ߣߌ߲߬ ߞߍߣߍ߲߫ ߓߊ߲ߜ߭ߊ߫ ߘߎ߰ߣߍ߲ ߠߋ߬ ߞߣߐ߫߸ ߞߎߙߊ ߣߊߡߐߘߊ߫ ߡߊ߬ߙߊ ߘߐ߫߸ ߖߊߡߑߝߙߊ߫ ߞߊ߬ߝ ߏߞߣߐ߫߸ ߦߋ߲߬ ߡߍ߲ ߦߋ߫ ߖߋ߬ߟߌ߬ߓߊ߬ߟߊ߫ ߞߐ߰ߘߎ߰ ߕߟߋߓߋ ߘߐ߫ ߞߊ߬ߣߌ߲߬، ߡߐ߰ ߓߌߛߓߊ߬ ߣߌ߫ ߛߋߦߌ߲߫ ߠߋ߬ ߝߊ߰ߣߍ߲߬ ߕߋ߰ߙߋ ߟߎ߬ ߓߟߏ߫߸ ߞߵߊ߬ ߛߐ߬ߘߐ߲߬ ߣߊߦߌߙߊ ߞߋ߲߬ߥߟߎ߬ ߅߀ ߕߎ߲߬ ߓߘߊ߫ ߛߊ߬ߙߊ߫ ߞߎ߲߬ߞߊ ߘߌ߫، ߛߙߋ ߘߏ߫ ߟߎ߫ ߞߏ߬ߣߌ߲ ߓߘߴߊ߬ ߦߌ߬ߘߊ߬ ߞߏ߫ ߘߎ߰ߣߍ߲ ߓߘߊ߫ ߛߋ߫ ߡߙߊ߬ߒ߬ߡߊ߬ߝߋ߲߬ߕߌ߮ ߟߎ߬ ߟߊ߫ ߡߊ߬ߙߊ ߞߣߐ߫ ߕߋ߲߬ ߝߋߝߋ߫.
ߊߡߌߣߎ߫ ߡߎߛߊ߫ ߓߊ߲߬ߜ߭ߊ߬ ߟߊ߫ ߝߐߟߌ߫ ߘߐ߫߸ ߊ߬ߟߋ ߡߍ߲ ߦߋ߫ ߛߏ ߣߌ߲߬ ߛߌ߰ߓߊ߮ ߘߏ߫ ߘߌ߫߸ ߞߏ߫ ߡߐ߰ ߅߆ ߢߌ߲߬ ߠߎ߬ ߓߍ߯ ߡߌ߬ߘߊ߬ ߘߊ߫ ߕߋ߰ߙߋ ߟߎ߬ ߓߟߏ߫ ߞߊߙߏ߫ ߛߊ߬ߣߍ߲ ߠߋ߬، ߊ߬ߟߎ߬ ߓߊ߲߫ ߘߊ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߝߏ߫ ߞߊ߬ ߞߋ߲߬ߥߟߎ߬ ߞߋߟߋ߲ߞߋߟߋ߲߫ ߠߋ߬ ߛߊ߬ߙߊ߫ ߢߌ߲߬ ߓߍ߯ ߟߊ߫ ߞߏ ߞߎ߲߬ߞߘߐ߫، ߊ߬ ߞߵߊ߬ ߦߌ߬ߘߊ߬ ߞߏ߫: <<ߕߋ߰ߙߋ ߢߌ߲߬ ߠߎ߫ ߞߊ߬ ߗߍ߬ ߃߈ ߠߋ߬ ߝߊ߰߸ ߊ߬ ߣߌ߫ ߡߛߏ߬ ߞߋߟߋ߲߫߸ ߏ߬ ߟߎ߬ ߡߍ߲ ߠߎ߬ ߕߍ߬ߘߍ߫ ߊ߬ߟߎ߬ ߓߟߏ߫ ߤߊ߲߯ ߕߋ߲߬ ߞߊ߬ߣߌ߲߬، ߊ߲ ߞߊ߬ ߟߌ߬ߤߟߊ ߏ߬ ߛߐ߬ߘߐ߲߫ ߕߏ߬ߟߌ߬ߡߊߛߌ߰ߣߍ߲ ߏ߬ ߡߐ߰ ߁߆ ߟߋ߬ ߟߊ߫߸ ߓߟߏߓߐ߫ ߘߴߏ߬ ߟߎ߬ ߡߍ߲ ߠߎ߬ ߘߐ߫ ߞߊ߬ߣߌ߲߬.>>
