ߓߍ߯ ߟߊߘߍ߬ߣߍ߲ ߣߌ ߛߌ߰ߣߍ߲߫ ߘߎߢߊ߫ ߖߌߟߊߝߍ ߓߌ߬ߟߊ߬ ߢߐ߲߰ߠߊ ߞߎ߲߬ߝߟߐ ߣߌ߲߬ ߘߐߜߍ߫ ߞߊ߲߬ ߕߎ߬ߡߊ ߡߍ߲ ߠߊ߫ ߣߌ߲߬ ߖߐ߫ ߸ ߝߙߋߞߋ߫ ߜߘߍ߫ ߦߵߊ߬ ߞߊ߲߬ ߞߵߊ߬ ߞߎ߲߬ߓߐ߫ ߝߊ߲߬ ߜߘߍ߫ ߝߍ߬. 

 

ߏ߬ ߘߏ߲߬ ߕߍ߫ ߝߊ߬ߘߌ߬ߡߊ߬ߞߏ߬ ߞߏ߬ ߞߎߡߊ߫ ߘߌ߫ ߘߋ߬، ߞߊ߬ߕߎ߲߯߸ ߌߙߊ߲߫ ߦߴߊ߬ ߝߍ߬ ߊ߬ ߞߊ߲߫ ߦߋ߫ ߡߍ߲߫ ߓߍ߯ ߓߟߏ߫، ߕߋߤߋߙߊ߲߫ ߞߊ߲߫ ߞߏ߫ ߊ߬ߟߎ߬ ߘߌ߫ ߛߋ߫ ߞߊ߬ ߓߌ߬ߟߊ߬ߢߐ߲߰ߠߊ ߠߊߟߐ߬ ߣߌ߫ ߞߐߡߊߓߌ߲ߓߌ߲ߓߊ߮ ߟߎ߬ ߞߊ߬ ߖߏ߲߬ߖߏ߲߫ ߦߌ߬ߘߊ߬ ߡߍ߲ ߠߊߕߐ߲ߣߍ߲߫ ߥߟߊ߫ ߞߊ߬ ߓߘߍ߬ߓߘߍ߬ߟߌ ߞߘߐߡߊߕߍ߯ߟߌ߫ ߞߎߡߊ ߘߏ߫ ߝߐ߫ ߌߙߊ߲߫ ߡߊ߬߸ ߛߌߞߊ߫ ߕߴߊ߬ ߘߐ߫ ߞߏ߫ ߊ߬ߟߎ߬ ߘߌ߫ ߓߌ߬ߟߊ߬ߢߐ߲߰ߠߊ ߟߊߟߐ߬.

ߌߙߊ߲ߞߊ ߟߎ߬ ߟߊ߫ ߝߊ߬ߘߌ߬ߡߊ߬ߞߟߏ ߞߏߕߌ߮ ߓߘߴߊ߬ ߟߊߥߊ߲߬ߞߊ߬ ߞߏ߫: <<ߊ߲  ߓߘߊ߫ ߝߌߝߊ ߟߊߟߐ߲ߠߌ߲߫ ߞߏ߫ ߣߌ߫ ߕߏ߬ߟߊ߲ ߞߐߡߊߓߌ߲ߓߌ߲ߓߊ߮ ߟߎ߬ ߞߊ߬ ߡߊ߲߬ߞߊ߲ ߕߋ߲߬  ߝߊ߬ߛߏ ߛߘߍߞߎߘߎ߲ ߠߎ߬ ߞߊ߲ߡߊ߬ ߸ ߟߊ߬ߞߊ߬ߙߊ߲߬ߧߊ߬ߟߌ߬ߟߊ ߘߌ߫ ߛߴߊ߬ ߢߌߣߌ߲߫ ߠߊ߫ ߞߊ߬ ߓߌ߬ߟߊ߬ߢߐ߲߰ߡߊ ߟߊߟߐ߬.>> ߊ߬ ߞߵߏ߬ ߦߌ߬ߘߊ߬.

