ߕߜ߭ߏ߫ ߖߡߊ߬ߣߊ߬ߘߋ߲ ߠߎ߬ ߦߋ߫ ߔߊߞߌߛߦߊ ߟߋ߬ ߞߊ߲߬ ߟߏߡߋ߫߸ ߞߵߏ߬ ߞߎ߲߭ ߞߍ߫ ߖߡߊ߬ߣߊ ߜߟߍ߬ߦߊ ߘߌ߫߸ ߊ߬ ߣߌ߫ ߞߏ߫ ߊ߬ߟߎ߬ ߕߍ߫ ߊ߬ߟߎ߬ ߟߊ߫ ߞߎ߲߬ߠߊ߬ߛߌ߮ ߝߍ߬، ߒ߬ߓߊ߬߸ ߡߐ߰ ߥߐߙߐ߲ߝߌ߬ߟߊ߫ ߟߋ߬ ߓߘߊ߫ ߓߐ߬ߣߐ߫ ߊ߬ ߣߌ ߘߐ߫߸ ߞߊ߬ ߛߌߦߊߡߊ߲߫ ߖߐߞߌ߫߸ ߕߐ߲ߓߟߏߡߊ ߟߎ߬ ߓߘߊ߫ ߡߐ߰ ߆߀ ߡߌ߬ߘߊ߬، ߏ߬ ߞߏ ߓߘߊ߫ ߡߐ߰ߦߊ ߤߊߞߍ߫ ߡߞߊߘߊ߲ߠߊ ߟߎ߬ ߛߌߟߊ߲߫ ߞߏߛߓߍ߫.

ߊ߬ ߕߟߋ߬ ߦߙߌߞߊ ߟߋ߬ ߕߋ߲߬߸ ߡߊ߲߬ߞߊ߲ ߦߋ߫ ߕߜ߭ߏ߫ ߞߣߐ߫ ߔߊߞߌߌߛߦߊ ߟߎ߬ ߓߟߏ߫، ߟߏߡߋ߫ ߡߍ߲ ߦߋ߫ ߖߡߊ߬ߣߊ ߞߎߓߋߘߊ ߘߌ߫߸ ߔߊߞߌߛߦߊ ߣߌ߲߬ ߦߴߌߘߐ߫ ߦߋ߲߬ ߠߋ߬߸ ߕߟߋ߬ ߘߊ߲ߘߐ ߣߌ߲߬ ߞߣߐ߫߸ ߣߊ߲߬ߒ߬ߕߊ߲߬ߧߊ ߛߌ߲߬ߝߏ߲߬ߧߊ߬ߟߌ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߡߐ߰ ߥߐߙߐ߲ߝߌ߬ߟߊ߫ ߟߋ߬ ߓߘߊ߫ ߓߐ߬ߣߐ߫ ߊ߬ ߣߌ ߘߐ߫، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߛߎ߭ ߘߏ߫ ߟߎ߫ ߦߋ߫ ߘߴߊ߬ߟߎ߬ ߓߟߏ߫ ߓߊߝߍߟߊ ߟߋ߬ ߘߐ߫߸ ߖߐߞߌߓߊ߯ߕߐ ߟߎ߬ ߘߌ߫ ߡߐ߰ ߓߌ߫ ߦߙߌߞߊ߫ ߓߐ߫߸ ߕߍ߮ ߓߘߊ߫ ߞߍ߫ ߡߐ߰ ߓߌߥߐ߯ߙߐ߫ ߘߐ߫߸ ߏ߬ ߓߍ߯ ߞߍ߫ ߘߊ߫ ߓߌߟߏ߲ ߣߌ߫ ߞߍ߲ߘߍߟߏ߲ ߕߍߟߊ ߟߋ߬ ߘߐ߫.

