ߎ߳ߞߑߙߍߣߌ߲߬ ߞߎߡߊߞߍߓߏ߲ ߞߊ߲ߕߌ߯ ߞߘߐ ߊ߲ߘߙߌ ߺ ߌ ߔߊߙߎߓߌ߫ ߡߍ߲ ߦߋ߫ ߋߙߐߔߎߟߊ߲ߘߌߦߊ ߥߎ߬ߦߊ߲߬ߞߟߌ߬ߟߊ߬ߓߊ߫ ߘߌ߫ ߂߀߁߄ ߠߊ߫ ߡߊߦߌߘߊ߲߫߸ ߏ߬ ߟߋ ߝߊ߰ߣߍ߲߫ ߞߌ߬ߛߍ ߟߊ߫ ߓߌ߬ ߞߍ߲ߘߍߟߏ߲ ߣߌ߲߬ ߡߊ߬ ߖߡߊ߬ߣߊ ߕߟߋ߬ߓߋ ߘߐ߫߸ ߏ߬ ߟߊߛߋ߫ ߘߊ߫ ߖߡߊ߬ߣߊ ߝߊ߰ߡߊ ߟߎ߫ ߟߋ߬ ߓߟߏ߫߸ ߞߵߊ߬ ߟߴߊ߬ ߞߊ߲߬ ߞߏ߫ ߊ߬ ߡߎ߯ߕߋߟߊ ߢߌߣߌ߲ ߦߴߌߘߐ߫.
ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߊ߬ ߝߊ߰ ߞߎ߲ ߣߴߊ߬ ߝߊ߰ ߢߊ߸ ߏ߬ ߟߐ߲ߣߍ߲߫ ߕߍ߫ ߝߟߐ߫.
<<ߡߐ߱ ߘߏ߫ ߟߋ߬ ߣߊ߬ ߘߊ߫ ߕߋ߲߬߸ ߊ߬ ߡߊ߫ ߛߋ߫ ߟߐ߲߫ ߠߊ߫ ߡߐ߰ ߞߋߟߋ߲ ߡߍ߲ ߦߋ߫߸ ߞߊ߬ ߣߊ߬ ߡߎ߮ ߝߏߘߏ߲߫ ߓߘߍ߬ߓߘߍ߬ߟߌ߬ߟߊ ߢߌ߲߬ ߠߊ߫߸ ߞߊ߬ ߊ߲ߘߙߌ ߺ ߌ ߔߊߙߎߓߌ߫ ߝߊ߰ ߛߊ߲ߞߌߘߊ߲߫.>> ߏ߬ ߞߍ߫ ߘߊ߫ ߟߑߝ߭ߌ߫ ߟߋ߬߸ ߎ߳ߞߑߙߍߣߌ߲߬ ߖߡߊ߬ߣߊ ߕߟߋ߬ߓߋ ߛߏߓߊ ߘߏ߫ ߟߵߏ߬ ߘߌ߫، ߏ߬ ߞߎߡߊ ߝߐ߫ ߘߊ߫ ߝߘߏ߬ߓߊ߬ ߞߕߌߞߊ߲ߘߊ ߟߋ߬ ߟߊ߫ ߛߓߍߘߊ ߟߋ߬ ߓߟߏ߫.
ߡߍ߲ ߞߊ߬ ߓߏ߲ߠߌ߲ ߣߌ߲߬ ߞߍ߫߸ <<ߊ߬ ߣߊ߬ ߘߴߊ߬ ߞߊ߲ߡߊ߬ ߟߋ߬ ߝߋߎ߫>> ߊ߬ ߓߊ߲߫ ߘߊ߫ ߟߋ߬ ߌߞߘߐ߫ ߞߵߊ߬ ߓߏ߬ߙߌ߬، ߢߊߢߌߣߌ߲ߠߌ߲ ߠߎ߬ ߞߏ߬ߣߌ߲ ߓߘߊ߫ ߛߌ߰ ߛߋ߲߬ߠߊ߫ ߞߵߊ߬ ߥߊ߫ ߛߌߟߊ ߟߎ߬ ߢߊߢߌߣߌ߲߫߸ ߛߴߊ߬ ߘߌ߫ ߦߋ߫߸ ߏ߬ ߝߐ߫ ߘߊ߫ ߞߕߌߞߊ߲ߘߊ ߟߊ߫ ߛߓߍߘߊ ߟߋ߬ ߓߟߏ߫ ߕߎ߲߯.
ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߡߍ߲ ߞߊ߬ ߝߊ߰ߟߌ ߣߌ߲߬ ߞߍ߫߸ߊ߬ ߣߊ߬ ߘߊ߫ ߛߌߟߓߊ ߟߋ߬ ߞߊ߲߬ ߓߍ߯ ߢߣߊ߫ ߜߍ ߘߐ߫߸ ߞߵߊ߬ ߓߏ߲߫ ߞߵߊ߬ ߝߊ߰، ߊ߬ ߞߵߊ߬ ߖߘߍ߬ ߞߍ߫ ߘߏ߬ߣߌ߲߬ ߡߊ߬ߟߐ߬ߟߊ߫ ߟߋ߬ ߘߌ߫߸ ߊ߬ ߦߋ߫ ߣߍ߰ߛߏ߬ ߕߡߊ ߞߊ߲߬ ߕߋ߲߬߸ ߏ߬ ߡߍ߲ ߞߎߡߊ ߟߊߛߙߋߦߊ߫ ߘߊ߫ ߖߌ߬ߦߊ߬ߞߊ߲߬ߛߏ߫ ߛߎߛߑߔߟߌߣߋ ߓߟߏ߫، ߊ߬ ߢߌߣߌ߲ ߦߴߌߘߐ߫ ߕߋ߲߬߸ ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߊ߬ߟߎ߬ ߓߘߊ߫ ߗߍ߭ ߝߊ߰ ߞߏ ߘߐߛߏ߯ߙߋ ߝߣߊ߫ ߛߌ߰ ߛߋ߲߬ߠߊ߫، ߤߊ߲߯ ߕߋ߲߬߸ ߊ߬ ߡߊ߫ ߟߐ߲߫ ߗߍ߭ ߝߊ߰ߣߍ߲߫ ߞߎ߲߬ ߞߋߟߋ߲ ߡߍ߲ ߠߊ߫.
ߊ߬ߟߋ ߦߋ߫ ߙߋߝ߭ߏߟߎ߳ߛߌߦߐ߲߫ ߏߙߊ߲ߖ߭ ߡߐ߬ߓߊ ߘߏ߫ ߟߋ߬ ߘߌ߫ ߂߀߀߄ ߠߊ߫߸ ߊ߬ ߣߌ߫ ߡߊߦߌߘߊ߲߫ ߂߀߁߄ ߠߊ߫، ߊ߲ߘߙߌ ߺ ߌ ߔߊߙߎߓߌ߫ ߞߊ߬ ߖߘߍ߬ߡߞߊ߬ߘߊ߲߬ߠߊ ߟߎ߬ ߟߊ߫ ߞߙߎ ߘߏ߫ ߟߎ߫߬ ߢߍߡߌ߬ߘߊ߬߸ ߡߍ߲ ߠߎ߬ ߓߐ߫ ߘߊ߫ ߡߊ߲߬ߞߊ߲ ߘߌ߫ ߢߣߊߕߊߟߌ ߘߏ߫ ߞߐߝߍ߬ ߞߊ߲ߕߌ߯ ߙߎ߬ߛߌ߬ߟߊ߬ߘߌ߫ ߝ߭ߌߞߑߕߐߙ ߦߊ߲ߣߎߞߏߝ߭ߌߗ ߟߊߥߟߏ߫ ߞߊ߲ߡߊ߬، ߊ߬ ߞߊ߬ ߖߡߊ߬ߣߊ ߡߊ߬ߞߊ߲߬ߞߊ߲߬ߠߌ߲ ߣߴߊ߬ ߟߊߞߊ߲߬ߘߊ߬ߟߌ ߞߏߟߊߕߍ߯ߦߊ ߢߍߡߌ߬ߘߊ߫ ߟߋ߬߸ ߦߊ߬ߣߴߊ߬ ߦߋ߫ ߞߍ߫ ߞߎߡߊߞߍߓߏ߲ ߞߊ߲ߕߌ߮ ߘߌ߫ ߂߀߁߆ ߟߊ߫ ߞߵߊ߬ ߛߌ߰ ߂߀߁߉ ߟߊ߫.
