ߌߙߊ߲߫ ߝߊ߰ߡߊ ߟߎ߬ ߞߊ߲߫ ߞߏ߫ ߕߊ ߟߋ߬ ߓߐߣߍ߲߫ ߖߊ߬ߥߏ߬ ߕߊ߲ߓߊ߲ ߘߏ߫ ߞߣߐ߫ ߊ߲ߘߌߛ߭ߋ߫߸ ߞߊ߬ ߡߐ߰ ߛߋߦߌ߲߫ ߝߊ߰، ߘߎ߱ ߣߌ߲߬ ߣߌ߫ ߌߙߊ߲߫ ߞߎߓߋߘߊ ߕߤߋߙߊ߲߫ ߕߍ ߦߋ߫ ߞߎߘߍ߫ ߓߌߛߊ߬ߓߊ߫ ߖߊ߬ߕߋ߫ ߟߋ߬ ߘߌ߫ ߕߟߋ߬ߓߋ߬ ߝߊ߲ ߝߍ߬، ߝߊ߬ߛߏ ߖߌ߬ߦߊ߬ߞߊ߲߬ߛߏ ߟߊ߫ ߝߐߟߌ߫ ߘߐ߫߸ ߛߏ߰ߟߊ߬ߓߊ߰ߕߐ ߟߎ߬ ߘߐ߫߸ ߡߐ߰ ߃߆ ߟߋ߬ ߖߐߞߌ߫ ߘߊ߫ ߕߊߓߐ ߣߌ߲߬ ߘߐ߫ ߊߙߑߜ߭ߊߝ߭ߊ߲߫ ߖߊ߬ߥߏ߬ ߕߊ߲ߓߊ߲ ߞߣߐ߫.

ߕߊ ߥߟߌ߬ߣߍ߲߫ ߓߏ߲ ߡߍ߲ ߠߊ߫ ߣߌ߲߬߸ ߓߟߌߕߍ߫ ߥߐߙߐ߲ߝߌ߬ߟߊ߫ ߟߋ߬߸ ߝߎ߲ߞߎ߲߫ ߂߅߀ ߦߋ߫ ߡߍ߲ ߞߣߐ߫߸ ߊ߬ ߣߌ߫ ߛߓߍߘߊ߫ ߓߌߟߏ߯ߟߎ߫ ߢߐ߲߰، ߌߙߊ߲߫ ߝߐ߰ߓߍ߬ߘߊ ߟߎ߬ ߞߊ߬ ߖߌ߬ߦߊ ߡߍ߲ ߠߎ߬ ߟߊߖߍ߲ߛߍ߲߫߸ ߡߐ߰ ߦߴߊ߬ ߟߊߞߙߐ߬ߛߌ߬ ߟߊ߫ ߏ߬ ߟߎ߬ ߘߐ߫߸ ߓߏ߲ ߝߊ߲߬ ߛߌߦߊߡߊ߲߫ ߝߌ߲߬ߣߍ߲߫ ߛߌ߬ߛߌ ߟߊ߫߸ ߛߌ߬ߛߌ߬ ߞߘߎ ߦߋ߫ ߜߊߟߏ߲ ߞߊ߲߬ ߦߙߐ ߘߏ߫ ߟߎ߫ ߟߊ߫، ߡߞߊ߬ߞߊ߲߬ߠߌ߲߬ ߞߙߎ ߞߊ߬ ߓߊ߯ߙߓߊ߫ ߞߍ߫߸ ߞߊ߬ ߛߋ߫ ߕߊ ߡߊߣߐ߬ ߟߊ߫ ߛߎ ߝߍ߬.

