ߖߡߊ߬ߓߊ߫ ߟߋ߬ ߓߐ߫ ߘߊ߫ ߓߌ߬߸ ߞߵߊ߬ߟߎ߫ ߞߎ߲߬ߛߌ߲߫ ߒߛߙߍߜߘߍ߬ ߥߛߎߖߌ߲ߓߊ ߟߊ߫ ߞߎ߲ߝߊ߲ ߣߌ߫ ߞߓߊߞߏߦߊ ߘߌ߫، ߓߊߏ߬߸ ߥߛߎߟߊߘߋ߲ ߘߏ߫ ߟߋ߬ ߦߋߣߍ߲߫ ߥߛߎߖߌ߲ߓߊ ߣߌ߲߬ ߝߟߊߝߟߊ ߛߊ߲ߝߍ߬߸ ߊ߬ ߓߊ߯ ߥߊ߫ ߝߊ߲߬ ߘߐ ߣߌ߲߬ ߝߍ߬߸ ߞߵߊ߬ ߞߍ߫ ߦߏ߫ ߊ߬ ߖߌ߰ߕߐ߫ ߟߋ߬߸ ߊ߬ ߘߌ߫ ߥߊ߬ ߝߊ߲߬ ߘߐ ߣߌ߲߬ ߝߣߊ߫ ߝߍ߬، ߞߟߍ߬ߡߐ߮ ߘߏ߫ ߖߍ߬ߘߍ ߦߟߍ߬ ߘߴߊ߬ ߞߐ߫ ߛߊ߲ߡߊ߬߸ ߊ߬ ߞߵߏ߬ ߟߊߕߙߎߕߙߎ߫ ߞߏߛߓߍ߫.
ߣߌ߲߬ ߞߏ ߘߊߡߌ߬ߣߊ߬ ߘߊ߫ ߓߌ߬ ߛߐ߰ߡߊ߬ߘߊ ߟߋ߬ ߟߊ߫߸ ߛߙߋ ߘߏ߫ ߟߊ߫ ߝߐߟߌ߫ ߘߐ߫߸ ߞߏ߫ <<ߞߟߍ߬ߡߐ߮ ߏ߬ ߓߴߊ߬ ߝߐ߫ ߞߏ߫ ߊ߬ ߘߴߊ߬ ߡߊߘߏ߲߬ ߊ߬ ߟߊ߫߸ ߊ߬ ߘߴߊ߬ ߕߍ߰ ߏ߬ ߞߘߐ߫ ߞߊ߬ ߥߊ߫ ߝߟߊߝߟߊ ߘߊߜߟߏ ߟߊ߫ ߦߏ߫ ߊ߬ ߓߍ߫ ߖߌ߰ ߟߊ߫.>> ߣߌ߲߬ ߞߏ ߞߎߡߊ ߞߏ߬ߣߌ߲ ߛߌߦߊߦߊ߫ ߘߊ߫ ߦߋ߲߬ ߓߌ߬.
ߊ߬ߟߋ߬ ߥߛߎߟߊߘߋ߲ ߟߐ߲ߣߍ߲߫ ߕߍ߫ ߒ߬ ߓߟߏ߫ ߡߎߣߎ߲߬ ߛߊ߫߸ ߓߊ߬ߙߵߊ߬ ߟߊ߫ ߞߏߢߊ ߣߌ߲߬ ߞߍ߫ ߘߊ߫ ߕߙߎ߬ ߘߌ߫߸ ߥߛߎ߫ ߞߣߐߜߍ߲ߠߊ ߟߎ߫ ߞߊ߬ ߢߊ߫ ߖߐ߲ߖߐ߲߫ ߢߌߣߌ߲߫ ߦߙߐ ߟߊߞߊ߲ߘߊ߫ ߞߏ ߡߊ߬، ߊ߬ߟߎ߫ ߞߊ߬ ߦߙߐ ߟߊߡߌߣߌ߲ ߡߎ߰ߡߍ ߟߊߕߊ߲߬ߞߊ߫߸ ߞߊ߬ ߖߌ߰ߣߌ߬ߦߟߍ ߟߊߟߐ߬ ߦߋ߲߬ ߡߎߣߎ߲߬߸ ߛߊ߫ ߞߏ ߟߎ߬ ߞߊߣߊ߬ ߓߊ߬ߛߊ߲߬.
ߊ߬ߟߋ߬ ߞߏߢߊ ߞߏߛߐ߲߬߸ ߥߛߎ߫ ߞߣߐߜߍ߲ߠߊ ߘߏ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ <<ߓߐߒߡߊߟߌ ߓߍ߯ ߟߊߟߐ߬ ߡߎߣߎ߲߬>> ߤߊߟߌ߬ ߝߐ߰ߓߍ߬ߦߊ߬ߟߊ ߟߎ߬߸ ߛߌߟߊ߫ ߡߊ߫ ߘߴߏ߬ ߟߎ߬ ߛߌ߫ ߡߊ߬ ߞߊ߬ ߘߏ߲߬.
ߞߏߞߏ߫ ߞߐߝߍߟߊ ߟߎ߬ ߘߐ߫ ߛߊ߫߸ ߡߐ߱ ߟߎ߫ ߟߐ߬ߣߍ߲߫ ߞߏ߫ ߘߐߜߍ ߟߊ߫، ߏ߬ ߕߎ߬ߡߊ ߞߎ߲߬ߠߊ߬ߛߌ߮ ߟߎ߬ ߦߋ߫ ߓߐߘߊ߫ ߢߌߣߌ߲ ߞߊ߲߬ ߊ߬ ߞߏ ߟߊ߫، ߓߊ߬ߙߌ߬߸ ߡߎ߲߬ ߟߐ߯ ߕߘߍ߬ ߥߛߎߟߊߘߋ߲ ߢߌ߲߬ ߠߊ߫؟ ߕߋ߲߭ߕߋ߲߭ ߣߌ߲߬ ߘߐ߫߸ ߊ߲ ߕߴߛߋ߫ ߝߋ߲߫ ߝߐ߫ ߟߴߏ߬ ߞߊ߲߬ ߝߟߐ߫، ߓߊߏ߬߸ ߊ߬ ߡߊ߫ ߟߐ߲߫ ߣߴߊ߬ ߕߘߍ߬ ߊ߬ ߔߘߏ߬ߞߟߏ߬ߡߊ߬ ߓߟߏ ߟߋ߬ ߡߊ߬ ߓߊ߬، ߕߎ߬ߢߊ ߞߏ߬ߣߌ߲ ߦߋ߫ ߡߍ߲ ߘߌ߫߸ ߣߌ߲߬ ߢߐ߲߰ ߕߎ߲߬ ߡߊ߫ ߞߍ߫ ߒߛߙߍߜߘߍ߬ ߥߛߎߖߌ߲ߓߊ ߟߊ߫ ߦߋ߲߬ ߡߎߣߎ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߦߋ߫.
Aucun commentaire pour le moment.