ߖߊ߬ߕߋ߬ߘߐ߬ߛߌ߯ ߛߓߊ߬ ߦߋ߫ ߖߌ߬ߣߍ߬ ߓߟߏ߫ ߕߋ߲߬߸ ߏ߬ ߟߎ߬ ߓߘߊ߫ ߛߌߟߊ߫ ߛߐ߬ߘߐ߲߫ ߣߊ߲߬ߝߟߏ߬ߦߊ߬ߟߌ߬ ߞߏ ߡߊ߬ߘߎ߮ ߘߐ߫ ߡߎ߬ߕߎ߲߬ ߝߛߊߦߌ߫߸ ߞߊ߬ ߝߘߊ߫ ߛߘߋߦߊߥߏ ߟߊ߫ ߥߙߎߞߌ ߣߌ߫ ߣߊ߲߬ߝߟߏ߬ߦߊ߬ߟߌ ߜߍߓߏ߲ (ߥߣߜ) ߠߊ߫، ߋߙߏ ߞߋ߲߬ߥߟߎ߫ ߂߆߉،߅߅ ߟߋ߬ ߛߐ߬ߘߐ߲߬ߣߍ߲߫߸ ߡߍ߲ ߠߎ߬ ߥߊߕߐ߫ ߛߌߟߊ߫ ߞߏ ߘߊ ߟߊ߫߸ ߊ߬ ߣߌ߫ ߞߍ߲ߘߍߦߊ߫ ߞߏ ߣߌ߫ ߢߎߡߍ߫ ߞߏ.

ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߞߊߝߏ ߟߎ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߓߊ ߟߊ߫ ߥߙߎߞߌ ߣߌ߫ ߣߊ߲߬ߝߟߏ߬ߦߊ߬ߟߌ ߜߍߓߏ߲ ߣߐ߬ ߊ߬ ߟߊ߫ ߡߙߊ߬ߘߊ ߞߏߟߊߕߍ߯ߘߊ ߟߊ߫ ߟߊ߬ߘߍ ߁߀߀߲ ߠߋ߬ ߞߍ߫ ߟߊ߫߸ ߟߊ߬ߘߍ ߏ߬ ߟߋ ߞߐ ߘߐ߫߸ ߊ߬ߟߎ߫ ߞߊ߬ ߓߊ߯ߙߊ߫ ߟߏ߯ߟߎ߫ ߟߋ߬ ߣߊ߲߬ߝߟߏ߬ߦߊ߬ ߞߏ ߟߊߘߌ߬ߢߍ߫ ߖߡߊ߬ߣߊ߫ ߛߓߊ߬ ߞߣߐ߫߸ ߡߍ߲ ߥߊߘߌ ߦߟߍ߬ߣߍ߲߫ ߋߙߏ ߞߋ߲߬ߥߟߎ߫ ߄߄߃ ߛߊ߲ߘߐ߫، ߒ߬ߓߊ߬߸ ߖߌ߬ߣߍ߬ ߝߣߊ߫ ߣߌ߫ ߛߓߍߝߙߏߞߏ ߘߏ߫ ߟߋ߬ ߓߐߣߍ߲߫ ߦߋ߲߬߸ ߡߍ߲ ߦߴߊ߬ ߟߊ߫ ߢߍߥߟߊ߫ ߞߎ߲ߓߊ ߘߏ߫ ߟߎ߫ ߞߍߟߌ ߣߊ߲߬ߝߟߏ߬ߦߊ߬ߟߊ߲ ߘߌ߫.

ߞߊ߬ߕߎ߲߯߸ ߥߊߘߌ ߡߍ߲ ߞߎߡߊ ߝߐߣߍ߲߫ ߣߴߊ߬ ߘߏ߲߬ߣߍ߲߫ ߖߌ߬ߣߍ߬ ߓߟߏ߫߸ ߏ߬ ߥߊߣߍ߲߫ ߠߋ߬ ߝߏ߯ ߋߙߏ ߞߋ߲߬ߥߟߎ߫ ߂߆߉،߅߅ ߖߊ߬ߕߋ߬.

ߥߊߘߌ ߏ߬ ߝߊ߲߬ߓߊ ߘߏ߲߬ߕߐ߫ ߛߌߟߊ߫ ߞߏ ߟߋ߬ ߘߊߞߎ߲ ߘߐ߫، ߓߊߏ߬߸ ߋߙߏ ߞߋ߲߬ߥߟߎ߫ ߁߄߃،߀߆ ߞߊ߫ ߞߊ߲߫ ߞߊ߬ ߞߍ߫ ߞߊ߬ ߛߌߟߊ ߞߎߘߍ߫ ߈߄ ߠߋ߬ ߟߊߞߎߘߦߊ߫ ߛߌ߬ߛߋ߬ߟߊ߬ ߣߌ߫ ߓߊ߲߬ߞߐ߬ ߕߍ ߘߐ߫߸ ߞߵߊ߬ ߛߌ߰ ߒߘߍߡߊ߫ ߟߊ߫، ߞߊ߬ ߓߐ߫ ߓߊ߲߬ߞߐ߫ ߞߊ߬ ߥߊ߫ ߛߊ߰ߙߊ߬ߦߊ߫، ߛߌߟߊ ߏ߬ ߟߎ߬ ߡߍ߲ ߠߎ߬ ߓߊ߯ߙߊ߫ ߞߎ߲ ߦߋ߫ ߓߐߒߣߘߐ ߣߌ߫ ߖߎ߬ߟߊ߬ߦߊ ߝߊ߬ߟߋ߲߬ߢߐ߲߰ߡߊ ߟߎ߬ ߟߊߣߐ߰ߦߊ ߘߌ߫.

