ߞߵߊ߬ ߓߍ߲߬ ߖߌ߬ߣߍ߫ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߟߊߖߍ߲ߛߍ߲ ߡߊ߬ ߞߵߊ߬ ߓߌ߬ߟߊ߫ ߖߡߊ߬ߣߊ߬ߘߋ߲ ߠߎ߬ ߛߊ߬ߥߏ߬ ߘߐ߫߸ ߣߴߊ߬ ߘߐߞߊ߬ߙߊ߲߬ ߘߊ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ߬ߓߊ ߟߊ߫، ߒ߬ߓߊ߬߸ ߕߐ߲ߛߋ߲߫ ߅߲ ߡߍ߲ ߞߎߡߊ߫ ߘߊ߫ ߝߊ߬ߛߏ߬ ߞߊ߲ ߠߎ߬ ߟߊߞߎ߲߬ߠߊ߬ߛߌ߰ߦߊ߬ ߞߏ ߞߊ߲߬ ߝߊ߬ߙߊ߲߬ߛߌ߬ ߞߊ߲ ߘߊߝߍ߬ ߛߊ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߕߊ߯ ߘߊ߫ ߛߋ߫ ߟߐ߲ߠߌ߲ߦߊ߫ ߞߏ ߛߍ߬ߘߏ߲߬ߠߊ߬ ߥߣߊ ߘߏ߫ ߟߎ߫ ߡߊ߬ ߏ߬ ߞߏ ߘߊߞߎ߲ ߘߐ߫، ߏ߬ ߖߌ߬ߦߊ߬ߖߟߎ ߡߍ߲ ߠߎ߬ ߦߴߊ߲ ߕߍ߯ ߞߘߐ߫ ߛߊ߫߸ ߞߊ߬ߙߊ߲߬ߡߐ߰ ߖߐ߲ߖߐ߲ ߞߋߕߊ߬ ߡߍ߲ ߦߋ߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߓߘߍ߬ߓߘߍ߬ߟߌ߬ ߕߏ߯ߝߏ ߞߐߦߌߘߊߓߊ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ <<ߕߎ߬ߡߊ ߦߋ߫ ߦߋ߲߬ ߝߟߐ߫ ߞߊ߬ ߦߟߍ߬ߡߊ߲ ߠߊߘߏ߲߬ ߦߙߐ ߘߏ߫ ߟߎ߫ ߘߐ߫>> ߞߵߊ߬ ߓߍ߲߬ ߝߊ߬ߛߏ߬ ߞߊ߲ ߠߎ߬ ߘߊ߲ߞߎ߲߫ ߞߏ ߡߊ߬߸ ߓߊߏ߬ ߛߌ߰ߞߊ߲ ߡߊ߫ ߛߎߥߊ߲ߘߌ߫ ߞߊ߲ߘߟߌ߫ ߘߐ߫ ߡߎߣߎ߲߬.
ߊ߬ߟߋ ߝߍ߬߸ ߕߐ߲ߛߋ߲ ߣߌ߲߬ ߦߋ߫ ߕߐ߲ߛߋ߲߫ ߓߘߍߓߊ߫ ߘߌ߫߸ ߡߍ߲ ߦߋ߫ ߛߋ߲߬ߕߊ߬ߓߊ߫ ߘߌ߫߸ ߓߊ߬ߙߵߊ߬ ߞߊ߫ ߞߊ߲߫ ߞߊ߬ ߘߐߞߣߍ߫ ߡߎߣߎ߲߬߸ ߞߊ߬ ߛߌߞߊ߫ ߦߙߐ ߓߐ߫ ߊ߬ ߟߊ߫ ߝߋߎ߫، <<ߊ߬ ߝߐߣߍ߲߫ ߞߏ߫ ߝߊ߬ߙߊ߲߬ߛߌ߬ ߞߊ߲ ߠߋ߬ ߓߊ߯ߙߊ߫ ߞߊ߲ ߘߌ߫߸ ߞߊ߬ ߓߊ߲߫ ߞߵߊ߬ ߝߐ߫ ߝߣߊ߫ ߞߏ߫ ߝߊ߬ߛߏ߬ ߞߊ߲ ߠߎ߬ ߣߌ߫ ߝߊ߬ߙߊ߲߬ߛߌ߬ ߞߊ߲ ߓߍ߯ ߓߘߊ߫ ߞߍ߫ ߞߎ߲߬ߠߊ߬ߛߌ߰ ߞߊ߲ ߘߌ߫، ߊ߬ ߘߏ߲߬߸ ߝߏ߫ ߊ߬ ߦߋ߫ ߘߐߞߣߍ߫ ߟߋ߬ ߥߊߚߊߕߊߕߊ߫߸ ߞߏ߫ ߘߋ߲ߣߍ߲ ߠߎ߬ ߓߊ߯ ߝߊ߬ߛߏ߬ ߞߊ߲ ߞߊ߬ߙߊ߲߬߸ ߊ߬ߟߎ߬ ߘߌ߫ ߛߋ߫ ߓߊ߯ߙߊ ߛߐ߬ߘߐ߲߬ ߠߴߏ߬ ߘߐ߫.>> ߖߐ߲ߖߐ߲ ߞߊ߲߫ ߞߏ߫ ߝߊ߬ߣߴߏ߬ ߟߋ ߡߊ߫ ߞߍ߫߸ ߡߐ߱ ߟߎ߬ ߕߍ߫ ߥߊ߬ߞߊߟߌ߫ ߞߵߊ߬ߟߎ߬ ߘߋ߲ ߠߎ߬ ߘߏ߲߬ ߝߊ߬ߛߏ߲߬ ߞߊ߲߬ ߞߊߙߊ߲ ߠߊ߫.
ߒ߬ߓߊ߬߸ ߊߟߎ߫ ߦߴߊ߬ ߟߊ߫ ߛߙߊ߬ߣߎ߲߬ ߞߊ߲߬ߠߊ ߟߊߡߍ߲߫ ߦߊ߲߬ ߥߍ߫߸ ߊ߬ ߖߌ߬ߦߊ߬ߖߟߎ ߝߟߍ߫ ߊߟߎ߫ ߊߟߎ߫ ߢߊߞߘߐ߫ ߣߌ߲߬:
Aucun commentaire pour le moment.