ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ: ߡߊ߬ߤߑߡߎߘ ߊ߬ߟߌ߬ ߦߎ߯ߛߎߝ ߓߘߴߊ߬ ߞߊ߲ߠߊߘߌ߫ ߘߎߢߊ߫ ߡߊ߬ ߡߊ߬ߟߌ ߜߟߍ߬ߦߊ ߞߏߛߐ߲߬

ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߥߛߊ߬ߓߊ߰ߦߊ ߞߊ߲ߕߌ߮ ߓߘߊ߫ ߟߊ߬ߛߏ߬ߓߌ߬ߟߌ ߞߍ߫ ߞߵߊ߬ ߓߍ߲߬ ߡߊ߬ߟߌ ߟߊ߬ߞߊ߲߬ߘߊ߬ߟߌ ߛߌ߰ߝߊߘߌ ߡߊ߬ ߕߋ߲߬߸ ߞߊ߬ ߓߊ߲߫ ߞߵߊ߬ ߟߊߢߌߣߌ߲߫ ߘߎߢߊ߫ ߝߍ߬ ߞߏ߫ ߞߊ߬ ߢߊ ߟߐ߬ ߊ߬ ߞߏ ߘߐ߫ ߌߞߘߐߣߌ߲߬ ߞߊ߬ ߓߊ߰ߓߊ߰ߟߌ ߞߍ߬ߟߍ߫ ߞߌ߬ߢߍ߬ߞߏ߲ߞߏ߫ ߞߊ߲߬.

ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߥߛߊ߬ߓߊ߰ߦߊ ߞߊ߲ߕߌ߮ ߡߊ߬ߓߏ߲߬ߧߊ߬ߕߊ߫ ߡߊ߬ߤߑߡߎߘ ߊ߬ߟߌ߬ ߦߎ߯ߛߎߝ ߣߐ߬ ߊ߬ ߕߏ߫ ߟߊ߫ ߊ߬ߘߌߛߊ߬ߓߋ߬ߓߊ߫ ߟߋ߬ ߂߀߂߅ ߣߍߣߍߓߊ ߕߋ߬ߟߋ߫ ߉ ߣߌ߲߬ ߡߊ߬߸ ߞߵߊ߬ ߤߊߡߌ߲ߣߊ߲ߞߏߓߊ ߘߏ߫ ߦߌ߬ߘߊ߬߸ ߣߊߟߌ߬ߡߎ߲߫ ߡߊ߬ߟߌ ߘߟߊߛߌ߯ߟߌ ߜߟߍ߬ߦߊ ߣߌ߲߬ ߘߌ߫߸ ߡߍ߲ ߕߎ߬ߙߎ ߞߍߣߍ߲߫ ߓߊ߬ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߥߊ߬ߙߊ ߘߌ߫߸ ߝߏ߫ ߞߊ߬ ߦߙߐ߫ ߛߌߦߊߡߊ߲߫ ߘߟߊߛߘߌ߬ ߞߊ߬ ߖߡߊ߬ߣߊ߬ߘߋ߲ ߠߎ߬ ߡߊ߬ߞߏ߬ߣߊ߲߬ߝߋ߲߫ ߕߣߐ߬ߡߊ߬ߓߊ ߟߎ߬ ߞߊ߬ߢߊ߫ ߘߏ߲߬ ߠߊ߫ ߖߡߊ߬ߣߊ ߞߣߐ߫.

ߊ߬ ߣߐ߬ ߟߊ߬ߛߋ߬ߟߌ ߘߏ߫ ߟߋ߬ ߞߍ߫ ߟߊ߫ ߞߊ߬ ߝߘߊ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߟߊ߫߸ ߞߏ߫ ߊ߬ߟߎ߬ ߦߋ߫ ߡߙߊ߬ߒ߬ߡߊ߬ߟߌ߬ ߛߎ߮ ߏ߬ ߟߎ߬ ߟߊߕߐ߲߫ ߠߊ߫ ߜߘߋߜߘߋ߫߸ ߊ߬ߟߎ߬ ߦߴߏ߬ ߟߎ߬ ߞߐ߲߫ ߠߊ߫ ߢߊ ߓߍ߯ ߡߊ߬߸ ߞߊ߬ ߕߏ߫ ߓߊ߰ ߟߊ߫ ߖߡߊ߬ߣߊ߬ߘߋ߲߫ ߛߐ߲߬ߒ߬ߕߊ߲ ߠߎ߬ ߡߊ߬ ߛߐ߲߬߸ ߞߊ߬ ߡߐ߱ ߟߎ߫ ߓߐ߬ߣߐ߫ ߊ߬ߟߎ߬ ߣߌ ߘߐ߫ ߝߎ߯ߝߊߕߌ߫߸ ߏ߬ ߦߋ߫ ߞߏ߫ ߟߋ߬ ߘߌ߫߸ <<ߡߐ߰ ߕߍ߫ ߛߐ߲߬ ߡߍ߲ ߡߊ߬>> ߊ߬ ߘߏ߲߬ ߦߋ߫ ߖߊ߬ߥߟߌ ߟߋ߬ ߛߍ߲߭ ߕߘߎ߫ ߟߊ߫ ߦߙߐ ߟߎ߬ ߘߐ߫، ߊ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߣߌ߫ ߡߊ߬ߟߌ߬ߘߋ߲ ߠߎ߬ ߣߌ߫ ߡߊ߬ߟߌ ߞߎ߲߬ߠߊ߬ߛߌ߮ ߟߎ߬ ߓߍ߯ ߞߊ߫ ߞߊ߲߫ ߣߌ߲߬ ߛߎ߬ߣߎ߲ ߘߐ߫߸ ߊ߬ߟߎ߬ ߓߍ߯ ߦߋ߫ ߥߏ߬ߘߊ߬ ߞߋߟߋ߲߫ ߠߋ߬ ߟߊ߫ ߣߌ߲߬ ߞߏ ߘߐ߫߸ ߞߎߡߊߕߍ߫ ߞߐߙߍ߫ ߟߎ߫ ߡߊ߬߸ ߡߍ߲ ߠߎ߬ ߛߎ߬ߣߎ߲߬ߣߍ߲߫ ߊ߬ߟߎ߬ ߟߊ߫ ߡߐ߱ ߟߎ߬ ߞߏߛߐ߲߬.

