ߥߊ߬ߥߎ߬ߟߋ߬ ߓߟߋߓߟߋ ߘߏ߫ ߟߋ߬ ߕߍ߰ߣߍ߲߫ ߒߕߦߏ߫ ߘߎ߰ߣߍ߲ ߞߣߐ߫߸ ߞߊ߬ ߦߋ߲߬ ߡߐ߮ ߟߎ߫ ߓߌ߬ߟߊ߫ ߛߎ߬ߣߎ߲ ߘߝߊߣߍ߲ ߘߐ߫، ߡߐ߱ ߟߎ߬ ߟߊߘߍ߬ߣߍ߲ ߕߏ߫ ߘߊ߫ ߓߊߘߍ߫ ߘߊߞߎ߲ ߘߏ߫ ߟߎ߬ ߘߐ߫߸ ߡߙߎߕߌߓߊ߯ ߊ.ߘߋ.ߍߝ ߕߊ߯ ߘߊ߫ ߡߊ߬ߙߴߊ߬ߟߎ߫ ߡߊ߬߸ ߞߵߊ߬ߟߎ߬ ߛߌߦߊߡߊ߲߫ ߞߍ߫ ߛߎ߭ ߘߌ߫ ߦߋ߲߬.
ߡߐ߰ ߇߁ ߢߐ߲߰ ߠߋ߬ ߝߊ߰ߣߍ߲߫ ߞߐ߬ߓߊ߬ߟߏ߲ ߛߎ ߕߎߟߊߝߌ ߕߟߋ߬ ߈߸ ߞߵߊ߬ ߘߎ߰ߛߊ ߜߍ߫ ߞߐ߬ߟߏ߲ ߠߊ߫ ߕߎߟߊߝߌ߲ ߕߋ߬ߟߋ߫ ߉، ߏ߬ ߞߍ߫ ߘߊ߫ ߡߙߊ߬ߒ߬ߡߊ߬ߟߌ ߡߍ߲ ߘߐ߫߸ ߊ߬ ߘߍ߬ߡߍ߲߬ߘߌ߬ߣߍ߲߫ ߓߍ߯ߦߊ ߝߊ߲߬ߞߊ߬ ߟߊߞߊ߬ߝߏ߬ߣߍ߲ ߠߎ߬ ߟߋ߬ ߟߊ߫ (ߊ.ߘߋ.ߍߝ)߸ ߡߍ߲ ߞߍ߫ ߘߊ߫ ߒߕߦߏ߫ ߘߎ߰ߣߍ߲ ߞߣߐ߫߸ ߓߊߔߋߙߋ߬ ߡߊ߬ߙߊ ߘߐ߫߸ ߞߐ߰ߘߎ߮ ߞߌߝ߭ߎ߫߸ ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߕߟߋ߬ߓߐ ߘߐ߫.
ߡߊߞߍߙ ߛߝ߭ߌߞߣߎߟߊ߫ ߡߍ߲ ߦߋ߫ ߘߎ߰ߕߌ߮ ߘߌ߫ ߦߋ߲߬߸ ߏ߬ ߟߊ߫ ߝߐߟߌ߫ ߘߐ߫߸ ߞߏ߫ ߡߙߊ߬ߒ߬ߡߊ߬ߟߌ ߣߌ߲߬ ߞߍ߫ ߘߊ߫ ߞߊ߬ ߖߡߊ߬ߓߊ ߟߋ߬ ߕߏ߫ ߓߊߘߍ߫ ߘߊߞߎ߲ ߘߏ߫ ߘߐ߫، ߟߊ߬ߞߊ߲߬ߘߊ߬ߟߌ߬ߟߊ ߟߎ߬ ߝߣߊ߫ ߟߊ߫ ߞߎߡߊ ߘߏ߫ ߟߊߞߊ߬ߟߌ߬ ߘߊ߫ ߝߐ߰ߓߍ߬ߦߊ߬ߟߊ ߟߎ߬ ߓߟߏ߫߸ ߞߵߏ߬ ߟߊ߫ ߘߌ߲߬ߞߌߙߊ ߏ߬ ߣߊ߲߬ߒ߬ߕߊ߲߬ ߘߍ ߞߊ߲ߕߌ߮ ߞߊ߲߬߸ ߛߊߡߌߦߍߟ ߞߊߖ߭ߋߣߌ߫߸ ߏ߬ ߝߣߊ߫ ߞߊ߬ ߞߎߡߊ ߏ߬ ߟߊߛߙߋߦߊ߫߸ ߞߏ߫ ߓߊ߰ ߞߍ߫ ߘߊ߫ ߡߐ߱ ߟߎ߫ ߡߊ߬ ߞߵߊ߬ߟߎ߬ ߕߏ߫ ߓߊߘߍ߫ ߦߙߐ ߟߋ߬ ߘߐ߫. ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߡߐ߰ ߛߌߦߊߡߊ߲߫ ߠߋ߬ ߖߋ߬ߣߌ߲߬ ߘߴߊ߬ߟߎ߬ ߡߊߞߍ߫ ߦߙߐ ߟߎ߬ ߘߐ߫ ߞߵߊ߬ߟߎ߬ ߞߍ߫ ߞߎ߲߫߸ ߘߏ߫ ߟߎ߫ ߝߣߊ߫ ߓߏ߬ߙߌ߬ߕߐ߬ߟߊ ߜߊ߬ߛߌ߬ ߘߴߊ߬ߟߎ߬ ߓߟߏ߫، ߊ߬ߟߎ߫ ߞߊ߬ ߕߊ ߛߎ߫ ߓߏ߲߫ ߁߄ ߠߋ߬ ߟߊ߫߸ ߞߊ߬ ߡߐ߰ ߣߊ߯ߣߌ߲߫ ߖߐߞߌ߫.
