ߞߓߊߞߏߓߊ߫ ߟߋ߬ ߞߍߣߍ߲߫ ߓߎ߬ߙߋ߫ ߞߌ߲߬ߕߌ߬ߢߊ߲߫߸ ߞߎߘߍ߫ ߃߅ ߦߋ߫ ߦߋ߲߬ ߡߍ߲ ߣߌ߫ ߛߌ߯ߙߌ߲߫ ߕߍ߫، ߗߍ߬ ߛߊ߲߬ ߄߀ ߘߏ߫ ߟߋ߬ ߡߊߝߌ߲߬ߣߍ߲߫ ߦߋ߲߬߸ ߞߏ߫ ߊ߬ ߓߘߊ߫ ߞߣߐ ߟߴߊ߬ ߘߋ߲ߡߛߏ߫ ߛߊ߲߭ ߂߀ ߠߊ߫߸ ߡߏߙߌߜߊߣߊ߲ ߘߏ߫ ߓߊ߲ ߞߐ ߘߐ߫ ߊ߬ ߝߐ߫ ߟߴߊ߬ ߦߋ߫ ߞߏ߫ ߣߴߊ߬ ߦߴߊ߬ ߝߍ߬ ߞߊ߬ ߣߊ߲߬ߝߟߏ ߛߐ߬ߘߐ߲߬߸ ߝߏ߫ ߊ߬ ߦߴߊ߬ ߟߴߊ߬ ߖߍ߬ߘߍ ߛߐ߬ߘߐ߲߬ ߘߋ߲ ߠߋ߬ ߝߍ߬ ߕߘߋ߫.
ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߦߴߊ߬ ߦߌ߬ߘߊ߬ ߟߊ߫ ߞߊ߬ ߝߘߊ߫ ߖߌ߬ߣߍ߬ ߞߍߦߙߐ ߘߏ߫ ߟߎ߫ ߟߊ߫߸ ߞߏ߫ ߗߍ߭ ߣߌ߲߬ ߕߐ߯ ߟߋ߬ ߞߏ߫ ߛߏ߬ߙߌ߬ ߝߏߝߣߊ߫߸ ߡߍ߲ ߦߋ߫ ߓߐ߫ ߟߊ߫ ߓߊߕߍ߫ ߣߝߊ߬ߖߌ߬، ߊ߬ ߦߌ߬ߘߊ߬ ߘߴߊ߲ ߠߊ߫ ߞߏ߫ ߊ߬ ߞߊ߬ ߕߊ߯ߡߊ ߟߋ߬ ߥߌ߬ߟߌ߫ ߞߊ߬ ߕߊ߯ ߓߙߎߞߌߣߊ߫ ߖߡߊ߬ߣߊ ߞߊ߲߬߸ ߛߴߊ߬ ߓߟߏߞߏ ߘߌ߫ ߘߐߦߟߍ߬ߡߊ߲߬ ߣߍ߲ߞߍ߫ ߣߊ߲߬ߝߟߏ߬ ߞߏ ߘߐ߫، ߊ߬ ߛߋ ߦߋ߲߬߸ ߊ߬ ߕߊ߯ ߘߊ߫ ߡߏߙߌߜߊߣߊ߲ ߘߏ߫ ߜߍ߬߸ ߊ߬ ߕߘߍ߬ ߡߍ߲ ߞߟߌ߫ ߟߊ߫ ߞߏ߫ <<ߞߊ߬ߙߊ߲߬ߡߐ߰>> ߏ߬ ߞߊ߬ ߓߊߛߌ ߘߏ߫ ߟߎ߫ ߘߴߊ߬ ߡߊ߬ ߞߵߊ߬ ߦߌ߬ߘߴߊ߬ ߟߊ߫ ߞߏ߫ ߊ߬ ߞߊ߫ ߞߊ߲߫ ߞߵߊ߬ ߟߊ߫ ߊ߬ ߖߍ߬ߘߍ ߘߋ߲ߡߛߏ߫ ߟߋ߬ ߝߍ߬ ߞߊ߬ߝߏ߬ߢߐ߲߰ߦߊ ߟߊ߫߸ ߛߴߊ߬ ߘߌ߫ ߣߊ߲߬ߝߟߏ ߛߐ߬ߘߐ߲߬.
