ߔߊߕߙߌߛ ߕߊߟߐ߲߫ ߞߋߟߋ߲߫ ߠߋ߬ ߕߘߍ߬ ߟߐ߬ߘߎ߮ ߣߌ߲߬ ߡߊ߬ߡߌ߬ߘߊ߬ߟߌ߬ߟߊ ߘߌ߫߸ ߊ߬ ߞߊ߬ ߞߊ߲ߢߊ߫ ߂߄ ߠߋ߬ ߛߐ߬ߘߐ߲߫ ߞߊ߲߬ߜߍ߬ ߂߅ ߘߐ߫߸ ߞߊ߬ ߞߍ߫ ߞߊ߲߬ߜߍ߬ߘߊ ߞߊ߲ߕߌ߮ ߘߌ߫، ߞߊ߬ ߝߊ߬ߛߏ߬ߜߙߊ ߞߊ߲ߕߌ߯ ߞߘߐ߫ ߟߎ߳ߛ ߝ߭ߋߟߊߣߏߡߎ߫ ߛߎߥߊ߲ߘߌ߫ ߞߵߏ߬ ߞߍ߫ ߞߊ߲߬ߜߍ߬ߘߊ ߞߊ߲ߕߌ߯ ߛߙߍߞߍ ߘߌ߫. 

<< ߞߊ߲ߕߌ߯ ߟߊߘߍ ߣߌ߲߬ ߛߋ߲߭ߝߍ߬߸ ߡߍ߲ ߞߍ߫ ߘߊ߫ ߘߓߊ߬ߓߌߟߊ ߕߟߋ߬ ߆ ߡߊ߬ ߝߊ߬ߛߏ߬ߜߙߊ ߡߊ߬ߞߍ߬ ߦߙߐ ߔߐߙߑߕߏߣߝ߭ߏ߫߸ ߞߊ߲߬ߜߍ߫ ߡߐ߰ ߂߅ ߟߋ߬ ߞߊ߬ ߛߌ߲߬ߝߏ߲߬ߘߊ ߡߊߡߙߊ߬ߓߊ߮ ߟߎ߬ ߛߎߥߊ߲ߘߌ߫ ߞߊ߬ ߛߎߥߊ߲ߘߟߌ ߞߍ߫߸ ߡߍ߲ ߛߌ߲߬ߝߏ߲߬ߧߊ߫ ߘߊ߫ ߛߓߍߘߊ߫ ߘߍ߲߬ߞߍ߲߬ߕߎ߲߬ߣߍ߲ ߠߎ߬ ߓߟߏ߫ ߞߊ߬ ߔߊߕߙߌߛ ߕߊߟߐ߲߫ ߛߎߥߊ߲ߘߌ߫ ߞߵߊ߬ ߞߍ߫ ߞߊ߲߬ߜߍ߬ߘߊ ߞߊ߲ߕߌ߮ ߘߌ߫ ߞߊ߲ߢߊ߫ ߂߄ ߞߊ߲߬ߜߍ߫ ߂߅ ߟߎ߬ ߘߐ߫>> ، ߟߊ߬ߛߋ߬ߟߌ ߣߌ߲߬ ߞߵߏ߬ ߦߌ߬ߘߊ߫. 

ߢߣߊߕߊߟߌ ߞߐ ߘߐ߫߸ ߔߊߕߙߌߛ ߕߊߟߐ߲߫ ߞߵߊ߬ ߘߍ߬ߢߐ߲߮ ߠߎ߫ ߝߏ߬ ߊ߬ߟߎ߬ ߞߍ߫ ߘߐ߫ ߞߵߊ߬ߟߎ߬ ߟߊ߫ ߟߊ߲ߘߦߊ ߟߴߊ߬ ߘߐ߫߸ ߊ߬ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ ߘߌ߫ ߘߐ߬ߖߊ߬ߓߊ߫ ߞߍ߫ ߞߊ߬ ߞߊ߲߬ߜߍ߬ߘߊ ߟߊߕߊ߯ߡߊ߫ ߊ߬ ߣߌ߫ ߞߊ߬ << ߕߣߐ߬ ߛߊ߲ߘߐߕߊ ߟߎ߬>> ߓߋߣߍ߲߫ ߞߣߐ߫، ߏ߬ ߞߐ߫߸ ߊ߬ ߞߵߊ߬ ߘߍ߬ߢߐ߲߮ ߠߎ߬ ߞߟߌ߫ ߓߍ߲߭ ߣߌ߫ ߖߛߎ߬ߛߎߡߊ ߣߌ߫ ߓߍ߯ߦߊ ߡߊ߬. 

