ߞߊ߬ߞߎ߬ߘߦߊ߬ߟߌ ߣߌ߫ ߥߙߎߞߌ ߓߐ߲ߛߐ߲ߢߐ߲߯ߦߊ (ߖ߭ߋߍߡߑߘߋ) ߟߋ߬ ߞߍߣߍ߲߫ ߛߎߥߊ߲ߘߟߌ߫ ߕߊ߬ߡߌ߲߬ߣߍ߲ ߣߌ߲߬ ߛߎߘߊ߲ߓߊ߯ߕߐ߫ ߞߐߟߌߞߐߟߌ ߘߌ߫ ߝߊߦߌߘߊ߫߸ ߞߊ߬ ߓߍ߲߬ ߢߣߊߕߊߟߌ ߟߎ߬ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߡߊ߬߸ ߡߍ߲ ߠߎ߬ ߟߊߕߊ߬ߡߌ߲߬ ߘߊ߫ ߛߌ߬ߣߌ߲߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߅ ߛߎ ߖߊ߲߬ߝߊ߬ߣߍ߲ ߞߐ߫߸ ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߓߟߏ߫.

ߒ߬ߓߊ߬߸ ߝߊ߲߬ߓߊ߬ߦߊ ߢߣߊߕߊߟߌ ߘߐ߫߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߕߏ߰ߝߏ ߟߋ߬ ߞߵߏ߬ ߝߊ߲߬ߓߊ ߕߊ߬، ߞߊ߬ߕߎ߲߯߸ ߢߣߊߕߊߟߌ߫ ߘߌ߲ߞߌߙߊ߫ ߅߀ ߘߐ߫߸ ߊ߬ߟߋ߫ ߞߵߊ߬ ߡߎ߰ߡߍ ߟߋ߬ ߛߐ߬ߘߐ߲߬߸ ߝߏ߫ ߦߙߐ߫ ߝߌ߬ߟߊ߬ ߘߐߙߐ߲߫߸ ߜߋ߬ߛߌߦߊ߫߸ ߏ߬ ߕߊ߬ ߘߊ߫ ߊߖ߭ߋߍߣ ߠߋ߬ ߓߟߏ߫߸ ߊ߬ ߣߌ߫ ߞߎ߲ߘߊߙߊ߬߸ ߏ߬ ߕߊ߬ ߘߊ߫ ߝߑߙߐ߲ߘߍߜ߭ ߟߋ߬ ߓߟߏ߫.

ߜߋ߬ߛߌߦߊ߫ ߞߣߐ߫߸ ߊߖ߭ߋߍߣ ߞߊ߬ ߛߌ߰ߟߊ߲ ߡߍ߲ ߛߐ߬ߘߐ߲߫ ߦߋ߲߬߸ ߏ߬ ߡߐ߱ ߟߎ߫ ߟߋ߬ : ߗߍߙߑߣߐ߫ ߤߊߡߌߘߎ߬ ߓߊߟߑߘߋ߬߸ ߡߐߙߑߟߊߦߌ߬ ߘߎ߲ߓߎߦߊ߫߸ ߊ߬ ߣߌ߫ ߛߊߟߋߡߊߕߎ߬ ߦߊ߲߬ߛߊ߬ߣߋ߫، ߞߎ߲ߘߊߙߊ߬ ߞߣߐ߫߸ ߝߑߙߐ߲ߘߍߜ߭ ߟߊ߫ ߡߐ߱ ߟߋ߬ ߡߊߡߊߘߎ߫ ߊߟߌߡߎ߬ ߖߊߟߏ߫ ߘߌ߫߸ ߏ߬ ߟߋ ߞߋߟߋ߲߫ ߔߋ߫ ߛߋ߫ ߘߊ߫ ߛߌߟߊ ߕߍ߰ ߟߊ߫ ߖ߭ߋߍߡߑߘߋ ߢߍ߫߸ ߝߏ߫ ߊ߬ ߡߊ߫ ߛߋ߫ ߖߡߊ߬ߣߊ ߡߎ߰ߡߍ ߟߊߝߏ߬ ߟߊ߫ ߡߎ߬ߕߎ߲߬، ߣߴߏ߬ ߕߍ߫߸ ߛߙߍߘߍ߫ ߘߍ߲߬ߞߍ߬ߕߎ߬ߣߍ߲ ߣߌ߲߬ ߞߊ߲߬ ߓߊ߬߸ ߖ߭ߋߍߡߑߘߋ ߟߋ߬ ߣߐ߬ ߞߐߣߊߞߙߌ߫ ߦߙߐ ߕߐ߭ ߓߍ߯ ߕߊ߬ ߟߊ߫߸ ߦߏ߫ ߘߌ߬ߞߑߛߌߣ߸ ߞߊߟߎߡ߸ ߞߊ߯ߛߊ߫߸ ߟߊ߲߬ߓߊߢߌ߲߫߸ ߛߏ߲߬ߝߏ߬ߣߌ߬ߦߊ߫߸ ߕߏ߲ߓߏߟߌߦߊ߫߸ ߙߊ߬ߕߏߡߊ߬߸ ߡߊ߭ߕߊߡ߸ ߡߊ߬ߕߏ߯ߕߏ߬߸ ߞߊ߯ߜߍߟߋ߲߬߸ ߡߊ߬ߣߍ߬ߦߊ߫߸ ߊ߬ ߣߌ߫ ߛߊ߬ߣߐ߬ߦߊ߫.

