ߞߎߣߎ߲߬ ߛߌ߬ߣߌ߲߬ߟߏ߲߸ ߓߌ߬ߟߊ߬ߒ߬ߘߐ߬ߖߎ߰ߓߊ߫ ߟߋ߬ ߞߍߣߍ߲߫ ߖ߭ߌ߲ߓߊߓߎߥߋ߫߸ ߞߊ߬ ߡߐ߰ ߡߎ߬ߥߊ߲ ߣߌ߫ ߥߐߙߐ߲ߝߌ߬ߟߊ߫ ߓߐ߬ߣߐ߫ ߊ߬ ߣߌ ߘߐ߫ ߛߌߟߊ߫ ߞߊ߲߫ ߓߌߟߊߒߘߐߖߎ߮ ߘߏ߫ ߘߐ߫، ߞߊ߬ߕߎ߲߯߸ ߘߌ߯ߣߊ߫ ߡߐ߮ ߟߎ߫ ߟߋ߬ ߕߘߍ߬ ߛߏߝߍߞߎߟߎ߲ ߘߏ߫ ߞߣߐ߫߸ ߏ߬ ߟߎ߫ ߟߋ߬ ߣߌ߫ ߞߊ߲ߓߋ߲ ߘߏ߫ ߞߵߊ߬ ߛߌ߰ ߢߐ߲߮ ߞߎ߲߬߸ ߞߵߊ߬ ߛߐ߬ߘߐ߲߬ ߏ߬ ߝߊߣߍ߲߫ ߞߙߊ߬ߖߊߥߏ ߟߊ߫.

ߡߊ߬ߛߎߓߊ ߣߌ߲߬ ߞߍ߫ ߘߊ߫ ߛ߭ߌߝ߭ߎ߫ ߡߊߜߍ߲ ߠߋ߬ ߘߐ߫߸ ߞߎߘߍ߫ ߁߃߂ ߟߋ߬ ߦߋ߲߬ ߣߌ߫ ߞߎߓߋߘߊ ߤߊ߬ߙߊߙ ߕߍ߫، ߊ߬ ߞߏ ߟߊߛߙߋߦߊ߫ ߘߊ߫ ߖ߭ߌ߲ߓߊߓߎߥߋ߫ ߕߐ߲ߓߟߏߡߊ ߟߎ߬ ߟߊ߫ ߓߋߟߋ߲ߕߌ߮ ߓߟߏ߫ ߞߍ߲ߘߍߟߏ߲ ߢߌ߲߬ ߠߋ߬ ߡߊ߬߸ ߔߏߟ ߣߦߊߕߌ߫.

ߛߏߝߍߞߎߟߎ߲ ߞߣߐ߫ ߡߐ߮ ߟߎ߫ ߕߍ߬ߘߍ߫ ߝߘߊ߬ߝߌ߲߬ߠߊ߫ ߘߋ߬ߙߌ߬ߣߊ߲߬ ߌߛߊ߫ ߣߊߡߎ߲ ߘߏ߲߬ߞߏ ߟߎ߫ ߟߋ߬ ߘߌ߫߸ ߡߍ߲ ߠߎ߬ ߟߊ߫ ߝߊ߰ߣߌ߲ ߓߍ߯ ߕߍ߬ߘߍ߫ ߝߊ߰ߣߌ߲߬ ߜߍ ߘߌ߫، ߊ߬ߟߎ߬ ߥߊߕߐ߫ ߕߘߍ߬ ߘߌ߯ߣߊ߫ ߜߙߊ ߟߋ߬ ߘߐ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߍ߫ ߥߊ߯ߕߌ ߟߊ߫.

ߟߌ߬ߤߟߊ߬ ߝߟߐ ߡߍ߲ ߠߎ߬ ߝߐ߫ ߘߊ߫ ߕߐ߲ߓߟߏߡߊ ߟߎ߬ ߓߟߏ߫߸ ߞߏ߫ ߊ߬ߟߎ߬ ߟߊ߫ ߣߌ߫ ߞߊ߲ߓߋ߲ ߡߍ߲ ߛߋ߫ ߘߊ߫ ߢߐ߲߮ ߡߊ߬߸  ߏ߬ ߕߍ߬ߘߍ߫ ߕߊ߬ߡߌ߲߬ ߓߟߏ ߡߊ߬ ߘߎ߰ߞߎ߬ߟߎ߲߬ ߜߘߍ߫ ߟߋ߬ ߟߊ߫߸ ߊ߬ ߞߊ߬ ߛߏߝߍߞߎߟߎ߲ ߡߌ߬ߣߊ߫ ߟߐ߬ߘߎ߰ ߛߓߊߣߊ߲ ߠߋ߬ ߘߐ߫ ߡߎ߬ߕߎ߲߬ ߛߊ߫.

