ߖ߭ߌ߲ߓߊߓߎߥߋ߫ ߞߣߐ߫ ߘߎ߮ ߘߏ߫ ߓߍ߫߸ ߡߐ߲ߘߙߏ߫߸ ߗߍ߬ ߛߊ߲߬ ߃߇ ߘߏ߫ ߟߋ߬ ߓߌ߬ߟߊ߬ߣߍ߲߫ ߛߊ߲߬ ߁߅ ߥߛߎ ߟߊ߫ ߦߋ߲߬߸ ߞߏ߫ ߊ߬ ߓߘߊ߫ ߓߋ߬ ߊ߬ ߓߌߘߊ߲ߡߛߏ߫ ߞߊ߲߬.

ߗߍ߭ ߣߌ߲߬ ߕߐ߯ ߟߋ߬ ߞߏ߫ ߥߊߟߑߕߍߙ ߡߊߔߐ߲ߜ߭ߊ߫߸ ߊ߬ ߦߋ߫ ߓߐ߫ ߟߊ߫ ߘߎ߱ ߡߍ߲ ߠߊ߫߸ ߏ߬ ߕߐ߯ ߟߋ߬ ߞߏ߫ ߡߊߞߐߣߌ߫߸ ߏ߬ ߦߋ߫ ߖ߭ߌ߲ߓߊߓߎߥߋ߫ ߖߡߊ߬ߣߊ ߟߋ߬ ߞߊ߲߬، ߊ߬ ߟߊ߫ ߞߕߌ ߟߋ߬ ߞߍ߫ ߘߊ߫ ߂߀߂߅ ߕߎߟߊߝߌ߲ ߕߟߋ߬ ߁߇ ߡߊ߬߸ ߞߏ߫ ߊ߬ ߓߘߊ߫ ߓߋ߬ ߊ߬ ߓߌߘߊ߲ߡߛߏ߫ ߛߊ߲߬ ߅߆ ߘߏ߫ ߞߊ߲߬߸ ߊ߬ ߦߋ߫ ߘߊ߫ ߛߐ߲߬ߡߊ߬ ߘߌ߫ ߞߕߌ ߣߌ߲߬ ߘߐ߫، ߓߋ߬ߒ߬ߞߊ߲߬ߠߌ߲ ߣߌ߲߬ ߞߍ߫ ߘߴߊ߬ߟߎ߬ ߟߊ߫ ߟߎ ߟߋ߬ ߞߣߐ߫߸ ߞߵߊ߬ ߛߐ߬ߘߐ߲߬ ߊ߬ ߓߌߘߊ߲ߡߛߏ߫ ߝߣߊ߫ ߛߐ߬ߘߐ߲߬ ߣߊ ߢߊ ߦߋ߫ ߜߍ ߘߐ߫߸ ߏ߬ ߦߋ߫ ߡߛߏ߬ߞߘߐ߫ ߛߊ߲߬ ߉߄ ߘߏ߫ ߟߋ߬ ߘߌ߫.

ߞߏߢߊߢߌߣߌ߲ ߡߍ߲ ߠߎ߬ ߞߍ߫ ߘߊ߫߸ ߊ߬ ߦߋ߫ ߘߊ߫ ߞߏ߫ ߡߊߔߐ߲ߜ߭ߊ߫ ߞߵߊ߬ ߓߌߘߊ߲ߡߛߏ߫ ߟߊ߫ ߘߊ ߥߊ߬ߟߏ߲߫ ߠߋ߬ ߞߊ߬ ߘߏ߲߬ ߝߊ߲߬ߞߊ ߟߊ߫߸ ߞߊ߬ ߛߐ߰ ߊ߬ ߜߊ߬ߛߌ ߡߊ߬ ߡߎߣߎ߲߬߸ ߞߏ߫ ߝߙߋߞߋ ߡߍ߲ ߠߎ߬ ߦߴߊ߬ ߟߊ߫ ߝߘߎ ߘߐ߫߸ ߞߏ߫ ߊ߬ ߓߌߘߊ߲ߡߛߏ ߟߵߏ߬ ߟߎ߬ ߓߍ߯ ߖߎ߭ ߘߌ߫، ߏ߬ ߟߋ ߞߐ߫߸ ߊ߬ ߓߋ߬ ߘߴߊ߬ ߞߊ߲߬ ߝߊ߲߬ߞߊ߬ ߓߟߏ ߡߊ߬ ߘߌߦߊߜߏߦߊ ߟߊ߫، ߞߎߟߋ߫ ߞߊ߲ ߠߋ߬ ߞߊ߬ ߛߌ߰ߢߐ߲߮ ߠߎ߬ ߟߊߓߐ߫ ߛߍߣߍ߲߬߸ ߊ߬ߟߎ߫ ߛߌ߰ߢߐ߲߯ ߝߌ߬ߟߊ߫ ߣߊ߬ ߘߊ߫߸ ߣߊߟߌ߬ߡߎ߲߬ ߜ߭ߐߘߑߝߙߌ ߡߊߞߏߣߌ߫ ߣߌ߫ ߞߑߟߏߔߊߛ ߒߖ߭ߌߙߡߊߛߊ߲ߜ߭ߊ߫ ߘߌ߫߸ ߏ߬ ߟߎ߫ ߣߊ߬ ߘߊ߫ ߖߏߣߦߊ߫ ߓߟߏ ߡߊ߬ ߞߵߊ߬ ߞߏ ߟߊߘߊ߲߬ ߖߏߣߊ߫߸ ߞߊ߬ ߓߊ߲߫ ߞߵߊ߬ߟߎ߬ ߕߍ߯ ߞߍ߫ ߗߍ߭ ߘߐ߫.

