ߥߊߘߌߘߎ߯ ߗߍ߬ߓߊ߬ ߞߋߟߋ߲ ߠߊ߫ ߞߟߏߞߕߏߦߊ ߣߴߊ߬ ߕߊ߫ ߘߎߢߊ߫ ߞߣߐ߫߸ ߟߌߦߐߣߍߟ ߡߋߛߌ߫ ߡߊ߫ ߛߐ߲߬ ߊ߬ ߞߊ߬ߡߊ߲ ߞߘߐߕߊ߬ ߟߊ߫ ߢߌ߬ߣߊ߲߬ ߂߀߂߆ ߖߌߟߊߝߍ߫ ߕߊ߲ߠߌ߲ ߘߐ߫ ߡߎߣߎ߲߬ ߘߋ߬، ߞߊ߬ߕߎ߲߯߸ ߊ߬ ߓߘߴߊ߬ ߦߌ߬ߘߊ߬ ߞߏ߫ ߛߘߍߞߎߘߎ߲߫ ߠߎ߫ ߦߋ߫ ߦߋ߲߬߸ ߡߍ߲ ߠߎ߬ ߦߋ߫ ߥߊߘߌߘߎ߯ ߝߌ ߝߊ ߢߍ߫، ߓߊ߯ߟߊߜߍ ߟߎ߬ ߟߊ߫ ߢߍߡߌߘߊ ߞߊ߲߫ ߞߏ߫ ߛߘߍߞߎߘߎ߲߫ ߠߎ߫ ߦߋ߫ ߢߌ߬ߣߊ߲߫ ߕߏ߬ߟߊ߲߬ߕߊ߲ ߘߐ߫߸ ߏ߬ ߟߎ߬ ߣߌ߫ ߝߊ߬ߛߊ ߡߍ߲ ߣߊ߬ߕߐ߫߸ ߊ߬ߟߎ߬ ߘߌ߫ ߞߍ߫ ߜߏߦߊ߫ ߞߵߊ߬ ߕߏ߫ ߡߐ߰ ߘߐ߫.

ߟߌߦߐߣߍߟ ߡߋߛߌ߫ ߓߊ߲߫ ߛߊ߲ ߦߋ߫ ߞߎߡߊ ߘߏ߫ ߟߋ߬ ߞߍ߫ ߟߊ߫ ߕߋ߲߬߸ ߊߙߑߗ߭ߊ߲ߕߌߣ ߗߍ߬ߓߊ߬ ߞߋߟߋ߲ ߞߊ߬ ߛߘߍߞߎߘߎ߲ ߘߏ߫ ߟߎ߫ ߡߊߘߊ߲߫ ߡߍ߲ ߘߐ߫߸ ߡߍ߲ ߠߎ߬ ߘߌ߫ ߛߋ߫ ߖߊ߯ߓߊ߫ ߖߌߟߊߝߍ߫ ߣߊ߬ߕߐ ߣߌ߲߬ ߕߊ߬ ߟߊ߫.

<<ߞߵߊ߬ ߝߐ߫ ߞߏ߫ ߊߙߑߗ߭ߊ߲ߕߌߣ߸ ߛߘߍߞߎߘߎ߲߫ ߠߎ߫ ߦߋ߫ ߢߌ߬ߣߊ߲߬ ߕߊ ߣߌ߲߬ ߘߐ߫߸ ߡߍ߲ ߠߎ߬ ߦߴߊ߲ ߝߌ ߝߊ ߢߍ߫، ߝߊ߬ߙߊ߲߬ߛߌ߬ ߝߊߘߌ߲ߡߊ߲߫ ߠߋ߬ ߝߋߝߋ߫߸ ߕߏ߬ߟߊ߲߬ߕߊ߲߬ߠߊ߫ ߝߊߣߍ߲߫ ߣߌ߫ ߘߐ ߟߎ߬ ߦߴߊ߬ߟߎ߬ ߓߟߏ߫، ߊߛߌߔߊ߲߫߸ ߓߙߊߖ߭ߟߌߦߊ߫߸ ߏ߬ ߟߎ߬ ߓߍ߯ ߦߋ߫ ߘߐ߲߭ ߣߌ߲߬ ߘߐ߫، ߔߕߏ߬ߞߌ߬ߟߊ߬ ߝߣߊ߫ ߘߏ߲߬߸ ߏ߬ ߟߎ߬ ߝߣߊ߫ ߕߍ߫ ߡߐ߰ ߘߋ߲߬ߣߍ߲߬ ߠߎ߬ ߘߌ߫ ߢߌ߬ߣߊ߲߬ ߕߊ ߣߌ߲߬ ߘߐ߫ ߘߋ߬.>>ߡߋߛߌ߫ ߟߋ߬ ߞߊ߲߫ ߕߋ߲߬.

ߡߋߛߌ߫ ߟߊ߫ ߖߡߊ߬ߣߊ߬ ߡߊߘߊ߲ߣߍ߲ ߢߌ߲߬ ߠߎ߬ ߘߐ߫߸ ߝߊ߬ߙߊ߲߬ߛߌ߬ ߦߋ߫ ߖߡߊ߬ߣߊ߬ ߝߊߘߌ߲ ߠߋ߬ ߘߌ߫، ߘߋߡߌߛߍ߲߫ ߞߍ߲ߘߍ ߟߎ߬ ߦߴߊ߬ߟߎ߬ ߓߟߏ߫߸ ߡߍ߲ ߠߎ߬ ߛߋ߲߭ ߞߊ߫ ߢߌ߲߬߸ ߊ߬ߟߎ߬ ߦߋ߫ ߞߏߓߊ ߟߊߡߊ߰ ߟߊ߫، ߝߊ߬ߙߊ߲߬ߛߌ߬ ߛߘߍߞߎߘߎ߲ ߜߎ ߦߋ߫ ߘߎߢߊ߫ ߕߏ߬ߟߊ߲ ߛߊ߲ߞߊߢߐ߲߯ߦߊ ߛߘߍߞߎߘߎ߲ߓߊ ߟߎ߬ ߘߏ߫ ߟߋ߬ ߘߌ߫ ߝߛߊߦߌ߫.

