ߖߐ ߞߎߡߊ ߦߋ߫ ߕߑߙߐ߲ߔ ߘߊ߫߸ ߓߊ߬ߙߵߊ߬ ߦߋ߫ ߓߊ߯ߙߊ߫ ߟߊ߫ ߝߊ߲߬ߞߊ ߟߋ߬ ߟߊ߫

ߕߑߙߐ߲ߔ ߟߊߡߌߣߌ߲ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߊ߬ ߦߋ߫ <<ߖߐ ߞߊ߲ߕߌ߮>> ߟߋ߬ ߘߌ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߘߌ߫ ߞߟߍ߬ ߛߌߦߊߡߊ߲߫ ߓߊ߲߫ ߘߎߢߊ߫ ߞߣߐ߫ ߞߊ߬ ߓߊߛߌ߮ ߟߊߘߏ߲߬، ߒ߬ߓߊ߬߸ ߊ߬ ߟߊߛߌ߱ ߞߐ ߘߐ߫߸ ߊ߬ ߟߊ߫ ߓߊ߯ߙߊ߫ ߞߍߣߍ߲ ߡߍ߲ ߠߎ߬ ߦߋߣߍ߲߫ ߡߊ߬ߡߙߊ߬ߟߌ ߘߐ߫߸ ߊ߬ ߓߘߊ߫ ߞߏ ߡߍ߲ ߠߎ߬ ߞߍ߫ ߣߊ߲߬ߕߌ߰ ߝߊ߲ߞߊ ߕߊ߫ ߓߟߏ ߡߊ߬߸ ߊ߬ ߓߘߊ߫ ߟߊ߬ߡߊ߮ ߡߍ߲ ߠߊߘߏ߲߬ ߊߡߙߌߞߌ߬ ߣߌ߫ ߖߡߊ߬ߣߊ߬ ߜߘߍ ߟߎ߬ ߟߊ߫ ߕߍߓߊ߯ߦߊ ߘߐ߫߸ ߏ߬ ߓߘߊ߫ ߕߊ߬ߡߌ߲߬ ߊ߬ ߟߊ߫ ߞߏ ߞߎߡߊ ߥߙߊ߬ ߟߊ߫.

ߞߊ߬ߦߌ߯ ߊ߬ ߣߊ߬ ߘߊ߫ ߓߏ߲ߜߍ ߟߊ߫ ߂߀߂߅ ߓߌ߲ߠߊߥߎߟߋ߲ ߕߋ߬ߟߋ߫ ߂߀ ߡߊ߬߸ ߘߏߣߊߟ ߕߑߙߐ߲ߔ ߞߵߊ߬ ߦߌ߬ߘߊ߬ ߞߏ߫ ߊ߬ ߦߴߊ߬ ߝߍ߬ ߞߊ߬ <<ߘߊ߲߭ߛߌ߰ ߝߐߢߐ߲߯ߞߐ ߟߎ߬ ߟߊ߫>>، ߞߵߊ߬ ߛߐ߬ߘߐ߲߬ ߜߎ߸ ߊ߬ ߦߋ߫ ߡߙߌߘߐ ߡߍ߲ ߠߎ߬ ߕߊ߬ ߟߊ߫߸ ߦߏ߫ ߔߍ߲ߕߊߜ߭ߐߣ ߕߐ߮ ߡߊߝߊ߬ߟߋ߲ ߞߵߊ߬ ߞߍ߫ <<ߞߍ߬ߟߍ ߞߏߕߌ߯ߘߊ>> ߘߌ߫߸ ߊ߬ ߣߌ߫ ߝߕߌߡߊ ߟߎ߬ ߡߊߝߟߍ ߘߊߡߌ߬ߣߊ߸ ߏ߬ ߕߊ߬ߣߍ߲ ߞߵߊ߬ ߟߴߊ߬ ߟߊ߫ ߘߐ߬ߛߌ߬ߟߊ߲߬ߠߌ߲߬ ߡߙߌߘߐ ߘߏ߫ ߟߎ߫ ߞߊ߲߬ ߕߍߓߊ߯ߦߊ߫ ߞߎ߲ߘߊ߫߸ ߏ߬ ߣߴߊ߬ ߟߊ߫ ߞߎߡߊ߫ ߝߐߣߍ߲ ߓߘߊ߫ ߢߐ߲߮ ߖߊ߲߬ ߏ߬ ߘߐ߫ ߘߋ߬، ߛߊ߲߬ ߞߋߟߋ߲ ߞߣߐ߫߸ ߞߵߊ߬ ߕߊ߬ ߞߣߊߘߊ߫ ߡߊ߬߸ ߞߣߊ߬ ߝ߭ߣߋߖ߭ߎߥߋߟߊ߫߸ ߌߙߊ߲߫ ߕߊ߬ߣߍ߲ ߞߵߊ߬ ߟߊ߫ ߦߋߡߍߣ ߞߊ߲߬߸ ߞߎߡߊߕߍ߫ ߝߘߊ߬ߝߌ߲߬ߠߊ߬ ߣߌ߫ ߊߛߌ߫ ߟߌ߲ߓߊ߲ߘߎ߯ ߡߊ߬߸ ߏ߬ ߟߎ߬ ߣߌ߫ ߖߡߊ߬ߣߊ߬ ߛߌߦߊߡߊ߲߫ ߠߋ߬ ߓߘߴߊߡߙߌߞߌ߬ ߟߊ߫ ߞߐߜߊߟߌ߫ ߡߙߌߘߐ ߟߎ߫ ߛߐ߬ߘߐ߲߬߸ ߡߍ߲ ߢߐ߲߰ ߕߎ߲߬ ߡߊ߫ ߘߋ߬ߙߌ߬ ߞߍ߫ ߟߊ߫.

ߞߵߊ߬ ߛߐ߬ߘߐ߲߬ ߜߎ߸ ߕߑߙߐ߲ߔ ߟߊߛߌ߱ ߝߍ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߦߴߊ߬ ߝߍ߬ ߟߋ߬߸ ߊߡߙߌߞߌ߬ ߦߋ߫ ߞߍ߫ <<ߟߊ߬ߘߍ߬ߟߌ߬ߟߊ ߣߌ߫ ߖߐߟߊ߲ߘߌ>> ߘߌ߫، ߞߊߙߏ߫ ߘߊ߲ߘߐ߫ ߏ߬ ߞߐߝߍ߬߸ ߝߊ߬ߛߏ ߟߊߞߊ߲ߘߊ߲ ߞߟߍ߬ߦߊ ߘߐ߬ߛߙߋ ߡߍ߲ ߠߊߖߍ߲ߛߍ߲߫ ߘߊ߫ ߂߀߂߅ ߞߏߟߌ߲ߞߏߟߌ߲ ߕߟߋ߬ ߅ ߡߊ߬߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߝߐߣߍ߲߫ ߕߍ߬ߘߍ߫ ߗߍ߭ ߡߍ߲ ߡߊ߬ ߞߏ߫ <<ߖߐ ߞߊ߲ߕߌ߮>>߸ ߓߘߍ߬ߓߘߍ߬ߟߌ ߡߍ߲ ߏ߬ ߓߟߏ߫߸ ߏ߬ ߟߊ <<ߝߊ߲߬ߞߊ ߟߊߓߊ߯ߙߊ ߘߌ߫ ߞߊ߬ ߓߊߛߌ߯ߟߌ ߕߏ߫ ߊ߬ ߡߊ߬.>> ߞߵߊ߬ ߛߐ߬ߘߐ߲߬߸ ߕߑߙߐ߲ߔ ߟߊ߫ ߞߎߡߊ ߣߴߊ߬ ߟߊ߫ ߞߍߟߌ ߕߍߟߊ ߖߊ߲߰ߡߊ߲߫ ߠߋ߬ ߢߐ߲߮ ߠߊ߫ ߝߙߋߟߋ߲߫.

