ߣߌ߲߬ ߞߍ ߘߊ߫ ߓߞߊߡߎߛߊ߫߫ ߘߎ߱ ߟߋ߬ ߞߣߐ߫߸ ߏ߬ ߡߍ߲ ߦߋ߫ ߞߎߟߑߔߋߟߏߜ߭ߏ߫ ߕߌ߲߬ߞߎߘߎ߲ ߘߐ߫ ߖߡߊ߬ߣߊ ߕߊ߲ߓߊ߲ ߠߴߊ߬ ߞߐߘߐ߲ ߘߐ߫، ߛߙߋ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߞߏߕߐ ߟߎ߬ ߓߙߍ߬ߦߊ ߖߍ߬ߘߍ ߘߌ߫ ߛߋ߫ ߕߊ߬ߡߌ߲߫ ߠߊ߫ ߣߌ߲߬ ߠߊ߫، ߓߊߏ߬߸ ߡߐ߰ ߛߌߦߊߡߊ߲߫ ߠߋ߬ ߕߎߣߎ߲ߣߍ߲߫ ߝߟߐ߫، ߊߟߑߞߊߦߌߘߊ ߓߏߟߏ߲ߝߘߊ ߡߍ߲ ߦߋ߫ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ ߞߐߡߊߓߌ߲ߓߌ߲ ߞߙߎ ߘߏ߫ ߘߌ߫߸ ߏ߬ ߞߊ߬ ߘߊ߲߬ߕߍ߰ߟߌ ߘߏ߫ ߟߋ߬ ߞߍ߫ ߡߍ߲ ߦߋ߫ ߓߊ߰ߓߊ߰ߟߌ ߣߌ߲߬ ߕߌ߰ߦߊ ߕߊ߬ ߟߴߊ߬ߟߎ߬ ߓߟߏ߫، ߓߙߎߞߌߣߊ߫ ߝߊ߬ߛߏ߫ ߞߎ߲߬ߠߊ߬ߛߌ߮ ߟߎ߬ ߞߏ߬ߣߌ߲ ߡߊ߫ ߞߎߡߊ߫ ߓߋ߬ߒ߬ߞߊ߲߬ߠߌ߲ ߣߌ߲߬ ߞߊ߲߬ ߝߟߐ߫.

ߓߞߊߡߎߛߊ߫ ߘߎ߰ߘߋ߲ ߘߏ߫ ߟߊ߫ ߞߎߡߊ߫ ߘߐ߫߸ ߞߏ߫ ߞߎߣߎ߲ߟߏ߲ ߕߊ߬ߡߌ߬ߣߍ߲ ߕߟߋ߬ߞߎߣߊ߲ ߠߋ߬ ߘߐ߫߸ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ ߞߐߡߊߓߌ߲ߓߌ߲ ߞߙߎ ߟߎ߫ ߞߊ߬ ߡߎ߯ ߛߌߦߊߡߊ߲߫ ߠߋ߬ ߟߊߝߌ߬ߟߌ߫ ߊ߬ߟߎ߬ ߟߊ߫ ߘߎ߱ ߞߣߐ߫.

ߞߏ߫ ߊ߬ߟߎ߫ ߣߊ߬ߣߍ߲ ߞߐ ߘߐ߫߸ ߊ߬ߟ߫ߎ ߛߐ߰ ߘߊ߫ ߞߏ߫ ߝߟߐ߫ ߡߍ߲ ߡߊ߬߸ ߏ߬ ߟߋ߬ ߞߍߣߍ߲߫ ߓߋ߭ ߘߌ߫ ߣߊ߲߬ߕߌ߰ ߟߎ߬ ߣߴߊ߬ߟߎ߫ ߘߍ߬ߡߍ߲߬ߓߊ߮ ߟߎ߬ ߟߊ߫ ߘߊ߮ ߞߊ߲߬.

ߕߐ߲߫ ߓߟߏߡߊ ߘߏ߫ ߞߊ߬ ߞߎߡߊ߫ ߏ߬ ߟߊߛߙߋߦߊ߫߸ ߞߏ߫<< ߣߊ߲߬ߕߌ߮ ߡߍ߲ ߖߍ߬ߘߍ ߣߌ ߕߏ߫ ߘߊ߫ ߏ߬ ߘߐ߫߸ ߏ߬ ߓߙߍ߬ߦߊ ߕߍߣߊ߬ ߖߌ߰ ߟߊ߫ ߂߅ ߘߎ߰ߟߊ߫>>.

ߛߙߋ߫ ߜߘߍ߫ ߝߣߊ߫ ߞߊ߬ ߞߎߡߊ߫ ߏ߬ ߟߊߛߙߋߦߊ߫ ߞߏ߫ <<ߣߊ߲߬ߕߌ߮ ߡߍ߲ ߝߊ߰ ߘߊ߫߸ ߊ߬ ߣߌ߫ ߊ߬ߟߎ߫ ߘߍ߬ߡߍ߲߬ߓߊ߮ ߡߍ߲ ߞߎ߲߭ ߕߏ߫ ߘߴߊ߬ ߘߐ߫߸ ߏ߬ ߟߎ߬ ߛߌ߫ ߖߊ߬ߕߋ ߟߎ߬ ߕߍ߫ ߞߋߟߋ߲߫ ߘߌ߫>>.