ߡߊ߬ߤߑߡߎߘ ߊ߬ߟߌ߬ ߦߎ߯ߛߎߝ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߖߊ߬ߛߏ߲߬ߠߌ߲ ߡߍ߲ ߞߍ߫ ߛߊ߲ ߦߋ߫ ߣߌ߲߬߸ ߏ߬ ߡߊ߫ ߘߌߦߴߊ߬ߟߎ߬ ߦߋ߫ ߝߋߎ߫، ߡߛߌߙߊ߲ߞߊ߫ ߡߐ߰ ߛߊ߬ߓߊ߫ ߕߊ߬ ߘߊ߫ ߡߍ߲ ߘߐ߫ ߏ߬ ߘߌ߫ ߗߐ߫߸ ߞߏ߫ ߞߏ߫ ߛߎ߮ ߏ߬ ߟߎ߬ ߦߋ߫ <<ߡߐ߰ߦߊ ߤߊߞߍ ߣߌ߫ ߘߎߢߊ߫ ߡߐ߰ߦߊ߬ߞߏ ߟߎ߬ ߤߊߞߍ ߛߐ߬ߛߐ߬ߞߏ߬ߓߊ߫ ߟߋ߬ ߘߌ߫.>>

ߥߛߊ߬ߓߊ߰ߦߊ ߞߊ߲ߕߌ߮ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߡߊ߬ߞߏ ߦߋ߫ ߘߎߢߊ߫ ߟߊ߫ ߖߋ߬ߓߌ߬ߟߌ ߟߊ߫ ߌߞߘߐߣߌ߲߬ ߞߵߊ߬ ߓߍ߲߬ ߣߌ߲߬ ߞߏ ߡߊ߬߸ ߛߴߊ߬ߟߎ߬ ߘߌ߫ ߛߋ߫ ߟߊ߬ߛߏ߬ߓߌ߬ߟߌ ߟߎ߬ ߟߊߕߊ߬ߡߌ߲߬ ߠߊ߫ ߢߐ߲߮ ߡߊ߬߸ ߞߊ߬ ߛߋ߫ ߞߐߡߊߓߌ߲ߓߌ߲ߠߌ߲ ߠߎ߬ ߞߍ߫ ߟߊ߫ ߛߋߒߞߏߟߊ߫ ߞߎ߲ߘߊ߫ ߣߌ߫ ߣߊ߲߬ߝߟߏ߬ ߞߎ߲ߘߊ߫߸ ߊ߬ߟߎ߬ ߣߌ߫ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߕߍ߫، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߞߏߕߌ߮ ߟߎ߬ ߣߌ߫ ߢߐ߲߯ ߕߍ߫ ߟߊߘߍ ߁߃߀߄߲ ߡߍ߲ ߞߍ߫ ߘߊ߫ ߂߀߂߅ ߕߎߟߊߝߌ߲ ߕߟߋ߬ ߃߀ ߡߊ߬߸ ߞߵߏ߬ ߟߊ߬ߛߋ߬ߟߌ ߓߐ߫ ߊ߬ ߛߌߟߊ ߝߍ߬.

ߟߊ߬ߓߊ߲ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊߝߙߌߞߌ߬ ߞߋ߬ߟߋ߲߬ߧߊ ߦߋ߫ ߡߊ߬ߟߌ ߛߊ߬ߥߏ߬ ߘߐ߫ ߞߵߊ߬ ߘߍ߬ߡߍ߲߬ ߛߎ ߣߌ߫ ߕߋ߬ߟߋ߸ ߊ߬ ߣߌ߫ ߞߌ߬ߢߍ߬ߞߏ߲߬ߞߏ߬ ߖߡߊߣߊ ߕߐ߭ ߟߎ߬ ߝߣߊ߫߸ <<ߞߵߊ߬ ߓߍ߲߬ ߜߟߍ߬ߦߊ ߕߎ߬ߡߊ ߢߌ߲߬ ߠߊߕߊ߬ߡߌ߲ ߡߊ߬߸ ߞߊ߬ ߛߋߞߏ ߓߍ߯ ߞߍ߫ ߖߐ ߞߏߛߐ߲߬߸ ߊ߬ ߣߌ߫ ߓߊߛߌ߮ ߣߌ߫ ߥߙߎߞߌ߫ ߓߟߏߕߍ߰ߓߊߟߌ ߞߏߛߐ߲߬.>>

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.