ߞߊ߲ߡߋߙߋ߲ ߣߌ߲߬ ߦߋ߫ ߊߡߙߌߞߌ߬ ߕߐ߲ߓߟߏߡߊ߫ ߞߘߐ ߘߏ߫ ߟߋ߬ ߘߋ߲߫ ߘߌ߫߸ ߡߍ߲ ߞߊ߬ ߕߑߙߐ߲ߔ ߟߊߝߛߊ߬ߓߊ߯ ߛ߭ߊߙߑߟߌ ߞߌߙߞ ߝߊ߰ ߞߊ߬ߣߌ߲߬߸ ߣߴߊ߬ ߞߏ ߓߘߊ߫ ߞߍ߫ ߞߎߡߊ߫ ߓߎߚߎߕߎߕߎ ߘߌ߫ ߖߡߊ߬ߣߊ ߞߣߐ߫.

ߛ߭ߊߙߑߟߌ ߞߌߙߞ ߝߊ߰ ߘߊ߫ ߕߎߟߊߝߌ߲ ߕߟߋ߬ ߁߀ ߠߋ߬ ߡߊ߬߸ ߎߕߊ߫ ߖߊ߯ߓߘߊ ߘߏ߫ ߟߊ߫، ߡߍ߲ ߡߊߝߌ߲߬ߣߴߊ߬ ߝߊ߰ ߞߏ ߘߐ߫߸ ߏ߬ ߡߌ߬ߘߊ߬ ߘߊ߫ ߝߊ߰ߟߌ ߞߍ ߕߎ߬ߡߊ߬ߙߋ߲߬ ߃߃ ߟߋ߬ ߡߊ߬߸ ߊ߬ ߕߐ߯ ߞߏ߫ ߕߊߦߍ߳ߙ ߙߏߓߌ߲ߛߐ߲߫߸ ߊ߬ ߛߊ߲߭ ߂߂ ߟߋ߬ ߕߋ߲߬߸ ߊ߬ ߦߋ߫ ߓߐ߫ ߟߊ߫ ߥߊ߲ߛ߭ߌ߲ߕߐ߲߫ ߘߎ߱ ߟߋ߬ ߞߣߐ߫߸ ߎߕߊ߬، ߊ߬ ߡߌ߬ߘߊ ߟߊߣߐ߰ߦߊ߬ ߘߴߊ߬ ߝߊ߬ ߟߊ߫ ߛߌߟߊ ߟߋ߬ ߝߍ߬߸ ߏ߬ ߡߍ߲ ߦߋ߫ ߛ߭ߋ߬ߙߌ߬ߝߎ߬ ߞߘߐ߫ ߘߌ߫ ߖߡߊ߬ߣߊ ߞߣߐ߫߸ ߊ߬ ߞߵߊ߬ ߘߋ߲ߞߍ߫ ߡߊߟߐ߲߫ ߊ߬ ߖߌ߬ߦߊ߬ߓߍ߬ ߟߊߖߍ߲ߛߍ߲ߣߍ߲ ߠߎ߬ ߟߋ߬ ߘߐ߫ ߞߌ߬ߓߊ߬ߙߏ߬ߘߊ ߟߎ߬ ߓߟߏ߫߸ ߊ߬ ߘߋ߲ߞߍ߫ ߟߐ߬ ߊ߬ ߖߘߍ߬ ߡߊߟߐ߬ ߟߴߊ߬ ߡߌ߬ߘߊ߬ߓߊ߮ ߟߎ߬ ߟߊ߫߸ ߞߏ߫ ߊ߬ ߦߋ߫ ߥߊ߫ ߜߍ߲߬ߜߍ߲߬ߡߏߙߌ ߘߏ߫ ߓߘߊ߸ ߏ߬ ߟߋ ߞߊ߬ ߡߊߙߑߛ߭ߊߟ ߕߐ߲ߓߟߏߡߊ ߟߎ߬ ߞߟߌ߫ ߡߎ߬ߕߎ߲߬ ߛߊ߫߸ ߞߊ߬ ߕߊ߯ ߘߋ߲ߞߍ ߡߌ߬ߣߊ߬.

A mugshot featuring a man with short brown hair, looking directly at the camera and from the side.

