ߛߌ߯ߙߌ߲߫ ߝߊ߬ߛߏ߬ ߞߊ߬ߣߌ߲߬ߘߋ߲ ߡߍ߲ ߡߌ߬ߣߊ߬ߣߍ߲߫ ߕߘߍ߬߸ ߞߏ߫ ߊ߬ߟߌ ߗߊߡ߸ ߊ߬ߟߋ ߡߍ߲ ߦߋ߫ ߓߐ߰ߝߍ ߘߐߖߊߛߌ ߞߟߍ߬ߓߊ߰ ߥߣߊ ߘߏ߫ ߘߌ߫߸ ߊ߬ ߡߌ߬ߣߊ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߡߊ߲߬ߞߊ߲ ߠߊߥߟߌ߬ ߘߋ߲ߡߌߛߍ߲ ߠߎ߬ ߓߟߏ߫ ߝߊ߲߬ ߛߌߦߊߡߊ߲߫ ߘߐ߫ ߞߍ߲ߘߍߟߏ߲ ߣߌ߫ ߞߊ߯ߙߌ ߡߊ߬، ߒ߬ߓߊ߬߸ ߏ߬ ߓߌ߬ߟߊ ߞߍߣߴߊ߬ ߕߊ߫ ߥߎ߬ߘߊ߲߬ߓߊ߫ ߟߋ߬ ߘߌ߫ ߛߌ߯ߙߌ߲߫ ߞߣߐ߫ ߕߋ߲߬.

ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߅ ߞߏߟߌ߲ߞߏߟߌ߲ ߕߟߋ߬ ߁߭߸ ߘߋ߲ߡߌߛߍ߲߫ ߛߌߦߊߡߊ߲߫ ߠߋ߬ ߕߍ߬ߘߍ߫ ߛߍߥߊ ߣߌ߫ ߢߊ߯ߟߋ߲ ߞߊ߲߬ ߛߌߟߓߊ߫ ߞߊ߲ߠߊ ߟߎ߬ ߘߐ߫߸ ߞߵߊ߬ ߓߍ߲߬ ߊ߬ߟߌ ߗߊߡ ߓߌ߬ߟߊ߬ ߞߏ ߡߊ߬߸ ߏ߬ ߡߍ߲ ߦߋ߫ ߛߍ߬ߘߏ߲ ߞߊ߲߬ ߟߊ߬ߡߌߣߌ߲ ߘߐߖߊߛߌ߫ ߞߏ ߘߐ߫߸ ߝߏ߫ ߊ߬ ߡߞߊߘߊ߲ߓߊ߯ ߡߐ߰ ߦߙߌߞߊ߫ ߝߣߊ߫ ߡߌ߬ߣߊ߬ ߘߊ߫ ߔߊߞߌߛߦߊ ߘߐ߫ ߕߐ߲ߓߟߏߡߊ ߟߎ߬ ߓߟߏ߫، ߒ߬ߓߊ߬߸ ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߊ߬ߟߌ ߗߊߡ ߓߊ߬߸ ߊ߬ߟߋ ߡߍ߲ ߦߋ߫ ߘߋ߲ߡߌߛߍ߲߫ ߥߣߊ߫ ߘߌ߫߸ ߊ߬ ߣߌ߫ ߡߐ߰ ߆ ߜߘߍ߫߸ ߏ߬ ߟߎ߬ ߓߍ߯ ߕߎ߲߬ ߓߘߊ߫ ߟߊߕߊ߯ ߞߊ߲ߞߊ߲߫، ߞߵߊ߬ ߟߴߊ߬ ߞߊ߲߬߸ ߡߐ߰ ߇߅ ߝߣߊ߫ ߕߍ߬ߘߍ߫ ߟߊ߬ߡߙߊ ߘߐ߫ ߊ߬ߟߎ߬ ߓߟߏ߫ ߛߌ߯ߙߌ߲߫ ߞߣߐ߫ ߦߋ߲߬߸ ߏ߬ ߟߎ߬ ߓߍ߯ ߓߘߊ߫ ߓߌ߬ߟߊ߫ ߓߌ߬ ߢߐ߲߰ ߟߏ߲߫߸ ߛߌ߯ߙߌ߲߫ ߞߊ߬ߝߏ߬ߙߋ߲ ߠߊ߫ ߕߍߓߊ߯ߦߊ߫ ߢߌߡߦߊ ߞߏߛߐ߲߬߸ ߊ߬ ߣߌ߫ ߛߌ߯ߙߌ߲߫ ߡߐ߰ߓߊ ߟߎ߬ ߟߊ߫ ߓߏ߲߬ߧߊ ߞߣߐ߫.

ߊ߬ߟߑߝߙߌߘ ߖߋߕߊ߲߫ ߡߊߢߌ߬ߣߌ߲߬ߞߊ߬ߣߍ߲߸ ߊ߬ߟߋ ߡߍ߲ ߦߋ߫ ߛߌ߯ߙߌ߲߫ ߞߊ߬ߝߏ߬ߙߋ߲ ߓߋߟߋ߲ߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߣߌ߫ ߛߌ߯ߙߌ߲߫ ߡߐ߰ߓߊ ߓߍ߯ ߟߋ߬ ߞߵߊ߬ߟߎ߫ ߛߌ߰ ߜߍ߫ ߞߋߟߋ߲߫ ߘߐ߫ ߞߊ߬ ߘߊߘߐߖߊߥߏ ߞߍ߫߸ ߞߵߊ߬ ߕߊ߬ ߞߎߣߎ߲߬ ߡߊ߬ ߤߊ߲߯ ߕߋ߲߬߸ ߏ߬ ߞߐߝߟߌ ߟߋ߬ ߥߟߏߣߍ߲߫ ߓߌ߬ߟߊ߬ߟߌ ߢߌ߲߬ ߠߊ߫.

<<ߞߊ߬ߦߌ߯ ߝߙߋߞߋ ߣߌ߲߬ ߖߎ߬ߛߌ߮߸ ߗߋߘߋ߲߫ ߓߟߏߡߊߞߊ߬ߣߍ߲ ߕߊ߬ߣߍ߲ ߞߵߊ߬ ߟߊ߫ ߛߌ߯ߙߌ߲߫ ߡߐ߰ߓߊ ߟߎ߬ ߞߊ߲߬߸ (ߖߋ߬ߟߌ߬ߕߐ߲߬ߓߊ߸ ߛߏߕߌ߮߸ ߘߌ߯ߣߊ߫ ߢߍߡߐ߮ ߟߎ߬߸ ߡߊ߲߬ߘߋ߲߬ ߓߏߟߏ߲)߸ ߊ߲ ߞߊ߬ ߓߊ߯ߙߊ߫ ߟߋ߬ ߛߌ߰ ߛߋ߲߬ߠߊ߫߸ ߞߵߊ߲ ߟߐ߬ ߊ߲ ߛߋ߲߭ ߞߎ߲߬ߘߐ߫ ߛߊ߫ ߘߋ߲ߡߌߛߍ߲߫ ߡߌ߬ߣߊ߬ߣߍ߲ ߠߎ߬ ߘߌ߫ ߓߌ߬ߟߊ߬ ߢߊ ߡߍ߲ ߡߊ߬߸ ߞߊ߬ ߛߊߟߖߌ߫ ߞߍ߫ ߝߙߋߞߋ ߢߌ߲߬ ߠߊ߫.>> ߊ߬ ߞߵߏ߬ ߟߋ ߝߐ߫.

ߌߓߙߊߤߌߡߊ߬ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߛߌ߯ߙߌ߲߫