ߖߌ߬ߣߍ߬ ߛߎߥߊ߲ߘߟߌߟߊ ߟߎ߬ ߦߋ߫ ߢߣߊߕߊߟߌ߫ ߞߍߣߍ߲ ߞߐߝߟߌ ߡߊߞߐ߬ߣߐ߲ ߛߌ߱ ߟߋ߬ ߘߐ߫ ߕߋ߲߬߸ ߥߛߊ߬ߘߋ߲߬ߧߊ ߕߊ ߣߌ߫ ߞߊ߬ߝߏ߬ߙߋ߲ ߕߊ߸ ߏ߬ ߟߎ߬ ߡߍ߲ ߠߎ߬ ߓߍ߯ ߞߍ߫ ߘߊ߫ ߞߊ߯ߙߌ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߟߋ߬ ߃߁، ߢߣߊߕߊߟߌ߫ ߝߌߌ߬ߟߊ߬ߣߍ߲ ߣߌ߲߬ ߘߏ߲߬ ߦߋ߫ ߢߣߊߕߊߟߌߓߊ߫ ߟߋ߬ ߘߌ߫ ߖߡߊ߬ߣߊ ߞߣߐ߫߸ ߣߴߊ߬ ߡߊ߫ ߢߊ߬ ߞߏ߫ ߊ߬ߟߋ ߟߋ߬ ߞߍߕߐ߫ ߘߐ߬ߕߊߡߌ߲ ߞߎ߲߬ߝߊ߮ ߘߝߊߣߍ߲߫ ߞߐߟߌߞߐߟߌ ߘߌ߫ ߛߍߣߍ߲߬.

ߖߌ߬ߣߍ߬ߞߊ߬ ߛߎߥߊ߲ߘߟߌߟߊ߫ ߞߋ߲߬ߥߟߎ߬ ߥߐ߬ߙߐ߲߬ߝߌ߬ߟߊ߬ ߡߊ߬ߜߍ߲ ߠߋ߬ ߡߊߞߟߌ߫ ߘߊ߫ ߞߊ߯ߙߌ ߣߌ߲߬ ߡߊ߬߸ ߞߏ߫ ߞߊ߬ ߕߊ߯ ߊ߬ߟߎ߬ ߟߊ߫ ߥߛߊ߬ߘߋ߲߫ ߁߄߇ ߛߎߥߊ߲ߘߌ߫߸ ߡߍ߲ ߠߎ߬ ߟߊߘߏ߲߬ߕߐ߫ ߝߊ߬ߛߏ߬ ߜߙߊ ߟߊ߫߸ ߞߊ߬ ߓߊ߲߫ ߞߵߊ߬ߟߎ߬ ߟߊ߫ ߞߊ߬ߝߏ߬ߙߋ߲ ߞߏߟߊߕߍ߮ ߟߎ߬ ߝߣߊ߫ ߛߎߥߊ߲ߘߌ߫ ߢߊ߫ ߞߋߟߋ߲ ߏ߬ ߡߊ߬.

ߢߣߊߕߊߟߌ ߣߌ߲߬ ߘߐ߫߸ ߟߊ߬ߞߙߐ߬ߛߟߌ߬ߟߊ ߓߍ߯ ߦߟߌ߫ ߦߋ߫ ߛߋߓߊ߯ߦߊ ߟߋ߬ ߟߊ߫ ߛߎߘߊ߲߫ ߞߐߟߌߞߐߟߌ ߟߊ߫߸ ߣߴߊ߬ ߡߊ߫ ߢߊ߬ ߞߏ߫ ߖߡߊ߬ߣߊ ߝߊ߲߬ߞߊߛߌ߬ߣߊ߬ ߞߟߏߡߊ ߟߎ߬ ߛߋ߲߬ ߕߍ߫ ߢߣߊߕߊߟߌ ߘߐ߫.

ߖߌ߬ߣߍ߬ ߦߋ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߋ߬ ߟߊ߫ ߡߊ߬ߙߊ ߞߣߐ߫ ߕߋ߲߬߸ ߊ߬ߟߋ ߡߍ߲ ߛߎߥߊ߲ߘߌߣߍ߲߫ ߞߊ߲ߕߌ߯ ߢߣߊߕߊߟߌ߫ ߕߊ߬ߡߌ߲߬ߣߍ߲ ߘߐ߫ ߛߊ߲߬ ߥߐߙߐ߲ߝߌ߬ߟߊ߫ ߟߐ߬ߒ߬ߞߋ߬ߟߊ߬ ߞߍ߫ ߞߊ߲ߡߊ߬ ߞߏߟߌ߲ߞߏߟߌ߲߫ ߕߊ߬ߡߌ߲߬ߣߍ߲ ߠߊ߫، ߊ߬ ߣߊ߬ ߘߊ߫ ߛߋߓߊ߯ߦߊ ߟߊ߫ ߞߊ߬ߝߏ߬ ߖߊ߬ߛߏ߲߬ ߛߌߟߊ ߟߋ߬ ߝߍ߬ ߂߀߂߁ ߕߎߟߊߝߌ߲ ߠߊ߫.

ߢߣߊߕߊߟߌ ߞߐߝߟߌ ߟߋ߬ ߡߊߞߐ߬ߣߐ߲ ߦߴߌߘߐ߫ ߣߌ߲߬ ߛߊ߫.