ߜ߭ߏ߬ߣߌߦߊ߬ ߕߌ߲ߓߌߘߌ߲ߘߓߊ ߢߍߓߊ߮߸ ߊ߬ ߣߌ߫ ߒߞߏ ߝߊ߯ߘߐߞߍ߫ ߝߟߐ ߟߎ߬ ߘߏ߫߸ ߞߊ߬ߙߊ߲߬ߡߐ߯ ߟߊ߬ߡߌߣߌ߲߬ ߞߋߕߊ߬ ߓߘߊ߫ ߡߊ߰ߙߌ ߟߊ߫ ߞߟߌߟߌ ߟߊߡߌ߬ߣߊ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂߉ ߁߀ߕߎߡߊ ߟߊ߫ ߒߛߙߍߜߘߍ߬߸ ߞߵߊ߬ ߛߌ߬ߞߛߊߓߌ ߕߏ߫ ߛߊ߲߬ ߈߀ ߖߊ߬ߕߋ߬ ߘߐ߫߸ ߞߊ߬ ߓߍ߲߬ ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߡߊ߬߸ ߞߊ߬ ߝߘߊ߫ ߞߐߙߍ ߟߊ߫.

ߊ߬ ߦߋ߫ ߒߞߏ ߞߊߙߊ߲ߡߐ߯ ߛߓߍߦߟߊ߫ ߟߋ߬ ߘߌ߫߸ ߊ߬ ߞߊ߬ ߞߝߊ߬ ߛߌߦߊߡߊ߲߫ ߠߋ߬ ߛߓߍ߫߸ ߡߍ߲ ߘߌ߫ ߕߊ߲߫ ߣߌ߫ ߞߐ߫ ߓߐ߫߸ ߊ߬ߟߋ߬ ߓߐߛߎ߲߫ ߞߋߟߋ߲ ߠߊ߫ ߝߐߟߌ߫ ߘߐ߫.

ߓߐߛߎ߲߫ ߜߘߍ߫ ߦߴߊ߬ ߦߌ߬ߘߊ߬ ߟߊ߫߸ ߞߊ߬ ߝߘߊ߫ ߞߊ߬ߙߊ߲߬ߡߐ߰ߗߍ ߣߌ߲߬ ߟߐ߲ߓߊ߯ ߖߐ߲ߖߐ߲߫ ߠߊ߫߸ ߞߏ߫ ߞߊ߬ߙߊ߲߬ߡߐ߯ ߟߊ߬ߡߌߣߌ߲ ߞߋߕߊ߬ ߡߍ߲ ߣߊ߬ ߟߊ߬ߕߍ߯ ߞߍ߫ ߟߊ߫ ߣߌ߲߬߸ ߊ߬ ߦߋ߫ ߓߊߕߍ-ߣߝߊߖߌߞߊ ߟߋ߬ ߘߌ߫߸ ߡߍ߲ ߦߋ߫ ߛߌ߱ ߘߐ߫ ߒߛߙߍߜߘߍ߬، ߊ߬ ߞߍ߫ ߘߊ߫ ߒߞߏ ߓߟߏߟߊߛߓߍߟߌ߫ ߕߟߋ ߞߟߊ߬ߘߏ߲ߛߏ߫ ߓߟߋ߬ߓߟߋ ߟߋ߬ ߘߌ߫ ߞߊ߬ߝߊ ߟߎ߬ ߓߊߦߟߍ߬ߡߊ߲ ߘߐ߫ ߝߏߘߋ߫ ߛߟߏ߬ߡߣߊ߫ ߣߐ߬ߡߊ߫߸ ߊ߬ߟߋ ߟߋ߬ ߡߊߟߐ߲߫ ߘߊ߫ ߝߏߘߋ߬ ߛߟߏ߬ߡߣߊ߬ ߟߊ߫ ߞߊ߬ߙߊ߲߬ߘߋ߲ ߓߍ߯ ߘߐ߫ ߛߓߍߟߌ߫ ߗߋ߲߱ ߞߍߓߊ߮ ߘߌ߫ ߦߟߍ߬ߘߐ߬ߞߍ߫ ߛߓߊ߬ ߞߘߐ߫ ߁߉߈߀ ߛߊ߲߭ ߠߎ߬ ߣߌ߫ ߂߀߀߀ ߕߍߟߊ ߘߐ߫ ߞߊ߬ ߞߐ߲߰ ߡߊ߬ߘߋ߲߫ ߞߏ߬ߡߊ߬ ߞߎߘߊ ߢߍߥߟߊ ߛߌ߲ߘߟߌ ߢߍ߫߸ ߏ߬ ߡߍ߲ ߣߊ߬ ߘߊ߲߬ߛߌ߬ ߟߊ߫ ߓߟߏߟߊߛߓߍߟߌ ߥߓߊ߬ߞߏ߬ߞߍ ߟߊ߫. ߞߊ߬ߙߊ߲߬ߡߐ߯ ߟߊ߬ߡߌߣߌ߲߬ ߠߊ߫ ߛߓߍߟߌ ߟߊ߫ ߗߋ߲߰ߧߊ߬ ߞߏ ߡߍ߲ ߝߐ߫ ߞߊ߲߫ ߣߌ߲߬߸ ߏ ߕߊ߬ ߘߴߊ߬ ߟߊ߫ ߛߓߍߘߋ߲ ߠߎ߬ ߛߓߍߞߏߢߌߡߊ ߣߴߊ߬ߟߎ߫ ߘߏ߲߬ߖߟߎ߬ߡߊ߬ߢߊ ߟߋ߫ ߝߍ߬ ߟߊߕߋߟߋ߲ߓߟߏߡߊ߬ ߸ ߦߏ߫ ߣߍ߰ߟߊ߬ߛߓߍߟߌ ߟߋ߬ ߸ ߓߍ߯ ߕߘߍ߬ ߢߊߓߐ߫ ߟߊ߫ ߟߋ߬ ߊ߬ ߟߊ߫ ߓߊ߯ߙߊ ߟߎ߫ ߝߍ߬.