ߞߐ߲߬ߛߏ ߟߎ߬ ߟߊ߫ ߝߏߘߏ߲߫ ߢߐ߲߯ ߠߊ߫ ߘߊ߲߬ߠߊߕߊ߬ߡߌ߲߬ߣߍ߲ ߞߏߛߐ߲߬ ߏ߬ ߘߐ߫߸ ߕߊ ߥߟߌ߬ ߘߊ߫ ߞߊ߲ߓߋ߲ ߠߊ߫߸ ߏ߬ ߝߣߊ߫ ߕߊ ߞߊ߬ ߘߌ߯ߣߊ߫ ߡߐ߮ ߟߎ߬ ߟߊ߫ ߘߎ߰ߞߎߟߎ߲ ߠߊߛߐ߬ߘߐ߲߬߸ ߞߵߏ߬ ߞߍ߫ ߞߎ߲߫، ߤߊߟߌ߬ ߊ߲ ߞߵߏ߬ ߖߌ߬ߦߊ߬ߓߍ ߡߍ߲ ߠߎ߬ ߦߋ߫ ߓߟߐߟߐ ߞߊ߲߬߸ ߏ߬ ߘߐߕߌߢߍߣߍ߲ ߠߋ߬ ߦߋ߫ ߟߊ߫ ߕߊ ߟߊ߫ ߦߋ߲߬ ߠߎ߬ ߘߐ߫.

ߖ߭ߌ߲ߓߊߓߎߥߋ߫ ߖߌ߬ߦߊ߬ߞߊ߲߬ߛߏ ߞߵߊ߬ ߦߌ߬ߘߊ߬ ߞߏ߫ ߡߐ߰ ߂߃ ߟߋ߬ ߛߊ߬ ߘߊ߫ ߓߌ߬ߟߊ߬ߒ߬ߘߐ ߞߍ߫ ߦߙߐ ߘߐ߫ ߦߋ߲߬ ߌߞߘߐ߫، ߖߐߞߌߓߊ߯ߕߐ ߟߎ߫ ߕߊ߭ ߡߍ߲ ߞߍ߫ ߘߊ߫ ߞߊ߬ ߥߴߊ߬ߟߎ߬ ߘߌ߫ ߘߊ߲ߘߊߛߏ ߟߊ߫߸ ߘߏ߫ ߟߎ߫ ߡߊ߫ ߛߴߊ߬ߟߎ߬ ߟߊ߫ ߖߐߞߟߌ ߞߘߐ߫߸ ߝߏ߫ ߛߊ߬ߓߊ߰ߕߐ ߓߘߊ߫ ߛߋ߫ ߡߐ߰ ߂߇ ߖߊ߬ߕߋ߬ ߘߐ߫.

ߕߐ߲ߓߟߏߡߊ ߟߎ߬ ߡߊ߫ ߛߴߊ߬ ߝߐ߫ ߟߊ߫߸ ߡߐ߰ ߖߊ߬ߕߊ ߡߍ߲ ߕߘߍ߬ ߛߏߝߍߞߎߟߎ߲ ߞߣߐ߫߸ ߥߟߊ߫ ߞߊ߲ߓߋ߲ ߞߣߐ߫.

ߊߟߎ߫ ߞߏ߬ߣߌ߲ ߦߴߊ߬ ߟߐ߲߫߸ ߛߌߟߊ߫ ߞߊ߲߫ ߓߌߟߊߒߘߐߖߎ߮ ߞߊ߫ ߛߌߦߊ߫ ߓߊߟߋ߬ ߖ߭ߌ߲ߓߊߓߎߥߋ߫ ߞߣߐ߫، ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ߟߋ߬ ߓߌ߬ߟߊ߬ߒ߬ߘߐ߬ߖߎߎ߮ ߝߊ߲߬ߓߊ ߛߓߊߓߎ ߦߋ߫ ߊߘߡߊߘߋ߲ ߖߍ߬ߘߍ ߥߊ߫ ߢߊ ߟߋ߬ ߘߌ߫ ߓߏ߬ߙߌ߬ߝߋ߲ ߞߊ߲߬، ߊ߬ߟߎ߬ ߟߊ߫ ߞߙߐ߬ߛߟߌ߬ ߘߐ߫߸ ߊ߬ߟߋ߬ ߓߌ߬ߟߊ߬ߒ߬ߘߐ ߟߎ߬ ߛߌߦߊߡߊ߲߫ ߞߎ߲߭ ߦߋ߫ ߟߍ߬ߟߍ߬ߟߌ߬ ߞߏ߬ߖߎ߮ ߟߋ߬ ߘߌ߫߸ ߓߏ߬ߙߌ߬ ߞߏ߬ߖߎ߰ߦߊ߸ ߊ߬ ߣߌ߫ ߛߌߟߊ ߛߊ߬ߙߌ߬ߦߊ ߟߎ߬ ߡߊߓߏ߲߬ߧߊ߬ߓߊߟߌߦߊ.

ߣߴߌ ߞߊ߬ ߝߘߊ߬ߝߌ߲߬ߠߊ߬ ߡߊߝߟߍ߫߸ ߛߊ߲߭ ߺ ߊ ߺ ߛߊ߲߬߸ ߛߌߟߊ߫ ߞߊ߲߫ ߓߌߟߊߒߘߐߖߎ߮ ߦߋ߫ ߡߐ߰ ߃߀߀ ߀߀߀ ߖߊ߬ߕߋ߫ ߝߊ߰ ߟߊ߫߸ ߞߊ߬ ߓߍ߲߬ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߝߘߊ߬ߝߌ߲߬ߠߊ߫ ߛߐ߬ߘߐ߲ ߥߛߊ߬ߓߊ߰ߦߊ ߟߊ߫ ߖߊ߬ߕߋ߬ߛߎ߬ߓߐ ߡߊ߬߸ ߡߍ߲ ߞߎߡߊ ߕߊ߬ ߘߴߊ߲ ߓߟߏ߫ ߊߛߏߛߌߦߋߕߍߘ ߔߙߍߛ ߞߊ߲߬.