ߛߌ߯ߙߌ߲߫: ߞߊ߲ߡߋߙߋ߲߫ ߟߊ߬ߓߏ߬ߙߟߌ߬ߟߊ  ߘߏ߫ ߓߘߊ߫ ߛߐ߰ ߡߎ߬ߙߎ ߟߊ߫ ߞߵߊ߬ ߓߐ߬ߣߐ߫ ߊ߬ ߣߌ ߘߐ߫ ߡߌ߲߬ߓߏ߲ ߘߏ߫ ߞߣߐ߫ ߞߌ߲߬ߕߌ߬ߢߊ߲߬

ߣߌ߲߬ ߞߍ߫ ߘߊ߫ ߓߌ߬ ߛߌ߬ߣߌ߲߬ߟߏ߲ ߢߌ߲߬ ߠߋ߬ ߡߊ߬ ߞߏߟߌ߲ߞߏߟߌ߲ ߕߟߋ߬ ߁߉߸ ߡߊ߲߬ߞߊ߲ ߠߋ߬ ߘߏ߲߬ ߘߊ߫ ߞߊ߲ߡߋߙߋ߲ ߘߏ߫ ߣߴߊ߬ ߘߍ߬ߢߐ߲߰ߞߍ߬ ߕߍ߫ ߋߣߍߙߑߖ߭ߌ߫ ߞߌ߲߬ߘߊ ߟߊ߫، ߌߞߘߐ߫߸ ߞߋߟߋ߲ ߞߊ߬ ߡߎ߬ߙߎ ߕߊ߬ ߞߊ߬ ߘߐ ߛߐ߰߸ ߏ߬ ߣߊ߬ ߘߊ߫ ߛߊ߬ ߘߊ߲ߘߊߛߏ ߟߋ߬ ߟߊ߫ ߡߎ߬ߕߎ߲߬ ߛߊ߫، ߏ߬ ߓߘߊ߫ ߕߊ߬ߡߌ߲߬ ߘߏ߫ ߝߙߊ߬ ߟߊ߫ ߛߌ߯ߙߌ߲߫ ߥߊ߬ߥߎߟߋ ߞߊ߲߬ ߕߋ߬ߟߋߝߌ߬ߟߊ ߣߌ߲߬ ߘߐ߫.

ߣߌ߲߬ ߞߍ߫ ߘߊ߫ ߛߌ߬ߣߌ߲߬ߟߏ߲߲ ߣߌ߲߬ ߛߐ߱ ߟߋ߬ ߡߊ߬߸ ߂߀߂߅ ߞߏߟߌ߲ߞߏߟߌ߲ ߕߟߋ߬ ߁߉߸ ߞߌ߲߬ߕߌ߬ߢߊ߲߬ ߛߏ ߞߣߐ߫ ߋߣߍߙߑߖ߭ߌ߫ ߞߌ߲߬ߘߊ ߟߊ߫، ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬߸ ߘߊߘߛߐߛߐߟߌ ߟߋ߬ ߘߏ߲߬ ߘߊ߫ ߞߊ߲ߡߋߙߋ߲߫ ߝߌ߬ߟߊ߬ ߕߍ߫ ߡߌ߲߬ߓߏ߲ ߘߏ߫ ߞߣߐ߫߸ ߛߘߊ ߦߋ߫ ߡߌ߲߬ߓߏ߲ ߢߌ߲߬ ߠߊ߫ ߞߏߛߓߍ߫߸ ߊ߬ ߦߋ߫ ߘߏ߲߬ ߠߊ߫ ߓߊߟߋ߬، ߒ߬ߓߊ߬߸ ߞߊ߲ߡߋߙߋ߲߫ ߝߌ߬ߟߊ߫ ߟߋ߬ ߓߊ߬ߛߊ߲߬ߣߍ߲߬ ߢߐ߲߮ ߘߐ߫ ߞߵߊ߬ߟߎ߫ ߝߟߌ߬ ߢߐ߲߮ ߠߊ߫ ߞߙߌߛߌ ߘߐ߫߸ ߞߋߟߋ߲ ߞߊ߬ ߡߎ߬ߙߎ ߟߊߓߐ߫߸ ߞߵߊ߬ ߘߍ߬ߢߐ߲߰ߞߍ߫ ߛߐ߰ ߊ߬ ߞߊ߲ ߝߍ߬߸ ߞߊ߬ ߓߊ߲߫ ߞߵߊ߬ ߛߐ߰ ߊ߬ ߖߎ߬ߜߘߌ ߟߊ߫.

