ߓߌ߬ ߂߀߂߆ ߞߊ߬ߙߌ߬ߝߐ ߕߟߋ߬ ߁߆ ߸ ߓߙߎߞߌߣߊ߫ ߝߊ߬ߛߏ ߞߊ߲ߕߌ߮ ߣߌ߫ ߞߊ߬ߝߏ ߞߊ߲ߕߌ߯ ߌߓߙߊߤߌߡߊ߬ ߕߙߊߥߟߋ߫ ߞߊ߬ ߞߎߡߊ ߕߊ߬ ߓߌ߬ ߦߊ߯ߘߑߜ߭ߞߊ ߟߎ߬ ߕߍ߰ߟߊ ߘߐ߫߸ ߞߵߊ߬ ߦߌ߬ߘߊ߬ ߞߏ߫ << ߒ ߘߌ߫ ߞߎߡߊ߫ ߞߋߟߋ߲߫ ߝߐ߫ ߊߟߎ߫ ߦߋ߫ ߸ߡߍ߲ ߘߌ߫ ߕߏ߫ ߊߟߎ߫ ߓߍ߯ ߟߊߘߍ߬ߣߍ߲ ߞߋ߬ߟߋ߲߬ߞߋ߬ߟߋ߲߬ߠߊ ߞߣߐ߫ ߸ ߊ߲ ߓߌ߬ ߞߏ ߟߎ߬ ߣߌ߫ ߁߉߈߇ ߞߏ ߟߎ߬ ߕߍ߫ ߞߋߟߋ߲߫ ߘߌ߫ ،ߞߊ߬ߝߏ߬ߖߊ߬ߛߏ߲߬ ߡߊ߫ ߞߍ߫ ߡߐ߰ ߓߟߏ߫ ߞߊ߬ ߒߠߋ ߟߊߓߐ߫ ߞߊ߬ߛߏ ߟߊ߫ ߞߊ߬ ߒ ߠߊߛߌ߰ ߝߊ߲߬ߞߊ ߟߊ߫ ߸ߌߣߊ߬ߝߐ߫ ߡߍ߲ ߞߍ߫ ߘߊ߫ ߕߏߡߊ߫ ߛߊ߲ߞߊߙߊ߲߫ ߠߊ߫ ،ߓߊ߸ߏ߬ ߕߘߍ߬ ߞߊ߬ߛߏ ߟߋ߬ ߟߊ߫ ߸ߓߌߟߍߑߖ߭ ߟߋ߬ ߞߵߊ߬ ߟߊߓߐ߫ ߞߵߊ߬ ߟߊߛߌ߰ ߖߡߊ߬ߣߊ ߞߎ߲߬ߠߊ߬>> ߊ߬ ߞߵߏ߬ ߝߐ߫ ߊ߬ ߟߊ߫ ߞߎߡߊ ߘߐ߫. ߞߵߊ߬ ߓߍ߲߬ ߊ߬ ߣߌ߫ ߕߏߡߊ߫ ߛߊ߲ߞߊߙߊ߲߫ ߟߊ ߘߌ߫ ߢߐ߲߮ ߡߊ߬ ߡߐ߱ ߟߎ߬ ߓߟߏ߫ ߸ߣߌ߫ ߘߏ߫ ߟߎ߫ ߦߋ߫ ߝߙߍߕߍ߫ ߁߭ ߞߏ ߣߌ߫ ߂߲ ߞߎߡߊ ߝߐ߫ ߟߴߊ߬ߟߎ߫ ߝߍ߬߸ߊ߬ ߞߵߊ߬ ߦߌ߬ߘߊ߫ ߞߵߏ߬ ߝߐ ߕߍ߫ ߞߏ߫ ߖߎ߯ ߘߌ߫ ،ߓߊ߬ߙߌ߬ ߸ߏ߬ ߕߴߊ߬ߟߎ߬ ߟߊ߫ ߟߊ߬ߢߌ߬ߣߌ߲߬ ߘߌ߫.