ߟߏߡߋ߫ ߛߌߟߓߊ߫ ߞߊ߲ߠߊ ߟߎ߬ ߞߍ߫ ߘߊ߫ ߞߐ߲߬ߡߘߊ߬ ߖߋ߬ߣߌ߲߬ ߦߙߐ ߟߎ߫ ߟߋ߬ ߘߌ߫߸ ߛߌ߬ߛߌ ߦߋ߫ ߓߐ߫ ߟߊ߫ ߞߎ߲߬ߘߊ ߓߍ߯ ߟߊ߫߸ ߞߓߊ ߟߎ߬ ߣߌ߫ ߦߙߌ߫ ߞߎߘߎ߲ ߠߎ߬ ߞߍߣߍ߲߫ ߞߊ߬ ߛߌߟߊ ߟߎ߬ ߕߍ߰߸ ߞߊ߬ ߞߐ߲߬ߡߘߊ ߟߎ߬ ߟߊߘߍ߬ ߞߊ߬ ߕߊ ߓߌ߬ߟߴߊ߬ߟߎ߬ ߟߊ߫߸ ߦߙߐ ߓߍ߯ ߘߊ ߕߎ߲߯ߣߍ߲߸ ߖߎ߬ߟߊ ߟߎ߬ ߡߊ߫ ߛߋ߫ ߓߐ߫ ߟߊ߫ ߞߊ߬ ߖߎ߬ߟߦߊ߬ ߞߍ߫، ߊ߬ ߞߏ ߟߊ߬ߡߊ߰ߟߊߡߊ߮ ߞߎ߲߬ ߝߐߣߍ߲ ߠߎ߬ ߞߊ߫ ߛߌߦߊ߫ ߓߊߟߋ߬: ߓߊߏ߬ ߊ߬ ߦߋ߫ ߝߐ߫ ߟߴߊ߬ߟߎ߬ ߓߟߏ߫ ߖߡߊ߬ߣߊ ߓߘߊ߫ ߜߟߍ߬ߦߊ߬߸ ߞߊ߬ ߝߋ߲ ߠߎ߬ ߛߐ߲߬ߞߐ ߦߟߍ߬߸ ߢߎߡߍ ߘߊ ߓߘߊ߫ ߜߟߍ߬ߦߊ߬߸ ߊ߬ ߣߌ߫ ߞߏ߫ ߝߏ߫ ߞߊ߬ ߦߟߍ߬ߡߊ߲ ߘߏ߲߬ ߞߎ߲߬ߠߊ߬ߛߌ߮ ߘߐ߫، ߓߊߏ߬߸ ߝߊ߲߬ߞߊߛߌ߬ߣߊ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߞߎ߲߬ߠߊ߬ߛߌ߮ ߣߌ߲߬ ߡߊ߬ߞߏ߬ ߕߍ߫ ߝߏߦߌ߬ ߟߊ߫߸ ߝߏ߫ ߞߊ߬ ߝߐߙ ߢߊߛߌ߲ߜߋ߫ ߞߐߞߘߐߘߏ߲߬ ߊ߬ ߟߊ߫ ߞߊ߲ߕߌ߯ߦߊ ߣߌ߲߬ ߘߐ߫߸ ߊ߬ߟߋ ߡߍ߲ ߦߋ߫ ߖߡߊ߬ߣߊ ߞߎ߲߬ߠߊ߫ ߞߊ߬ߦߌ߯ ߂߀߀߅ ߟߊ߫ ߞߊ߬ߣߌ߲߬.

