ߖߋ߬ߟߌ߬ߓߊ߬ߟߊ߫ ߝߌ߬ߙߌ߲߬ߕߊ߬ߥߏ߬ߟߌ߬ߟߊ߬ ߞߘߐ ߡߊߦߌߞߍߟ ߋߣߋߙߊߣߏ߫ ߛߊ߬ ߘߊ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߋ߬ߟߋ߫ ߂߄߸ ߊ߬ ߕߏ߫ ߘߊ߫ ߕߏ߬ߟߊ߲߬ߕߊ߲ ߠߋ߬ ߟߊ߫ ߓߙߊ ߞߣߐ߫ ߞߵߊ߬ ߜߊߟߏ߲߫ ߞߊ߬ ߓߋ߬߸ ߞߵߏ߬ ߞߍ߫ ߊ߬ ߛߊ߬ߣߍ߲ ߘߌ߫، ߊ߬ߟߎ߫ ߕߘߍ߬ ߕߋߙߌߦߊ߫ ߕߏߟߊ߲ߕߊ߲ ߠߋ߬ ߞߊ߲߬، ߛߊ߲߬ߞߊ ߟߊߕߋ߬ ߘߊ߫ ߖߋ߬ߟߌ߬ߓߊ߬ߟߊ߫ ߕߏ߬ߟߊ߲߬ߕߊ߲߬ ߞߙߎߝߊ ߟߋ߬ ߓߟߏ߫.

ߊ߬ ߛߊ߬ߣߍ߲߫ ߞߵߊ߬ ߛߌ߬ߞߛߊߓߌ ߕߏ߫ ߛߊ߲߬ ߄߀ ߠߋ߬ ߘߐ߫߸ ߊ߬ ߦߌ߬ߘߊ߬ߣߍ߲߫ ߞߊ߲߬ߞߎ߬ߡߊ߬ ߝߟߐ ߞߣߐ߫ ߞߏ߫ ߞߏ߫ ߛߐ߲߬ߟߐ ߟߋ߬ ߞߍߣߴߊ߬ ߛߕߊ ߘߌ߫߸ ߕߏ߬ߟߊ߲߬ߕߊ߲ ߘߊߡߌ߬ߣߊ ߞߐ ߘߐ߫ ߡߌ߬ߛߍ߲߬ ߟߏ߯ߟߎ߫ ߖߊ߬ߕߋ߬ ߟߊ߫ ߕߋ߲߬߸ ߞߎ߲߬ߕߊ߰ ߝߌߟߊߣߊ߲ ߕߎ߬ߡߊ ߟߊ߫، ߊ߬ ߞߊ߬ ߞߎ߲߬ߕߊ߰ ߝߌߟߊߣߊ߲ ߡߎ߰ߡߍ ߕߊ߲߫ ߠߋ߬ ߝߛߊߦߌ߫߸ ߊ߬ߟߎ߫ ߕߍ߬ߘߍ߫ ߕߏ߬ߟߊ߲߬ߕߊ߲ ߞߊ߲߬ ߞߊߘߎߣߊ߫ ߘߎ߱ ߟߋ߬ ߞߣߐ߫.

ߡߏ߬ߤߊ߬ߡߍߘ ߛߊߣߎߛߌ߫ ߡߍ߲ ߦߋ߫ ߖߋ߬ߟߌ߬ߓߊ߬ߟߊ߫ ߕߏ߬ߟߊ߲߬ߕߊ߲߬ ߞߙߎߝߊ ߝߘߏ߬ߓߊ߬ ߞߟߊ߬ߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߊ߬ ߟߊ߫ ߛߊ߬ߦߊ ߣߌ߲߬ ߦߋ߫ ߘߊߘߐߖߊߞߏ ߘߝߊߣߍ߲ ߠߋ߬ ߘߌ߫، ߒ ߖߍ߬ߘߍ ߡߴߊ߬ ߟߐ߲߫ ߒ ߘߌ߫ ߡߍ߲ ߝߐ߫.>>