ߡߙߊ߬ߒ߬ߡߊ߬ߟߌ߬ ߛߌߦߊߡߊ߲߫ ߠߋ߬ ߘߏ߲߬ ߓߘߊ߫ ߞߍ߫ ߞߐ߰ߘߎ߮ ߞߌߝ߭ߎ߫ ߕߋ߲߬߸ ߊ߬ ߣߌ߫ ߌߕߎߙߌ߫߸ ߡߍ߲ ߠߎ߬ ߓߍ߯ ߦߋ߫ ߘߍ߬ߡߍ߲߬ߘߌ߬ ߟߊ߫ ߊ.ߘߋ.ߍߝ ߟߊ߫، ߊ߬ ߖߍ߬ߘߍ߸ ߞߊ߬ߙߌ߬ߝߐ ߟߊߓߊ߲ ߠߊ߫߸ ߣߊ߬ߒ߬ߕߊ߲߫ ߡߐ߰ ߁߅߀ ߟߋ߬ ߝߊ߰ ߞߏ ߝߐ߫ ߘߊ߫، ߞߏ߲߬ߞߏ߫ ߣߊ߲߬ߕߌ߮ ߟߎ߬ ߘߏ߲߬ ߜߎ ߦߋ߫ ߦߋ߲߬߸ ߊ߬ ߣߌ߫ ߎߜ߭ߊ߲ߘߊ߫ ߣߊ߲߬ߕߌ߮ ߟߎ߬߸ ߡߍ߲ ߠߎ߬ ߟߊߕߊ߯ ߘߊ߫ ߦߋ߲߬ ߞߊ߬ߦߌ߯ ߂߀߂߁ ߠߊ߫߸ ߦߙߍߞߍߟߌ߫ ߞߊ߲ߡߊ߬ ߦߋ߲߬߸ ߊ߬ ߦߋ߫ ߝߐ߫ ߟߊ߫ ߡߍ߲ ߡߊ߬ ߞߏ߫ <<ߛ߭ߎߖ߭ߊ߮>>.
ߡߙߎߕߌߓߊ߮ ߢߌ߲߬ ߠߎ߬ ߣߌ߫ ߛߌ߬ߟߡߊ߬ ߝߊߕߐ ߘߏ߫ ߟߎ߫ ߟߋ߬ ߓߟߏ߫ ߦߋ߫ ߢߐ߲߯ ߓߟߏ߫߸ ߡߍ߲ ߠߎ߬ ߓߘߴߊ߬ߟߎ߬ ߟߊ߫ ߦߙߍߞߍߟߌ ߞߍߢߊ ߡߊߝߊ߬ߟߋ߲߬ ߦߙߐ߫ ߟߊߞߋ߲߬ߛߎ߬ߣߍ߲ ߠߎ߬ ߘߐ߫߸ ߡߍ߲ ߠߎ߬ ߡߊߛߐ߬ߘߐ߲߬ ߜߏߡߊ߲߫߸ ߖߐ߲߰ߛߴߊ߬ߟߎ߬ ߘߌ߫ ߞߛߌ߫ ߣߊ߲߬ߕߌ߮ ߟߎ߬ ߟߊ߫ ߕߊߢߐ߲߯ߓߐ߫ ߞߏ ߟߎ߬ ߡߊ߬ ߛߐ߲߬، ߒߕߦߏ߫ ߡߐ߰ ߝߊ߰ߓߊ ߣߌ߲߬ ߦߴߊ߬ߟߎ߬ ߟߊ߫ ߞߍߞߌߦߊ ߘߏ߫ ߟߋ߬ ߟߊ߲ߞߣߍߡߊ߫ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߕߊ߯ ߟߊ߫ ߓߋ߬ ߟߊ߫ ߣߊ߬ߒ߬ߕߊ߲ ߠߎ߬ ߟߋ߬ ߞߊ߲߬ ߛߐ߲߬ ߦߙߐ߫ ߟߊߞߋ߲߬ߛߎ߬ߣߍ߲ ߠߎ߬ ߘߐ߫߸ ߡߍ߲ ߠߎ߬ ߦߙߐ߫ ߞߊ߫ ߖߊ߲߬ ߣߊ߲߬ߕߌ߮ ߟߎ߬ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.