ߢߊߢߌߣߌ߲ߠߌ߲ ߛߌ߰ ߘߊ߫ ߛߋ߲߬ߠߊ߫ ߍߝ.ߓߌ.ߊߦ ߟߋ߬ ߓߟߏ߫߸ ߊ߬ߟߎ߬ ߡߊߘߍ߬ߡߍ߲߬ ߘߊ߫ ߎߕߊ߬ ߝ߭ߊߟߋߦߌ߫ ߖߊ߯ߓߘߊ ߜߋ߬ߟߎ߲߬ߠߌ߲߬ ߖߌ߬ߦߕߊ߬ߟߊ߲ ߠߋ߬ ߓߟߏ߫، ߖߌ߬ߦߊ߬ߖߟߎ ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߞߊ߲ߡߋߙߋ߲ ߕߊ߯ ߘߊ߫ ߖߊ߯ߓߘߊ ߟߊ߫ ߦߋ߲߬ ߞߎߣߎ߲ߟߏ߲ ߛߐ߱ߡߊ߬ ߟߋ߬ ߞߐ߲߬ߛߏ ߘߏ߫ ߞߣߐ߫߸ ߡߍ߲ ߕߐ߯ ߞߏ߫ ߘߐߘߖ߭ ߗߊߟߊ߲ߖߍߙ (Dodge Challenger)، ߝߎ߯ߟߊ߫ ߢߍߡߊ߫ ߓߊ߯ߡߊ ߕߎ߲߬ ߦߴߊ߬ ߞߎ߲߬ߠߊ߫߸ ߊ߬ ߣߌ߫ ߞߏ߬ߛߊ߬ߟߋ߲ ߘߏ߫߸ ߊߡߙߌߞߌ߬ ߖߏ߲߬ߖߏ߲ ߦߋ߫ ߡߍ߲ ߞߊ߲߬، ߊ߬ ߣߌ߫ ߝߋ߲߫ ߞߋߟߋ߲ ߏ߬ ߟߎ߫ ߟߋ߬ ߝߣߊ߫ ߦߋ߫ ߘߴߊ߬ ߡߌ߬ߘߊ߬ ߥߊ߯ߕߌ ߟߊ߫.

ߙߏߓߌ߲ߛߐ߲߫ ߟߐ߲ߓߊ߮ ߘߏ߫ ߟߎ߫ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ ߕߎ߲߬ ߓߘߴߊ߬ ߟߊ߫ ߣߌߛߐߜߏߦߊ ߘߏ߫ ߟߎ߫ ߦߌ߬ߘߊ ߘߊߡߌ߬ߣߊ߫ ߕߋ߬ߟߋߝߌ߬ߟߊ ߣߌ߲߬ ߘߐ߫ ߞߵߊ߬ ߓߍ߲߬ ߕߑߙߐ߲ߔ ߣߴߊ߬ ߟߊ߫ ߡߐ߱ ߟߎ߬ ߟߊ߫ ߞߏ ߡߊ߬، ߞߌ߬ߛߍ ߘߏ߫ ߟߎ߫ ߦߋ߫ ߘߴߊ߬ ߞߐ߫߸ ߊ߬ ߡߊ߫ ߡߍ߲ ߠߎ߬ ߟߊߓߊ߯ߙߊ߫߸ ߛߓߍߟߌ ߘߏ߫ ߟߎ߫ ߞߍߣߍ߲߫ ߕߍ߬ߘߍ߫ ߞߌ߬ߛߍ ߏ߬ ߟߎ߫ ߞߊ߲߬، ߊ߬ ߛߓߍߣߍ߲߫ ߕߘߍ߬ ߘߏ߫ ߞߊ߲߬ ߞߏ߫: <<ߌߟߋ߬ ߡߊ߬ߣߍ߬ߙߍ߲߬ߠߌ߲߬ߠߊ߹ ߊ߬ ߡߌ߬ߣߊ߬߹>> ߘߐ߲߬ߞߟߌ ߡߍ߲ ߕߐ߯ ߞߏ߫ <<ߓߋߟߊ߬ ߛߌߦߊߥߏ߫>>߸ ߏ߬ ߛߓߍߣߍ߲߫ ߕߘߍ߬ ߘߏ߫ ߞߊ߲߬߸ ߏ߬ ߡߍ߲ ߦߋ߫ ߡߊ߬ߣߍ߬ߙߍ߲߬ߠߌ߲߬ ߞߏ ߟߎ߫ ߞߊ߬ߟߊ ߘߐ߲߬ߞߟߌ ߘߌ߫.