ߖߡߊ߬ߣߊ ߞߣߐߟߊ ߝߣߊ߫ ߘߐ߫߸ ߖ߭ߋߍߡߑߘߋ ߟߋ߬ ߞߊ߬ ߦߙߐ ߓߍ߯ ߕߊ߬߸ ߓߏ߬ߞߋ߫߸ ߞߌ߲ߘߌߦߊ߫߸ ߝߙߊߣߊ߫߸ ߞߊ߲ߞߊ߲߫߸ ߟߊߓߋ߬߸ ߡߊ߯ߡߎ߲߫߸ ߒߛߙߍߜߘߍ߬߸ ߊ߬ߟߎ߬ ߟߊ߫ ߡߊ߬ߡߌ߬ߣߊ߬ߟߌ߬ߟߊ ߏ߬ ߟߎ߫ ߡߙߊ߬ߓߊ߰ߘߊ ߓߍ߯ ߞߎ߲߬ߠߊ߫ ߦߋ߲߬. ߖߌ߬ߣߍ߬ߞߊ ߡߍ߲ ߠߎ߬ ߦߋ߫ ߞߐߞߊ߲߬ ߝߣߊ߫߸ ߏ߬ ߟߎ߬ ߟߊ߫ ߞߐߦߌߘߊߓߊ߮ ߟߎ߬ ߘߐ߫߸ ߊ߬ߟߋ߬ ߕߏ߰ߝߏ߬ ߞߋߟߋ߲ ߠߋ߬ ߣߐ߬ ߘߊ߬ߘߌ߬ߟߌ ߞߍ߫ ߟߊ߫߸ ߓߊߏ߬߸ ߝߘߊ߬ߝߌ߲߬ߠߊ߫ ߓߊ߬߸ ߊߡߙߌߞߌ߬ ߓߊ߬߸ ߊߛߌ߫ ߓߊ߬߸ ߊ߬ ߣߌ߫ ߤߊߟߌ߬ ߋߙߐߔߎ߬߸ ߖ߭ߋߍߡߑߘߋ߬ ߟߋ߬ ߣߐ߬ ߏ߬ ߟߎ߬ ߓߍ߯ ߕߊ߬ ߟߊ߫.