ߊ߬ ߟߊ߫ ߞߎߡߊ ߟߎ߬ ߘߐ߫߸ ߝߊ߰ߟߌ ߞߍ߫ ߘߊ߫ ߞߎ߲߬ߞߊ ߛߊ߬ߙߊ ߞߐ ߟߋ߬ ߘߐ߫: <<ߊ߬ߟߎ߬ ߓߊ߲ ߞߋ߲߬ߥߟߎ߬ ߅߀ ߟߊߛߐ߬ߘߐ߲߬ ߠߊ߫߸ ߊ߬ߟߎ߫ ߞߵߊ߬ߟߎ߬ ߓߍ߯ ߞߊ߲ߠߊߕߍ߰ ߟߋ߬ ߞߋߟߋ߲ߞߋߟߋ߲߫.>>
ߞߵߊ߬ ߓߍ߲߬ ߞߏߢߊ ߣߌ߲߬ ߡߊ߬ ߛߊ߫߸ ߘߎ߰ߣߍ߲ ߏ߬ ߡߐ߰ ߛߌߦߊߡߊ߲߫ ߓߘߊ߫ ߓߏ߬ߙߌ߫ ߞߵߊ߬ߟߎ߬ ߟߊ߫ ߟߎ ߓߌ߬ߟߊ߬، ߊߡߌߣߎ߫ ߡߎߛߊ߫ ߓߊ߲߬ߜ߭ߊ߫ ߞߊ߬ ߡߞߊ߬ߛߟߌ߬ ߞߊ߲߬ߠߊ߫ ߟߊߛߋ߫ ߖߋ߬ߟߌ߬ߓߊ߬ߟߊ߫ ߞߎ߲߬ߠߊ߬ߛߌ߮ ߟߎ߫ ߡߊ߬߸ ߞߏ߫ ߊ߬ߟߎ߬ ߦߋ߫ ߣߊ߲߬ߕߌ߮ ߟߎ߬ ߟߊߣߊ߬ ߞߊߟߌߦߊ߫ ߓߟߏ ߡߊ߬߸ ߞߵߊ߬ߟߎ߬ ߟߊ߫ ߘߎ߱ ߓߐ߫ ߓߟߏ߫ ߘߐ߫.
ߞߏߙߊ ߣߊߡߏߘߊ߫ ߞߊ߬ߝߏ߬ߙߋ߲߬ߕߌ߮ ߡߊ߲߬ߣߌߙ ߡߎ߬ߊ߯ߖ߭ߎ߬ ߤߊߦߌߘߙߊ߫ ߝߣߊ߫ ߞߊ߬ ߞߏߢߊ ߣߌ߲߬ ߛߍ߲ߓߍ߲ߒߕߋߦߊ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߕߏ߬ߟߌ߬ߡߊߛߌ߰ߣߍ߲ ߡߍ߲ ߠߎ߬ ߓߌ߬ߟߊ߬ ߘߊ߫߸ ߏ߬ ߟߎ߫ ߓߌ߬ߟߊ߬ ߘߊ߫ ߢߊ߫ ߟߋ߬ ߡߊ߬߸ ߡߍ߲ ߗߋ߲߰ ߕߍ߫߸ ߊ߬ߟߎ߫ ߘߏ߲߬ ߕߍ߫ ߟߌ߬ߤߟߊ߬ ߢߌߡߊ߫ ߘߐ߫߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߟߊ߫ ߕߙߐߦߊ߫ ߛߐ߬ߘߐ߲߬ߣߍ߲ ߠߎ߬ ߘߌ߫. <<ߡߍ߲ ߞߎ߲߭ ߓߐߣߴߊ߬ ߘߐ߫ ߣߌ߲߬߸ ߊ߬ߟߎ߬ ߡߊߘߌߡߌ߲ߣߍ߲ߓߊ ߟߋ߬߸ ߞߵߏ߬ ߞߎ߲߭ ߞߍ߫ ߊ߬ߟߎ߫ ߜߊ߬ߛߌ ߘߌ߫ ߊ߬ߟߎ߬ ߟߊ߫ ߡߌ߬ߘߊ߬ߟߌ ߕߎ߬ߡߊ ߟߊ߫.>> ߊ߬ ߞߞߵߏ߬ ߟߋ ߝߐ߫، ߊ߬ ߞߵߊ߬ ߟߴߊ߬ ߞߊ߲߬ ߝߣߊ߫ ߞߏ߫ ߝߏ߫ ߞߊ߬ ߘߐ߬ߖߊ߬ ߞߍ߫ ߟߋ߬ ߞߊ߬ ߟߊ߬ߞߊ߲߬ߘߊ߬ߟߌ ߝߊ߲߬ߞߊߘߏ߲߬.