ߘߎ߰ߘߋ߲߬ ߜߘߍ߬ ߝߣߊ߫ ߟߊ߫ ߞߎߡߊ߫ ߘߐ߫߸ ߞߏ߫ <<ߝߊ߰ߓߊ߰ߕߐ ߟߎ߬ ߤߊߞߍ ߘߌ߫ ߕߊ߬ߡߌ߲߫ ߣߌ߲߬ ߓߍ߯ ߟߊ߫߸ ߓߊߏ߬߸ ߞߏ߫ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ ߞߐߡߊߓߌ߲ߓߌ߲߫ ߞߙߎ ߓߘߊ߫ ߣߊ߲߬ߕߌ߮ ߟߎ߬ ߟߊ߫ ߖߊ߲߬ߕߏ߬ߒ߬ߘߐ߬ ߦߙߐ ߣߌ߲߬ ߕߌ߰ߦߊ ߕߊ߬>>.

ߒ߬ߓߊ߬߸ ߣߊ߲߬ߕߌ߮ ߡߍ߲ ߠߎ߬ ߝߊ߰ ߘߊ߫ ߓߊ߬߸ ߊ߬ߟߎ߫ ߘߍ߬ߡߍ߲߬ߓߊ߮ ߡߍ߲ ߠߎ߬ ߝߊ߰ ߘߊ߫ ߓߊ߬߸ ߊ߬ ߣߌ߫ ߡߍ߲ ߠߎ߬ ߕߎߣߎ߲߫ ߘߊ߫، ߏ߬ ߟߎ߬ ߛߌ߫ ߤߊߞߍ ߟߎ߬ ߕߍ߫ ߞߋߟߋ߲ߘߌ߫.

ߒ߬ߓߊ߬߸ ߓߊ߰ߓߊ߰ߟߌ߬ߟߊ ߡߍ߲߬ ߠߎ߬ ߓߊ߲ߣߍ߲ ߞߐ ߊ߬ߟߎ߬ ߟߊ߫ ߓߊ߯ߙߊ ߟߊ߫߸ ߊ߬ߟߎ߫ ߞߊ߬ ߘߊ߮ ߣߌ߲߬ ߞߣߐߝߋ߲߫ ߛߌߦߊߡߊ߲߫ ߠߋ߬ ߕߊ߬߸ ߊ߬ ߣߌ߫ ߞߊ߬ ߕߊ ߛߎ߫ ߘߏ߫ ߟߎ߫ ߝߣߊ߫ ߟߊ߫.

ߛߌ߬ߣߌ߲߬ߟߏ߲ ߕߊ߬ߡߌ߲߬ߣߍ߲ ߠߋ߬ ߖߍ߬ߘߍ ߟߊ߫߸ ߓߊ߰ߓߊ߰ߟߌ߬ߟߊ ߡߍ߲߬ ߞߊ߬ ߓߋ߬ߒ߬ߞߊ߲߬ߠߌ߲ ߣߌ߲߬ ߕߌ߰ߦߊ ߕߊ߬߸ ߊ߬ ߣߌ߫ ߞߵߊ߬ߟߎ߬ ߟߊ߫ ߛߋߓߊ߯ߦߊ ߞߏߝߐ߫.

ߊ߬ ߣߌ߫ ߊ߬ߟߎ߬ ߓߊ߲߫ ߘߊ߫ ߞߊ߬ ߖߌ߬ߦߊ ߘߏ߫ ߟߎ߫ ߟߛߊߙߌ߫߸ ߏ߬ ߡߍ߲ ߞߣߐ߫ ߊ߬ߟߎ߬ ߦߋ߫ ߣߊ߲߬ߕߌ߮ ߟߎ߬ ߘߍ߬ߡߍ߲߬ߓߊ߮ ߟߎ߬ ߘߌߦߊߜߏߦߊ߫ ߡߌߣߊ߫ ߟߊ߫߸ ߓߊ߬ߙߌ߫߸ ߊ߬ߟߎ߬ ߡߊ߫ ߟߊ߬ߕߍ߰ߦߊ߫ ߝߏߛߌ߬ ߟߋ߬ ߟߊߓߐ߫ ߣߌ߲߬ ߞߏ ߞߊ߲߬ ߝߟߐ߫.

ߡߍ߲ ߟߐ߬ߕߐ߫ ߓߙߎߞߌߣߊ߫ ߞߎ߲߬ߠߊ߬ߛߌ߮ ߟߎ߫ ߡߊ߬߸ ߏ߬ ߟߎ߬ ߝߣߊ߫ ߡߊ߫ ߜߟߋ߬ߞߋ ߓߌ߬ߟߊ߬ ߊ߬ߟߎ߬ ߢߌ߲ߥߏ ߝߍ߬ ߊ߬ ߞߏ ߞߊ߲߬.

ߖߊ߬ߕߋ߬ߡߌ߬ߣߊ߬ߟߊ ߘߏ߫ ߟߊ߫ ߞߎߡߊ߫ ߘߐ߫߸ ߞߏ߫ ߓߊ߰ߓߊ߰ߟߌ ߟߎ߬ ߕߎ߲߬ ߓߘߊ߫ ߝߟߐ߫ ߛߎߡߦߊ߫ ߟߊ߫ ߞߊߙߏ߫ ߟߊߖߌ߯ ߣߌ߲߬ ߞߘߐ߫߸ ߓߊ߬ߙߌ߫߸ ߕߟߋ߬ߟߊ߬ߖߌ߮ ߣߌ߲߬ ߠߊ߫߸ ߊ߬ ߦߌ߬ߘߊ߬ ߘߊ߫ ߞߏ߫ ߓߊ߰ߓߊ߰ߟߌ߬ ߞߙߎ ߟߎ߫ ߕߘߍ߬ ߦߋ߫ ߢߐ߲߯ ߠߊߘߍ ߞߍ߫ ߟߊ߫ ߦߙߐ߫ ߏ߬ ߟߎ߬ ߘߐ߫ ߟߋ߬.