ߣߴߌ ߘߏ߲߬ ߥߊ߫ ߘߊ߫ ߛߙߍߘߍ߫ ߝߊ߬ߛߏ߬ߟߊ߬ߞߊ ߘߐ߫߸ ߞߙߎߞߊ߫ ߛߌߦߊߡߊ߲߫ ߞߊ߬ ߛߌ߰ߦߙߐ ߛߐ߬ߘߐ߲߫ ߦߋ߲߬ ߝߛߊߦߌ߫، ߓߊ߬ߙߌ߬߸ ߊ߬ ߝߐߣߍ߲߫ ߞߏ߫ ߡߍ߲ ߠߎ߬ ߣߌ߫ ߖ߭ߋߍߡߑߘߋ ߓߟߏ߫ ߦߋ߫ ߢߐ߲߯ ߓߟߏ߫߸ ߏ߬ ߟߎ߫ ߟߋ߬ ߝߣߊ߫ ߣߐ߬ ߘߊ߬ߘߌ߬ߟߌ߫ ߞߟߊ߬ߥߟߎ ߞߍ߫ ߟߊ߫ ߛߌ߰ߟߊ߲߬ ߄߉ ߏ߬ ߞߣߐ߫، ߎ߳ߍߡߑߔߋ ߞߋߟߋ߲߫ ߞߊ߬ ߛߌ߰ߟߊ߲߫ ߉ ߟߋ߬ ߛߐ߬ߘߐ߲߬߸ ߞߊ߬ ߛߋ߲߬ߕߊ߬ ߞߎߘߊ߫ ߕߎ߲߰ ߊ߬ߟߋ߬ ߟߊ߫߸ ߏ߬ ߣߌ߫ ߖߌ߬ߣߍ߬ߞߊ ߟߎ߬ ߟߊ߫ ߓߊ߯ߙߊ ߟߊ߬ߘߍ (ߖߓߟ)߸ ߏ߬ ߟߎ߬ ߓߍ߯ ߞߊ߬ ߛߌ߰ߟߊ߲߬ ߇ ߟߋ߬ ߛߐ߬ߘߐ߲߬، ߝߌߘߍߟ ߞߊ߬ ߛߌ߰ߟߊ߲߬ ߆ ߛߐ߬ߘߐ߲߬߸ ߎ߳ߘߋߘߋ ߞߊ߬ ߛߌ߰ߟߊ߲߬ ߅ ߛߐ߬ߘߐ߲߬߸ ߝߊ߲ ߠߋ߬ ߞߊ߬ ߛߌ߰ߟߊ߲߫ ߂ ߛߐ߬ߘߐ߲߬، ߊ߬ ߕߐ߬ ߞߙߎߞߊ߫ ߕߊ߲ߣߌߛߊ߬ߓߊ ߓߍ߯ ߞߊ߬ ߛߌ߰ߟߊ߲߬ ߞߋߟߋ߲ߞߋߟߋ߲߫ ߠߋ߬ ߛߐ߬ߘߐ߲߬߸ ߛߙߍߘߍ߫ ߘߍ߲߬ߞߍ߬ߕߎ߬ߣߍ߲ ߘߐ߫.

ߊߟߎ߫ ߞߏ߬ߣߌ߲ ߦߴߊ߬ ߟߐ߲߫߸ ߛߙߍߘߍ ߡߍ߲ ߦߋ߫ ߕߋ߲߬߸ ߣߌ߲߬ ߦߋ߫ ߘߍ߲߬ߞߍ߬ߕߎ߬ߣߍ߲ ߠߋ߬ ߘߌ߫ ߡߎߣߎ߲߬߸ ߊ߬ߟߋ ߟߋ߬ ߞߏ߬ߣߌ߲ ߦߋ߫ ߖߌ߬ߣߍ߫ ߝߊ߬ߛߏ߬ ߜߙߊ ߞߣߐ߫ ߡߐ߯ ߝߟߐ ߟߎ߬ ߘߌ߫ ߡߎߣߎ߲߬، ߣߌ߫ ߡߞߊ߬ߛߌ߬ߟߌ ߟߎ߬ ߓߍ߯ ߓߊ߲߫ ߘߊ߫߸ ߞߕߌߖߌ߲ ߛߊ߲ߘߐߕߊ ߞߍߕߐ߫ ߞߐߝߟߌ ߡߍ߲ ߘߌ߫ ߟߊ߫߸ ߏ߬ ߟߋ ߓߊ߲ߝߟߍ߬ߟߍ ߘߌ߫.