ߖߊߡߑߝߙߊ߫ ߞߊ߬ߝߏ ߕߐ߲ߓߟߏߡߊ ߟߎ߬ ߟߊ߫ ߓߋߟߋ߲ߕߌ߮ ߦߊߖߌߘ ߊߓߎߓߞߊߙ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊߟߐ߲ߠߌ߲߫ ߘߊ߫ ߣߌ߲߬ ߞߏ ߟߊ߫، ߊ߬ߟߋ ߝߣߊ߫ ߞߊ߬ ߞߟߌߟߌ߫ ߞߊ߲ߠߊ ߟߊߛߋ߫ ߘߎ߰ߘߋ߲ ߠߎ߬ ߟߋ߬ ߡߊ߬߸ ߞߏ߫ ߓߍ߯ ߦߴߊ߬ ߞߊߘߊ߲߫ ߞߊ߬ ߛߋ߫ ߝߊ߰ߡߊ ߟߎ߬ ߟߊߟߐ߲ߠߌ߲߫ ߠߊ߫ ߕߌߢߍߟߌ߫ ߞߏ ߟߎ߬ ߟߊ߫ ߛߐ߲߬߸ ߛߴߊ߬ߟߎ߬ ߛߌ߫ ߘߌ߫ ߛߴߊ߬ߟߎ߬ ߞߍߕߊ ߞߍ߫ ߟߊ߫ ߞߊߟߌߦߊ߫ ߓߟߏ ߡߊ߬.
ߥߛߊ߬ߘߋ߲߫ ߊߡߌߣߎ ߛߊߣߌ߫ ߖߊ߬ߟߌ߸ ߊ߬ߟߋ ߡߍ߲ ߦߋ߫ ߞߏߙߊ ߣߊߡߏߘߞߊ ߟߎ߬ ߟߊ߫ ߡߐ߰ ߛߎߥߊ߲ߘߌߣߍ߲ ߘߌ߫ ߏ߬ ߞߊ߬ ߘߎ߬ߥߊ߬ߥߎ ߞߍ߫ ߊ߬ ߟߊ߫ ߌߞߛ ߖߊ߬ߕߋ߬ߘߊ ߟߊ߫߸ ߞߊ߬ ߓߊ߲߫ ߞߊ߬ ߦߊ߬ߝߊ ߕߙߊ߫ ߖߡߊ߬ߣߊߘߋ߲ ߠߎ߬ ߝߍ߬ <<ߊ߬ߟߎ߬ ߟߊߞߊ߲ߘߓߊߟߌߦߊ ߞߏߛߐ߲߬ ߊ߬߬ ߢߌ߬ߡߊ ߟߊ߫ ߦߏ߫ ߊ߬ߟߎ߬ ߣߌ߫ ߡߍ߲ ߞߊ߫ ߞߊ߲߫.>> ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߘߴߊ߬ ߡߊߞߊ߬ߛߌ߫ ߞߎ߲߬ߠߊ߬ߛߌ߮ ߟߎ߬ ߦߋ߫߸ ߖߐ߲߰ߛߊ߫ ߞߊߘߊ߲߫ ߘߌ߫ ߞߍ߫ ߞߊ߬ ߛߋ߫ ߡߌ߬ߙߌ߲߬ߘߌ ߟߊߞߊ߲ߘߊ߫ ߟߊ߫ ߊ߬ ߢߊ ߡߊ߬߸ ߊ߬ ߕߌ߯ߕߌ߯ ߡߊ߲߬ߕߙߐ ߦߋ߫ ߡߍ߲ ߠߎ߬ ߞߊ߲߬ ߕߋ߲߬.
ߖߊߡߑߝߙߊ߫ ߞߊ߬ߝߏ ߓߘߊ߫ ߞߍ߫ ߡߙߊ߬ߒ߬ߡߊ߬ߝߋ߲߬ߕߌ߮ ߟߎ߬ ߘߊ߯ߡߊߞߍ߫ ߦߌߟߊ ߘߌ߫ ߖߋ߬ߟߌ߬ߓߟߊ߬ ߞߣߐ߫߸ ߕߋ߰ߙߋ߬ߦߊ߬ ߞߏ ߟߎ߬ ߞߊ߫ ߛߌߦߊ߫ ߦߋ߲߬ ߝߊ߲߭ ߝߍ߬ ߞߏߛߓߍ߫، ߊ߬ ߘߏ߲߬ ߝߊ߲߬ߓߊ ߟߊߕߐ߲ߓߊߟߌ ߟߋ߬ ߕߏ߫ ߟߊ߫ ߦߋ߲߬ ߕߋ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.