ߟߊ߬ߕߍ߰ߦߊ߫ ߟߋ߬ ߟߊߓߐ߫ ߘߊ߫ ߖߌ߬ߣߍ߬ ߖߌ߬ߦߊ߬ߞߊ߲߬ߛߏ߫ ߝߊ߬ߛߏ߬ߟߊ߬ߞߊ ߟߊ߫ ߓߌ߬ ߞߊ߬ ߥߛߊ߬ߘߋ߲߬ ߢߣߊߕߊߟߌ ߣߌ߫ ߞߊ߬ߝߏ߬ߙߋ߲ ߢߣߊߕߊߟߌ ߕߎ߬ߡߊ߬ߘߊ ߞߕߐߙߐ߲ߘߓߐ߫߸ ߞߵߊ߬ ߟߊߕߊ߯ ߘߓߊ߬ߕߊ ߕߟߋ߬ ߃߁ ߘߐ߫߸ ߞߵߊ߬ ߛߐ߬ߘߐ߲߬ ߞߊߙߏ ߞߋߟߋ߲ ߏ߬ ߕߋ߬ߟߋ߫ ߂߄ ߠߋ߬ ߝߐߣߍ߲߫ ߕߘߍ߬.

ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߐ߬ ߟߊ߬ߕߍ߰ߦߊ߫ ߟߋ߬ ߞߟߊ߬ߣߐ߬ߦߊ߬ ߟߊ߫߸ ߞߊ߬ <<߂߀߂߆ ߘߓߊ߬ߕߊ ߂߄ ߥߛߊ߬ߘߋ߲߬ ߢߣߊߕߊߟߌ ߣߌ߫ ߞߊ߬ߝߏ߬ߙߋ߲ ߢߣߊߕߊ ߕߎ߬ߡߊ߬ߘߊ ߡߊߦߟߍ߬ߡߊ߲߬߸ ߞߵߏ߬ ߟߊ߫ ߓߙߊߡߊߖߊ߲ߓߊ߲ ߘߟߊߞߊ߭ ߣߴߊ߬ ߞߎ߲߬ߝߊ߮ ߞߊ߲߬.>> ߟߊ߬ߕߍ߰ߦߊ ߣߌ߲߬ ߞߣߐߞߏ ߘߏ߫ ߟߵߏ߬ ߘߌ߫.

ߟߊ߬ߕߍ߰ߦߊ߬ ߞߋߟߋ߲ ߣߌ߲߬ ߞߵߊ߬ ߝߐ߫ ߞߵߊ߬ ߟߊߕߍ߰߸ ߞߏ߫ <<ߥߛߊ߬ߘߋ߲߬ ߢߣߊߕߊߟߌ ߣߌ߫ ߞߊ߬ߝߏ߬ߙߋ߲ ߢߣߊߕߊߟߌ ߡߍ߲ ߟߐ߯ߟߊߣߍ߲߫ ߕߘߍ߬ ߞߵߊ߬ ߕߏ߫ ߂߀߂߆ ߘߓߊ߬ߕߊ ߕߋ߬ߟߋ߫ ߂߄ ߠߊ߫߸ ߏ߬ ߓߘߊ߫ ߓߐ߫ ߊ߬ ߡߊ߬ ߞߵߊ߬ ߟߊߕߊ߯ ߂߀߂߆ ߘߓߊ߬ߕߊ ߕߟߋ߬ ߃߁ ߘߐ߫.>> ߞߊ߬ ߓߊ߲߫ ߞߊ߬ ߓߙߊߡߊߖߊ߲ߓߊ߲ ߕߎ߬ߡߊ߬ ߝߐߣߍ߲ ߠߎ߬ ߝߣߊ߫ ߡߊߝߊ߬ߟߋ߲߬߸ ߞߵߊ߬ߟߎ߬ ߓߐ߫ ߊ߬ ߕߎ߬ߡߘߊ߬ ߞߘߐ ߡߊ߬، ߞߊ߬ߕߎ߲߯߸ ߥߛߊ߬ߘߋ߲߬ ߢߣߊߕߊߟߌ ߓߙߊߡߊߖߊ߲ߓߊ߲ ߘߊߡߌ߬ߣߊ߬ߕߐ߫ <<߂߀߂߆ ߘߓߊ߬ߕߊ ߕߟߋ߬ ߁߭>> ߟߋ߬ ߡߊ߬ ߀߁ߕߎߡߊ߀߀߸ ߞߵߊ߬ ߞߎ߲߭ߝߊ߰ <<߂߀߂߆ ߘߓߊ߬ߕߊ ߕߋ߬ߟߋ߫ ߂߈ ߂߃ߕߎߡߊ߅߉ ߟߊ߫>>.

ߡߍ߲ ߟߐ߬ߣߍ߲߫ ߞߊ߬ߝߏ߬ߙߋ߲ ߢߣߊߕߊߟߌ ߡߊ߬߸ ߏ߬ ߘߟߊߞߊ߬ߕߐ߫ ߂߀߂߆ ߘߓߊ߬ߕߊ ߕߟߋ߬ ߁߁ ߠߋ߬ ߡߊ߬߸ ߞߵߊ߬ ߛߌ߰ ߘߓߊ߬ߕߊ ߕߋ߬ߟߋ߫ ߂߈ ߠߊ߫.