ߊ߬ ߖߐߞߌߣߍ߲ߓߊ ߏ߬ ߟߋ ߕߊ߬ ߘߊ߫ ߞߊ߬ ߥߴߊ߬ ߘߌ߫ ߞߌ߲߬ߕߌ߬ߢߊ߲߬ ߘߊ߲ߘߊߛߏ ߟߊ߫، ߏ߬ ߟߎ߬ ߟߊ߫ ߘߐ߬ߖߊ ߣߴߊ߬ ߕߊ߫߸ ߡߌ߬ߛߍ߲߬ ߘߊ߲ߘߐ߫ ߕߋ߲߬߸ ߊ߬ ߓߣߐ߬ ߘߴߊ߬ ߣߌ ߘߐ߫، ߓߊߏ߬߸ ߘߊ߲ߘߊߟߌߟߊ߫ ߊߓߘߎߟ ߓߊߛߌߙߎ߬ ߞߐ߲ߘߍ߫߸ (ߘߐ߲߬ߞߑߕߍ߬ߙ ߊߓߋ߬ߛߋ) ߞߵߊ߬ ߦߌ߬ߘߊ߬߸ <<ߖߋ߬ߟߌ߬ ߥߙߏߝߋ ߡߍ߲ ߦߋ߫ ߓߐ߫ ߟߊ߫ ߛߐ߲߭ ߡߊ߬ ߞߊ߬ ߣߊ߬ ߞߊ߲ߠߊߥߙߏߝߋ ߡߊ߬߸ ߏ߬ ߟߋ ߛߐ߰ ߘߊ߫ ߞߊ߬ ߖߋ߬ߟߌ߬ ߛߌߦߊߡߊ߲߫ ߓߐ߫.>> ߊ߰ ߛߋ߫ ߟߊ߫ ߘߊ߲ߘߊߛߏ ߟߊ߫ ߕߎ߬ߡߊ ߡߍ߲ ߠߊ߫߸ ߊ߬ ߛߊ߬ ߘߊ߫ ߞߌ߲߬ߕߌ߬ߢߊ߲߬ ߘߊ߲ߘߊߛߏ ߟߊ߫ ߦߋ߲߬ ߠߋ߬ ߌߞߘߐ߫.

