ߞߊߙߏ߫ ߝߌ߬ߟߊ߫ ߟߋ߬ ߕߏߣߍ߲߫ ߂߀߂߆ ߖߊ߯ߓߊ߫ ߖߌߟߊߝߍ ߘߊߡߌ߬ߣߊ ߟߊ߫ ߡߎ߬ߕߎ߲߬، ߒ߬ߓߊ߬߸ ߛߟߋߛߊߥߏ ߟߞߊ߬ߙߊ߲߬ߧߊ߬ߟߌ߬ߟߊ ߞߊߙߑߟߏ ߊ߲ߛߋߟߏߕߌ߫ ߓߘߊ߫ ߞߎߡߊ߫ ߞߊ߬ ߛߌߞߊ ߓߐ߫ ߞߏ ߟߎ߬ ߘߐ߫߸ ߞߊ߬ ߛߙߊߕߌ߫ ߖߐ߲ߖߐ߲ ߠߎ߬ ߝߐ߫߸ ߣߍߡߊߙ ߘߌ߫ ߛߴߊ߬ ߞߐߛߊ߬ߦߌ߲߬ ߠߊ߫ ߓߙߋߖ߭ߌߟ ߛߘߍߞߎߘߎ߲ ߘߐ߫ ߛߙߊߕߌ ߡߍ߲ ߠߎ߬ ߞߏߛߐ߲߬.

ߊ߬ ߥߊ߯ߕߌ߫ ߖߊ߲ ߠߋ߬ ߕߋ߲߬߸ ߊ߬ ߕߍ߫ ߕߏߟߏ߲߫ ߠߊ߫ ߓߙߋߖ߭ߌߟ، ߓߊߏ߬߸ ߂߀߂߃ ߞߏ߲ߓߌߕߌ߮ ߕߟߋ߬ ߁߇ ߟߋ߬ ߡߊ߬߸ ߞߵߊ߬ ߛߐ߬ߘߐ߲߬ ߓߙߋߖ߭ߌߟ ߣߌ߫ ߎ߳ߙߌߖߋߦߌ߫ ߦߋ߫ ߢߐ߲߯ ߠߊ߫߸ ߓߙߋߖ߭ߌߟ ߝߙߍߕߍ߫ ߁߀ ߖߐߞߌ߫ ߘߴߊ߬ ߜߍ߬ߟߍ߲߬ߞߘߎ ߟߊ߫ ߦߋ߲߬ ߏ߬ ߟߏ߲، ߊ߬ ߓߘߊ߫ ߞߏ ߟߎ߬ ߘߊߡߌ߬ߣߊ߬ ߛߘߍߞߎߘߎ߲ ߘߐ߫ ߕߋ߲߬ ߝߛߊߦߌ߫، ߊ߬ߟߋ ߟߋ߬ ߘߏ߲߬ ߢߐ߲߰ ߕߎ߬ߘߏ߲߬ߠߊ߬ ߕߍ߫ ߓߙߋߖ߭ߌߟ ߕߊ߬ߟߌ ߘߐ߫، ߒ߬ߞߊ߬߸ ߏ߬ ߕߍߣߵߊ߬ ߞߍ߫ ߟߊ߫ ߘߋ߬ ߞߏ߫ ߊ߬ ߘߌ߫ ߕߊ߬ ߢߊ ߏ߬ ߡߊ߬ ߌߞߘߐ߫ ߞߵߊ߬ ߟߊߖߌ߰ ߓߙߊ ߞߣߐ߫.