ߏ߬ ߓߟߏߡߊ߬ ߛߊ߫߸ ߌߙߊ߲߫ ߖߏ߲߬ߖߏ߲ ߠߋ߬ ߟߊߘߌ߬ߢߍ߬ߣߍ߲ ߓߙߊ ߘߐ߫߸ ߓߊ߬ߙߌ߬ ߖߏ߲߬ߖߏ߲߫ ߞߘߐ߫ ߕߐ߬ߡߊ ߛߌ߫ ߞߏ߫ ߕߍ߫، ߞߊ߬ߕߎ߲߯߸ ߌߙߊ߲߫ ߝߊ߲߬ߞߊߛߌ߬ߣߊ ߟߎ߬ ߦߋ߫ ߖߏ߲߬ߖߏ߲ ߘߏ߫ ߟߊߓߊ߯ߙߊ߫ ߟߊ߫ ߝߊ߲߭ ߓߍ߯ ߘߐ߫ ߕߋ߲߬߸ ߡߍ߲ ߘߐߢߌߡߌ߲ߣߍ߲߫ ߖߊ߬ߘߊ ߓߟߏ߫߸ ߊ߬ ߣߌ߫ ߞߵߊ߬ ߜߊ߬ߛߌ߫ ߕߋ߬ߟߋ ߓߟߏ߫߸ ߏ߬ ߟߊߕߐ߲ߣߍ߲߫ ߠߋ߬ ߓߊ߲ߓߋ߫ ߞߣߐߟߊ ߟߎ߬ ߘߐ߫ ߝߋߝߋ߫.

ߞߏߢߊ ߣߌ߲߬ ߖߍ߬ߘߍ ߕߍ߫ ߞߎ߲߬ߠߊ߬ߝߎ߬ߟߋ߲߬ ߞߎߘߊ ߘߌ߫. 

ߛߊߣߌ߲߬ ߓߙߊߓߐ ߣߌ߲߬ ߖߍ߬ߘߍ ߦߋ߫ ߘߊߡߌ߬ߣߊ߬߸ ߌߙߊ߲߫ ߣߌ߫ ߡߌߛߌ߬ߙߊ߲߫ ߕߏ߬ߟߊ߲߬ߕߊ߲߬ ߞߙߎߝߊ ߟߎ߫ ߕߘߍ߬ ߓߘߴߊ߬ ߢߌߣߌ߲߫ ߝߌߝߊ ߝߍ߬، ߞߏ߫ ߓߊ߯ߙߊ߫ ߛߎ߯ ߺ ߎ ߺ ߛߎ߰ ߟߐ߬ߣߍ߲߫ ߖߊ߲߬ߞߋ߬ߟߋ߲߬ߢߐ߲߰ߦߊ߬ߟߊ ߟߎ߬ ߟߊ߫ ߞߏ ߡߊ߬ (LGBTQ+)߸ ߏ߬ ߞߊߣߊ߬ ߛߌ߲߬ߝߏ߲߬ߧߴߊ߬ߟߎ߬ ߟߊ߫ ߓߌ߬ߟߊ߬ߢߐ߲߰ߠߊ ߣߌ߲߬ ߘߐ߫ ߡߍ߲ ߟߐ߯ߟߊߣߍ߲߫ ߥߊ߬ߛߌ߬ߥߙߊ ߣߌ߲߬ ߕߋ߬ߟߋ߫ ߂߇ ߣߌ߲߬ ߡߊ߬ ߛߋߦߊߕߟ ߘߎ߱ ߞߣߐ߫. 

ߊ߬ߟߎ߬ ߦߋ߫ ߞߏߢߊ ߟߊߢߌߣߌ߲߫ ߠߴߊ߬ߟߎ߫ ߝߍ߬ ߕߎ߬ߡߊ ߡߍ߲ ߠߊ߫ ߸ ߏ߬ ߞߵߊ߬ ߕߍ߬ߘߍ߫ ߟߋ߬ ߘߎ߱ ߏ߬ ߟߎ߫ ߛߌ߲߬ߝߏ߲߬ߧߊ߬ߟߌ߬ߟߊ ߟߎ߫ ߕߎ߲߬ ߓߘߊ߫ ߓߊ߲߫ ߓߌ߬߬ߟߊ߬ߢߐ߲߰ߠߊ ߣߌ߲߬ ߟߎ߬ ߢߣߊߓߊ߯ߦߊ߫ ߟߊ߫ ߞߵߊ߬ ߝߐ߫ ߦߏ߫ <<ߓߌ߬ߟߊ߬ ߢߐ߲߰ߠߊ ߟߎ߫ ߞߎ߲߬ߠߊ߬ߦߋߙߋ߲.>>

ߏ߬ ߞߍ߫ ߘߊ߫ ߟߋ߬ ߛߊߣߌ߲߬ ߊ߬ߟߎ߫ ߕߘߍ߬ ߦߴߊ߬ߟߎ߬ ߟߊ߫ ߛߘߍߞߎߘߎ߲ ߠߎ߬ ߦߌߘߊߞߊ߬ ߡߍ߲ ߠߎ߬ ߞߊ߫ ߞߊ߲߫ ߕߘߍ߬ ߞߊ߬ ߕߏߟߏ߲߫ ߦߙߐ߫ ߡߍ߲ ߘߐ߫.