ߊ߬ ߞߐߛߊ߬ߦߌ߲ ߡߍ߲ ߞߍ߫ ߘߊ߫ ߖߌ߬ߣߍ߬ ߞߣߐ߫ ߏ߬ ߘߐ߫߸ ߛߏ߬ߙߌ߬ ߝߏߝߣߊ߫ ߞߊ߬ ߡߏߙߌߜߊߣߊ߲ ߠߊ߫ ߞߎߡߊ ߏ߬ ߟߋ ߓߐ߫ ߊ߬ ߛߌߟߊ ߝߍ߬ ߡߎ߬ߕߎ߲߬ ߛߊ߫، ߊ߬ ߘߋ߲ߡߛߏ߫ ߝߊߕߎߡߊߕߊ߬ ߝߏߝߣߊ߫ ߞߍߢߊ ߟߵߏ߬ ߘߌ߫ ߞߊ߬ ߞߣߐ ߕߊ߬߸ ߏ߬ ߡߍ߲ ߞߣߐ ߦߋ߫ ߞߊߙߏ߫ ߥߐ߯ߙߐ߫ ߢߐ߲߰ ߘߐ߫ ߕߋ߲߬، ߥߎ߬ߣߎ߲߬ߥߎ߬ߣߎ߲߬ ߞߎߡߊ ߛߌߦߊߦߊ ߡߍ߲ ߞߍ߫ ߘߊ߫ ߘߋ߲ߡߛߏ ߕߟߏ߫ ߞߘߐ߫ ߛߴߊ߬ ߘߴߊ߬ ߘߋ߲ ߝߊ߬ ߦߌ߬ߘߊ߬߸ ߊ߬ ߞߵߊ߬ ߓߟߏ ߟߐ߬ ߊ߬ ߛߐ߬ߘߐ߲߬ ߝߊ ߟߋ߬ ߟߊ߫߸ ߞߏ߫ ߊ߬ ߞߣߐߡߊ ߦߋ߫ ߘߋ߲ ߡߍ߲ ߠߊ߫߸ ߏ߬ ߝߊ߬ ߟߵߏ߬ ߘߌ߫، ߏ߬ ߟߋ ߞߵߊ߬ ߝߊ߬ ߞߍ߫ ߡߊ߬ߝߌ߲߬ߓߊ߰ߕߐ ߘߌ߫ ߣߌ߲߬ ߞߏ ߘߐ߫ ߛߊ߫.
ߗߍ߭ ߡߌ߬ߘߊ߬ ߘߊ߫ ߓߌߟߏ߲ ߠߋ߬߸ ߂߀߂߅ ߘߓߊ߬ߓߌߟߊ ߕߟߋ߬ ߀߇ ߡߊ߬߸ ߞߵߊ߬ ߓߌ߬ߟߊ߬ ߢߟߊߥߛߎ ߟߊ߫߸ ߞߣߊ߬ߕߏ߫ ߊ߬ ߟߊߕߊ߯ ߟߊ߫ ߛߌ߯ߙߌ߲߫ ߛߏ ߞߣߐ߫߸ ߊ߬ ߞߊ߫ ߞߊ߲߫ ߞߊ߬ ߞߕߌ߫ ߦߋ߲߬ ߡߍ߲ ߘߐ߫ ߞߎߟߊߞߏߕߍ߫߸ ߞߵߊ߬ ߘߊߘߐߢߌ߬ߣߌ߲߬ߞߴߊ߬ ߟߊ߫ ߓߊ߯ߙߊ߫ ߞߍߣߍ߲ ߣߌ߲߬ ߡߊ߬߸ ߛߌߞߊ߫ ߞߍߣߴߊ߬ ߡߊ߬ ߏ߬ ߡߍ߲ ߞߊ߬ߣߌ߲߬.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߣߌ߫ ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.