ߞߵߊ߬ ߓߍ߲߬ ߛߌ߯ߙߌ߲߫ ߡߊ߲߬ߞߊ߲ ߣߌ߲߬ ߡߊ߬߸ ߏ߬ ߡߍ߲ ߞߍߣߍ߲߫ ߕߙߎ߬ ߘߌ߫ ߞߊ߬ ߛߏ ߟߊߡߊ߰߸ ߟߊ߱ߖߌ߬ ߕߌ߬ߖߊߣ ߞߏ߬ߦߌ߬ߕߊ ߡߍ߲ ߦߋ߫ ߖߌ߬ߣߍ߬ ߛߊߣߌ߲߫ ߖߎߟߊ ߟߎ߬ ߟߊ߫ ߘߍ߭ ߞߊ߲ߕߌ߮ ߘߌ߫߸ ߏ߬ ߞߊ߬ ߞߟߌߟߌ ߟߋ߬ ߞߍ߫ ߖߛߎ߬ߛߎߡߊ ߡߊ߬، ߊ߬ ߞߵߏ߬ ߡߍ߲ ߞߍ߫ ߛߌ߯ߙߌ߲߫ ߞߎߡߊߛߏ ߟߎ߬ ߟߊ߫ ߓߌ߬ߟߊ߬ߢߐ߲߰ߡߊ ߘߏ߫ ߘߐ߫߸ ߞߊ߲߫ ߛߌߦߊߡߊ߲߫ ߓߐ߫ ߘߴߊ߬ ߞߙߊ߫ ߘߐ߫ ߖߊ߲߬ߖߏ߲ ߣߌ߲߬ ߘߐ߫ ߞߏߛߓߍ߫߸ ߞߵߊ߬ ߓߍ߲߬ ߊ߬ ߣߌ߫ ߝߊ߰ߡߊ ߟߎ߬ ߟߊ߫ ߘߊߘߐߖߊߥߏ ߘߏ߫ ߟߎ߫ ߡߊ߬.
ߓߌ߬ ߞߐ߬ߓߊ߬ߟߏ߲ ߣߌ߲߬߸ ߟߊ߱ߖߌ߬ ߕߌ߬ߖߊߣ ߞߏ߬ߦߌ߬ߕߊ ߛߙߊ߬ߣߎ߲߬ ߘߊ߫ ߟߋ߬ ߛߌ߯ߙߌ߲߫ ߞߎߡߊߛߏ ߟߎ߬ ߟߊ߫، ߊ߬ ߟߊ߫ ߞߎߡߊ߫ ߘߐ߫ ߞߵߊ߬ ߓߍ߲߬ ߔߊߞߌߛߦߊ ߕߋ߬ߟߋ߫ ߝߌ߬ߟߊ ߣߌ߲߬ ߡߊ߬߸ ߏ߬ ߡߍ߲ ߞߎ߲߭ ߞߍ߫ ߘߊ߫ ߊ߬ߟߌ ߗߊߡ ߡߌ߬ߣߊ߬ ߞߏ ߘߌ߫߸ ߊ߬ ߣߌ߫ ߡߞߊ߬ߛߟߌ߬ ߞߊ߲ ߡߍ߲ ߠߎ߬ ߦߋ߫ ߘߋ߲ߡߌߛߍ߲ ߠߎ߬ ߝߣߊ߫ ߓߟߏ߫ ߞߵߊ߬ ߓߍ߲߬ ߊ߬ߟߎ߬ ߟߊ߫ ߓߐ߰ߝߍ ߘߐߕߌߢߍ ߡߊ߬߸ ߊ߬ ߣߌ߫ ߓߊ߯ߙߓߊߟߌߦߊ ߥߊ߬ߙߊ ߡߊ߬.
