ߞߟߍ߬ߓߏ߬ߟߏ߲߬ ߞߎ߲ߕߌ߮ ߓߏߛߎ ߊߦߋߟߏߜ߭ߎ ߍߘߑߡߐ߲ߘ ߓߘߊ߫ ߓߌ߬ߟߊ߫ ߞߊ߲ߕߌ߯ߘߊ ߞߣߐ߬ߜߍ߲ ߝߊ߲߬ߞߊ߬ ߓߟߏߡߊߞߊ߬ߣߍ߲ ߠߎ߬ ߞߎ߲߬ߠߊ߫، ߊ߬ ߞߙߍߞߙߍ߫ ߘߊ߫ ߟߐ߬ߘߎ߮ ߏ߬ ߟߊ߫ ߞߟߍ߬ߕߌ߯ ߝߊߦߌߖ߭ߎ ߜ߭ߏߡߌߦߊ߫ ߟߋ߬ ߓߟߏ߫.

ߊ߬ ߞߊߙߏ߫ ߣߊ߯ߣߌ߲ ߠߋ߬ ߕߋ߲߬߸ ߣߊ߲߬ߕߌ߮ ߘߏ߫ ߟߎ߫ ߡߙߎߕߌ߫ ߘߊ߫ ߓߋߣߍ߲߫ ߞߣߐ߫ ߂߀߂߅ ߞߏߟߌ߲ߞߏߟߌ߲ ߕߟߋ߬ ߇ ߡߊ߬߸ ߞߵߊ߬ߟߎ߬ ߛߎߡߊ߲߫ ߞߊ߬ߝߏ߬ ߖߊ߬ߛߏ߲߬ ߞߏ ߘߏ߫ ߘߐ߫߸ ߡߍ߲ ߡߊ߫ ߓߍ߲߬ ߊ߬ߟߎ߬ ߓߟߏ߫، ߏ߬ ߞߍ߫ ߘߊ߫ ߕߙߎ߬ ߘߌ߫߸ ߡߍ߲ ߕߍ߬ߘߍ߫ ߝߊ߲߬ߞߊ߬ ߓߟߏߡߊߞߊ߬ߣߍ߲ ߠߎ߫ ߞߎ߲߬ߠߊ߫߸ ߏ߬ ߝߋ߬ߟߋ߲߬ߝߋ߬ߟߋ߲߬ ߘߊ߫߸ ߓߊߏ߬ ߊ߬ ߕߐ߮ ߕߍ߬ߘߍ߫ ߞߊ߬ߝߏ߬ ߖߊ߬ߛߏ߲߬ ߞߏ ߘߐ߫، ߏ߬ ߟߋ ߘߐ߫߸ ߞߟߍ߬ߕߌ߯ ߝߊߦߌߖ߭ߎ ߜ߭ߏߡߌߦߊ߫ ߓߘߊ߫ ߝߊߙߌ߲ ߘߊ߯ߕߌ߮ ߔߊߛߑߞߊߟ ߕߌߜ߭ߙߌ߬ ߣߐ߬ߘߐߓߌ߬ߟߊ߬߸ ߞߊ߬ ߡߐ߰ ߜߘߍ߫ ߓߌ߬ߟߴߊ߬ ߣߐ߭ ߘߐ߫.

ߡߙߌߘߐ ߣߌ߲߬ ߠߊ߫ ߝߐߟߌ߫ ߘߐ߫߸ ߡߍ߲ ߞߟߊ߬ߣߐ߬ߦߊ߬ ߘߊ߫ ߞߏ߲ߞߏߘߓߌ ߕߟߋ߬ ߁߄ ߡߊ߬߸ ߞߟߍ߬ߓߏߟߏ߲ ߞߎ߲߬ߕߌ߮ ߓߏߛߎ ߊߦߋߟߏߜ߭ߎ ߍߘߑߡߐ߲ߘ ߓߘߊ߫ ߞߙߍߞߙߍ߫ ߞߵߊ߬ߟߋ ߓߌ߬ߟߊ߫ <<ߞߊ߲ߕߌ߯ߘߊ ߟߊߞߊ߲ߘߊ ߝߊ߲߬ߞߊ߬ ߓߟߏߡߊߞߊ߬ߣߍ߲>> ߠߎ߬ ߞߎ߲߲߬ߠߊ߫، ߊ߬ ߓߘߊ߫ ߓߌ߬ߟߊ߬ ߔߊߛߑߞߊߟ ߕߌߜߙߌ߬ ߣߐ߭ ߘߐ߫߸ ߏ߬ ߡߍ߲ ߕߘߍ߬ ߞߏߟߌ߲ߞߏߟߌ߲ ߕߟߋ߬ ߇ ߞߊ߬ߝߏ߬ ߖߊߛߏ߲ ߞߎ߲߬ߛߍ߲ߓߍ ߘߌ߫ ߞߊ߬ߣߌ߲߬.