ߞߕߌ ߡߍ߲ ߞߍ߫ ߘߊ߫ ߤߙߊߙ߸ ߛߊ߬ߙߌ߬ߦߊ߬ߟߐ߲߬ߠߊ߫ ߖ߭ߋߛߌ߫ ߞߎߝߊ߬ ߞߵߊ߬ ߝߐ߫ ߟߋ߬ ߞߕߌߞߊ߲ߘߊ߫ ߓߑߟߋߛߋߘ ߛߐ߲ߖߜ߭ߏ߫ ߦߋ߫߸ ߞߏ߫ ߣߌ߲߬ ߦߋ߫ <<ߜߊ߲ߜߊߘߊ߲ ߣߌ߫ ߞߐߥߟߏߓߊߟߌ>> ߟߋ߬ ߘߌ߫، ߊ߬ߟߎ߫ ߞߊ߬ ߛߊ߲߬ ߁߅ ߞߏ ߟߋ߬ ߝߐ߫ ߊ߬ ߝߍ߬߸ ߞߵߏ߬ ߞߎ߲߭ ߞߍ߫ ߣߌߖߎ߯ߦߊ ߘߌ߫߸ ߊ߬ ߣߌ߫ ߕߍ߰ߒ߬ߛߏ߬ߦߊ ߟߊߘߏ߲߭ ߞߐߙߍ߫ ߝߌ߬ߟߊ ߣߌ߫ ߢߐ߲߯ ߕߍ߫߸ ߞߵߊ߬߬ ߟߊ߫ ߡߎ߲߬ ߞߊ߲߬߸ ߟߐ߬ߦߙߌ߬ߕߐ߬ ߞߋߟߋ߲߫ ߢߊ ߕߘߍ߬ ߜߍ ߘߐ߫߸ ߣߴߏ߬ ߦߋ߫ ߡߛߏ߬ߞߘߐ߫ ߞߢߊ߬ߣߍ߲ ߘߏ߫ ߘߌ߫.

ߣߌ߲߬ ߞߏ ߞߍ߫ ߘߊ߫ ߞߓߊߞߏߓߊ߫ ߟߋ߬ ߘߌ߫ ߡߐ߲ߘߙߏ߫ ߘߎ߱ ߞߣߐ߫، ߏ߬ ߟߋ ߞߏߛߐ߲߬߸ ߊ߬ߟߎ߫ ߞߊ߬ ߣߌ߲߬ ߞߎ߲߬ߞߏ ߟߊߥߙߊ߬߸ ߛߊ߫ ߞߛߌ߫ ߘߌ߫ ߞߍ߫ ߊ߬ ߢߐ߲߰ ߜߘߍ߫ ߡߊ߬، ߛߐ߬ߛߐ߬ ߢߊ߫ ߞߏ߬ߣߌ߲߬ ߡߊ߫ ߞߍ߫ ߞߊ߲ߡߋߙߋ߲ ߠߊ߫߸ ߓߊߏ߬ ߊ߬ ߞߍ߫ ߘߊ߫ ߡߛߏ߬ߞߘߐ߫ ߛߊ߲߬ ߉߄ ߡߍ߲ ߢߣߊ߫߸ ߏ߬ ߘߊ ߡߊ߫ ߡߌ߬ߣߴߊ߬ ߟߊ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.