ߝߊ߰ߡߊ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߊߡߙߌߞߌ߬ ߟߊߝߛߊ߬ߓߊ߰ ߥߣߊ ߘߏ߫ ߟߋ߬ ߝߊ߰ߣߍ߲߫ ߣߌ߲߬߸ ߣߊߟߌ߬ߡߎ߲߬ ߛ߭ߊߙߑߟߌ ߞߌߙߞ ߘߌ߫، ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߝߊ߰ߟߌ ߣߌ߲߬ ߛߎߡߊ߲ߣߍ߲߫ ߠߋ߬ ߖߐ߲ߖߐ߲߫߸ ߡߍ߲ ߦߋ߫ ߞߏ߫ ߘߐߓߍ߲߬ߣߍ߲ ߘߌ߫ ߞߊ߬ߣߌ߲߬، ߛ߭ߊߙߑߟߌ߫ ߕߏ߫ ߘߊ߫ ߢߌ߬ߣߌ߲߬ߞߊ߬ߟߌ ߘߏ߫ ߟߋ߬ ߖߋ߬ߓߌ ߟߊ߫ ߜߙߊ߬ ߘߊߞߎ߲ ߣߌ߲߬ ߘߐ߫߸ ߞߵߊ߬ ߛߐ߬ߘߐ߲߬ ߞߊ߬ߙߊ߲߬ߠߊ߬ߘߋ߲ ߘߏ߫ ߓߘߊ߫ ߢߌ߬ߣߌ߲߬ߞߊ߬ߟߌ ߞߍ߫ ߊ߬ ߞߎ߲߬߸ ߌߞߘߐ߫ ߞߌ߬ߛߍ ߞߵߊ߬ ߓߏ߲߫ ߊ߬ ߞߊ߲ ߞߊ߲߬ ߞߵߊ߬ ߟߊߓߋ߬، ߓߏ߲ߠߌ߲ߠߊ ߓߊ߲߫ ߘߊ߫ ߘߊ߫ ߓߏ߲ߠߌ߲ ߏ߬ ߟߋ ߞߍ߫ ߟߊ߫ ߞߊ߬ ߦߟߍ߬ ߓߏ߲߫ ߛߊ߲ߞߊ ߝߍ߬ ߞߵߊ߬ ߓߏ߬ߙߌ߬߸ ߞߊ߬ ߕߊ߯ ߊ߬ ߘߏ߲߰ ߦߙߌ߫ ߕߎ ߘߏ߫ ߘߐ߫߸ ߝߏ߫ ߡߊ߬ߙߌ߬ߝߊ ߦߋ߫ ߘߴߊ߬ ߞߐ߫ ߦߋ߲߬߸ ߊ߬ ߥߊߣߍ߲ ߞߐ ߘߐ߫.

ߞߊ߲ߕߌ߯ ߘߏߣߊߟ ߕߑߙߐ߲ߔ ߞߵߊ߬ ߟߊ߫ ߛߎ߬ߣߎ߲ ߦߌ߬ߘߊ߫ ߣߌ߲߬ ߞߏ ߘߐ߫߸ ߞߊ߬ ߡߐ߱ ߟߎ߬ ߞߟߌ߫ ߖߛߎ߬ߛߎߡߊ ߡߊ߬߸ ߞߊ߬ ߓߊ߲߫ ߞߊ߬ ߓߟߏߣߎߡߊ߲߫ ߝߍ߫ ߡߐ߮ ߟߎ߫ ߖߙߊ߬ߞߌ߫ ߣߌ߲߬ ߞߏ ߘߐ߫، ߊ߬ ߞߵߊ߬ ߟߊߛߋ߫ ߞߏ߫ ߊ߬ ߘߌ߫ ߞߊ߲ߕߌ߯ߘߊ ߞߊ߲ߠߊߓߌߟߊ ߞߎ߲߬ߢߊ߬ߘߐ ߘߌ߫ ߝߊ߰ߞߐ ߡߊ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.

Lonkassia CAMARA