<<ߡߍ߲ ߕߊ߬ߡߌ߲߬ߣߍ߲߬ ߛߌ߯ߙߌ߲߫ ߕߋ߬ߟߋߝߌ߬ߟߊ ߣߌ߲߬ ߘߐ߫߸ ߊ߬ ߞߊ߬ ߓߍ߯ ߟߋ߬ ߕߙߐ߫، ߒߠߋ ߘߌ߫ ߛߋ߫ ߡߍ߲ ߝߐ߫ ߟߊ߫ ߛߌ߯ߙߌ߲߫ ߘߋ߲ߡߌߛߍ߲ ߠߎ߬ ߦߋ߫߸ ߊ߬ ߣߌ߫ ߛߊߣߌ߲߫ ߖߎߟߊ ߟߎ߬ ߦߋ߫߸ ߌ ߞߍ߫ ߘߊ߫ ߛߊ߬ߙߌ߬ߦߊ߬ ߞߣߐ߫ ߥߟߊ߫ ߌ ߡߊ߫ ߞߍ߫ ߛߊ߬ߙߌ߬ߦߊ߬ ߞߣߐ߫߸ ߛߏ ߦߋ߫ ߟߐ߬ ߟߊ߫ ߖߛߎ߬ߛߎߡߊ ߟߋ߬ ߘߐ߫ ߘߋ߬، ߊ߲ ߡߊ߫ ߡߍ߲ ߛߐ߬ߘߐ߲߫ ߓߍ߲߭ ߘߐ߫߸ ߓߍ߲߬ߓߊ߬ߟߌ߬ߦߊ ߕߴߏ߬ ߟߊߛߴߊ߲ ߡߊ߬ ߝߛߍߞߘߎ߫.>> ߕߌ߬ߖߊߣ ߞߏ߬ߦߌ߬ߕߊ ߟߋ߬ ߞߊ߲߫ ߕߋ߲߬.
ߊ߬ ߟߊ߫ ߝߐߟߌ߫ ߘߐ߫߸ ߘߋ߲ߡߌߛߍ߲ ߠߎ߬ ߣߐ߬ ߡߞߊ߬ߛߟߌ߬ ߞߊ߲ ߡߍ߲ ߠߎ߬ ߟߊߛߋ߫ ߟߊ߫߸ ߏ߬ ߟߎ߬ ߞߊ߫ ߞߊ߲߫ ߞߊ߬ ߢߊߢߌߣߌ߲߫ ߠߋ߬ ߡߎߣߎ߲߬߸ ߞߣߊ߬ߕߏ߫ ߞߎߡߊ߫ ߟߴߊ߬ ߞߊ߲߬، ߏ߬ ߟߋ ߞߏߛߐ߲߬߸ ߊ߬ߟߋ ߛߐ߰ ߘߴߊ߬ ߢߊߢߌߣߌ߲ ߞߊ߲߬߸ ߊ߬ ߘߏ߲߬ ߣߌ߫ ߛߌ߯ߙߌ߲ߞߊߘߋ߲ ߛߌߦߊߡߊ߲߫ ߞߵߊ߬ߟߎ߬ ߡߙߌߦߊ ߟߎ߫ ߦߌ߬ߘߊ߬ ߢߐ߲߮ ߠߊ߫߸ ߞߊ߬ ߓߊ߲߫ ߞߵߊ߬ߟߎ߫ ߞߎ߲߬ߛߌ߲߫ ߝߊ߰ߡߊ ߟߎ߬ ߟߊ߫ ߘߊߘߐߖߊߥߏ߫ ߕߣߐ߬ߡߊ߫ ߞߊ߲ߡߊ߬.
<<ߘߋ߲ߡߌߛߍ߲ ߠߎ߬ ߦߋ߫ ߞߊ߬ߛߌ߬ ߟߊ߫ ߡߍ߲ ߞߐ߫߸ ߏ߬ ߝߟߐ ߟߋ߬ ߔߏߞߑߟߍ߲߫ ߕߙߏߞߏ ߜߍ߲ ߘߌ߫ ߡߎߣߎ߲߬߸ ߞߵߊ߬ ߟߊ߫ ߓߊ߯ߙߊ ߟߊߟߐ߬ ߝߋߎ߫߸ ߏ߬ ߡߍ߲ ߦߋ߫ ߕߊ߬ߡߌ߲߬ ߠߴߊ߲ ߠߊ߫ ߓߐ߰ߝߍ ߘߐߖߊߛߌ߫ ߟߊ߫ ߞߊ߬ߣߌ߲߬، ߖߌߥߎ߫ ߞߏߖߊ߫ ߓߊ߲ߓߊߟߌ ߞߍ ߕߙߎ߬ ߘߌ߫ ߞߊ߬ ߝߋ߲ ߠߎ߬ ߛߐ߲߬ߞߐ ߜߟߍ߬ߦߊ߬߸ ߘߋ߲ߡߌߛߍ߲ ߠߎ߬ ߣߐ߬ ߏ߬ ߕߎ߬ߙߎ ߟߊ߫ ߟߊ߫ ߕߙߏ߬ߞߏ߬ ߞߏ ߢߌ߲߬ ߠߋ߬ ߞߎ߲߬، ߞߵߊ߬ ߟߴߊ߬ ߞߊ߲߬߸ ߞߏ߫ ߘߋ߲ߡߌߛߍ߲ ߠߎ߬ ߕߍ߫ ߓߊ߯ߙߊ߫ ߟߊ߫ ߡߎ߬ߕߎ߲߬߸ ߞߏ߫ ߝߏ߫ ߞߊ߬ ߣߊ߬ ߛߊߣߌ߲߫ ߞߏߟߊߘߍ ߟߎ߬ ߘߌ߫.>>