߂߀߁߄ ߠߊ߫߸ ߝߊ߰ߟߌ߬ ߞߏ ߘߏ߫ ߝߣߊ߫ ߞߵߊ߬ ߡߊߖߊ߲߬ ߞߌ߬ߛߍ߬ߜߘߊ ߟߊ߫.
ߊ߬ ߟߊ߫ ߛߊ߬ߦߊ ߣߌ߲߬ ߓߘߊ߫ ߓߘߍ߬ߓߘߍ߬ߟߌ߬ߟߊ ߟߎ߬ ߞߣߐ ߡߐ߬، ߞߊ߲ߕߌ߯ ߝ߭ߟߏߘߡߌߙ ߖ߭ߋߟߍ߲ߛߑߞߌ߫ ߖߍ߬ߘߍ ߞߎߡߊߣߍ߲߫ ߠߋ߬ ߣߌ߲߬ ߞߏ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ <<ߛߦߊ߬ ߡߊߞߓߊߣߍ߲>> ߠߋ߬، ߊ߬ ߞߊ߬ ߟߊ߬ߤߘߌ ߕߊ߬ ߝߣߊ߫ ߞߏ߫ ߊ߬ ߘߴߊ߬ <<ߛߋߞߏ ߣߌ߫ ߝߊ߲߬ߞߊ ߓߍ߯ ߟߊߓߊ߯ߙߊ߫>> ߞߵߊ߬ ߝߊ߰ߓߊ߮ ߡߌ߬ߘߊ߫ ߟߋ߬ ߖߐ߫، ߎ߳ߞߑߙߍߣߌ߲߬ ߞߏߕߌ߯ ߝߟߐ߸ ߦߎ߬ߟߌߦߊ ߛߑߝ߭ߙߌߘߋ߲ߞߏ߫ ߞߵߊ߬ ߦߌ߬ߘߊ߬ ߞߏ߫ ߛߎ߬ <<ߝߊ߬ߛߏ߬ ߞߊߣߌ߲>> ߛߎ߭ ߟߋ߬ ߟߊߣߍ߲߫ ߕߋ߲߬߸ ߡߍ߲ ߞߵߊ߬ ߛߋߞߏ ߞߍ߫ ߖߡߊ߬ߣߊ ߦߋ߫ ߕߎ߬ߡߊ߬ ߖߊ߲߫ ߞߘߐ߫، ߊ߬ߟߎ߬ ߟߊ߫ ߞߎߡߊߞߍߓߏ߲ ߞߊ߲ߕߌ߮ ߡߍ߲ ߝߣߊ߫ ߦߋ߲߬ ߕߋ߲߬߸ ߙߎߛߑߟߊ߲ ߛߑߕߋߝߊ߲ߗߎߞ ߞߵߊ߬ ߦߌ߬ߘߊ߬ ߞߏ߫ ߗߍ߭ ߣߌ߲߬ <<ߞߵߊ߬ ߟߊ߫ ߢߣߊߡߦߊ ߘߌ߫ ߎ߳ߞߑߙߍߣߌ߲߬ ߠߊ߫ ߖߘߍ߬ߕߌ߰ߦߊ ߡߞߊߘߊ߲ ߠߋ߬ ߡߊ߬.>> ߊ߬ߟߎ߬ ߟߊ߫ ߥߛߊ߬ߘߋ߲߫ ߌߙߌߣߊ ߖ߭ߋߙߊߗߗߋ߲ߞߏ ߞߵߊ߬ ߦߌ߬ߘߊ߬ ߞߏ߫ <<ߎ߳ߞߑߙߍߣߌ߲߬ ߞߊ߬ߞߎ߬ߘߟߊ߬ߡߊ ߣߌ߲߬ ߛߌ߲ߘߌߓߊ߮ ߟߋ߬ ߦߴߊ߬ ߘߌ߫.>>
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.