ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߖߐ ߟߊߘߏ߲߭ ߣߊ߲߬ߕߌ߰ ߥߐ߯ߙߐ߫ ߟߋ߬ ߝߊ߰ߣߍ߲߫ ߞߍ߲ߘߍߟߏ߲ ߂߀߂߅ ߞߏߟߌ߲ߞߏߟߌ߲ ߕߟߋ߬ ߁߃ ߡߊ߬ ߛߎߘߊ߲߫ ߥߙߏ߬ߘߎ߮ ߘߐ߫، ߏ߬ ߞߍ߫ ߘߊ߫ ߞߎߟߎ߲ߞߎߟߎ߲ ߠߊ߫ ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߘߐ߫ ߊ߬ߟߎ߬ ߟߊ߫ ߘߊ߮ ߞߣߐ߫ ߞߊߘߎߜ߭ߟߌ߫، ߡߙߊ߬ߒ߬ߡߊ߬ߟߌ ߣߌ߲߬ ߞߍߣߍ߲߫ ߦߙߐ ߡߍ߲ ߘߐ߫ ߕߋ߲߬߸ ߦߋ߲߬ ߘߟߊߛߌ߰ߣߍ߲߬ ߠߋ߬ ߝߋߎ߫߸ ߏ߬ ߟߋ ߓߘߴߊ߬ ߦߌ߬ߘߊ߬ ߞߏ߫ ߤߊߟߌ߬ ߞߐߞߊ߲߫ ߣߊ߲ߕߌ߮ ߟߎ߬ ߝߣߊ߫ ߛߋ߲߬ ߓߘߊ߫ ߓߌ߬ߟߴߊ߬ ߖߐ߬ߘߐ ߘߐ߫ ߡߎ߬ߕߎ߲߬.

ߜߏ߲ߜߏߘߏ߲߫ ߓߊ߯ߡߊ߫ ߡߐ߰ ߥߐ߯ߙߐ߫߸ ߡߍ߲ ߠߎ߬ ߦߋ߫ ߓߐ߫ ߟߊ߫ ߓߊ߲ߜ߭ߑߟߊߘߍߛ߸ ߏ߬ ߟߎ߫ ߟߋ߬ ߓߣߐ߬ ߘߴߊ߬ߟߎ߬ ߣߌ ߘߐ߫ ߞߍ߲ߘߍߟߏ߲ ߂߀߂߅ ߞߏߟߌ߲ߞߏߟߌ߲ ߕߟߋ߬ ߁߃ ߡߊ߬ ߞߎߟߎ߲ߞߎߟߎ߲ ߠߊ߫ ߡߙߊ߬ߒ߬ߡߊ߬ߟߌ ߘߏ߫ ߘߐ߫ ߊ߬ߟߎ߬ ߟߊ߫ ߘߊ߮ ߞߣߐ߫ ߞߊߘߎߜ߭ߟߌ߫߸ ߦߋ߲߬ ߡߍ߲ ߦߋ߫ ߞߐߙߑߘߏߝߊ߲߫ ߞߊ߬ߝߏ ߞߎߓߋߘߊ ߘߌ߫ ߞߊ߬ߣߌ߲߬߸ ߛߎߘߊ߲߫ ߥߙߏ߬ߘߎ߮ ߘߐ߫، ߞߎ߲߬ߠߊ߬ߝߏߣߌ߲ ߔߘߋߔߘߋߟߊߕߍ߰ ߘߊ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ (ߡߟߛ) ߟߊ߫ ߖߐ ߓߊ߲ߓߊ߲ ߣߊ߲߬ߕߌ߮ ߟߎ߫ ߟߋ߬ ߖߍ߬ߘߍ ߓߟߏ߫߸ ߡߍ߲ ߠߎ߬ ߟߊߕߊ߯ߣߍ߲߫ ߝߊ߲߬ߞߣߐ ߏ߬ ߘߐ߫ ߦߋ߲߬.