ߡߊ߬ߛߎߓߊ ߏ߬ ߟߋ ߞߏߛߐ߲߬߸ ߛ߭ߊߤߙߌߦߊߙ ߞߕߌߓߋߟߋ߲ ߞߊ߬ ߘߐ߬ߛߏ߰ߙߋ߬ߟߌ ߟߊߥߟߌ߬߸ ߞߊ߬ ߕߊߓߐ ߣߌ߲߬ ߞߎ߲߭ ߟߐ߲߫، ߒ߬ߓߊ߬߸ ߡߌ߬ߘߊ߬ߟߌ߬ ߛߓߍ ߓߌ߬ߟߊ߬ ߢߊ ߟߋ߬ ߞߍߣߴߏ߬ ߘߌ߫ ߓߏ߲ ߣߌ߲߬ ߟߐ߬ߓߊ߮ ߞߐ߫߸ ߞߵߊ߬ ߟߊߥߟߌ߬ ߢߊߢߌߣߌ߲ߠߌ߲ ߡߊ߬߸ ߞߊ߬ ߓߍ߲߬ ߊ߬ߟߋ ߝߣߊ߫ ߞߍߓߊߟߌߦߊ ߡߊ߬ ߞߊ߬ ߓߟߏߘߐߓߍ߲ ߘߏ߫ ߟߎ߫ ߞߍ߫ ߟߊ߬ߞߊ߲߬ߘߊ߬ߟߌ ߡߊ߬ߘߎ߮ ߘߐ߫߸ ߥߟߊ߫ ߞߏߡߊߓߌߟߊ ߞߏߛߐ߲߬ ߊ߬ ߓߟߏ߫.

ߢߊߢߌߣߌ߲ߠߌ߲ ߞߎ߲߬ߝߟߐ ߣߐ߬ ߡߍ߲ ߦߌ߬ߘߊ߬ ߟߊ߫ ߏ߬ ߘߐ߫߸ ߕߊߕߊ߬ߣߊ ߘߏ߫ ߟߎ߫ ߕߘߍ߬ ߓߏ߲ ߢߊߞߘߐߟߊ ߘߐ߫߸ ߏ߬ ߟߎ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߟߖߊߡߊ߲߫ ߞߊߟߌߦߊ߫ ߘߐ߫، ߝߊ߰ߡߊ ߟߎ߫ ߞߏ߬ߣߌ߲ ߞߵߊ߬ ߦߌ߬ߘߊ߬ ߞߏ߫ ߢߊ ߓߍߣߊ߬ ߡߊߖߌ߰ ߦߙߌߞߊ ߞߘߐ߫ ߕߎ߬ߡߊ߫ ߣߊ߬ߕߐ ߟߎ߬ ߘߐ߫.

ߡߊ߬ߛߎߓߊ ߣߌ߲߬ ߦߋ߫ ߡߐ߰ ߦߟߌߓߌ߬ߟߊ߬ ߟߊ߫ ߔߑߟߊߛߑߞߏ߫ ߓߏ߲ߓߊ ߥߎ߬ߦߊ ߟߋ߬ ߘߐ߫ ߂߀߁߇ ߟߊ߫߸ ߕߊߓߐ ߘߏ߫ ߞߐߝߍ߬ ߣߌ߫ ߡߐ߰ ߂߂ ߣߌ ߕߏ߫ ߘߴߊ߬ ߘߐ߫߸ ߕߊߟߛߊߟߊ߫ ߡߐ߰ ߁߆ ߕߘߍ߬ ߦߴߏ߬ ߡߍ߲ ߘߐ߫، ߂߀߂߀ ߥߊ߬ߛߌ߬ߥߙߊ ߟߊ߫߸ ߥߊߦߌ߲ ߘߏ߫ ߝߏߘߏ߲߫ ߘߊ߫ ߓߏ߬ߙߋ ߘߏ߫ ߞߣߐ߫ ߞߎߓߋߘߊ ߞߐ߰ߘߎ߮ ߘߐ߫߸ ߞߊ߬ ߡߐ߰ ߁߉ ߓߐ߬ߣߐ߫ ߊ߬ ߣߌ ߘߐ߫.

ߌߙߊ߲߫ ߞߎ߲߬ߠߊ߬ߛߌ߮ ߓߘߊ߫ ߣߘߐ߬ߖߍ߰ߙߍ߬ ߞߏ ߝߐ߫ ߖߊ߬ߥߏ߬ ߓߏ߲߬ ߛߎ߮ ߏ߬ ߟߎ߬ ߟߊ߫ ߞߏ ߘߐ߫߸ ߖߐ߲߰ߛߊ߫ ߕߊ߲߬ߞߊ߬ ߘߌ߫ ߞߍ߫ ߣߌ߲߬ ߢߐ߲߰ ߜߘߍ߫ ߡߊ߬.