ߝߣߊ߫ ߸ߞߏ߫ ߊ߬ ߣߴߊ߬ ߟߊ߫ ߡߐ߱ ߟߎ߬ ߓߐ߫ ߡߍ߲ ߞߍ߫ ߘߊ߫ ߞߦߊ߫ ߸ߊ߬ߟߋ ߟߋ߬ ߕߘߍ߬ ߢߍߡߌߘߊ ߘߌ߫ ߸ߡߐ߰ ߘߏ߲߬ ߕߎ߲߬ ߕߍ߫ ߊ߬ ߢߍߝߍ߬ <<ߊ߲ ߣߊ߬ ߡߍ߲ ߞߍ߫ ߘߊ߫ ߞߊ߬ ߓߐ߫ ߞߦߊ߫ ߸ ߖߊ߬ߡߊ ߢߍߡߌ߬ߘߊ߬ߣߍ߲߫ ߕߘߍ߬ ߒߠߋ ߟߋ߬ ߓߟߏ߫ ،ߏ߬ ߘߐ߫ ߸ߒߠߋ ߡߊ߫ ߒ ߘߏ߲߰ ߜߛߋߓߦߊߓߏ߲߫ ߛߌ߫ ߞߣߐ߫ ߞߊ߬ ߡߐ߱ ߟߎ߬ ߟߊߕߊ߯ ߞߊ߬ߝߏ߬ߖߊ߬ߛߏ߲߬ ߘߌߦߊ ߸ ߞߊ߬ ߒ ߛߌߛߌ ߜߊ߬ߛߌ߬ ߖߌ߬ߦߊ߬ߞߊ߲߬ߛߏ ߟߎ߬ ߟߊ߫ ߡߎ߬ߕߎ߲߬، ߏ߬ ߘߐ߫߸ ߞߏ ߟߎ߬ ߓߐߣߍ߲߫ ߢߐ߲߮ ߠߊ߫ ߛߎ߯ ߞߋߟߋ߲߫ ߕߍ߫، ߒ ߘߌ߫ ߡߍ߲ ߝߐ߫ ߊߟߎ߫ ߦߋ߫ ߸ ߏ߬ ߟߋ ߞߏ߫ "ߢߍߡߌߘߊ߫ ߝߌ߬ߟߊ߬ ߕߍ߫ ߕߊߞߎߟߎ߲ ߠߊ߫" >>

ߊ߬  ߞߵߊ߬ ߝߐ߫ ߞߵߊ߬ ߓߐ߱ ߘߐߘߐ߲߬ ߞߏ߫ <<ߣߴߊߟߎ߫ ߞߵߊ߬ ߞߍ߫ ߡߐ߰ ߘߏ߫ ߣߌ߫ ߘߏ߫ ߟߊ ߘߌ߫ ߢߐ߲߮ ߡߊ߬ ߸ߞߏ߫ ߣߌ߲߬ ߠߋ߬ ߛߋߣߍ߲߫ ߸ߏ߬ ߦߋ߫ ߝߙߋߞߋ߫ ߟߊߥߟߌ ߟߋ߬ ߘߌ߫ ߸ߊߟߎ߫ ߘߏ߲߬ ߘߴߊߟߎ߫ ߟߐ߬ ߏ߬ ߝߙߋߞߋ߫ ߟߊߥߟߌ߬ߣߍ߲ ߞߎ߲߬ߞߏ ߟߊ߫>>ߞߊ߲ߕߌ߮ ߞߵߏ߬ ߦߌ߬ߘߊ߫.

ߊ߬ ߞߵߊ߬ ߦߌ߬ߘߊ߬ ߌߞߐߕߎ߯ߣߌ߲߫ ߞߏ߫ << ߒߠߋ ߣߌ߫ ߡߐ߰ ߛߌ߫ ߦߋ߫ ߓߊ߯ߙߊ߫ ߟߊ߫ ߸ߏ߬ ߓߍ߯ ߞߊ߬ ߒߠߋ ߞߎ߲߬ߕߋߟߋ߲ ߟߐ߲߫߸ߊ߬ߟߎ߬ ߓߍ߯ ߘߏ߲߬  ߦߋ߫ ߒ ߞߐ߫ ߒ ߠߊ߫ ߞߋߟߦߊ ߛߌߟߊ ߕߊ߯ߡߊ ߞߊ߲߬ ،ߊ߲ ߣߊ߬ ߞߎ߲ ߦߴߏ߬ ߟߋ߬ ߘߌ߫ ߦߊ߲߬ ߸ ߣߌ߫ ߡߍ߲ ߘߏ߲߬ ߞߵߏ߬ ߡߊߝߘߏ߬ ߸ ߞߏ߫ ߘߌ߫ ߟߊߕߐ߲߫ ߏ߬ ߕߌ߱ ߟߊ߫ ߒ ߓߟߏ߫>> ߌߓߙߊߤߌߡߊ߬ ߕߙߊߥߟߋ߫ ߟߋ߬ ߞߊ߲߫ ߕߋ߲߬.