ߓߋߣߍ߲߫ ߞߊ߲߬ߜߍ߬ߘߊ ߞߊ߬ ߓߊ߯ߙߊ ߘߊߡߌ߬ߣߊ߬ ߞߎߡߊߞߍߓߏ߲߲߫ ߞߋߟߋ߲ ߠߊߞߎߘߦߊ ߞߐ ߟߋ߬ ߘߐ߫ ߞߵߊ߬ ߞߍ߫ ߓߏ߲ߘߋ߲߫ ߝߌ߬ߟߊ߬ ߘߌ߫، ߞߊ߬ߕߎ߲߯ ߞߊ߬ߙߌ߬ߝߐ ߟߊ߫߸ ߓߋߣߍ߲߫ ߞߎ߲߬ߠߊ߬ߛߌ߮ ߞߊ߬ ߞߊ߲߬ߜߍ߫ ߓߘߍ߬ߓߘߍ߬ߟߌ߬ߟߊ߫ ߡߐ߰ ߁߀ ߠߋ߬ ߕߐ߯ߦߊ߫߸ ߞߵߏ߬ ߟߎ߬ ߞߍ߫ ߞߍ߫ ߞߊ߲߬ߜߍ߬ߘߊ ߞߏ ߟߎ߬ ߢߊߓߐߓߊ߮ ߘߌ߫. 

ߕߙߊߓߊ ߟߊ߫߸ ߔߊߕߙߌߛ ߕߊߟߐ߲߫ ߞߵߊ߬ ߦߌ߬ߘߊ߫ ߟߋ߬ ߞߏ߫ ߊ߬ ߕߍߣߊ߬ ߕߘߍ߬ ߟߊ߫ ߞߊ߲ߕߌ߯ ߢߣߊߕߊߟߌ ߟߐ߲߬ߞߋ߬ߟߊ߬ ߛߓߊߣߊ߲ ߣߊ߬ߕߊ ߞߏߛߐ߲߬߸ ߏ߬ ߡߍ߲ ߡߊߝߐ߫ ߛߌ߰ߞߊ߲ ߘߐ߫߸ ߊ߬ߟߋ ߟߋ߬ ߕߎ߲߬ ߦߋ߫ ߞߊ߲ߕߌ߯ߦߊ ߟߊ߫ ߞߊ߬ߦߌ߯ ߂߀߁߆ ߟߊ߫، ߒ߬ߓߊ߬߸ ߕߙߊߓߊ߫ ߕߊ߬ߡߌ߲߬ߣߍ߲ ߣߌ߲߬ ߠߊ߫߸ ߓߋߣߍ߲߫ ߞߊ߲ߕߌ߯ ߞߎߘߊ ߙߏߡߎ߳ߑߊߟߘ ߥߘߊߢߌ߫ ߞߵߊ߬ ߛߍ߲߫ ߊ߬ ߟߊ߫ ߛߌ߱ ߢߊ߰ߢߊ߮ ߛߋ߲߭ߝߍ߬ ߞߊ߬ ߞߍ߫ ߞߊ߲ߓߍ߲ ߞߊ߲ߕߌ߯ ߞߎߘߊ ߘߌ߫߸ ߏ߬ ߡߍ߲ ߠߊ߫ ߞߙߎߞߊ ߕߐ߯ ߞߏ߫ " ߟߊ߬ߞߎ߬ߘߦߊ߬ߟߌ ߣߌ߫ ߢߍߕߊ߮ ߞߋ߬ߟߋ߲߬ߧߊ ߘߍ߭" ߘߌ߫.