ߓߐߛߎ߲ ߣߌ߲߬ ߢߊߖߌߞߎߘߎ߲ߕߐ ߟߋ߬ ߞߊ߬ ߣߌ߲߬ ߘߏ߲߬ ߊ߲ ߓߟߏ߫ ߝߊߦߌߘߊ߫.

ߒߞߏ ߟߊߖߍ߲ߛߍ߲ ߛߌߟߊ ߝߍ߬ ߸ ߊ߬ ߦߋ߫ ߡߐ߰ ߟߎ߬ ߘߏ߫ ߟߋ߬ ߘߌ߫ ߝߏߘߋ߫ ߛߟߏ߬ߡߣߊ߫ ߞߊ߬ ߡߍ߲ ߠߎ߫ ߞߊ߬ߙߊ߲߫ ߊ߬ߟߎ߫ ߞߊ߬ߙߊ߲߬ߡߐ߯ ߝߍ߬ ߓߊߕߍ- ߣߝߊ߬ߖߌ߫ ߸ ߦߏ߫ ߞߊ߬ߙߊ߲߬ߡߐ߰ ߘߋߦߌ ߞߋߕߊ߬ ߣߴߊ߬ ߟߊ߫ ߕߊߟߓߌߘߋ߲ ߠߎ߬ ߸ ߕߊ߯ߓߊ߯ߕߐ ߣߌ߫ ߞߊ߬ߙߌ߬ߝߟߊ߬ ߓߙߋߕߋ߫ ߞߊ߬ߙߊ߲߬ߡߐ߰ ߦߋ߫ ߏ߬ ߡߍ߲ ߘߌ߫ ߘߎ߰ߡߊ߬ߞߊߙߊ߲ߕߊ ߟߊ߫.

ߕߊ߯ߓߊ߯ߕߐ ߞߋߕߊ߬ ߣߌ߲߬ ߠߋ߬ ߞߊ߬ ߒߞߏ ߛߌ ߓߙߎ߬ߞߎ߫ ߕߎߞߘߐߟߊ ߘߐ߫ ߊ߬ ߣߴߊ߬ ߕߐ߬ߢߐ߯ ߣߝߊ߬ߖߌ߬ߞߊ ߟߎ߬߸ ߞߊ߬ߙߌ߬ߝߟߊ߬ ߓߙߋߕߋ߫ ߥߊ߫ ߘߊ߫ ߒߞߏ ߓߙߎ߬ߞߎ߫ ߥߎߟߘߊ ߟߊ߫ ߟߏ߬ߙߏ߲߬ߓߏ߫ ߟߊ߰ߖߌ߬ ߛߌ߬ߘߊ߬ߝߊ߫ ߛߊ߰ߣߐ߯ ߛߘߊ߫ ߘߐ߫.

ߖߞߊ߬ߛߘߌߞߌ߫ ߖߊ߰ߣߍ߫ ߟߎ߫ ߥߊ߫ ߘߊ߫ ߒߞߏ ߓߙߎ߬ߞߎ߫ ߡߊߟߌ߫ ߞߊ߲ߓߍ߲߫ ߞߊ߬ ߞߊ߬ߙߊ߲߬ߡߐ߯ߓߊ߲߬ߓߋ ߟߎ߫ ߞߊ߬ߙߊ߲߬ ߒߞߏ ߟߊ߫ ߝߏߘߋ߫ ߛߟߏ߬ߡߊ߯ߣߊ߫ ߟߊ߫ ߦߋ߲߬ ߕߊ߯ߟߌ ߢߍ߫.