ߛߌߟߊ߫ ߞߊ߲߫ ߓߌߟߊߒߘߐߖߎ߮ ߟߋ߬ ߞߍߣߍ߲߫ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߂߀߂߆ ߞߊ߬ߙߌ߬ߝߐ ߕߟߋ߬ ߆ ߡߊ߬߸ ߁߄ߕߎߡߊ ߝߊ߲߭ ߝߍ߬، ߥߊߟߌߥߊߟߌ߫ ߓߏߙߌߟߊ ߘߏ߫ ߟߋ߬ ߣߌ߫ ߞߐ߲߬ߛߏ߬ߕߌ߮ ߘߏ߫ ߛߋߣߍ߲߫ ߢߐ߲߮ ߡߊ߬ ߓߎ߬ߙߋ߬ ߣߌ߫ ߛߌ߯ߙߌ߲߫ ߛߌߟߊ ߟߊ߫߸ ߛߌߟߓߊߘߊ ߣߌ߫ ߓߎߞߊߙߌߦߊ߫ ߕߍߟߊ ߘߐ߫.
ߞߊ߬ ߓߍ߲߬ ߊ߲ ߠߊ߫ ߟߌ߬ߤߟߊ߬ ߟߊߘߍ߬ߣߍ߲ ߠߎ߬ ߡߊ߬ ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߦߌߟߊ ߘߐ߫ ߦߋ߲߬߸ ߞߐ߲߬ߛߏ ߥߟߏߣߍ߲߫ ߠߋ߬ ߕߍ߬ߘߍ߫ ߊ߬ ߞߐ ߞߊ߲߬߸ ߡߐ߰ ߝߌ߬ߟߊ߫ ߟߋ߬ ߕߍ߬ߘߍ߫ ߊ߬ߟߋ ߞߣߐ߫߸ ߗߍ߭ ߘߏ߫ ߣߴߊ߬ ߡߏ߬ߛߏ.
ߛߋߞߎߓߊ߫ ߞߙߎ߬ߡߊ߬ ߡߍ߲ ߦߋ߫ ߥߊߟߌߥߊߟߌ߫ ߓߏߙߌߟߊ߫ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߓߌ߬ߟߊ߬ߒ߬ߘߐ߬ߖߎ߮ ߡߊ߫ ߞߍ߫ ߊ߬ߟߋ߬ ߢߣߊ߫߸ ߓߊ߬ߙߵߊ߬ ߣߊ߬ ߘߊ߫ ߓߌ߬ߟߊ߬ߒ߬ߘߐ߬ߖߎ߮ ߞߍߛߊ߲ߞߎߘߊ ߟߋ߬ ߛߐ߬ߘߐ߲߬ ߌߞߘߐ߫.
<<ߒߠߋ ߥߊߣߍ߲߫ ߕߍ߬ߘߍ߫ ߘߊ߬ߡߊ߲߬ߝߍ ߘߐ߫ ߡߐ߰ ߡߊ߬ߟߐ߬ ߦߌߟߊ، ߒ ߞߐߛߊ߬ߦߌ߲ ߛߍߣߍ߲߬߸ ߒ ߣߊ߬ ߘߴߊ߬ ߛߐ߬ߘߐ߲߫ ߓߌ߬ߟߊ߬ߒ߬ߘߐ߬ߖߎ߮ ߓߘߊ߫ ߞߍ߫.>> ߊ߬ ߞߵߏ߬ ߢߊߝߐ߫.
ߛߙߋ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ߟߋ߫ ߞߊ߬ ߟߊ߬ߓߏ߬ߙߟߌ߬ߟߊ ߡߊߢߌ߬ߣߌ߲߬ߞߊ߫ ߓߌ߬ߟߊ߬ߒ߬ߘߐ߬ߖߎ߮ ߞߐ ߟߋ߬ ߘߐ߫، ߊ߬ ߟߊ߫ ߢߊߝߐߟߌ ߟߎ߬ ߘߐ߫ ߡߎ߬ߕߎ߲߬ ߛߊ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߓߐߣߍ߲߫ ߜߍ߲߬ߛߏ߫ ߟߋ߬߸ ߊ߬ ߣߴߊ߬ ߡߏ߬ߛߏ، ߞߏ߫ ߊ߬ ߣߴߊ߬ ߡߏ߬ߛߏ ߕߍ߬ߘߍ߫ ߊ߬ ߝߍ߬ ߞߊ߬ ߥߊ߫ ߓߐ߫ ߊ߬ ߘߍ߬ߢߐ߲߰ߞߍ߫ ߡߊ߬ ߓߎ߬ߙߋ߫ ߞߐ߭ߝߌ߬ߟߊ߬ߣߍ߲߫.
