ߘߎߢߊ߫ ߞߍ߲ߘߍߦߊ ߞߏߟߊߘߍ ߟߎ߬ ߟߊ߫ ߦߟߌߡߊߛߌ߮ ߣߴߊ߬ ߕߊ߫߸ ߋߓߏߟߊ ߝߎ߬ߖߎߖߎ ߦߋ߫ ߕߊ߬ߡߌ߲߬ ߠߊ߫ ߝߊ߲߬ߞߊ ߟߋ߬ ߛߐ߬ߘߐ߲߬ ߠߊ߫ ߓߍ߯ߦߊ ߞߏ߲߬ߜ߭ߏ߬ ߞߊ߲ߓߍ߲ ߞߣߐ߫، ߏ߬ ߟߋ ߘߐ߫߸ ߞߣߊߘߊ߫ ߞߊ߬ ߟߊ߬ߛߋ߬ߟߌ ߞߍ߫߸ ߞߊ߬ ߞߏ߲߬ߜ߭ߏ߫ ߕߟߋ߬ߝߌ߬ߟߊ߬ ߞߍ߬ߟߊ ߟߎ߬ ߟߊ߫ ߘߏ߲߬ߠߌ߲ ߠߊߕߐ߲߫ ߞߣߊߘߊ߫ ߖߡߊ߬ߣߊ ߞߣߐ߫.

 

ߞߣߊߘߊ߫ ߞߎ߲߬ߠߊ߬ߛߌ߮ ߞߵߊ߬ ߦߌ߬ߘߊ߫ ߓߌ߬ ߞߊ߬ߙߌ߬ߝߐ ߕߟߋ߬ ߁߉ ߂߀߂߆߸ ߞߏ߫ ߞߏ߲߬ߜ߭ߏ߫ ߕߟߋ߬ߝߌ߬ߟߊ߬ ߞߍ߬ߟߊ ߟߎ߬ ߟߊ߫ ߘߏ߲߬ߠߌ߲ ߓߘߊ߫ ߟߊߕߐ߲߫ ߞߣߊߘߊ߫ ߖߡߊ߬ߣߊ ߞߣߐ߫ ߕߋ߬ߟߋ߫ ߂߁ ߓߐߟߌ ߞߐߝߍ߬.

 

ߏ߬ ߟߊߕߊ߯ߡߊ ߘߌ߫ ߘߊߡߌ߬ߣߊ߬ ߛߌߣߌ߲߫ ߞߊ߬ߙߌ߬ߝߐ ߕߋ߬ߟߋ߫ ߂߀߂߆ / ߂߃ߙߋ߲ ߅߉ ߟߊ߫߸ ߞߣߊߘߊ߫ ߞߍ߲ߘߍߦߊ ߥߛߊ߬ߘߊ߬ߕߌ߮ ߟߎ߬ ߟߊ߫ ߝߐߟߌ߫ ߘߐ߫߸ߊߕߥߊ߫ ߞߵߊ߬ ߦߌ߬ߘߊ߬ ߞߴߏ߬ ߘߌ߫ ߞߍ߫ ߛߊߓߎ߫ ߘߌ߫ ߞߊ߬ ߋߓߏߟߊ ߓߊ߰ߙߋ߲ ߠߊߘߏ߲߬ߠߌ߲ ߡߊߘߐ߯ߦߊ߫.

 

 

ߞߊ߬ߙߌ߬ߝߐ ߕߟߋ߬ ߁߅ ߡߊ߬߸ ߋߓߏߟߊ ߟߊߞߏߟߐ߲߫ ߘߊ߫ ߡߐ߰ ߂ ߁߀߀ ߟߋ߬ ߟߊ߫، ߡߐ߰ ߈ ߂߈ ߛߊ߬ ߘߴߏ߬ ߟߎ߬ ߘߐ߫ ߙߋ߳ߕߍߙ ߟߊ߫ ߝߐߟߌ߫ ߘߐ߫߸ߏ߬ ߡߍ߲ ߕߎ߲߬ ߓߘߊ߫ ߟߊ߬ߛߏ߬ߓߌ߬ߟߌ ߞߍ߫ ߞߘߐ߬ߡߊ߲߫ ߞߏ߫ ߞߊ߬ ߖߊ߲߬ߕߏ߫ ߞߍ߫ ߓߣߊ߬ߓߊ߰ߕߐ ߟߎ߬ ߘߐ߫.

 

ߘߎߢߊ߫ ߞߍ߲ߘߍߦߊ ߞߏߟߊߘߍ ߟߎ߬ ߓߘߴߊ߬ ߦߌ߬ߘߊ߬ ߞߏ ߡߐ߱ ߟߎ߬ ߦߋ߫ ߝߘߊ߫ ߘߟߊߝߍߦߊ ߟߊ߫ ߞߏ ߟߎ߬ ߟߊߛߋ ߘߐ߫ ߖߏߣߊ߫߸ ߏ߬ ߞߊߣߊ߬ ߞߍ߫ ߕߙߎ߬ ߘߌ߫ ߞߊ߬ ߖߊ߬ߡߊ ߟߊ߫ ߕߊ߯ߡߊ ߟߊߜߟߍ߬ߦߊ߫

 

ߞߊ߬ߝߏ߬ ߟߊߘߍ߬ߣߍ߲ ߠߎ߬ ߝߣߊ߫ ߝߣߊ߫ ߓߘߊ߫ ߞߏ߲߬ߜ߭ߏ߬ ߞߊ߲ߓߍ߲ ߕߟߋ߬ߝߌ߬ߟߊ߬ ߞߍ߬ߟߊ ߟߎ߬ ߟߊ߫ ߘߏ߲߬ߠߌ߲ ߠߊߕߐ߲߫ ߊ߬ߟߎ߬ ߓߘߊ،ߊߡߋߙߌߞߌ߬ ߓߊ߯ߙߟߊ߫ ߡߐ߰ ߇ ߡߍ߲ ߠߎ߬ ߡߊߝߟߍ߫ ߘߊ߫ ߞߐ ߣߌ߲߬ ߠߊ߫ ߣߌ߫ ߝߋ߲߫ ߡߊ߫ ߦߴߊ߬ߟߎ߬ ߟߊ߫߸ ߏ߬ ߟߎ߬ ߓߘߊ߫ ߟߊߞߋ߲߬ߛߎ߲߫ ߡߊ߬ߝߟߍ߬ߟߌ߬ ߓߟߏߡߊ߬ ߞߋߣߌߦߊ߫.