ߌ ߘߏ߲߬ ߓߊ߯ ߊߛߌߔߊ߲߫ ߕߏ߬ߟߊ߲߬ߕߊ߲߬ ߞߙߎ ߕߊ߬߸ ߏ߬ ߟߎ߬ ߝߣߊ߫ ߦߋ߫ ߥߌ߬ߟߌ ߞߊ߲߬ ߝߋߝߋ߫، ߊ߬ߟߎ߬ ߟߊ߫ ߖߡߊ߬ߣߊ ߕߏߟߏ߲ ߞߍߢߊ߸ ߊ߬ߟߎ߬ ߟߊ߫ ߛߋߒߞߏߟߦߊ߸ ߏ߬ ߦߋ߫ ߡߐ߱ ߟߎ߬ ߢߊߞߘߐߛߋ ߞߊ߲߬ ߢߊ ߓߍ߯ ߡߊ߬߸ ߊ߬ߟߎ߫ ߘߏ߲߬ ߦߋ߫ ߡߐ߰ ߞߎߘߊ ߘߏ߫ ߟߎ߫ ߝߣߊ߫ ߡߊߘߏ߲߭ ߞߊ߲߬߸ ߡߍ߲ ߠߎ߬ ߛߋ߲߭ ߞߊ߫ ߢߌ߲߬ ߝߋߎ߫.

ߓߙߊߖ߭ߟߌߦߊ߫ ߘߏ߲߬߸ ߏ߬ ߦߋ߫ ߖߊ߬ߕߋ߬ ߟߊ߫ ߘߎߢߊ߫ ߞߟߏߞߕߏ ߟߋ߬ ߘߌ߫ ߕߎ߬ߡߊ߬ ߓߍ߯، ߏ߬ ߟߎ߬ ߝߣߊ߫ ߝߊ߲߬ߞߊ ߓߏ߲߬ߓߊ߬ ߢߊ ߓߍ߯ ߡߊ߬߸ ߊ߬ߟߎ߬ ߘߌ߫ ߛߋ߫ ߟߊ߬ߡߊ߮ ߟߊߘߏ߲߬ ߠߊ߫ ߢߐ߲߯ߓߍ߲ ߓߍ߯ ߘߐ߫߸ ߊ߬ߟߎ߬ ߘߌ߫ ߛߋ߫ ߛߘߍߞߎߘߎ߲ ߓߍ߯ ߟߊߖߌ߲߯ߛߊ߲߫ ߠߊ߫ ߝߣߊ߫.

ߔߕߏ߬ߞߌ߬ߟߊ߬ ߝߣߊ߫߸ ߏ߬ ߦߴߊ߬ ߣߐ߲ߛߌ߲߫ ߕߊ߯ߡߊ ߞߊ߲߬ ߖߐ߫، ߞߊ߬ߕߎ߲߯߸ ߊ߬ߟߎ߬ ߝߣߊ߫ ߓߊ߫ ߡߊߛߌߟߊ߲߫ ߕߋ߲߬߸ ߊ߬ߟߎ߬ ߘߌ߫ ߛߊ߭ ߟߊߓߐ߫ ߟߊ߫ ߢߐ߲߯ߓߍ߲ ߝߊ߬ߓߏ߲ ߓߍ߯ ߘߐ߫߸ ߊ߬ߟߎ߬ ߕߏߟߏ߲ߢߐ߲߮ ߡߊߞߓߊ߫ ߘߊ߫ ߢߊ߫ ߛߌ߫ ߡߊ߬.

ߢߌ߲߬ ߠߎ߫ ߟߋ߬ ߓߍ߯ ߦߋ߫ ߟߌߦߐߣߍߟ ߡߋߛߌ߫ ߟߊ߫ ߞߎߡߊ ߣߌ߲߬ ߠߊߛߙߋߦߊ߫ ߟߊ߫، ߊ߬ ߟߊ߫ ߛߙߊ߬ߣߎ߲ ߘߴߊ߬ ߦߌ߬ߘߊ߬ ߝߣߊ߫߸ ߞߏ߫ ߢߌ߬ߣߊ߲߬ ߦߴߊ߬ ߕߊ߫ ߛߊ߲߬ ߞߎߘߊ߫ ߟߋ߬ ߘߌ߫ ߕߎ߲߯.

ߢߌ߲߬ ߓߍ߯ ߟߋ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߊߙߑߗ߭ߊ߲ߕߌߣ ߛߋ߲߬ߞߘߐ߬ ߞߏ ߓߘߊ߫ ߛߌߦߊߦߊ߫߸ ߞߵߊ߬ ߟߊ߫ ߘߎߢߊ߫ ߢߍߓߊ߯ߦߊ ߡߊߛߊ߲߬ߛߊ߲߬߸ ߛߴߊ߬ ߞߊߣߊ߬ ߛߋ߫ ߘߊ߬ߘߌ߬ ߟߊ߫ ߛߘߍߞߎߘߎ߲߫ ߛߌ߫ ߓߟߏ߫.