ߣߌ߲߬ ߞߊ߬ߙߊ߲߬: ߡߊ߬ߟߌ: ߛߌ߬ߟߡߊ߬ ߝߊߕߐ ߟߎ߬ ߟߊ߫ ߥߊߟߌ߫ ߞߎ߲ߕߌ߮ ߘߏ߫ ߓߘߊ߫ ߝߊ߰ ߡߋߣߞߊ߫ ߘߊߝߍ߬

ߕߡߊ߬ߖߌ߫ ߞߏ߬ߣߌ߲߬ ߕߍ߫ ߞߎ߲߬ߠߊ߬ߛߌ߮ ߘߐ߫، ߓߊߏ߬߸ ߊ߬ߟߎ߬ ߟߊ߫ ߟߊ߬ߛߋ߬ߟߌ߬ ߛߓߍ ߞߣߐ߫߸ ߊ߬ ߦߌ߬ߘߊ߬ߣߍ߲߫ ߦߋ߲߬ ߞߏ߫ ߡߐ߰ ߝߊ߰ ߞߏ߬ ߞߎߡߊ ߡߍ߲ ߦߴߌߘߐ߫߸ ߏ߬ ߟߎ߬ ߕߏߣߍ߲߫ ߖߌ ߟߋ߬ ߘߐ߫߸ ߏ߬ ߟߎ߬ ߟߊ߫ ߛߊ߬ߦߊ ߣߌ߫ ߔߊߞߌߛߦߊ ߕߍ߫ ߛߌߟߊ߫ ߞߋߟߋ߲߫ ߝߍ߬ ߝߋߎ߫، ߏ߬ ߟߋ ߘߐ߫߸ ߊ߬ߟߎ߬ ߟߊ߫ ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߮ ߤߏߘߓߊߟߏ ߊߥߊߕߋ߫ ߞߵߊ߬ ߦߌ߬ߘߊ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ߬ߓߊ ߟߊ߫߸ ߞߏ߫: <<ߒ ߠߊ߫ ߞߎߟߎ߲ߖߋߟߌ ߦߋ߫ ߛߋ߫ ߟߴߊ߲ ߖߡߊ߬ߣߊ߬ߘߋ߲߬ߢߐ߲߮ ߠߎ߫ ߡߊ߬߸ߊ߬ߟߎ߬ ߟߊ߫ ߥߊ߬ߣߌ߲߬ߞߋ߬ ߓߘߍ߬ߦߊ ߟߊ߫߸ ߊ߬ ߣߌ߫ ߞߊ߬ ߝߏ߬ߟߌ߬ ߞߋߟߋ߲ ߏ߬ ߢߐ߲߰ ߠߊߛߋ߫ ߊ߲ ߠߊ߫ ߟߊ߬ߞߊ߲߬ߘߊ߬ߟߌ߬ ߝߊ߲ߞߊ ߡߊ߬߸ ߊ߬ߟߎ߬ ߟߊ߫ ߓߊ߯ߙߊ߫ ߢߊߟߐ߲ ߠߊ߫.>> ߞߏߕߌ߮ ߞߵߏ߬ ߟߋ ߝߐ߫ ߞߎߣߎ߲߬ ߞߊ߯ߙߌ ߡߊ߬ ߖߌ߬ߦߊ߬ߞߊ߲ ߠߊ߫.

ߞߎ߲߬ߠߊ߬ߛߌ߮ ߟߊ߫ ߞߎߡߊ ߏ߬ ߡߊ߫ ߓߍ߲߬ ߣߊ߲߬ߒ߬ߕߊ߲߬ ߘߍ ߟߎ߫ ߡߊ߬ ߢߊ ߺ ߊ ߺ ߢߊ߫ ߟߋ߬ ߡߊ߬، ߓߊߏ߬߸ ߞߏ߫ ߕߐ߲ߓߟߏߡߊ ߣߌ߫ ߟߊ߬ߞߊ߲߬ߘߊ߬ߟߌ߬ ߝߊ߲ߞߊ ߡߍ߲ ߠߎ߬ ߣߊ߬ ߘߊ߫ ߔߊߞߌߛߦߊ ߞߣߍ ߞߊ߲߬߸ ߏ߬ ߟߎ߫ ߞߊ߬ ߘߊ߲߬ߠߕߊ߬ߡߌ߲߬ ߖߎ߯ ߜߊ߲߰ߛߊ߲߫ ߠߋ߬ ߞߍ߫، ߊߡߑߣߍߛߑߕߌ ߍ߲ߕߍߙߑߣߊߛߌߦߐ߲ߣߊߟ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߖߊ߲߰ߞߕߊ ߟߊ߫ ߘߊ߫ ߟߋ߬ ߔߊߞߌߛߦߊߟߊ ߘߏ߫ ߟߎ߫ ߞߊ߲߬߸ ߕߍ߮ ߞߍ߫ ߘߊ߫ ߡߍ߲ ߠߎ߬ ߘߐ߫ ߞߊ߬ߣߌ߲߬، ߛߌߦߊߡߊ߲߫ ߓߘߊ߫ ߓߌ߬ߟߊ߫ ߕߋ߲߬ ߛߊ߫߸ ߔߊߞߌߛߦߊ ߝߣߊ߫ ߓߘߊ߫ ߡߊߓߍ߬߸ ߓߊ߬ߙߌ߬ ߔߊߞߌߛߦߊ ߣߐ߭ ߦߋ߫ ߟߊߞߙߐ߬ߛߌ߬ ߟߊ߫ ߦߙߐ ߓߍ߯ ߘߐ߫.