ߊ߬ߟߎ߫ ߞߵߊ߬ߟߎ߬ ߘߊߣߐ ߕߏ߫ ߊ߬ ߡߊ߬ ߟߊ߬ߕߍ߰ߦߊ ߣߌ߲߬ ߞߣߐ߫߸ ߞߊ߬ ߓߍ߲߬ ߢߣߊߕߊߟߌ ߛߊ߬ߙߌ߬ߦߊ߬ߛߎ߲ ߕߐ߲ߛߋ߲ ߅߀߲ ߞߣߐߞߏ ߡߊ߬߸ ߞߏ߫ <<ߡߐ߰ ߛߌ߫ ߕߴߛߋ߫ ߓߙߊߡߊߖߊ߲ߓߊ߲ ߞߍ߫ ߟߊ߫ ߝߊ߬ߘߌ߬ ߛߌ߫ ߘߐ߫ ߕߎ߬ߡߘߊ߬ ߝߐߣߍ߲ ߣߌ߲߬ ߞߐߝߍ߬.>> ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߣߌ߫ ߓߙߊߡߊߖߊ߲ߓߊ߲ ߘߏ߲߬ ߘߊߡߌ߬ߣߊ߬ ߘߊ߫߸ ߊ߬ ߓߐߟߌ ߣߴߊ߬ ߖߡߊ߬ ߟߊ߬ߘߍ ߓߍ߯ ߦߋ߫ ߞߍ߫ ߟߊ߫ ߞߊ߬ ߓߍ߲߬ <<ߛߊ߬ߙߌ߬ߦߊ ߟߊ߫ ߝߐߞߊ߲>> ߠߋ߬ ߡߊ߬.

ߡߍ߲ ߓߍ߲߬ߣߍ߲߫ ߞߌ߬ߓߊ߬ߙߏ߬ߘߊ ߟߎ߬ ߝߣߊ߫ ߕߊ߫ ߝߊ߲߭ ߡߊ߬߸ ߓߌ߬ߟߊ߬ߢߐ߲߰ߡߊ ߞߏߟߊߕߍ߯ ߛߊ߲ߘߐ ߟߋ߬ ߖߊߙߋߣߍ߲߫ ߞߵߊ߬ ߖߊ߲߬ߕߏ߫ ߞߌ߬ߓߊ߬ߙߏ߬ߘߊ ߟߎ߬ ߘߐ߫ ߓߙߊߡߊߖߊ߲ߓߊ߲ ߕߎ߬ߡߊ ߟߊ߫߸ ߞߊ߬ ߓߍ߲߬ ߡߊ߬ߡߌ߬ߣߊ߬ߟߌ߬ߟߊ ߟߎ߬ ߟߊ߫ ߞߎߡߊ ߟߎ߬ ߢߊߝߐ߫ ߢߊ ߡߊ߬߸ ߊ߬ ߣߌ߫ ߓߙߊߡߊߖߊ߲ߓߊ߲ ߓߊ߯ߙߊ ߟߎ߬ ߞߍߢߊ ߡߊ߬.

ߡߞߊ߬ߛߌ߬ߟߌ ߡߍ߲ ߕߎ߲߬ ߓߘߊ߫ ߞߍ߫ ߡߐ߰ ߛߌߦߊߡߊ߲߫ ߓߟߏ߫ ߕߋ߬ߟߋߝߌ߬ߟߊ ߣߌ߲߬ ߘߐ߫߸ ߞߊ߬ ߓߍ߲߬ ߢߣߊߕߊߟߌ ߞߕߐߙߐ߲ߘߓߐ߫ ߞߏ ߡߊ߬߸ ߏ߬ ߟߋ ߓߐߣߍ߲߫ ߜߍߟߊ߫ ߣߌ߲߬ ߛߊ߫، ߓߊߏ߬߸ ߡߐ߰ ߛߌߦߊߡߊ߲߫ ߞߵߊ߬ ߦߌ߬ߘߊ߬ ߞߏ߫ ߊ߬ ߣߌ߫ ߘߌ߯ߣߊ ߘߏ߫ ߟߎ߫ ߟߊ߫ ߖߊ߲߬ߖߏ߲ ߠߊ߫ ߓߍ߲߬ߢߐ߲߰ߡߊ ߘߴߊ߬ ߞߍ߫ ߛߍ߱ ߘߌ߫ ߡߐ߱ ߟߎ߫ ߞߊ߲߬.

ߊ߬ ߞߏ߬ߣߌ߲ ߞߕߐߙߐ߲ߘߓߐߣߍ߲߫ ߕߟߋ߬ ߥߐ߯ߙߐ߫ ߘߐߙߐ߲߫ ߠߋ߬ ߟߊ߫߸ ߞߵߊ߬ ߓߐ߫ ߂߄ ߘߐ߫߸ ߞߵߊ߬ ߟߊߕߊ߯ ߃߁ ߘߐ߫.