ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߞߣߐ߫߸ ߡߐ߰ ߁ ߈߀߁ ߠߋ߬ ߓߘߊ߫ ߛߊ߬ߦߊ ߡߊߛߐ߬ߘߐ߲߬ ߋߓߏߟߊ ߖߊ߲߬ߞߊߙߏ ߞߏߛߐ߲߬، ߏ߬ ߞߎߡߊ ߝߐ߫ ߘߴߊ߬ߟߎ߬ ߟߊ߫ ߝߐ߰ߓߍ߬ߘߊ ߟߎ߬ ߣߌ߫ ߓߌ߬ߟߊ߬ߢߐ߲߰ߡߊ ߞߏߕߌ߯ߘߊ ߟߋ߬ ߓߟߏ߫ ߟߊ߬ߛߋ߬ߟߌ ߘߏ߫ ߘߐ߫.

ߊ߬ ߝߐߣߍ߲߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫ ߞߏ߫: <<ߊ߲ ߧߋ߫ ߟߏ߲ ߡߍ߲ ߘߐ߫ ߦߏ߫ ߓߌ߬ [ߘߓߊ߬ߓߌߟߊ ߕߟߋ߬ ߄] ߋߓߏߟߊ ߓߘߊ߫ ߦߋ߫ ߡߐ߰ ߃ ߉߇߃ ߟߋ߬ ߟߊ߫، ߡߐ߰ ߆߇߄ ߦߴߏ߬ ߘߐ߫߸ ߡߍ߲ ߠߎ߬ ߟߊߟߊߣߍ߲߫ ߕߋ߲߬߸ ߇߇߆ ߝߣߊ߫ ߦߴߊ߬ ߘߐ߫߸ ߏ߬ ߟߎ߬ ߓߘߊ߫ ߓߊߛߌ߫، ߞߵߊ߬ ߟߴߊ߬ ߞߊ߲߬߸ ߡߐ߰ ߁ ߈߀߁ ߠߋ߬ ߟߊ߫ ߛߦߊ߬ ߞߏ ߓߘߊ߫ ߛߓߍ߫ ߊ߲ ߓߟߏ߫ ߡߎߣߎ߲߬.>> ߏ߬ ߟߋ ߝߐ߫ ߘߊ߫ ߟߊ߬ߛߋ߬ߟߌ߬ ߛߓߍ ߞߣߐ߫.

ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ ߕߟߋ߬ ߞߋߟߋ߲ ߖߌߖߊ߬ߣߍ߲ ߠߋ߬ ߕߋ߲߬߸ ߊ߬ߟߎ߬ ߘߴߊߟߊ߫ ߕߊ߲߬ߘߏ߫ ߏ߬ ߞߣߐ߫، ߓߊߏ߬߸ ߖߊ߲߬ߞߊߙߏ ߡߊ߫ ߖߊߡߊ߲߫ ߏ߬ ߞߣߐ߫ ߞߊ߬ ߦߙߐ߫ ߜߘߍ߫ ߟߎ߫ ߟߊߛߐ߬ߘߐ߲ ߦߙߐ߫ ߞߘߐ ߟߎ߬ ߞߐߝߍ߬، ߞߊ߬ߕߎ߲߯߸ ߊ߬ߟߋ߬ ߝߎ߬ߖߎ߰ߖߍ߮ ߣߌ߲߬ ߦߋ߫ ߡߙߊ߬ߓߏ߬ߟߏ߲߬ ߟߏ߯ߟߎ߫ߞ ߟߋ߬ ߞߣߐ߫: ߤߏߕ ߎߥߟߋ߫߸ ߌߕߎߙߌ߫߸ ߣߐߙ ߞߌߝ߭ߎ߫߸ ߛߎ߳ߘ ߞߌߝ߭ߎ߫߸ ߊ߬ ߣߌ߫ ߕߑߛߔߏ߫. ߖߊ߲߬ߞߊߙߏ ߦߋ߫ ߦߙߐ ߡߍ߲ ߠߎ߬ ߘߐ߫߸ ߣߴߌ ߞߵߏ߬ ߟߎ߬ ߟߊ߫ ߢߐ߲߮ ߞߊ߲߬߸ ߦߙߐ߫ ߅߁ ߠߋ߬، ߌߕߎߙߌ߫ ߟߋ߬ ߕߊ ߖߎ߯ߡߊ߲߫ ߕߐ߭ ߟߎ߬ ߓߍ߯ ߕߊ߫ ߘߌ߫߸ ߞߊ߬ߕߎ߲߯߸ ߋߓߏߟߊߕߐ %߈߇،߁ ߓߍ߯ ߦߋ߫ ߝߊ߲߭ ߏ߬ ߟߋ ߝߍ߬.

ߓߣߊ߬ߕߐ߬ߛߦߊ (létalité) ߞߛߊߞߊ ߦߋ߫ %߄߅،߃ ߟߋ߬ ߘߐ߫߸ ߖߊ߬ߞߊ߬ߙߏ߬ߕߐ ߟߎ߫ ߡߊ߰ߒ߬ߠߊ߬ߓߊ߰ߕߐ %߇߅،߃ ߓߍ߯ ߞߊ߬ ߋߓߏߟߊ ߛߐ߬ߘߐ߲߫ ߠߋ߬، ߤߏߕ ߥߟߋ߫ ߡߙߊ߬ߓߏߟߏ߲ ߞߣߐ߫߸ ߡߐ߰ ߝߟߐߝߟߐ ߡߍ߲ ߘߊ߲ߘߊ߫ ߘߊ߫߸ ߏ߬ ߞߍ߫ ߘߊ߫ ߦߋ߲߬ ߠߋ߬.

ߞߊ߬ ߓߍ߲߬ ߞߍ߲ߘߍߦߊ ߞߊ߲ߞߋߦߊ ߝߊ߲߬ߞߊߘߏ߲߭ ߡߊ߬߸ ߋߓߏߟߊ ߘߊ߲ߘߊ߫ ߕߊ߲ߓߊ߲ ߘߏ߫ ߓߘߊ߫ ߘߟߊߞߊ߬ ߙߎߥߊ߲ߞߏߟߋ߫߸ ߏ߬ ߦߋ߫ ߌߕߎߙߌ߫ ߡߊ߬ߙߊ ߟߋ߬ ߘߐ߫߸ ߟߊߟߊ߲߫ ߁߂߀ ߦߴߏ߬ ߞߣߐ߫ ߦߋ߲߬، ߓߊ߯ߙߊ߫ ߡߎߙߊ߲߫ ߞߏ ߟߎ߬ ߝߣߊ߫ ߢߊߓߐ ߦߴߌߘߐ߫ ߞߵߏ߬ ߟߎ߬ ߟߊߘߏ߲߬ ߡߎߛߌߦߋߣߍߣߍ߫ ߕߊ߲ߓߊ߲߫ ߓߟߏߡߊߞߊ߬ߣߍ߲ ߞߣߐ߫.