ߡߊߦߌߞߍߟ ߋߣߋߙߊߣߏ߫ ߞߊ߬ ߓߌ߬ߟߊ߬ߢߐ߲߰ߠߊ߬ ߕߊ߲߫ ߢߐ߲߰ ߠߋ߬ ߞߍ߫ ߖߋ߬ߟߌ߬ߓߊ߬ߟߊ߫ ߛߘߍߞߎߘߎ߲ ߢߍ߫، ߊ߬ ߞߵߊ߬ ߓߊ߲߬ ߕߏߟߏ߲߫ ߠߊ߫ ߕߣߎߛߌ߫ ߦߋ߫ ߟߋ߬، ߣߴߏ߬ ߕߍ߫߸ ߊ߬ ߟߊ߫ ߞߍߙߍ߲ߘߊ ߕߍ߬ߘߍ߫ ߦߋ߲߬ ߠߋ߬߸ ߊ߬ ߘߏ߲߬ ߞߊ߫ ߢߌ߲߬ ߕߍ߬ߘߍ߫ ߦߋ߲߬ ߞߏߛߓߍ߫، ߓߊ߬ߙߌ߬߸ ߊ߬ ߞߵߊ߬ ߥߞߊ߬ߟߌ߬ ߕߏߟߏ߲ ߠߊ߫ ߖߋ߬ߟߌ߬ߓߊ߬ߟߊ߫ ߟߋ߬ ߦߋ߫، ߊ߬ ߖߍ߬ߘߍ߸ ߕߎ߬ߡߊ ߘߏ߫ ߛߋ߫ ߘߊ߫߸ ߊ߬ ߞߵߊ߬ ߟߊߢߌߣߌ߲߫ ߞߏ߫ ߊ߬ ߦߋ߫ ߕߣߎߛߌ߫ ߝߊ߬ߛߏ߬ߦߊ߬ ߛߓߍ ߕߊ߬ ߟߊ߫.

ߊ߬ ߕߘߍ߬ ߞߟߌ߫ ߟߊ߫ ߕߎ߳ߣߌߟ ߍߛߑߔߋߙߊ߲ߛ ߛߑߔߐߙߑߕߌߝ ߞߍߙߍ߲ߘߊ ߞߐߡߊߓߌ߲ߓߌ߲ߠߊ ߟߎ߬ ߓߟߏ߫ ߟߋ߬ ߞߏ߫ <<ߘߋ߬ ߕߍ߲ߞ>>߸ ߊ߬ ߞߊ߬ ߛߌߦߊߡߊ߲߫ ߞߎ߫ ߕߣߎߛߌ߫߸ ߞߊ߬ ߘߏ߫ ߞߍ߫ ߕߙߎߞߌ߫.

ߊ߬ ߞߊ߬ ߕߏ߬ߟߊ߲߬ߕߊ߲ ߘߊߡߌ߬ߣߊ߫ ߖߋ߬ߟߌ߬ߓߊ߬ߟߊ߫ ߝߍ߬ ߂߀߀߉ ߞߏ߲ߞߏߜߍ ߟߋ߬ ߟߊ߫߸ ߏ߬ ߞߍ߫ ߘߊ߫ ߕߋߙߌߦߊ߫ ߕߏߟߏ߲ ߘߏ߫ ߟߋ߬ ߝߍ߬߸ ߖߋ߬ߟߌ߬ߓߟߊ߬ ߣߌ߫ ߖ߭ߡߊߦߌߞ ߕߍ߫، ߏ߬ ߞߐߝߍ߬ ߞߊߙߏ߫ ߛߓߊ߬߸ ߊ߬ ߕߎ߭ ߘߏ߲߬ ߞߐߞߊ߲߫ ߓߌߟߊߢߐ߲߯ߠߊ ߘߏ߫ ߝߍ߬߸ ߞߵߊ߬ ߛߐ߬ߘߐ߲߬ ߖߋ߬ߟߌ߬ߓߟߊ߬ ߣߌ߫ ߌߙߑߟߊ߲ߘ ߦߋ߫ ߢߐ߲߯ ߠߊ߫.