ߡߟߛ ߟߊ߫ ߣߊ߲߬ߕߌ߰ ߓߏߟߏ߲ ߡߍ߲ ߠߎ߬ ߦߋ߫ ߦߙߐ ߣߌ߲߬ ߘߐ߫߸ ߊ߬ߟߎ ߟߋ߬ ߦߋ߫ ߞߟߌ߫ ߟߊ߫ ߞߏ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߊ߫ ߟߊ߬ߞߊ߲߬ߘߊ߬ߟߌ ߝߊ߲߬ߞߊ߫ ߘߍ߲߬ߞߍ߬ߕߎ߬ߣߍ߲ ߊߓߌߦߋߦߌ߫ ߣߴߊ߬ ߟߊߘߛߏߣߍ߲ ߦߋ߫ ߡߟߟߝߘߊ، ߒ߬ߓߊ߬߸ ߏ߬ ߟߎ߫ ߖߍ߬ߘߍ ߟߋ߬ ߞߊ߬ ߟߊ߬ߛߋ߬ߟߌ ߣߌ߲߬ ߞߍ߫ ߞߎߣߎ߲߬߸ ߞߏ߫ ߓߋ߬ ߓߘߊ߫ ߞߍ߫ ߊ߬ߟߎ߬ ߟߊ߫ ߘߊ߮ ߞߊ߲߬ ߞߊߘߎߜ߭ߟߌ߫߸ ߞߎߘߍ߫ ߂߀߀ ߦߋ߫ ߦߋ߲߬ ߡߍ߲ ߣߌ߫ ߊߓߌߦߋߦߌ߫ ߕߍ߫ ߞߊ߬ߣߌ߲߬، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߞߎߟߎ߲ߞߎߟߎ߲ ߠߋ߬ ߡߙߊ߬ ߘߴߊ߬ߟߎ߫ ߡߊ߬، ߗߋߦߊߟߌ ߢߌ߲߬ ߠߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫: <<ߣߊ߲߬ߕߌ߰ ߥߐ߯ߙߐ߫ ߟߋ߬ ߝߊ߰ ߘߊ߫߸ ߞߊ߬ ߥߐ߯ߙߐ߫ ߜߘߍ߫ ߖߐߞߌ߫߸ ߣߊ߯ߣߌ߲߫ ߦߴߊ߬ ߘߐ߫߸ ߏ߬ ߟߎ߬ ߟߊ߫ ߖߐߞߟߌ ߖߎ߯ߡߊ߲߫ ߞߏߛߓߍ߫.>> ߊ߬ ߞߏߕߐ ߓߍ߯ ߟߊߘߍ߬ߣߍ߲ ߦߋ߫ ߓߊ߲ߜ߭ߑߟߊߘߍߛ ߝߊ߬ߛߏ߬ߦߊ߬ ߛߓߍ߬ ߕߌ߮ ߟߋ߬ ߘߌ߫.

ߛߎߘߊ߲߫ ߞߎ߲߬ߠߊ߬ߛߌ߮ ߣߐ߬ ߡߙߊ߬ߒ߬ߡߊ߬ߟߌ ߣߌ߲߬ ߕߐ߮ ߟߊ߫ ߟߊ߫ ߞߐߡߊߓߌ߲ߓߌ߲ߠߌ߲߫ ߞߊߟߌ߲ ߝߊ߲߬ߞߊ ߟߋ߬ ߞߎ߲߬ (ߞߞߝ=FSR)߸ ߏ߬ ߟߎ߬ ߦߋ߫ ߣߊ߲߬ߕߌ߰ߡߎߣߎ߲ ߘߏ߫ ߟߎ߫ ߟߋ߬ ߘߌ߫߸ ߖߡߊ߬ߣߊ ߘߌ߲߬ߞߌ߬ߙߊ߬ ߛߌߦߊߡߊ߲߫ ߠߵߏ߬ ߟߎ߬ ߕߊ߫ ߓߟߏ ߡߊ߬ ߘߟߊߛߌ߯ߟߌ߫ ߝߊߘߌ ߘߐ߫߸ ߏ߬ ߟߎ߬ ߞߊ߲߫ ߞߏ߫ ߞߊ߯ߙߌ߫߸ ߣߌ߲߬ ߕߴߊ߬ߟߎ߫ ߣߐ߬ ߘߌ߫، ߡߙߊ߬ߒ߬ߡߊ߬ߟߌ ߞߏ߬ߣߌ߲ ߞߍߣߍ߲߫ ߕߎ߬ߡߊ߫ ߟߋ߬ ߟߊ߫߸ ߞߵߊ߬ ߛߐ߬ߘߐ߲߬ ߞߍ߬ߟߍ ߛߏ߲ߛߙߏߡߊߣߴߊ߬ ߘߐ߫߸ ߓߊߛߌ߯ߓߊߟߌߦߊ ߘߏ߲߬ ߥߙߊ߬ߣߍ߲߫ ߞߐߙߑߘߏߝߊ߲߫ ߕߌ߲߬ߞߎߘߎ߲ ߘߐ߫ ߞߏߛߓߍ߫.

