ߛߌ߰ߞߊ߲߬ ߞߊ߲ߘߟߌ ߢߊߞߘߐߟߊ ߣߌ߲߬ ߘߐ߫߸ ߞߎ߲߬ߠߊ߬ߛߌ߮ ߓߘߊ߫ ߡߙߌߘߐ߫ ߖߐ߲ߖߐ߲߫ ߕߊ߬، ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬ ߂߀߂߅ ߕߎߟߊߝߌ߲ ߕߟߋ߬ ߁߉ ߡߊ߬߸ ߖߌ߬ߣߍ߬ ߞߏߟߊߕߍ߮ ߟߎ߫ ߞߊ߬ ߞߣߐߟߊ ߟߊߞߊ߲ߘߊ ߦߙߍߞߍߟߌ ߡߊ߬ߡߙߊ߬ߟߌ߬ ߓߏ߲ߘߋ߲߸ ߣߴߊ߬ ߟߊߘߛߏߣߍ߲ ߦߋ߫ ߞ.ߟ.ߦ.ߡ.ߓ ߘߌ߫.
ߊ߬ߟߋ ߦߋ߫ ߕߊ߲ߓߊ߲ߘߊ߫ ߟߋ߬ ߘߌ߫߸ ߡߍ߲ ߘߐ߱ߘߏ߲߬ߣߍ߲߫ ߞߊ߲ߘߟߌ ߞߏߢߊ ߟߎ߬ ߟߊߞߊ߲ߘߊ ߟߊ߫ ߞߊ߯ߙߌߟߏ߲߸ ߕߎߟߊߝߌ߲ ߕߋ߬ߟߋ߫ ߂߁ ߣߊ߬ߕߐ ߣߌ߲߬ ߡߊ߬.
ߕߊ߲ߓߊ߲ߘߊ ߣߌ߲߬ ߠߊ߫ ߗߋߦߊߟߌ ߟߋ߬ ߞߊ߲ߘߟߌ߫ ߟߏ߲ ߟߌ߬ߤߟߊ ߡߎ߰ߡߍ ߟߊߕߊ߬ߡߌ߲ ߠߋ߬ ߘߌ߫ ߊ߬ ߕߎ߬ߡߊ߬ߣߍ߲߬ ߖߋߞߎ ߟߊ߫ ߟߊ߬ߞߊ߲߬ߘߊ߬ߟߌ ߡߊ߬ߘߎ߮ ߘߐ߫߸ ߞߵߊ߬ ߟߌ߬ߤߟߊ ߓߍ߯ ߟߊߞߎ߲߫ ߦߙߐߣߍ߲߫ ߞߋߟߋ߲߫ ߘߐ߫، ߊ߬ߟߋ ߟߋ߬ ߞߍߕߐ߫ ߓߌ߬ߟߊ߬ߒ߬ߘߐ ߟߎ߬ ߝߣߊ߫ ߘߏ߲߬ߖߟߎ߬ߡߊ߬ ߟߊ߫، ߞߎߡߊ ߣߌ߲߬ ߝߘߊ߫ ߘߊ߫ ߞߏߟߊߕߍ߯ ߟߎ߫ ߟߋ߬ ߟߊ߫߸ ߡߍ߲ ߠߎ߬ ߛߐ߬ߘߐ߲߬ ߘߴߊ߬ ߟߊ߬ߘߍ ߘߐ߫߸ ߦߏ߫ ߞߟߍ߬ߕߌ߰ ߊߡߙߊ߫ ߞߡߊ߬ߙߊ߬߸ ߞߏߕߌ߯ ߝߟߐ߫ ߊߡߊߘߎ߫ ߎ߯ߙߌ߬ ߓߊ߸ ߞߟߍ߬ߕߌ߯ ߓߊ߬ߟߊ߫ ߛߊ߬ߡߎߙߊ߬߸ ߊ߬ ߣߌ߫ ߌߓߙߊߤߌߡߊ߫ ߞߊߟߌߟ ߞߐ߲ߘߍ߫.
ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߢߌ߲߬ ߠߎ߬ ߦߋ߫ ߣߊ߲߬ߕߌ߰ ߞߙߎ߫ ߟߊߘߍ߬ߣߍ߲ ߠߎ߬ ߟߋ߬ ߘߌ߫߸ ߡߍ߲ ߠߎ߬ ߘߐߞߍߣߍ߲߫ ߞߟߍ߬ߡߐ߮ ߟߎ߬ ߟߊ߫߸ ߕߐ߲ߓߟߏߡߊ ߟߎ߬ ߟߊ߫߸ ߏ߬ ߟߎ߬ ߡߍ߲ ߠߎ߬ ߦߋ߫ ߟߐ߬ߖߟߎ߬ߡߊ߬ ߝߟߐ ߘߐ߫ ߞߊ߬ߣߌ߲߬، ߣߊ߲߬ߕߌ߰ ߓߏߟߏ߲߫ ߝߌ߬ߟߊ ߢߌ߲߬ ߠߎ߫ ߟߋ߬ ߟߊߟߐ߬ߕߐ߫ ߊ߬ߟߎ߫ ߛߋ߲߭ ߞߎ߲߬ߘߐ߫ ߟߊ߬ߞߊ߲߬ߘߊ߬ߟߌ ߞߊ߲ߡߊ߬.
ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߣߊ߲߬ߕߌ߰ ߥߊ߯ ߓߌߣߊ߯ߣߌ߲߫ ߣߌ߫ ߞߐ߫ ߟߋ߬߸ ߡߍ߲ ߠߎ߬ ߟߊߖߍ߲ߛߍ߲ߕߐ߫ ߖߡߊ߬ߣߊ ߝߊ߲߭ ߠߎ߬ ߟߊ߫ ߞߊ߯ߙߌߟߏ߲߸ ߞߊ߲ߘߟߌ ߞߏߢߊ ߟߎ߬ ߟߊߞߊ߲ߘߊ߫ ߞߊ߲ߡߊ߬، ߊ߬ߟߎ߫ ߘߏ߲߬ ߛߕߐ߫ ߟߋ߬ ߖߐ߯ߙߊ߲ ߠߎ߬ ߟߊ߫ ߝߛߊߦߌ߫߸ ߞߵߊ߬ߟߎ߬ ߟߊ߫ ߓߊ߯ߙߊ ߟߊߣߐ߰ߦߴߊ߬ߟߎ߫ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.