ߟߊ߬ߕߍ߰ߦߊ ߘߏ߫ ߟߋ߬ ߟߊߓߐ߫ ߘߊ߫ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߃ ߡߊ߬߸ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߟߏ߫߸ ߏ߬ ߞߊ߬ ߖߌ߬ߣߍ߫ ߘߎ߰ߞߣߍ ߡߊ߬ߡߙߊ߬ߟߌ ߘߊߘߐߓߍ߲߬ ߢߊ ߟߊߖߌ߲߯ߛߊ߫ ߟߋ߬ ߝߛߊߦߌ߫، ߞߎ߲߬ߠߊ߬ߛߌ߰ߟߊ ߟߎ߬߸ ߞߎߓߋߘߐ ߗߋߕߌ߮ ߟߎ߬߸ ߊ߬ ߣߌ߫ ߡߙߊ߬ߓߊ߮ ߟߎ߬߸ ߏ߬ ߟߎ߫ ߞߊ߬ ߟߐ߬ߘߎ߰ ߡߊ߬ߦߟߍߡߊ߲ ߠߋ߬ ߞߍ߫߸ ߞߊ߬ ߘߌ߲߬ߞߌߙߊ ߟߎ߫ ߡߊ߬ߡߙߊ߬ߟߌ ߦߋߝߊߘߌ ߞߍ߫ ߞߎߘߊ߫ ߘߌ߫.
ߞߏߟߌ߲ߞߏߟߌ߲ ߕߋ߬ߟߋ߫ ߃ ߞߍ߫ ߘߊ߫ ߦߟߍ߬ߡߊ߲ ߕߎ߬ߡߊ߬ ߞߎߘߎ߲ ߘߏ߫ ߟߋ߬ ߘߌ߫ ߖߌ߬ߣߍ߬ ߞߣߐ߫߸ ߡߍ߲ ߡߊ߫ ߘߏ߲߰ ߦߙߐ߫ ߛߌ߫ ߟߊ߫، ߟߊ߬ߕߍ߰ߦߊ ߘߏ߫ ߟߋ߬ ߞߊ߬ߙߊ߲߬ ߘߊ߫ ߛߎ ߝߍ߬߸ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߡߍ߲ ߞߟߊ߬ߣߐ߬ߦߊ߫߸ ߞߊ߬ ߞߏߘߐߦߟߍߡߊ߲ ߞߍ߫ ߞߎ߲߬ߠߊ߬ߛߌ߰ߟߊ ߟߎ߬ ߣߌ߫ ߡߙߊ߬ߓߊ߮ ߟߎ߬ ߟߊ߫ ߞߏ ߘߐ߫، ߘߏ߫ ߟߎ߫ ߦߴߏ߬ ߡߍ߲ ߖߊ߬ߕߋ߬ ߟߊ߫ ߛߎ߬ߟߊ߬ߣߍ߲ ߠߊ߫ ߞߓߊ߫ ߡߊߦߟߍߡߊ߲ ߞߐߝߟߌ ߘߌ߫߸ ߡߍ߲ ߥߢߊ߫ ߖߌߡߊ ߛߊߙߌߣߍ߲߫ ߞߊ߬ ߛߋ߫ ߛߌߦߊߡߊ߲߫ ߡߊ߬، ߏ߬ ߟߋ ߘߐ߫߸ ߘߏ߫ ߟߎ߫ ߟߊ߫ ߟߐ߬ߘߎ߰ ߡߊ߬ߦߟߍߡߊ߲ ߦߋ߫ ߘߴߊ߬ߟߎ߬ ߟߊ߫ ߘߎ߰ߘߋ߲ ߛߌߦߊߡߊ߲ ߓߟߏ߫ ߓߌ߲߬ߓߊߥߏ ߟߋ߬ ߘߌ߫߸ ߞߵߏ߬ ߕߎ߬ߙߎ ߞߍ߫ ߊ߬ ߟߊ߫ ߞߍߣߍ߲ ߠߎ߬ ߘߌ߫߸ ߝߏ߫ ߖߊ߯ߛߊ߫ ߘߐ߲ ߓߐ߫ ߘߴߊ߬ ߘߐ߫.