ߣߴߌ ߘߏ߲߬ ߣߊ߬ ߘߊ߫ ߞߍ߲ߘߍߦߊ ߡߊ߬ߘߎ߮ ߘߐ߫߸ ߊ߬ߟߋ߬ ߥߊߘߌ ߦߙߐ ߘߏ߫ ߟߋ߬ ߕߊ߬ߕߐ߫߸ ߞߵߏ߬ ߞߍ߫ ߞߊ߬ ߕߌ߲߬ߞߎߘߎ߲ ߘߊ߲ߘߊߛߏ ߘߏ߫ ߟߐ߬ ߛߌ߯ߙߌ߲߫߸ ߟߊߟߊ߲߫ ߂߀߀ ߖߊ߬ߕߋ߬ ߘߌ߫ ߓߌ߬ߟߊ߬ ߡߍ߲ ߞߣߐ߫، ߘߊ߲ߘߊߟߌ߫ ߓߟߏߡߊߞߊ߬ߣߍ߲ ߠߎ߬ ߞߍߕߐ߫ ߟߋ߬ ߦߋ߲߬߸ ߡߍ߲ ߓߌ߬ߟߊ߬ߕߐ߫ ߦߋ߲߬ ߛߌ߰ߓߊ߮ ߟߎ߫ ߛߊ߬ߥߏ ߘߐ߫߸ ߣߴߊ߬ߟߎ߬ ߦߙߌߞߊ ߘߌ߫ ߡߐ߰ ߞߋ߲߬ߥߟߎ߬ ߁،߇ ߖߊ߬ߕߋ߬ ߓߐ߫.

ߖߊ߬ߕߋ߬ߘߐ߬ߛߌ߮ ߛߓߊߣߊ߲ ߡߍ߲ ߣߊ߲߬ߝߟߏ߬ߦߊ߬ߕߐ߫ ߥߊߘߌ߫ ߞߋߟߋ߲ ߢߌ߲߬ ߘߐ߫߸ ߏ߬ ߟߋ ߢߎߡߍߞߏ ߘߌ߫، ߋߙߏ ߞߋ߲߬ߥߟߎ߬ ߆߀،߆߂ ߟߋ߬ ߞߍߕߐ߫ ߞߊ߬ ߕߌ߲ߞߌߛߏ߫ ߂߲ ߢߎߡߍߓߊߟߊ߲ ߟߐ߬߸ ߡߍ߲ ߛߋߞߏߦߊ ߥߊߕߐ߫ ߤߊ߲߯ ߡߋߜ߭ߥߊߕ ߁߁߸ ߊ߬ ߣߴߊ߬ ߘߌ߫ ߖ߭ߌߜ߭ߥߊߕߍߙ ߄߈ ߟߊߓߐ߫ ߛߊ߲߭ ߞߣߐ߫، ߖߊ߬ߕߋ߬ߘߐ߬ߛߌ߮ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߕߐ߬ߣߐ ߘߌ߫ ߛߋ߫ ߡߐ߰ ߃߅߀ ߀߀߀ ߖߊ߬ߕߋ߫ ߡߊ߬.

ߜ߭ߊ߯ߣߊ߬ ߣߌ߫ ߛߙߊ߬ߟߏ߲߬ ߝߣߊ߫ ߕߊ ߦߋ߫ ߜߍߓߏ߲ ߠߊ߫ ߥߊߘߌ߫ ߟߊߓߐߣߍ߲ ߢߌ߲߬ ߘߐ߫.

ߏ߬ ߘߐ߫߸ ߛߌ߰ ߞߍߣߍ߲߫ ߞߊ߬ ߡߎ߲߬ ߡߊߞߐ߬ߣߐ߲߫ ߖߌ߬ߣߍ߬ ߞߣߐ߫ ߡߎ߬ߕߎ߲߬߸ ߏ߬ ߟߋ ߦߙߐ߫ ߞߏߝߐߣߍ߲ ߢߌ߲߬ ߠߎ߬ ߓߊ߯ߙߊ ߘߊߡߌ߬ߣߊ ߘߌ߫߸ ߦߏ߫ ߊ߬ ߝߐߣߍ߲߫ ߢߊ ߡߍ߲ ߡߊ߬.