ߕߐ߲ߓߟߏߡߊ ߟߎ߬ ߟߊ߫ ߞߏ߫ ߢߊߢߌߣߌ߲߫ ߓߟߏ ߡߊ߬߸ ߊ߬ ߦߌ߬ߘߊ߬ ߘߊ߫ ߞߏ߫ ߞߊ߲ߡߋߙߋ߲ ߣߌ߲߬ ߕߐ߯ ߟߋ߬ ߞߏ߫ ߡߏ߬ߙߌ߬ߓߊ߫ ߟߡߊ߬߸ ߊ߬ ߛߌ߬ߞߛߊߓߌ ߦߋ߫ ߛߊ߲߭ ߂߅ ߖߊ߬ߕߋ߬ ߘߐ߫߸ ߊ߬ ߡߊߟߐ߲ߣߍ߲߫ ߓߊ߯ߙߊ ߡߍ߲ ߡߊ߬ ߕߋ߬ߟߋߝߌ߬ߟߊ ߣߌ߲߬ ߘߐ߫߸ ߏ߬ ߟߋ ߟߊ߬ߓߏ߬ߙߌ߬ߟߌ ߘߌ߫، ߊ߬ ߛߐ߬ߘߐ߲߬ ߘߊ߫ ߞߊ߲ߞߊ߲߫ ߠߋ߬߸ ߊ߬ ߝߊ߬ ߕߐ߯ ߞߏ߫ ߥߏߥߏ߫߸ ߊ߬ ߣߊ߫ ߕߐ߯ ߞߏ߫ ߛߋߣߌ߫ ߤߓߊ߬، ߊ߲ ߧߋ߫ ߛߓߍߟߌ ߣߌ߲߬ ߞߍ ߞߊ߲߬ ߕߎ߬ߡߊ ߡߍ߲ ߠߊ߫ ߕߋ߲߬߸ ߊ߬ ߟߊ߫ ߡߐ߱ ߟߎ߬ ߦߋ߫ ߓߐ ߞߊ߲߬ ߞߊ߲ߞߊ߲߫ ߞߊ߬ ߣߊ߬ ߛߌ߯ߙߌ߲߫، ߡߍ߲ ߞߵߊ߬ ߝߊ߰߸ ߏ߬ ߡߊ߫ ߡߊߛߐ߬ߘߐ߲߬ ߡߎߣߎ߲߬߸ ߊ߬ ߟߊ߫ ߞߏ ߞߟߊ߬ ߞߋߟߋ߲߫ ߝߣߊ߫ ߡߊ߫ ߟߐ߲߫ ߝߟߐ߫، ߊ߬ ߞߏ߬ߣߌ߲߸ ߡߐ߱ ߟߎ߬ ߡߐߣߍ߫ ߘߊ߫߸ ߞߊ߬ ߥߊ߫ ߡߌ߲߬ߓߏ߲ ߣߌ߲߬ ߕߋ߬߸ ߕߌߢߍߟߌ ߞߍߣߍ߲߫ ߦߙߐ ߡߍ߲ ߘߐ߫ ߞߊ߬ߣߌ߲߬.

ߛߌ߯ߙߌ߲߫ ߞߕߌߘߊ ߦߌߟߡߊ ߝߟߐ ߟߊߟߐ߲ߠߌ߲ ߡߍ߲ ߞߍ߫ ߘߊ߫߸ ߌߞߏߡߌ߲߬ ߞߕߌߞߊ߲ߘߊ ߕߴߦߋ߲߬ ߕߋ߲߬߸ ߊ߬ ߣߐ߬ߞߊ߲߬ߛߌ߮ ߞߊ߬ ߖߊ߬ߡߊߙߌ ߘߌ߫ ߞߏ߫ ߞߊ߬ ߛߎ߭ ߕߏ߫ ߡߎߣߎ߲߬ ߤߊ߲߯ ߊ߬ ߟߊ߫ ߡߐ߱ ߟߎ߬ ߦߋ߫ ߣߊ߬ ߕߎ߬ߡߊ ߡߍ߲ ߠߊ߫. ߓߊߘߋ߲ ߠߎ߬߸ ߣߌ߲߬ ߠߋ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߡߊ߬ߛߎ߬ߓߊ߬ ߞߏ߬ ߛߌߦߊߡߊ߲߫ ߠߋ߬ ߓߘߊ߫ ߕߊ߬ߡߌ߲߬ ߛߌ߯ߙߌ߲߫ ߕߋ߬ߟߋߝߌ߬ߟߊ ߣߌ߲߬ ߘߐ߫߸ ߡߍ߲ ߘߌ߫ ߡߐ߰ ߓߊ߬ߟߌ߬ ߞߏߛߓߍ߫.

ߌߓߙߊߤߌߡߊ߬ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߞߐߦߌߘߊ ߛߌ߯ߙߌ߲߫