ߏ߬ ߟߋ ߘߐ߫߸ ߟߊ߱ߖߌ߬ ߕߌ߬ߖߊߣ ߞߏ߬ߦߌ߬ߕߊ ߞߵߊ߬ ߦߌ߬ߘߊ߬ ߞߏ߫ ߊ߬ ߕߎ߬ߡߊ ߓߘߊ߫ ߛߋ߫ ߡߎ߬ߕߎ߲߬߸ ߞߊ߬ ߣߊ߬ ߛߊߣߌ߲߫ ߞߏߟߊߘߍ ߟߎ߬ ߘߌ߫߸ ߦߏ߫ ߛߊߜ߭ ߣߌ߫ ߍߛ.ߍߡ.ߘߋ߸ ߊ߬ ߣߌ߫ ߖ߭ߋ.ߖ߭ߋ.ߋ߸ ߛߊ߫ ߘߋ߲ߡߌߛߍ߲ ߠߎ߬ ߟߊ߫ ߓߊ߯ߙߊ߫ ߞߏ ߘߌ߫ ߣߐ߰ߦߊ߬.
ߊ߬ ߞߎߡߊ߫ ߘߴߊ߬ߟߎ߬ ߣߌ߫ ߝߊ߰ߡߊ ߟߎ߬ ߟߊ߫ ߘߊߘߐߖߊߥߏ ߥߊ߫ ߗߏ߮ ߝߣߊ߫ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߏ߬ ߞߏ ߦߋ߫ ߥߊ ߞߊ߲߬ ߢߍ߫߸ ߕߐ߬ߣߐ ߘߏ߲߬ ߘߌ߫ ߛߐ߬ߘߐ߲߫ ߊ߬ ߟߊ߫، <<ߝߊߦߌߘߊ߫߸ ߊ߲ ߣߌ߫ ߝߊ߰ߡߊ ߟߎ߬ ߞߎ߲ߕߐ߫ ߟߋ߬ ߥߏ߬ ߞߋߟߋ߲߫ ߠߊ߫ ߕߋ߲߬، ߊ߲ ߧߋ߫ ߘߊߘߐߖߊߥߏ ߟߋ߬ ߞߊ߲߬ ߕߋ߲߬، ߊ߲ ߧߋ߫ ߘߋ߲ߡߌߛߍ߲ ߓߍ߯ ߞߟߌ߫ ߟߊ߫ ߡߍ߲ ߡߊ߬߸ ߏ߬ ߟߋ ߘߊߘߐߖߊߥߏ߫ ߞߋߟߋ߲ ߏ߬ ߟߊߖߌߡߌ߲ ߘߌ߫߸ ߞߊ߬ ߛߴߊ߬ߟߎ߬ ߡߝߊ߫ ߟߊ߫.>>
ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫: <<ߛߌ߯ߙߌ߲ߞߊ ߟߎ߬ ߦߋ߫ ߞߊ߬ߛߌ߬ ߟߊ߫ ߝߏߦߌ߬ ߞߐ߫߸ ߝߊ߰ߡߊ ߟߎ߬ ߦߴߏ߬ ߓߍ߯ ߟߋ߬ ߡߊߝߟߍ ߞߊ߲߬ ߕߋ߲߬߸ ߞߊ߬ ߓߊ߯ߙߊ߫ ߏ߬ ߞߊ߲߬ ߛߴߊ߬ ߓߍ߯ ߘߌ߫ ߞߍ߫ ߦߏ߫ ߊ߬ ߝߐߣߍ߲߫ ߢߊ ߡߍ߲ ߡߊ߬، ߗߋߘߋ߲ ߠߎ߬ ߦߋ߫ ߛߌߟߊ ߟߊ߫ ߞߊ߬ ߣߊ߬߸ ߊ߲ ߘߌ߫ ߡߐ߰ ߡߌ߬ߣߊ߬ߣߍ߲ ߠߎ߫ ߓߌ߬ߟߊ߬ ߞߏ ߝߐ߫ ߊ߬ߟߎ߬ ߦߋ߫.>>