ߣߴߌ ߞߊ߬ ߘߊߞߞߊ߫ ߕߊ߬߸ ߓߊ߲ߜ߭ߑߟߊߘߍߛ ߞߐߞߊ߲ߞߏ ߟߎ߬ ߞߏߕߌ߮߸ ߏ߬ ߞߊ߬ ߡߙߊ߬ߒ߬ߡߊ߬ߟߌ ߣߌ߲߬ <<ߘߐߜߏߦߊ߫ ߟߋ߬ ߔߐ߫>>߸ ߞߊ߬ ߓߊ߲߫ ߞߵߊ߬ ߝߐ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߦߋ߫߸ ߞߏ߫ ߞߊ߬ ߟߐ߬ ߞߍ߫ ߣߊ߲߬ߕߌ߰ ߖߐߞߌߣߍ߲ ߠߎ߬ ߟߊ߫ ߞߏ ߞߘߐ߫ ߊ߬ ߢߊ ߖߍ߬ߘߍߖߍ߬ߘߍ ߡߊ߬، ߓߊ߲ߜߑߟߊߘߍߛ ߡߙߊ߬ߓߊ߰ ߛߙߍߞߍ߸ ߡߎ߬ߤߊ߲ߡߊߘ ߦߣߎߛ ߞߵߊ߬ ߦߌ߬ߘߊ߬ ߞߏ߫ ߊ߬ <<ߛߎ߬ߣߎ߲߬ߣߍ߲߫ ߘߍ߬ߜߍ>> ߟߋ߬ ߣߌ߲߬ ߞߏ ߘߐ߫߸ ߊ߬ߟߎ߬ ߟߊ߫ ߣߊ߲߬ߕߌ߮ ߟߎ߬ ߟߊ߫ ߛߊ߬ߦߊ ߘߐ߫߸ ߡߍ߲ ߠߎ߬ ߓߌߣߍ߲߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߖߏ߲߬ߖߏ߲ ߞߘߐ߫.

ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߝߘߏ߬ߓߊ߬ ߞߟߊ߬ߕߌ߮߸ ߊ߲ߕߏߣߌߦߏ ߜ߭ߎߕߋߙߍߛ ߞߵߊ߬ ߦߌ߬ߘߊ߬ ߞߏ߫ <<ߡߙߊ߬ߒ߬ߡߊ߬ߟߌ߬ ߡߊߛߌߟߊ߲ߣߍ߲>> ߠߋ߬ ߞߍߣߍ߲߫ ߣߌ߲߬߸ ߊ߬ ߞߊ߬ ߞߟߌߟߌ߫ ߜߍߟߍ߲ ߠߊߛߋ߫ ߛߎߘߊ߲߫ ߡߙߊ߬ߓߊ߮ ߟߎ߬ ߡߊ߬߸ ߞߏ߫ ߊ߬ߟߎ߬ ߦߋ߫ ߘߊ߲߭ߛߌ߰ <<ߖߎ߯ߦߊ߫>> ߛߎ߮ ߢߌ߲߬ ߠߎ߬ ߟߊ߫ <<ߌߞߘߐߞߘߐߣߌ߲߬>>߸ ߞߊ߬ ߓߊ߲߫ ߞߵߊ߬ ߦߌ߬ߘߊ߬ ߞߏ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߡߐ߱ ߟߎ߬ ߟߊߞߊ߲ߘߊ ߦߋ߫ ߘߌߦߊߜߏߦߊ ߟߋ߬ ߘߌ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.