ߏ߬ ߘߐ߫߸ ߊ߬ ߕߊ߬ ߞߏ ߘߍ߲ߣߍ߲߫ ߊ߬ ߝߊ߬ߘߌ ߟߌ߬ߤߟߊ ߟߋ߬ ߟߊ߫ ߕߋ߲߬، ߓߊߏ߬߸ ߞߊߙߑߟߏ ߊ߲ߛߋߟߏߕߌ߫ ߣߌ߫ ߝߊ߬ߙߊ߲߬ߛߌ߫ ߕߏ߬ߟߊ߲ ߠߊ߫ ߘߊߘߐߖߊߥߏ ߘߏ߫ ߛߋ߲߭ߝߍ߬߸ ߊ߲ߛߋߟߏߕߌ߫ ߞߵߊ߬ ߦߌ߬ߘߊ߬ ߞߏ߫: <<ߊ߬ ߦߋ߫ ߕߏߟߏ߲߫ ߠߊ߫ ߓߊߟߋ߬، ߣߌ߫ ߡߐ߱ ߟߎ߬ ߞߊ߲߫ ߏ߬ ߘߐ߫ ߞߏ߫ ߊ߬ ߘߌ߫ ߛߋ߫ ߓߙߋߖ߭ߌߟ ߡߊߘߍ߬ߡߍ߲߬ ߠߊ߫ ߞߊ߬ ߖߊ߯ߓߊ߫ ߖߌߟߊߝߍ߫ ߣߊ߬ߕߐ ߛߐ߬ߘߐ߲߬߸ ߏ߬ ߦߋ߫ ߞߏ߫ ߢߣߊߡߊ ߟߋ߬ ߘߌ߫، ߒ ߧߋ߫ ߞߎߡߊ߫ ߟߴߊߟߎ߫ ߦߋ߫ ߦߙߐ ߡߍ߲ ߘߐ߫ ߕߋ߲߬߸ ߊ߬ ߦߋ߫ ߡߞߊ߬ߙߊ߲߬ߧߊ߬ߟߌ ߟߎ߬ ߞߍ߫ ߟߊ߫ ߒ ߕߊ߫ ߓߟߏ ߡߊ߬، ߏ߬ ߘߐ߫߸ ߞߊߙߏ߫ ߝߌ߬ߟߊ߫ ߟߋ߬ ߦߴߊ߬ ߢߍ߫ ߕߋ߲߬߸ ߞߵߊ߬ ߟߐ߲߫ ߣߴߊ߬ ߘߌ߫ ߛߋ߫ ߛߐ߬ߘߐ߲߬ ߠߊ߫ ߖߌߟߊߝߍ߫ ߣߊ߬ߕߐ ߘߐ߫ ߥߟߴߊ߬ ߕߍ߫ ߛߐ߬ߘߐ߲߫ ߊ߬ ߘߐ߫.>>

ߊ߲ߛߋߟߏߕߌ߫ ߞߵߊ߬ ߦߌ߬ߘߊ߬ ߞߏ߫ ߣߍߡߊߙ ߦߋ߫ ߕߏ߬ߟߊ߲ ߥߊ߫ ߢߊ ߢߊߦߋ ߞߊ߲߬ ߝߛߊߦߌ߫، <<ߒ ߘߴߊ߬ ߝߐ߫ ߕߏ߬ߟߊ߲߬ߕߊ߲߬ߠߊ ߓߍ߯ ߦߋ߫߸ ߡߍ߲ ߠߎ߬ ߝߊ߬ߘߌ ߓߊ߯ ߛߐ߲߬ ߊ߬ߟߎ߬ ߦߋ߫߸ ߏ߬ ߟߎ߫ ߟߋ߬ ߕߊ߯ߕߐ߫، ߒ߬ߓߊ߬߸ ߣߍߡߊߙ ߖߐߞߌ ߞߐ ߣߌ߲߬ ߞߏ߬ߣߌ߲ ߘߐ߫ ߊ߬ ߜߍ߬ߟߍ߲߬ߞߘߎ ߟߊ߫߸ ߊ߬ ߓߘߊ߫ ߣߊ߬ ߞߍ߲ߘߍߦߊ ߘߐ߫߸ ߊ߬ ߦߋ߫ ߕߎ߭ ߘߏ߲߬ ߠߊ߫، ߣߴߊ߬ ߥߊ߫ ߘߊ߫ ߢߊ ߏ߬ ߡߊ߬߸ ߊ߬ ߘߴߊ߬ ߥߊ߫ ߢߊ ߖߍ߬ߘߍߖߍ߬ߘߍ ߛߐ߬ߘߐ߲߬ ߛߌߛߍ߲߬ ߌߞߘߐ߫.>> ߊ߬ ߞߵߏ߬ ߝߙߊ߬ ߞߎߡߊ ߞߊ߲߬.

ߒ߬ߓߊ߬߸ ߣߍߡߊߙ ߟߊ߫ ߕߊ߯ߟߌ ߣߴߊ߬ ߕߊ߯ߓߊߟߌߦߊ߸ ߏ߬ ߟߐ߲ߕߐ߫ ߞߎ߲߬ߢߐ߲߯ ߣߊ߬ߕߐ ߟߎ߫ ߟߋ߬ ߞߣߐ߫، ߊ߬ ߘߏ߲߬ ߛߐ߬ߘߐ߲ ߂߀߂߆ ߖߊ߯ߓߊ߫ ߖߌߟߊߝߍ ߘߐ߫߸ ߏ߬ ߞߍߕߐ߫ ߞߏߓߊ߫ ߟߋ߬ ߘߴߊ߬ ߟߊ߫ ߞߏ ߘߐ߫، ߓߊߏ߬ ߝߊߦߌߘߊ߫ ߸ ߡߐ߰ ߘߴߊ߬ ߝߐ߫ ߞߏ߫ ߛߟߋߛߊߥߏ ߕߎ߬ߘߏ߲߬ߠߊ߬ ߥߣߊ ߟߊ߫ ߛߊ߲ߞߊߢߐ߲߯ߦߊ߫ ߓߟߋߓߟߋ߫ ߟߊߓߊ߲ ߠߋ߬ ߓߍߣߊ߬ ߞߍ߫ ߏ߬ ߘߌ߫.