ߛߌ߰ߞߊ߲߬ ߞߊ߲ߘߟߌ ߢߣߊߕߊߟߌ ߓߙߊߡߊߖߊ߲ߓߊ߲ ߓߘߊ߫ ߟߊߥߊ߲߬ߞߊ߲߫ ߞߎ߲߬ߠߊ߬ߛߌ߮ ߓߟߏ߫ ߡߎ߬ߕߎ߲߬، ߞߊ߲ߕߌ߮ ߓߘߊ߫ ߟߊ߬ߕߌ߰ߦߊ ߟߊߓߐ߫ ߞߊ߬ ߞߏ ߞߍߢߊ߫ ߓߘߍ ߢߊߝߐ߫߸ ߞߊ߬ ߓߍ߲߬ ߕߎߟߊߝߌ߲ ߕߋ߬ߟߋ߫ ߂߁ ߢߣߊߕߊߟߌ ߡߊ߬.

ߞߊ߲ߓߍ߲ ߞߊ߲ߕߌ߮߸ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߘߴߊ߬ ߟߊߛߋ߫ ߂߀߂߅ ߘߓߊ߬ߓߌߟߊ ߕߋ߬ߟߋ߫ ߂߂ ߢߌ߲߬ ߡߊ߬ ߟߊ߬ߕߍ߰ߦߊ ߘߏ߫ ߘߐ߫߸ ߡߍ߲ ߘߐߞߊ߬ߙߊ߲߬ ߘߊ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ߬ߓߊ ߟߊ߫ ߂߀ߙߋ߲߃߀ ߝߐ߰ߓߍ ߘߐ߫߸ ߞߊ߬ ߞߊ߲ߘߟߌ߫ ߓߙߊߡߊߖߊ߲ߓߊ߲ ߕߎ߬ߡߊ߬ߘߊ ߟߊߕߍ߰، ߏ߬ ߘߊߡߌ߬ߣߊ߬ߕߐ߫ ߞߊ߯ߙߌ߫ ߣߊ߬ߕߐ ߟߋ߬ ߡߊ߬߸ ߂߀߂߅ ߘߓߊ߬ߓߌߟߊ ߕߟߋ߬ ߃߁߸ ߞߵߊ߬ ߛߌ߰ ߕߎߟߊߝߌ߲ ߕߟߋ߬ ߁߈ ߠߊ߫߸ ߦߋߙߋ߲ߦߋߙߋ߲ ߕߎ߬ߡߊ.

ߟߊ߬ߕߍ߰ߦߊ ߣߌ߲߬ ߞߊ߬ ߓߎ߬ߘߎ߲ ߓߐ߫ ߟߋ߬ ߞߏ ߟߎ߬ ߟߊߕߊ߯ߡߊ߫ ߢߊ ߘߐ߫ ߝߋߎ߫، ߓߊߏ߬߸ ߊ߬ ߢߊߝߐߣߴߊ߬ ߞߣߐ߫ ߞߏ߫ ߢߐ߲߯ ߠߊߘߍ ߡߍ߲ ߠߎ߬ ߞߍߕߐ߫ ߓߙߊߡߊߖߊ߲ߓߊ߲ ߕߎ߬ߡߊ ߣߌ߲߬ ߞߣߐ߫߸ ߏ߬ ߟߎ߬ ߓߍ߯ ߞߊ߫ ߞߊ߲߫ ߞߊ߬ ߞߍ߫ ߛߊ߬ߙߌ߬ߦߊ߬ ߓߏ߲ߧߊ ߟߋ߬ ߞߣߐ߫߸ ߊ߬ ߣߌ߫ ߖߊ߬ߡߊ ߟߊ߫ ߖߛߎ߬ߛߎߡߊ ߟߊߕߊ߲߬ߞߊ ߞߣߐ߫.

ߊ߬ ߓߊ߲߫ ߘߊ߫ ߞߊ߬ ߖߊ߬ߡߊߙߌ ߓߌ߬ߟߊ߬ߢߐ߲߰ߡߊ ߞߏߟߊߕߍ߯ ߛߊ߲ߘߐ ߝߣߊ߫ ߡߊ߬߸ ߞߏ߫ ߞߊ߬ ߡߙߌߦߊ߫ ߟߊߛߋ߫ ߢߊ ߟߎ߬ ߞߣߐ߬ߜߍ߲߫ ߞߌ߬ߓߊ߬ߙߏ߬ߘߊ ߟߎ߬ ߟߊ߫߸ ߝߘߏ߬ߓߊ߬ߡߊ ߟߎ߬ ߣߌ߫ ߘߎ߲߬ߘߎ߬ߡߊ߬ߕߊ ߟߎ߬ ߓߍ߯ ߘߏ߲߬ ߞߊߡߊ߲߫ ߏ߬ ߘߐ߫، ߊ߬ ߣߌ߫ ߝߣߊ߫߸ ߞߏ߫ ߞߎߡߊ ߡߍ߲ ߠߎ߬ ߞߍߕߐ߫ ߞߵߊ߬ ߓߍ߲߬ ߓߙߊߡߊߖߊ߲ߓߊ߲ ߡߊ߬߸ ߏ߬ ߟߎ߬ ߓߍ߯ ߛߙߊߕߌ ߟߎ߬ ߟߊߕߍ߰ߕߐ߫ ߤߊߞ ߟߋ߬ ߓߟߏ߫.

ߝߣߊ߫߸ ߞߏߕߌ߫ߘߊ߫ ߛߌߦߊߡߊ߲߫ ߠߋ߬ ߦߋ߲߬߸ ߟߊ߬ߕߍ߰ߦߊ ߣߌ߲߬ ߞߊ߬ߙߌ߬ߝߊ߬ ߘߊ߫ ߡߍ߲ ߠߎ߬ ߟߊ߫߸ ߣߴߊ߬ߟߎ߬ ߞߊ߫ ߞߊ߲߫ ߞߵߊ߬ߟߎ߫ ߖߊ߲߬ߕߏ߫ ߊ߬ ߞߣߐ߫ ߞߎߡߊ ߟߎ߬ ߡߊߓߏ߲߬ߧߊ ߘߐ߫، ߦߏ߫: ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߯ߘߊ߸ ߞߐߞߊ߲ߞߏ ߟߎ߬ ߞߏߌ߯ߘߊ߸ ߕߋߟߋ߲ߓߊ߯ߦߊ ߞߏߕߌ߯ߘߊ߸ ߓߌ߬ߟߊ߬ߢߐ߲߰ߡߊ ߣߌ߫ ߞߌ߬ߓߊ߬ߙߏ߬ߦߊ߬ߟߌ ߞߏߕߌ߯ߘߊ߸ ߛߐ߬ߘߐ߲ ߣߌ߫ ߣߊ߲߬ߝߟߏ߬ߦߊ߬ߟߌ ߞߏߕߌ߯ߘߊ߸ ߝߛߎߞߎ ߞߏߕߌ߯ߘߊ߸ ߟߊ߬ߞߊ߲߬ߘߊ߬ߟߌ߸ ߊ߬ ߣߌ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߯ߘߊ.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.