߊ߬ ߛߐ߬ߘߐ߲߬ ߝߊ ߖߍ߬ߘߍ ߟߋ߬ ߓߟߏ߫߸ ߏ߬ ߡߍ߲ ߕߐ߯ ߞߏ߫ ߡߊ߲߬ߛߊ߬ߘߋ߲߫ ߞߊ߬ߟߍߘ ߓߎ߬ߣ ߕߊ߬ߟߊߟ߸ ߣߴߊ߬ ߡߊߟߐ߲ߣߍ߲߫ ߡߐ߰ ߛߌߦߊߡߊ߲߫ ߛߎ߰ߘߎ߬ߟߊ߫ ߡߊ߲߬ߛߊ߬ߓߏ߲ ߞߣߐ߫.

A man smiling while holding a newborn baby in a hospital setting, with colorful neon star and moon decorations in the background.
ߊ߬ ߛߐ߬ߘߐ߲߬ ߝߊ ߟߋ߬ ߓߌߘߌ߲ߣߴߊ߬ ߞߎ߲߬ߠߊ߫ ߣߌ߲߬

ߘߋ߲ߡߌߛߍ߲߫ ߊ߬ߟ ߥߊ߬ߟߌߘ߸ ߊ߬ ߛߌ߭ ߛߊ߲߬ ߁߅ ߟߋ߬ ߕߍ߬ߘߍ߫ ߊ߬ ߟߊ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߍ߫ ߕߎߡߊ ߟߊ߫߸ ߞߵߊ߬ ߖߐߞߌ߫ ߖߐߞߟߌ߫ ߞߏߖߎ߯ߦߊ ߘߝߊߣߍ߲ ߠߊ߫، ߏ߬ ߕߎ߬ߡߊ ߞߵߊ߬ ߛߐ߬ߘߐ߲߬߸ ߊ߬ ߦߋ߫ ߞߊ߬ߙߊ߲ ߠߊ߫ ߓߙߌߕߊ߲ߓߊ߫ ߣߊ߲߬ߕߌ߰ߦߊ ߞߊ߬ߙߊ߲߬ߕߊ ߟߊ߫، ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߘߊ߫ ߛߊߓߎ߫ ߘߌ߫߸ ߞߊ߬ ߞߎ߲߬ߣߍ߬ ߘߌߡߌ߲ ߓߌ߬ߟߴߊ߬ ߟߊ߫߸ ߞߊ߬ ߓߊ߲߫ ߞߊ߬ ߖߋ߬ߟߌ ߖߌ߰ ߊ߬ ߞߣߐ߫، ߏ߬ ߟߋ ߞߍ߫ ߘߴߊ߬ ߕߊ߬ ߢߊ ߘߌ߫ ߞߊߟߌߦߊ߫ ߓߟߏ ߡߊ߬߸ ߞߵߊ߬ ߟߊߕߊ߯ ߙߌ߬ߦߊߘߌ߬ ߘߊ߲ߘߊߟߌ߫ ߘߌ߲ߞߌߙߓߊ ߘߐ߫߸ ߡߍ߲ ߕߐ߯ ߞߏ߫ ߙߏ߬ߥߊ ߊߓߑߘߎߟߊߖ߭ߌߖ߭߸ ߊ߬ ߞߊ߬ ߛߊ߲߬ ߦߙߌߞߊ ߣߌ߲߬ ߓߍ߯ ߞߍ߫ ߘߊ߲ߘߊߛߏ ߟߊ߫ ߦߋ߲߬ ߠߋ߬ ߤߊ߲߯ ߞߵߊ߬ ߛߌ߰ ߊ߬ ߟߊ߫ ߟߏ߲߫ ߠߊߓߊ߲ ߢߌ߲߬ ߠߊ߫.

