ߞߊ߲ߓߍ߲ ߞߊ߲ߕߌ߮߸ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߖߌ߬ߣߍ߫ ߖߡߊ߬ߣߊ ߡߙߌߦߊ߫ ߖߐ߲ߖߐ߲ ߝߐ߫ ߟߋ߬ ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߞߊߝߏ ߟߎ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߓߊ (ߛߘߋߦߊߥߏ) ߟߊ߫ ߥߊߘߌ߫ ߞߎߘߊ߫ ߞߏ، ߣߌ߲߬ ߞߍ߫ ߘߊ߫ ߞߏߕߌ߯ ߟߊߘߍ ߟߋ߬ ߛߋ߲߭ߝߍ߬ ߂߀߂߆ ߞߊ߬ߙߌ߬ߝߐ ߕߟߋ߬ ߃߀߸ ߏ߬ ߡߍ߲ ߓߍ߲߬ ߘߊ߫ ߓߌߟߏ߲ ߡߊ߬߸ ߞߎߓߋ߫ ߡߏ߬ߤߊ߬ߡߍ߬ߘ ߟߏ߯ߟߎߣߊ߲ ߞߣߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߖߌ߬ߣߍ߬ ߕߊߡߊ߲ ߦߋ߫ ߞߏߓߊ߫ ߟߋ߬ ߘߌ߫ ߖߌ߬ߣߍ߫ ߖߡߊ߬ߣߊ ߟߊ߫ ߥߊߘߌ ߛߐ߬ߘߐ߲ ߓߘߍ߬ߓߘߍ߬ߟߌ ߘߐ߫.

<<ߖߌ߬ߣߍ߬ ߕߊߡߊ߲ ߦߴߊ߲ ߠߊ߫ ߖߡߊ߬ߣߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߖߘߍ߬ߕߌ߰ߦߊ ߡߎ߬ߙߊ߲߬ ߓߊߖߎߟߞߊ ߘߏ߫ ߟߋ߬ ߘߌ߫.>> ߞߊ߲ߕߌ߮ ߞߵߏ߬ ߟߋ ߝߐ߫߸ ߏ߬ ߡߍ߲ ߟߊߡߍ߲߫ ߘߴߊ߲ ߓߟߏ߫ ߞߎ߲߬ߠߊ߬ߛߌ߮ ߟߊ߫ ߓߋߟߋ߲ߕߌ߯ ߞߎߘߊ ߞߙߊ߫ ߘߐ߫ ߞߏߕߌ߯ ߟߊߘߍ ߞߐߝߍ߬.

ߞߊ߲ߕߌ߮ ߟߎ߬ ߟߊ߫ ߘߊߞߎ߲߫ ߠߊߓߐ ߝߊ߲߬ߞߊ ߢߍߥߟߊ ߡߍ߲ ߠߊߘߊ߲ߣߍ߲߫ ߛߘߋߦߊߥߏ ߓߟߏ߫߸ ߣߴߊ߬ߟߎ߬ ߦߋ߫ ߞߏߘߐߜߊ߬ߣߍ߲ ߠߎ߬ ߣߌ߫ ߞߍߕߊ߫ ߞߘߎ߬ߜߍߟߍ߲ ߠߎ߬ ߘߐߢߌߡߌ߲߫ ߠߊ߫߸ ߏ߬ ߟߎ߫ ߟߋ߬ ߣߐ߬ ߝߊ߬ߘߊ߲߬ߞߊ߬ ߞߎ߬ߘߊ߬ ߞߏ ߛߌ߰ ߟߊ߫ ߛߋ߲߬ߠߊ߫߸ ߡߍ߲ ߦߋ߫ ߞߟߌ߫ ߟߊ߫ ߞߏ߫ ߋߞߏ، ߒ߬ߓߊ߬߸ ߖߌ߬ߣߍ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߘߊߞߎ߲߫ ߠߊߓߐ߫ ߢߍߥߟߊ ߏ߬ ߟߋ ߘߐ߫، ߞߊ߬ߦߌ߯ ߞߊ߲ߕߌ߮ ߞߵߊ߬ ߝߐ߫ ߛߙߊ߬ߟߏ߲߫ ߏ߬ ߘߐ߫ ߞߏ߬ ߖߌ߬ߣߍ߬ ߓߘߊ߫ ߘߏ߲߬ ߢߍߥߟߊ ߏ߬ ߘߐ߫߸ ߏ߬ ߟߋ ߞߎߡߊ ߓߘߊ߫ ߛߌߦߊߦߊ߫߸ ߝߏ߫ ߘߏ߫ ߟߎ߫ ߞߊ߲߫ ߞߏ߫ ߖߌ߬ߣߍ߬ ߕߊ߬ߡߊ߲߬ ߞߏ ߓߊ߲ߕߐ ߟߵߏ߬ ߘߌ߫، ߏ߬ ߟߋ ߞߏߛߐ߲߬߸ ߞߎߣߎ߲߬ ߞߏߕߌ߯ ߟߊߘߍ ߛߋ߲߭ߝߍ߬߸ ߊ߬ߟߎ߫ ߞߊ߬ ߣߌ߲߬ ߞߏ ߘߐߞߣߍ߫ ߓߍ߯ ߟߊߘߍ߬ߣߍ߲ ߦߋ߫.