ߞߐߣߊߞߙߌ߫ ߞߣߐ߫߸ ߞߟߍ߬ߕߌ߯ ߒߡߊ߭ߥߊ߬ ߛߌ߬ߟߊ ߟߋ߬ ߞߍ߫ ߘߊ߫ ߞߎ߲߬ߠߊ߬ߛߌ߰ߟߊ ߘߌ߫ ߦߋ߲߬߸ ߏ߬ ߡߍ߲ ߦߋ߫ ߓߐ߬ߟߐ߲߬ߞߊ߬ ߘߌ߫، ߊ߬ߟߋ ߓߌ߬ߟߊ߬ߛߌ߬ߟߊ߬ߓߊ߮ ߦߋ߫ ߡߏ߬ߤߊ߬ߡߍ߬ߘ ߛߌߘߌ߬ ߛߊ߬ߞߐ߫ ߟߋ߬ ߘߌ߫߸ ߌߞߏ߫ ߞߎߓߋߘߐ ߗߋߕߌ߮߸ ߊ߬ ߣߌ߫ ߞߊߘߌߦߊߕߎ߬ ߊߡߙߊ߫ ߛߌ߬ߟߊ߸ ߏ߬ ߝߣߊ߫ ߞߍ߫ ߘߊ߫ ߡߛߏ߬ ߘߌ߫߸ ߡߍ߲ ߟߐ߬ߘߎ߮ ߦߋ߫ ߞߎߓߋߘߐ ߗߋߕߌ߮ ߘߌ߫.
ߣߴߌ ߘߏ߲߬ ߥߊ߫ ߘߊ߫ ߒߛߙߍߜߍ߬ߘߍ߫ ߕߌ߲߬ߞߎߘߎ߲ ߘߐ߫߸ ߦߋ߲߬ ߡߊߡߙߊ߬ߣߍ߲߫ ߝߊߙߌ߲ ߡߎߛߊ߫ ߞߐ߲ߘߍ߫ ߟߋ߬ ߓߟߏ߫ ߡߎ߬ߕߎ߲߬߸ ߏ߬ ߡߍ߲ ߕߘߍ߬ ߞߊ߲ߞߊ߲߫ ߞߎ߲߬ߠߊ߬ߛߌ߰ߟߊ ߘߌ߫ ߞߊ߬ߣߌ߲߬، ߊ߬ ߣߌ߫ ߡߍ߲ ߠߎ߬ ߞߍߕߐ߫ ߏ߬ ߞߏ ߟߎ߬ ߞߍ߫ ߟߊ߫ ߢߐ߲߮ ߝߍ߬߸ ߣߴߊ߬ߟߎ߬ ߦߴߊ߬ ߟߊ߫ ߞߎߓߋߘߐ ߗߋߕߌ߮ ߟߎ߬ ߘߌ߫߸ ߏ߬ ߝߟߐ ߟߋ߬ ߟߊ߱ߖߌ߬ ߕߌ߬ߖߊߣ ߛߎߡߊ߬ ߘߌ߫߸ ߞߊ߬ ߋߕߌߦߍߣ ߛߊ߲߬ߘߎ߬ߣߏ߫ ߕߎ߲߰ ߏ߬ ߟߊ߫، ߡߙߊ߬ߓߊ߰ ߛߌߦߊߡߊ߲߫ ߠߋ߬ ߝߣߊ߫ ߡߊߝߊ߬ߟߋ߲߬ ߘߊ߫ ߦߋ߲߬߸ ߞߊ߬ߕߎ߲߯߸ ߒߛߙߍߜߍ߬ߘߍ߫ ߡߙߊ߬ߓߊ߰ ߞߎߘߊ ߟߋ߬ ߝߊߙߌ߲ ߋߕߌߦߍߣ ߕߎ߲߬ߞߙߊ߬ ߘߌ߫߸ ߝߊߙߌ߲ ߛ߭ߍߞ ߡߏߤߊߡߍߘ ߞߋߕߊ߬ ߦߋ߫ ߡߊ߬ߛߊ߲߬ߕߊ߫ ߡߙߊ߬ߓߊ߮ ߘߌ߫، ߓߋߟߊ߫ ߕߊ ߦߋ߫ ߝߊߙߌ߲ ߌߘߙߌߛߊ߬ ߞߡߊ߬ߙߊ߬ ߘߌ߫߸ ߟߐ߬ߟߊ߬ ߕߊ ߦߋ߫ ߝߊߙߌ߲ ߓߊ߬ߛߌߦߊ߫ ߟߋ߬ߣߏ߬ ߘߌ߫߸ ߦߏ߭ߡߎ߬ ߕߊ ߞߍ߫ ߘߊ߫ ߝߊߙߌ߲ ߌߓߙߊߤߌߡߊ߬ ߘߎߙߊߡߘߎ߫ ߞߋߕߊ߬ ߘߌ߫߸ ߏ߬ ߡߍ߲ ߕߘߍ߬ ߛߌ߯ߙߌ߲߫߸ ߖߞߋߘߎ߯ ߡߙߊ߬ߓߊ߰ߦߊ ߘߌ߫ ߘߊ߫ ߝߘߏ߬ߓߊ߬ ߕߐ߲ߕߌ߮ ߞߊ߲ߖߊ߬ ߡߊ߰ߙߊ ߟߋ߬ ߡߊ߬߸ ߏ߬ ߡߍ߲ ߝߣߊ߫ ߕߘߍ߬ ߞߊ߲ߞߊ߲߫ ߡߙߊ߬ߓߊ߮ ߘߌ߫.