ߊ߬ߟߎ߫ ߕߍ߬ߘߍ߫ ߊ߬ ߘߋ߲ߡߌߛߍ߲ߕߐ ߏ߬ ߞߟߌ߫ ߟߊ߫ ߟߋ߬ ߞߏ߫ <<ߘߋߘߋ>>߸ ߊ߬ ߟߊ߫ ߡߐ߱ ߝߊ߲߬ߓߊ ߕߎ߲߬ ߦߴߊ߬ ߞߟߌ߫ ߟߊ߫ ߕߐ߮ ߏ߬ ߟߋ ߟߊ߫، ߡߊ߲߬ߛߊ߬ߘߋ߲ ߕߏ߫ ߘߊ߫ ߘߊ߲ߘߊߛߏ ߟߊ߫ ߦߋ߲߬ ߠߋ߬߸ ߝߏ߫ ߡߐ߱ ߟߎ߫ ߞߵߊ߬ ߝߐ߫ ߊ߬ ߡߊ߬ ߞߏ߫ <<ߡߊ߲߬ߛߊ߬ߘߋ߲߫ ߛߎ߬ߣߐ߰ߣߍ߲>> ߊ߬ ߝߊ߬ ߝߣߊ߫ ߦߟߌߡߊߘߌߦߊߣߍ߲ ߕߏ߫ ߘߊ߫ ߛߊ߲߬ ߦߙߌߞߊ ߣߌ߲߬ ߞߘߐ߫ ߖߐ߫߸ ߞߏ߫ ߊ߬ ߘߋ߲ ߓߍߣߊ߬ ߞߎߡߊ߫ ߟߏ߲ ߘߏ߫ ߘߐ߫، ߏ߬ ߟߋ ߘߐ߫߸ ߊ߬ ߞߵߊ߬ ߕߏ߫ ߘߊ߲ߘߊߟߌ ߘߊߞߘߐ߫ ߢߊ ߏ߬ ߡߊ߬߸ ߞߊ߬ ߞߍߟߊ߲ ߠߎ߬ ߘߏ߲߬ ߊ߬ ߟߊ߫߸ ߊ߬ ߕߎ߲߬ ߦߴߊ߬ ߣߌߟߊߞߟߌ߫ ߟߊ߫ ߡߍ߲ ߠߎ߬ ߛߌߟߊ ߝߍ߬، ߊ߬ ߝߊ߬ ߕߎ߲߬ ߦߴߊ߬ ߖߌ߬ߦߊ߬ߓߍ ߟߎ߬ ߟߊߖߍ߲ߛߍ߲߫ ߘߍ߬ߞߙߏߝߏ ߟߎ߫ ߞߊ߲߬ ߛߐ߲߬߸ ߞߵߊ߬ ߖߌ߱ ߟߊߣߍ߲ ߕߏ߫ ߞߏ߫ ߊ߬ ߘߋ߲ ߓߍߣߊ߬ ߞߍ߲ߘߍߦߊ߫.

ߒ߬ߓߊ߬߸ ߖߌ߱ ߏ߬ ߟߋ ߓߘߊ߫ ߣߊ߬ ߟߊߓߊ߲߫ ߖߌ߰ߟߊ߬ߝߐߦߊ ߡߊ߬ ߣߌ߲߬ ߛߊ߫߸ ߞߊ߬ ߛߎ߬ߣߎ߲ ߠߊߘߏ߲߬ ߡߞߊ߫ ߡߊ߲߬ߛߊ߬ߓߏ߲ ߞߣߐ߫، ߊ߬ ߛߎ߬ߞߏ߬ߦߊ ߞߍ߫ ߘߊ߫ ߓߌ߬ ߞߊ߯ߙߌ ߢߌ߲߬ ߡߊ߬ ߞߊ߬ߙߌ߬ߝߐ ߕߋ߬ߟߋ߫ ߂߀߸ ߕߌ߲ߓߌߘߌ߲ߘߊ߫ ߟߊ߫߸ ߕߌ߲ߓߌߘߌ߲ߘߊ ߡߍ߲ ߕߐ߯ ߞߏ߫ ߌ߬ߡߊߡ ߕߎߙߑߞߌ߬ ߓߎ߬ߣ ߊߓߑߘߎߟߊߤ߸ ߙߌ߬ߦߊߘߌ߬ ߘߎ߱ ߞߣߐ߫߸ ߊ߬ ߟߊ߫ ߡߐ߱ ߟߎ߫ ߕߍ߬ߘߍ߫ ߦߋ߲߬߸ ߊ߬ ߣߌ߫ ߛߌ߬ߟߊ߬ߡߊ߫ ߘߍ߲߬ߞߣߍ߬ߦߊ߬ߓߊ߮ ߛߌߦߊߡߊ߲߲߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.