ߟߊ߬ߛߋ߬ߟߌߌ߬ ߜߘߍ߫ ߝߣߊ߫ ߕߍ߰ߒ߬ߞߊ߲ ߛߐ߬ߘߐ߲߬ ߘߴߊ߬ ߟߊ߫ ߞߎߡߊ ߘߐ߫߸ ߏ߬ ߟߋ ߊ߬ߟߌ ߗߊߡ ߓߌ߬ߟߊ߬ ߞߏ ߘߌ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߫ ߞߵߏ߬ ߞߎߡߊ ߞߍ߫ ߞߊ߬ߦߌ߯ ߞߎߣߎ߲߬ ߞߊ߯ߙߌ ߟߋ߬ ߡߊ߬߸ ߁߇ߙߋ߲߸ ߊ߬ߟߎ߬ ߣߌ߫ ߝߊ߰ߡߊ ߟߎ߬ ߟߊ߫ ߘߊߘߐ߫ ߞߎߡߊ߫ ߘߐ߫߸ ߊ߬ ߓߌ߬ߟߊ߬ ߞߏ ߕߍ߬ߘߍ߫ ߛߋ߲߬ߠߊ߫، <<ߞߊ߬ߦߌ߯ ߞߎߣߎ߲߬߸ ߏ߬ ߞߎߡߊ ߞߍ߫ ߘߊ߫، ߓߊ߬ߙߌ߬߸ ߒ ߕߴߛߋ߫ ߒ ߞߊ߲߫ ߠߊߕߍ߰ ߟߊ߫ ߒ ߞߋߟߋ߲߫ ߠߊ߫ ߢߊ ߏ߬ ߡߊ߬ߟ ߒ ߧߋ߫ ߞߎߡߊ߫ ߟߊ߫ ߖߊ߬ߡߊ ߟߋ߬ ߕߐ߯ ߘߐ߫.>>
ߟߊ߬ߓߊ߲ ߘߐ߫߸ ߊ߬ ߞߟߌߟߌ ߞߍ߫ ߞߏ߫ ߓߍ߯ ߦߴߊ߬ ߟߐ߲߫ ߞߏ߫ ߖߌߘߊ߲ߓߊ߫ ߟߋ߬ ߦߋ߫ ߛߌ߯ߙߌ߲߫ ߠߊ߫ ߖߌ߬ߣߍ߫ ߖߡߊ߬ߣߊ ߛߊߣߌ߲߫ ߞߏ ߘߐ߫߸ ߓߊߏ߬ ߛߌ߯ߙߌ߲߫ ߞߋߟߋ߲߫ ߖߌߘߊ߲ ߦߋ߫%߇߀ ߟߋ߬ ߘߌ߫ ߛߊߣߌ߲߫ ߓߊ߯ߙߊ ߘߐ߫߸ ߞߘߐ߬ߡߊ߲ ߛߌߟߊ ߞߊ߲߬߸ ߊ߬ ߣߌ߫ ߞߏߟߊߘߍ߫ ߞߎ߲ߘߊ߫.
<<ߊ߲ ߧߋ߫ ߡߍ߲ ߢߌߣߌ߲߫ ߠߊ߫ ߞߐߞߊ߲߬ ߞߊ߬ ߣߊ߬ ߛߌ߯ߙߌ߲߫ ߠߊߥߙߎߞߌ߫ ߞߊ߲ߡߊ߬߸ ߏ߬ ߕߴߛߋ߫ ߞߍ߫ ߟߊ߫ ߣߌ߫ ߖߛߎ߬ߛߎߡߊ ߕߴߦߊ߲߬، ߊ߬ ߘߏ߲߬߸ ߣߌ߫ ߖߐ ߕߍ߫߸ ߝߏߦߌ߬ ߕߴߛߋ߫ ߛߓߊ߬ߕߌ߬ ߟߊ߫.>> ߟߊ߱ߖߌ߬ ߕߌ߬ߖߊߣ ߞߏ߬ߦߌ߬ߕߊ ߟߊ߫ ߞߎߡߊ ߞߎ߲߬ߘߏ߲ ߠߵߏ߬ ߘߌ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.