ߛߊ߲߭ ߏ߬ ߓߘߊ߫ ߓߊ߲߫߸ ߊ߬ ߞߊ߬ ߞߏ߫ ߛߌߦߊߡߊ߲߫ ߞߍ߫ ߏ߬ ߡߍ߲ ߞߣߐ߫߸ ߞߊ߬ ߓߌ߲߬ߓߊ߬ߥߏ߬ ߓߋ ߟߎ߬ ߞߍ߫߸ ߞߊ߬ ߖߡߊ߬ߣߊ ߘߏ߫ ߟߎ߫ ߞߐߜߊ߬ ߞߵߊ߬ߟߎ߬ ߡߊߛߌߟߊ߲߫ ߣߊ߲߬ߕߌ߰ ߞߏ ߟߊ߫، ߊ߬ ߣߊ߬ ߘߊ߫ ߡߊߘߎߙߏ߫ ߛߌ߬ߛߍ߬ߘߋ߲߬ߣߍ߲߬ ߡߌߣߊ߫ ߞߵߏ߬ ߟߊ߫ ߡߙߊ߬ߞߊ߲ ߘߊߝߘߌ߫ ߝ߭ߣߋߖ߭ߎߥߋߟߊ߫߸ ߞߵߏ߬ ߡߊߝߌ߲߬ ߞߕߌ߫ ߞߏ ߘߏ߫ ߟߎ߫ ߘߐ߫ ߡߍ߲ ߦߋ߫ ߞߏߖߎ߯ߓߊ ߘߌ߫ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߞߣߐ߫߸ ߏ߬ ߝߣߊ߫ ߞߍ߫ ߘߴߊ߬ ߕߊ߫ ߞߓߊߞߏ߫ ߘߌ߫ ߞߏߛߓߍ߫، ߞߊ߯ߙߞߊߛ ߘߎ߰ߘߋ߲ ߘߏ߫ ߞߵߊ߬ ߦߌ߬ߘߊ߬ ߞߏ߫߸ ߏ߬ ߟߏ߲ ߛߎ ߞߍ߫ ߘߊ߫ <<ߥߊ߬ߙߊ߲߬ߞߏ߬ߟߌ ߛߎ ߟߋ߬ ߘߌ߫ ߡߊ߲߬ߞߊ߲ ߓߟߏ߫߸ ߞߣߐ߬ߘߐ߬ߝߟߌ ߓߟߏ߫߸ ߝߏߘߏ߲߫ ߞߊ߲ ߠߎ߬ ߞߵߊ߬ ߦߌ߬ߘߊ߬ ߞߏ߫ ߦߟߍ߬ߡߊ߲߬ ߞߘߊߡߊߣߍ߲ ߠߋ߬.>> ߕߑߙߐ߲ߔ ߖߍ߬ߘߍ ߞߵߊ߬ ߝߐ߫ ߊ߬ ߟߊ߫ ߘߍ߬ߞߙߏߝߏ ߞߊ߲߬߸ ߞߏ߫ ߊ߬ ߓߘߊ߫ ߞߍ߫ <<ߝ߭ߣߋߖ߭ߎߥߋߟߊ߫ ߞߊ߲ߕߌ߯ ߘߍ߲߬ߞߍ߬ߕߎ߬ߣߍ߲ ߘߌ߫.>>

ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߊ߫߸ ߊߡߙߌߞߌ߬ ߞߊ߲ߕߌ߮ ߞߵߊ߬ ߡߙߌߦߊ ߦߌ߬ߘߊ߬ ߜ߭ߙߏߊߟߊ߲߫ <<ߛߐ߬ߘߐ߲߬ ߞߏ>> ߘߐ߫߸ ߞߏ߫ ߦߋ߲߬ ߕߊ߬ ߟߐ߮ ߦߴߊ߬ ߟߊ߫، ߞߵߊ߬ ߘߊ߬ߟߎ ߞߍ߫ ߞߏ߫ ߙߎ߬ߛߌ߬ ߣߌ߫ ߛߌ߯ߣߌ߲߬ ߓߘߊ߫ ߛߋ߫ ߦߋ߲߬߸ ߊ߬ ߘߏ߲߬ <<ߘߌ߬ߢߍ߬ ߕߴߛߋ߫ ߞߍ߫ ߟߊ߫ ߕߊߓߍߛߎ߲ߓߍ ߘߐ߫>>. ߊ߬ ߞߏߟߊߘߍߢߐ߲߮ ߘߏ߫ ߟߎ߫ ߟߊ߫ ߝߐߟߌ߫ ߘߐ߫߸ ߕߑߙߐ߲ߔ ߟߊ߫ ߞߋ߬ߟߋ߲߬ߠߊ߬ ߡߙߌߦߊ ߢߌ߲߬ ߠߎ߫ ߕߊ߬ߟߌ ߦߋ߲߬߸ ߏ߬ ߦߋ߫ ߕߊ߬ߡߌ߲߬ ߠߊ߫ ߥߐ߬ߦߐ ߟߋ߬ ߥߙߊ߬ ߟߊ߫߸ ߝߏ߫ ߥߙߊ߬ߒ߬ߘߊ߬ߡߊ ߘߌ߫ ߛߋ߫ ߓߐ߫ ߟߴߊ߬ ߘߐ߫.

ߕߑߙߐ߲ߔ ߜߘߋߜߘߋߦߊ߫ ߡߙߌߦߊ ߏ߬ ߡߊ߫ ߘߊ߲߬ ߖߡߊ߬ߣߊ ߏ߬ ߟߎ߬ ߘߐߙߐ߲߫ ߡߊ߬ ߘߋ߬߸ ߟߌ߲ߓߊ߲߫ ߡߊ߲ߞߊ߲ ߞߐ߰ߘߎ߰ ߓߍ߲ߓߍ߲ (ߏߕߊ߲) ߝߣߊ߫ ߞߊ߬ ߘߏ߫ ߛߐ߬ߘߐ߲߫ ߊ߬ ߘߐ߫ ߟߋ߬، ߓߊߏ߬߸ ߕߑߙߐ߲ߔ ߞߊ߲߫ ߞߏ߫ ߏߕߊ߲ ߛߌ߲߬ߝߏ߲ ߓߍ߯ ߟߊ߫ ߞߣߐߟߊ ߥߟߏߒߘߐ߫ ߞߡߊ (PIB) %߅ ߞߊ߫ ߞߊ߲߫ ߞߊ߬ ߘߏ߲߬ ߣߊ߲߬ߕߌ߰ ߞߏ ߘߊ ߟߋ߬ ߟߊ߫، ߝߏ߫ ߊ߬ ߞߊ߲߫ ߖߍ߬ߘߍ ߞߏ߫ ߣߌ߫ ߡߍ߲ ߠߎ߬ ߡߊ߫ ߛߴߏ߬ ߟߊ߫߸ ߞߵߏ߬ ߟߎ߫ ߛߋ߲߬ߓߐ߫ ߏߕߊ߲ ߘߐ߫، ߏ߬ ߓߘߊ߫ ߣߊ߬ ߞߎߡߊ߫ ߛߌߦߊߡߊ߲ ߘߌ߫ ߊߡߙߌߞߌ߬ ߖߍ߬ߘߍ ߞߣߐ߫߸ ߝߏ߫ ߊ߬ߟߎ߬ ߟߊ߫ ߞߎߡߊߞߍߓߏ߲ ߞߎߡߊߞߍߟߊ ߟߎ߫ ߖߍ߬ߘߍ ߓߘߊ߫ ߞߎ߬ߙߎ߲߬ߘߎ ߘߏ߫ ߟߊ߫ ߘߐ߬ߢߌ߬ߡߌ߲߬ߠߌ߲ ߘߊߞߘߐ߫߸ ߞߵߊ߬ ߓߍ߲߬ ߞߊ߬ߝߏ߫ ߘߍ߬ߣߍ߲ ߛߋ߲߬ߓߐ߬ ߞߏ ߡߊ߬ ߓߍ߲߬ߓߍ߲ ߘߐ߫.

ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߓߏ߲ߜߍ ߓߘߊ߫ ߖߊ߬ߡߊߙߌ ߘߌ߫߸ ߞߏ߫ ߞߊ߬ ߝߕߌߡߊ ߟߎ߬ ߡߊߝߟߍ ߘߊߡߌ߬ߣߊ߬ ߌߞߘߐߌ߲߬߸ ߞߊ߬ ߕߊ߬ߡߌ߲߬ ߊ߬ߟߎ߬ ߟߊ߫ ߞߟߍ߬ߡߎ߬ߙߊ߲߬ ߝߙߋ ߝߣߊ߫ ߝߊ߲߬ߞߊߘߏ߲߬ ߠߊ߫ ߦߙߐ߫ ߛߌߦߊߡߊ߲߫ ߡߊ߬߸ ߣߊ߲߬ߕߌ߰ ߞߎߟߎ߲ߞߎߟߎ߲ ߠߎ߬ ߝߋ߬ߙߋ ߝߣߊ߫ ߟߊߣߐ߰ߦߊ߬ ߘߴߊ߬ߟߎ߬ ߕߟߏ߫ ߕߐߟߍ߫، ߏ߬ ߘߏ߲߬ ߦߋߣߍ߲߫ ߦߙߐ߫ ߛߌߦߊߡߊ߲߫ ߓߟߏ߫ ߞߍߞߌߦߊ߫ ߟߋ߬ ߘߌ߫߸ ߞߏ߫ ߊߡߙߌߞߌ߬ ߦߋ߫ <<ߞߍ߬ߟߍ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲>> ߟߋ߬ ߟߊߘߊ߲ ߞߊ߲߬ ߏ߬ ߘߌ߫.

ߊߡߙߌߞߌ߬ ߓߘߍ߬ߓߘߍ߬ߟߌ߬ߟߐ߲߬ߠߊ ߡߍ߲ ߕߐ߯ ߞߏ߫ ߊߣ ߣߐߙߑߕߐ߲߫߸ ߏ߬ ߞߊ߲߫ ߞߏ߫ <<ߞߊ߬ߝߏ߫ ߘߍ߬ߣߍ߲ ߦߋ߫ ߥߊ߯ߕߌ߫ ߜߍߟߍ߲ߓߊ߫ ߟߋ߬ ߘߐ߫ ߕߋ߲߬.>> ߕߑߙߐ߲ߔ ߘߏ߲߬ ߦߋߝߊߘߌ ߞߊ߫ ߞߊ߲߫ ߞߊ߬ ߡߐ߰ ߛߌߟߊ߲߫ <<ߞߵߊ߬ ߓߍ߲߬ ߊ߬ ߟߊ߫ ߔߊߟߊ߲ߞߊ ߘߏ߫ ߟߎ߫ ߡߊ߬߸ ߡߍ߲ ߘߌ߫ ߖߡߊ߬ߣߊ ߟߊߞߋ߲߬ߛߎ߬>> ߏ߬ ߞߊ߲߫ ߞߏ߫ ߊߡߙߌߞߌ߬ ߦߋ߫ ߓߘߍ߬ߓߘߍ߬ߟߌ ߡߍ߲ ߞߊ߲߬ ߕߋ߲߬߸ ߏ߬ ߦߋ߫ <<ߖߐ߬ߘߐ ߟߋ߬ ߘߌ߫ ߘߎߢߊ߫ ߘߐߞߢߊ߫ ߛߌߟߊ ߟߎ߫ ߡߊ߬.>>