<<ߊ߲ ߧߋ߫ ߖߡߊ߬ߣߊ߫ ߟߋ߬ ߞߣߐ߫߸ ߤߊߞߍ ߦߋ߫ ߖߡߊ߬ߣߊ ߡߍ߲ ߘߋ߲ ߠߎ߬ ߓߟߏ߫ ߞߊ߬ ߓߐ߫ ߛߌߟߊ ߞߊ߲߬ ߞߵߊ߬ߟߎ߬ ߡߙߌߦߊ ߦߌ߬ߘߊ߬.>>ߏ߬ ߝߐ߫ ߘߊ߫ ߘߊ߬ߝ߭ߌߘ ߘߏߛߋ߫ ߟߋ߬ ߓߟߏ߫߸ ߝߐߙߐ߲ ߛߌߕߏߦߍ߲ ߕߜ߭ߏ ߘߋߓߎ ߛߌ߲߬ߝߏ߲ ߘߏ߫ ߟߵߏ߬ ߘߌ߫ ߓߊ߬ߙߌ߬߸ ߔߊߞߌߌߛߦߊ ߡߊ߲߫ ߛߌߦߊ߫ ߖߡߊ߬ߣߊ ߡߍ߲ ߞߣߐ߫߸ ߊ߬ ߝߊ߲߬ߓߊ ߓߍ߯ ߘߏ߲߬ ߝߣߊ߫ ߦߋ߫ ߟߊߓߊ߲߫ ߠߊ߫ ߥߊ߬ߥߎߟߋ ߟߋ߬ ߡߊ߬߸ ߊ߬ ߖߡߊ߬ ߣߊ߬ߘߍ ߓߍ߯ ߞߐ ߦߋ߫ ߣߡߌߛߊ ߟߋ߬ ߘߌ߫.

ߝߐߙ ߢߊߛߌ߲ߜߋ߫ ߛߊ߲߬ ߅߉ ߟߋ߬ ߕߋ߲߬߸ ߊ߬ ߦߴߊ߬ ߝߍ߬ ߞߵߊ߬ ߞߐߛߊ߬ߦߌ߲߫ ߞߊ߲ߕߌ߯ߦߊ ߡߊ߬ ߡߊ߲߬ߞߊ߲߬ߓߊ߫ ߟߋ߬ ߘߐ߫ ߕߋ߲߬߸ ߊ߬ߟߋ ߘߏ߲߬ ߛߌ߰ߣߴߊ߬ ߝߊ߬ ߟߋ߬ ߣߐ߭ ߘߐ߫، ߝߊߦߌߘߊ߫߸ ߖߡߊ߬ߣߊ ߓߌ߬ߟߊ ߊ߬ߟߎ߬ ߕߊ߫ ߓߟߏ߫ ߞߊ߲߬߸ ߏ߬ ߓߘߊ߫ ߛߊ߲߬ ߄߀ ߢߐ߲߰ ߓߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