ߊ߬ ߢߌߣߌ߲ ߦߴߌߘߐ߫ ߓߋߣߍ߲߫ ߝߊ߰ߡߊ ߟߎ߬ ߓߟߏ߫ ߕߋ߲߬ ߞߏߛߓߍ߫߸ ߊ߬ߟߋ ߦߋ߫ ߣߊ߲߬ߕߌ߰ ߞߎ߲߬ߕߌ߰ ߛߊ߲ߘߐ ߟߋ߬ ߘߌ߫߸ ߡߌ߬ߘߊ߬ߟߌ߬ ߛߓߍ߫ ߡߊ߲߬ߕߏ߲߬ߕߍ߬ߟߊ߬ߞߊ ߓߘߊ߫ ߓߌ߬ߟߊ߬ ߡߍ߲ ߞߐ߫߸ ߊ߬ߟߋ ߣߴߊ߬ ߘߍ߬ߢߐ߲߰ ߛߌߦߊߡߊ߲߫߸ ߡߍ߲ ߠߎ߬ ߛߐ߬ߘߐ߲߬ ߘߊ߫ ߞߊ߬ߝߏ߬ ߖߊߛߏ߲ ߘߐ߫ ߊ߬ ߝߍ߬، ߓߋߣߍ߲߫ ߞߊ߲ߓߍ߲ ߕߐ߲ߓߟߏߡߊ ߟߎ߬ ߞߊ߲߫ ߞߏ߫ ߡߐ߰ ߛߌ߫ ߞߊ߬ ߟߌ߬ߤߟߊ߬ ߘߴߊ߬ߟߎ߫ ߡߊ߬ ߤߊ߲߯ ߞߊ߬ ߕߍ߮ ߞߍ߫ ߞߊ߬ߝߏ߬ ߖߊ߬ߛߏ߲߬ߧߊ ߢߌ߲߬ ߠߎ߬ ߘߐ߫߸ ߞߏ߫ ߊ߬ߟߎ߬ ߘߌ߫ ߛߍߝߊ ߞߋ߲߬ߥߟߎ߫ ߡߎ߬ߥߊ߲߬ ߘߴߏ߬ ߕߌ߰ ߡߊ߬.

ߞߌ߬ߓߊ߬ߙߏ߬ߘߊ ߘߏ߫ ߟߎ߫ ߟߊ߫ ߝߐߟߌ߫ ߘߐ߫߸ ߦߏ߫ ߝߘߊ߬ߝߌ߲߬ߠߊ߬ ߘߋ߲ߡߌߛߍ߲߫ ߝߐ߰ߓߍ߸ ߏ߬ ߡߍ߲ ߦߋ߫ ߞߌ߬ߢߍ߬ߞߏ߲߬ߞߏ߬ ߖߡߊߣߊ ߟߎ߬ ߖߎ߯ ߓߟߋߓߟߋ ߘߏ߫ ߘߌ߫ ߞߌ߬ߓߊ߬ߙߏ߬ ߞߏ ߘߐ߫߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߔߊߛߑߞߊߟ ߕߌߜ߭ߙߌ߬ ߞߵߊ߬ ߓߏ߬ߙߌ߫ ߞߊ߬ ߘߏ߲߬ ߓߋߣߍ߲߫ ߛߌ߰ߢߐ߲߰ ߖߡߊߣߊ ߘߏ߫ ߟߋ߬ ߝߍ߬ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ ߖߡߊ߬ߣߊ ߘߏ߫ ߞߣߐ߫، ߊߟߎ߫ ߦߴߊ߬ ߟߐ߲߫߸ ߞߏߟߌ߲ߞߏߟߌ߲ ߕߟߋ߬ ߇ ߟߋ߬ ߡߊ߬߸ ߣߊ߲߬ߕߌ߰ ߞߙߎ ߘߏ߫ ߟߎ߫ ߥߊ߫ ߘߴߊ߬ߟߎ߬ ߞߍ߫ ߖߡߊ߬ߣߊ ߞߊ߲ߕߌ߮ ߡߊߞߍ߫ ߦߙߐ ߞߊ߲߬، ߓߊ߬ߙߌ߬߸ ߖߡߊ߬ߣߊ ߡߞߊߘߊ߲߫ ߣߊ߲ߕߌ߮ ߕߐ߭ ߟߎ߬ ߛߋ߫ ߘߊ߫ ߛߋ߫ ߛߐ߬ߘߐ߲߬ ߠߊ߫߸ ߞߊ߬ ߞߊ߬ߝߏ߬ ߖߊ߬ߛߏ߲߬ ߞߏ ߞߍ߫ ߥߎߦߊ ߘߌ߫، ߞߊ߬ ߓߍ߲߬ ߖߊ߲߬ߖߏ߲߬ ߡߊߡߌ߲߬ߛߌ߬ߣߍ߲ ߏ߬ ߡߊ߬ ߛߊ߫߸ ߞߊ߲ߕߌ߯ ߔߊ߬ߕߙߌߛ ߕߊߟߐ߲߫ ߞߊ߬ ߟߊ߬ߤߘߌ ߕߊ߬߸ ߞߏ߫ <<ߊ߬ ߞߍߓߊ߮ ߟߎ߬ ߕߍߣߊ߬ ߕߏ߫ ߟߊ߫ ߕߋ߲߬ ߝߋߎ߫ ߣߌ߫ ߞߏ߫ ߡߊ߫ ߟߊߕߐ߲߫ ߊ߬ߟߎ߬ ߟߊ߫>>.