ߣߴߊ߲ ߘߏ߲߬ ߣߊ߬ ߘߊ߫ ߞߊ߲ߞߊ߲߫ ߕߌ߲߬ߞߎߘߎ߲ ߘߐ߫߸ ߝߊߙߌ߲ ߊ߬ߟߌ ߓߊߘߊ߬ߙߊ ߞߡߊ߬ߙߊ߫ ߟߋ߬ ߞߵߏ߬ ߛߌߟߊ߫ ߢߍߦߊ ߕߊ߬ ߞߎ߲߬ߠߊ߬ߛߌ߰ߟߊ ߘߌ߫߸ ߞߵߊ߬ ߡߊߟߐ߬ ߊ߬ߟߌߦߊ߬ ߞߡߊ߬ߙߊ߬ ߣߌ߫ ߛߣߊߛߊ߬ ߕߎ߬ߙߋ ߟߊ߫߸ ߏ߬ ߟߎ߬ ߞߍ߫ ߘߴߊ߬ ߟߊ߫ ߞߎߓߋߘߐ ߗߋߕߌ߮ ߟߎ߬ ߘߌ߫. ߞߊ߲ߞߊ߲߫ ߠߊߡߌߣߌ߲ ߡߙߊ߬ߓߊ߰ߘߊ ߘߏ߫ ߟߎ߫ ߝߣߊ߫ ߞߊ߬ ߞߏߘߐߦߟߍߡߊ߲ ߛߏ߬ߓߌ߬߸ ߓߊߏ߬ ߞߊ߲ߞߊ߲߫ ߡߙߊ߬ߓߊ߰ߘߊ ߖߍ߬ߘߍ ߡߙߊ߬ߓߊ߰ߦߊ ߘߌ߫ ߘߊ߫ ߝߊߙߌ߲ ߡߏ߬ߤߊ߬ߡߍߘ ߢߊ߲ߜ߭ ߟߋ߬ ߡߊ߬߸ ߞߊ߬ ߛߌ߯ߙߌ߲߫ ߡߙߊ߬ߓߊ߰ߦߊ ߘߌ߫ ߝߊߙߌ߲ ߛߋߣߌ߬ ߛߌߟߑߝ߭ߍߙ ߞߡߊ߬ߙߊ߫ ߡߊ߬߸ ߏ߬ ߟߎ߫߬ ߡߍ߲ ߠߎ߬ ߕߍ߬ߘߍ߫ ߞߊ߬ߛߌ߬ ߟߊ߫ ߡߙߊ߬ߓߊ߰ ߞߏ ߘߐ߫ ߦߋ߲߬ ߞߊ߬ߣߌ߲߬.
ߣߴߌ ߞߊ߬ ߝߙߊߣߊ߫ ߕߌ߲߬ߞߎߘߎ߲ ߕߊ߬߸ ߝߘߏ߬ߕߊ߬ ߕߐ߲ߕߌ߮ ߟߊ߬ߡߌߣ ߞߋߕߊ߬ ߟߋ߬ ߞߍ߫ ߘߊ߫ ߞߎ߲߬ߠߊ߬ߛߌ߰ߟߊ ߘߌ߫߸ ߏ߬ ߝߣߊ߫ ߟߊ߫ ߞߎߓߋߘߐ ߞߎ߲߬ߕߌ߮ ߟߎ߬ ߕߐ߯ߦߊ߫ ߘߊ߫ ߟߋ߬، ߞߵߊ߬ ߟߴߊ߬ ߞߊ߲߬߸ ߝߙߊߣߊ߫ ߡߙߊ߬ߓߊ߰ߘߊ ߓߊ߬߸ ߘߌ߲ߜ߭ߌߙߊߦߋ߫ ߓߊ߬߸ ߘߊߓߏߟߊ߫߸ ߊ߬ ߣߌ߫ ߞߛߌ߬ߘߎ߰߸ ߏ߬ ߟߎ߬ ߓߍ߯ ߡߙߊ߬ߓߊ߮ ߟߎ߬ ߡߊߝߊ߬ߟߋ߲߬ ߘߊ߫ ߟߋ߬.