ߞߎߡߊ ߘߐߞߣߍ ߣߌ߲߬ ߞߘߐ߫ ߕߍ߫ ߘߋ߬ ߞߏ߫ ߖߌ߬ߣߍ߫ ߛߋ߲߬ ߕߍ߫ ߋߞߏߏ ߢߍߥߟߊ ߓߊ߯ߙߊ ߘߐ߫ ߡߎ߬ߕߎߎ߲߬، ߓߊ߬ߙߌ߬߸ ߊ߬ ߞߘߐ ߟߋ߬ ߞߏ߫ ߖߌ߬ߣߍ߬ ߕߴߊ߬ ߝߍ߬ ߞߵߊ߬ ߟߊ߫ ߝߊ߬ߘߊ߲߬ߞߊ ߓߌ߬ߟߊ߬ ߢߊ߫ ߛߌ߫ ߡߊ߬، ߓߊߏߘߊ߬߸ ߖߌ߬ߣߍ߬ ߞߍ ߞߵߊ߬ ߖߘߍ߬ߞߊ߬ߣߌ߲߬ ߝߊߘߊ߲ߞߊ ߛߐ߬ߘߐ߲߬߸ ߏ߬ ߞߍ ߓߘߊ߫ ߛߊ߲߬ ߆߅ ߓߐ߫߸ ߊ߬ ߘߏ߲߬ ߞߵߊ߬ ߟߐ߲߫ ߥߊߘߌ߫ ߞߏ ߦߋ߫ ߘߊߞߎ߲ ߡߍ߲ ߘߐ߫߸ ߊ߬ ߓߘߊ߫ ߖߘߍ߬ߕߌ߰ߦߊ ߘߌߦߊ ߏ߬ ߟߊߓߐ߫.

ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߦߌ߬ߘߊ߬ ߞߏ߫ ߖߡߊ߬ߣߊ ߟߎ߬ ߓߍ߯ ߦߋ߫ ߘߍߒߖߘߍߟߊ ߟߋ߬ ߘߌ߫، ߏ߬ ߟߋ ߞߏߛߐ߲߬߸ ߘߏ߫ ߟߊ߫ ߥߊߘߌ߫ ߞߏ ߘߍ߲ߣߍ߲߫ ߕߍ߫ ߘߏ߫ ߟߊ߫߸ ߓߍ߯ ߖߍ߬ߘߍ ߟߴߊ߬ ߥߊ߫ ߝߊ߲ ߢߌߣߌ߲߫ ߠߊ߫ ߥߊߘߌ߫ ߞߏ ߣߌ߲߬ ߘߐ߫، ߏ߬ ߟߋ ߘߐ߫߸ ߖߌ߬ߣߍ߬ ߘߌ߫ ߛߐ߬ߘߐ߲߬ ߋߞߏ ߓߊ߯ߙߊ ߓߍ߯ ߟߊߘߍ߬ߣߍ߲ ߘߐ߫߸ ߓߊ߬ߙߌ߬ ߖߌ߬ߣߍ߬ ߕߊߡߊ߲ ߕߍ߫ ߓߌ߬ߟߊ߬ ߟߊ߫، ߏ߬ ߝߐ߫ ߘߊ߫ ߞߵߊ߬ ߓߐ߱ ߘߐߘߐ߲߬ ߞߏߛߓߍ߫.

ߡߍ߲ ߕߏߣߍ߲߫ ߛߍߣߍ߲߬߸ ߏ߬ ߟߋ ߖߌ߬ߣߍ߬ ߕߊ߲ߓߊ߲߫ ߜߍߓߏ߲ ߠߊ߫ ߢߊߝߐߟߌ ߘߌ߫߸ ߞߵߊ߬ ߟߐ߲߫ ߖߌ߬ߣߍ߬ ߞߍߕߐ߫ ߡߎ߲߬ ߞߍ߫ ߟߊ߫ ߋߞߏ߫ ߞߏ ߣߌ߲߬ ߘߐ߫߸ ߞߵߊ߬ ߛߐ߬ߘߐ߲߬ ߊ߬ ߟߊ߫ ߕߊߡߊ߲ ߡߊ߫ ߓߐ߫ ߊ߬ ߓߟߏ߫߸ ߊ߬ ߡߊ߫ ߣߐ߬ߘߐߓߌ߬ߟߊ߬.