<<ߊ߬ ߞߵߊ߬ ߝߐ߫ ߒ ߧߋ߫ ߞߏ߫ ߊ߬ ߕߏߣߍ߲߫ ߣߊ߭ ߟߋ߬ ߟߊ߫߸ ߞߏ߫ ߊ߬ ߞߵߊ߬ ߖߘߍ߬ ߦߋ߫ ߛߌߟߊ߫ ߕߍߡߊ߬، ߊ߬ ߦߋ߫ ߓߐ߫ ߟߴߊ߬ ߞߊ߬ߟߊߡߊ߬ ߕߎ߬ߡߊ ߡߍ߲ ߠߊ߫ ߞߏ߫ ߊ߬ ߦߋ߫ ߛߌߟߊ߫ ߕߍߡߊ߬߸ ߏ߬ ߞߵߊ߬ ߛߐ߬ߘߐ߲߬ ߊ߬ ߕߍ߫ ߓߍ߲߬ ߡߎ߬ߕߎ߲߬، ߟߊ߬ߛߌ߲ ߖߊ߬ ߘߴߊ߬ ߓߟߏ߫߸ ߊ߬ ߛߋ߫ ߘߊ߫ ߥߊߟߌߥߊߟߌ߫ ߓߏߙߌߟߊ ߡߊ߬.>> ߛߋߞߎߓߊ߫ ߞߙߎ߬ߡߊ߫ ߟߋ߬ ߞߊ߲߫ ߕߋ߲߬.
ߊ߬ߟߋ߬ ߛߙߋ߫ ߞߋߟߋ߲ ߠߊ߫ ߝߐߟߌ߫ ߘߐ߫߸ ߥߊߟߌߥߊߟߌ߫ ߓߏߙߌߟߊ ߓߕߐ߫ ߕߘߍ߬ ߛߌ߯ߙߌ߲߫ ߝߊ߲߭ ߝߍ߬ ߟߋ߬ ߞߊ߬ ߣߊ߬ ߓߎ߬ߙߋ߬، ߞߐ߲߬ߛߏ ߕߘߍ߬ ߓߐ߫ ߟߊ߫ ߓߎ߬ߙߋ߫ ߞߊ߬ ߥߊ߫ ߛߌ߯ߙߌ߲߫ ߝߊ߲߭ ߝߍ߬، ߊ߬ߟߎ߫ ߕߎ߲߬ ߕߍ߫ ߞߎ߲߬ߕߋ߬ߟߋ߲߬ ߞߋߟߋ߲߫ ߞߊ߲߬ ߝߋߎ߫.
ߥߊߟߌߥߊߟߌ߫ ߓߏߙߌߟߊ ߣߴߊ߬ ߞߐߝߍ߫ ߡߐ߮ ߓߍ߯ ߟߋ߬ ߡߊߘߌߡߌ߲߫ ߞߏߖߎ߯ߦߊ ߞߍ߫ ߘߊ߫، ߓߌ߬ߟߊ߬ߒ߬ߘߐ߬ߖߎ߮ ߞߐ ߟߋ߬ ߘߐ߫߸ ߕߊ ߥߟߌ߬ ߘߊ߫ ߟߋ߬ ߔߏߔߏ ߟߊ߫ ߞߵߊ߬ ߖߋ߬ߣߌ߲߫ ߞߵߊ߬ ߞߍ߫ ߞߎߙߍ߫، ߞߐ߲߬ߛߏ߬ ߟߊ߬ߓߏ߬ߙߌ߬ߟߊ ߛߍߣߍ߲߬߸ ߏ߬ ߡߊߘߌߡߌ߲߫ ߘߴߊ߬ ߕߌ߲ ߠߋ߬ ߟߊ߫ ߕߋ߲߬ ߣߍ߲ߞߍ߫߸ ߊ߬ ߡߏ߬ߛߏ
ߖߐߞߌߓߊ߯ߕߐ ߟߎ߫ ߕߊ߬ ߘߊ߫ ߞߊ߬ ߥߴߊ߬ߟߎ߬ ߘߌ߫ ߘߊ߲ߘߊߛߏ ߟߊ߫، ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߊ߲ ߕߍ߫ ߟߌ߬ߤߟߊ߬ ߖߐ߲ߖߐ߲߫ ߛߌ߫ ߞߊ߬ߟߊߡߊ߬߸ ߞߊ߬ ߓߍ߲߬ ߖߐߞߌߓߊ߯ߕߐ ߟߎ߬ ߟߊ߫ ߞߏ ߡߊ߬ ߘߊ߲ߘߊߛߏ ߟߊ߫، ߓߌ߬ߟߊ߬ߒ߬ߘߐ߬ߖߎ߮ ߘߏ߲߬ ߞߍߢߊ߫ ߖߐ߲ߖߐ߲߫ ߝߣߊ߫ ߟߐ߲ߣߍ߲߫ ߕߍ߫ ߒ߬ ߓߟߏ߫.
Aucun commentaire pour le moment.