ߞߌ߲ߘߌߦߊ߫ ߕߌ߲߬ߞߎߘߎ߲ ߝߣߊ߫ ߟߊߖߌ߲߯ߛߊ߫ ߘߊ߫߸ ߞߊ߬ ߦߋ߲߬ ߞߎ߲߬ߠߊ߬ߛߌ߰ߟߊ ߞߍ߫ ߡߊ߬ߡߊߘߎ߬ ߞߡߊ߬ߙߊ߬ ߘߌ߫߸ ߏ߬ ߦߋ߫ ߝߘߏ߬ߓߊ߬ ߕߐ߲ߕߌ߮ ߟߋ߬ ߘߌ߫، ߓߏ߬ߞߋ߬ ߝߣߊ߫ ߞߎ߲߬ߠߊ߬ߛߌ߰ߟߊ ߞߍ߫ ߘߊ߫ ߞߟߍ߬ߕߌ߰ ߊߓߎߓߞߊߙ ߖߊ߬ߞߌ߬ߕߋ߫ ߟߋ߬ ߘߌ߫، ߟߊߓߋ߬ ߕߊ ߘߏ߲߬ ߘߊ߫ ߞߟߍ߬ߕߌ߯ ߓߎ߲߬ߘߎ߬ߞߊ ߞߐ߲ߘߍ߫ ߟߋ߬ ߓߟߏ߫߸ ߦߋ߲߬ ߠߎ߬ ߝߣߊ߫ ߡߙߊ߬ߓߊ߮ ߟߎ߬ ߡߊߝߊ߬ߟߋ߲߬ ߘߊ߫ ߟߋ߬.
ߢߌ߬ߣߊ߬ ߡߊ߫ ߞߍ߫ ߡߊ߯ߡߎ߲߫ ߞߐ߫ ߣߌ߲߬ ߞߏ ߐߘ߫߸ ߏ߬ ߡߙߊ߬ߕߐ߫ ߝߊߙߌ߲ ߙߏߓߍߙ ߛߎߡߊ߬ ߟߋ߬ ߓߟߏ߫ ߞߎ߲߬ߠߊ߬ߛߌ߰ߟߊ߬ߦߊ ߞߊߡߊ߲ ߞߣߐ߫߸ ߏ߬ ߣߴߊ߬ ߟߊ߫ ߞߙߎ߫ ߞߎߘߊ ߟߋ߬ ߥߊ߫ ߘߊ߫߸ ߡߊ߬ߦߟߍ߬ߡߊ߲߬ߠߌ߲ ߞߍ߫ ߘߴߊ߬ ߡߙߊ߬ߓߊ߰ߘߊ ߟߎ߬ ߝߣߊ߫ ߘߐ߫.
ߦߟߍ߬ߡߊ߲߬ߓߊ ߡߍ߲ ߦߋ߫ ߕߋ߲߬ ߓߊߘߋ߲ ߠߎ߬߸ ߖߡߊ߬ߣߊ ߦߙߐ ߓߍ߯ ߟߋ߬ ߞߵߊ߬ ߟߊߞߏߟߐ߲߫߸ ߡߐ߰ ߡߴߊ߬ ߞߎ߲߬ ߟߐ߲߫ ߞߎ߲߬ߠߊ߬ߛߌ߮ ߓߟߏ߫߸ ߓߊ߬ߙߵߊ߬ ߦߋ߫ ߖߊ߬ߕߋ߬ ߟߊ߫ ߟߊ߬ߞߙߐ߬ߛߟߌ߬ߟߊ ߟߎ߬ ߓߟߏ߫ ߓߌ߲߬ߓߊߥߏ ߟߋ߬ ߘߌ߫ ߘߏ߫ ߟߎ߫ ߞߊ߲߬߸ ߊ߬ ߣߴߊ߬ ߦߋ߫ ߡߊ߬ߙߊ ߞߍߢߊ ߘߏ߫ ߟߎ߫ ߟߋ߬ ߡߊߝߊ߬ߟߋ߲ ߘߌ߫߸ ߛߊ߫ ߦߟߍ߬ߡߊ߲ ߘߌ߫ ߞߍ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.