ߞߊ߬ߙߊ߲߬ߝߊ߫ ߙߏߓߍߙ ߛ߭ߊߔߔߌߙߏ߫ ߞߊ߲߫ ߞߏ߫ ߕߑߙߐ߲ߔ ߦߴߊ߬ ߝߍ߬ ߞߵߊ߬ ߖߍ߬ߘߍ߫ ߦߌ߬ߘߊ߬ ߘߎߢߊ߫ ߟߊ߫ ߟߋ߬ ߞߏ߫ <<ߣߊ߲߬ߕߌ߰ ߝߊ߲ߞߊ ߖߍ߬ߘߍߖߍ߬ߘߍ ߦߴߊ߬ ߟߊ߫߸ ߟߊߒߡߊ߫ ߕߍ߫ ߡߍ߲ ߠߊ߫.>> ߝߏ߫ ߊ߬ ߦߴߊ߬ ߝߍ߬ ߞߵߊ߬ ߛߎߡߊ߲߫ ߘߊ߲߬ ߟߊߣߍ߲ ߠߎ߬ ߘߐ߫: ߌߙߊ߲߫߸ ߊߡߋߙߌߞ ߟߊߕߌߣ߸ ߝߘߊ߬ߝߌ߲߬ߠߊ߫߸ ߊ߬ ߣߌ߫ ߛߌ߯ߣߌ߲߬، ߊ߬ߟߋ ߝߍ߬߸ ߊ߬ ߦߋ߫ ߘߐ߬ߛߌ߬ߟߊ߲߬ߣߌ߲ ߡߍ߲ ߠߎ߬ ߞߊ߲߬ ߕߋ߲߬߸ ߊ߬ ߘߌ߫ ߛߋ߫ ߘߏ߫ ߟߎ߫ ߞߍ߫ ߟߊ߫ ߝߛߊߦߌ߫، ߓߊ߬ߙߌ߬߸ ߘߏ߫ ߓߍ߫߸ <<ߏ߬ ߟߎ߬ ߦߋ߫ ߛߌ߬ߓߏ ߟߋ߬ ߘߌ߫.>> ߊߡߙߌߞߌ߬ ߕߴߛߋ߫ <<ߛߎߘߊ߲߫ ߠߊ߫ ߡߍ߲ ߘߐ߫߸ ߣߌ߫ ߡߐ߰ ߘߌ߫ ߟߊ߫ ߏ߬ ߟߴߊ߬ ߞߍߓߊߟߌ.>>

ߒ߬ߓߊ߬߸ ߘߏߣߊߟ ߕߑߙߐ߲ߔ ߦߋ߫ ߞߏ߫ ߝߌ߬ߟߊ ߢߌ߲߬ ߠߋ߬ ߕߍߡߊ߬ ߕߋ߲߬߸ ߊ߬ ߞߊ߲߫ ߞߏ߫ ߊ߬ ߦߋ߫ ߖߐ ߟߊߛߓߊ߬ߕߌ߬ߓߊ߮ ߟߋ߬ ߘߌ߫߸ ߞߵߊ߬ ߛߐ߬ߘߐ߲߬ ߊ߬ ߦߋ߫ ߞߏ  ߡߍ߲ ߠߎ߬ ߞߊ߲߬߸ ߊ߬ ߦߋ߫ ߡߙߌߘߐ ߡߍ߲ ߠߎ߬ ߕߊ߬ ߟߊ߫߸ ߘߎߢߊ߫ ߖߛߎ߬ߛߎߡߊ ߕߌߢߍߣߍ߲߫ ߞߘߐ ߣߌ߲߬ ߕߐ߭ ߘߐߞߛߐ߫ ߟߐ߮ ߟߋ߬ ߦߴߊ߬ߟߎ߬ ߟߊ߫ ߝߊߦߌߘߊ߫߸ ߟߊ߬ߞߙߐ߬ߛߟߌ߬ߟߊ߬ ߛߌߦߊߡߊ߲߫ ߠߊ߫ ߝߐߟߌ߫ ߘߐ߫ ߞߊ߬ߣߌ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.