ߘߊ߬ߡߊ߲ ߣߐ߬ ߕߌߢߍߟߌ ߟߋ߬ ߞߍ߫ ߟߊ߫ ߛߊ߲ߕߙߊߝߙߌߞ ߖߡߊ߬ߣߊ ߞߊ߲߬߸ ߊ߬ߟߎ߬ ߣߌ߫ ߞߊߡߋߙߎߣ ߓߐߕߏ߲ ߝߊ߲߭ ߝߍ߬߸ ߞߊ߬ ߡߐ߰ ߁߀߇ ߓߐ߬ߣߐ߫ ߊ߬ ߣߌ ߘߐ߫، ߖߊ߬ߕߋ߫ ߘߍ߲߬ߞߍ߬ߕߎ߬ߣߍ߲ ߏ߬ ߡߍ߲ ߠߊߞߊ߬ߟߌ߬ ߘߊ߫ ߊߡߊߘߎ߫ ߊߓߑߘߐ߲߫ ߓߟߏ߫߸ ߊ߬ߟߋ ߡߍ߲ ߦߋ߫ ߜ߭ߊߙߎߥߊ߫ ߓߎ߬ߟߊߦߌ߬ ߞߊ߬ߝߏ߬ߙߋ߲߬ߕߌ߮ ߘߌ߫߸ ߏ߬ ߦߋ߫ ߞߊߡߋߙߎߣ ߘߎ߱ ߘߏ߫ ߟߋ߬ ߘߌ߫ ߡߊ߬ߛߎߓߊ ߞߍ߫ ߦߙߐ ߘߊߝߍ߬.

ߘߊ߬ߡߊ߲ ߠߊ߫ ߕߌߢߍߟߌ ߣߌ߲߬ ߞߍ߫ ߘߊ߫ ߞߐ߬ߟߏ߲ ߠߋ߬߸ ߘߓߊ߬ߓߌߟߊ ߕߟߋ߬ ߁߈ ߡߊ߬߸ ߁߄ߕߎߡߊ ߝߊ߲߭ ߝߍ߬، ߘߊ߬ߡߊ߲߬ߘߊ ߣߌ߲߬ ߦߋ߫ ߛߊ߲ߕߙߊߝߙߌߞ ߓߐߕߏ߲߫ ߝߊ߲ ߝߍ߬ ߟߋ߬߸ ߞߊ߬ ߥߊ߫ ߞߊߡߋߙߎߣ ߡߊ߬.

ߊ߲ ߠߊ߫ ߟߌ߬ߤߟߊ߬ ߟߊߘߍ߬ߣߍ߲ ߠߎ߬ ߘߐ߫߸ ߕߌ߲ߘߌ ߟߋ߬ ߜߊ߬ߟߊ߲߬ߞߌ߬ߣߍ߲߫ ߞߋߟߋ߲ߘߌ߫ ߕߋ߲߬߸ ߞߵߊ߬ ߛߐ߬ߘߐ߲߬ ߘߊ߬ߡߊ߬ ߓߊ߰ߙߟߊ߬ ߛߌߦߊߡߊ߲߫ ߟߐ߬ߣߍ߲߫ ߘߎ߰ߡߊ߬ ߝߊ߲ߝߍ߬߸ ߞߵߊ߬ߟߎ߬ ߢߊ ߓߍ߲߬ ߊ߬ ߡߊ߬߸ ߝߎ߯ߘߌ߫ ߕߏ߲ ߦߋ߫ ߦߌ߬ߙߌ߲߬ߘߌ ߞߊ߲߬، ߓߊߏ߬߸ ߊ߬ ߛߌߦߊߡߊ߲ ߕߍ߬ߘߍ߫ ߊ߬ ߖߌ߰ ߟߊ߫ ߞߏ߫ ߊ߬ ߘߊ߲߬ߕߐ߫ ߟߋ߬ ߛߌߟߊߕߍ߫، ߒ߬ߓߊ߬߸ ߊ߬ ߛߋ߫ ߥߊ߯ߕߌ߫ ߓߘߍߓߘߍ ߡߐ߱ ߟߎ߬ ߡߊ߬ ߛߊ߫߸ ߏ߬ ߟߋ ߞߍ߫ ߘߊ߫ ߓߏ߬ߙߌ߬ ߕߎߡߊ ߘߌ߫߸ ߞߊ߬ ߡߐ߰ ߛߌߦߊߡߊ߲߫ ߕߏ߫ ߊ߬ ߘߐ߫. ߢߌߣߌ߲ߠߌ߲ ߦߴߌߘߐ߫ ߝߎ߯ߘߌ ߞߘߐ߫ ߕߋ߲߬ ߞߏߛߓߍ߫߸ ߞߊ߬ ߕߎߣߎ߲ߓߊ߯ߕߐ ߟߎ߬ ߢߌߣߌ߲߫ ߞߵߊ߬ߟߎ߬ ߟߊߓߐ߫.

ߟߊ߬ߛߋ߬ߟߌ߫ ߞߎ߲߬ߝߟߐ ߡߍ߲ ߠߎ߬ ߞߍߣߍ߲߫ ߛߊ߲ߕߙߊߝߙߌߞ ߝߊ߰ߡߊ ߟߎ߬ ߓߟߏ߫߸ ߏ߬ ߟߋ ߡߐ߰ ߗߡߍ߬ ߣߌ߫ ߞߐ߫ ߘߌ߫߸ ߏ߬ ߡߍ߲ ߠߊߛߙߋߦߊ߫ ߘߊ߫ ߞߊ߬ߝߏ߬ߙߋ߲߬ߕߌ߮ ߓߟߏ߫߸ ߞߏ߫ ߡߐ߰ ߁߀߇ ߟߋ߬ ߝߊ߰ߣߍ߲߬.

ߝߊ߰ߓߊ߰ߕߐ ߢߌ߲߬ ߠߎ߬ ߘߐ߫߸ ߛߊ߲ߕߙߊߝߙߌߞߌߞߊ ߟߎ߬ ߦߴߊ߬ ߘߐ߫߸ ߞߊߡߋߙߎ߲ߞߊ ߟߎ߬ ߝߣߊ߫ ߦߴߊ߬ ߘߐ߫، ߓߊߏ߬߸ ߊ߬ ߦߙߐ ߘߐ߫߸ ߖߡߊ߬ߣߊ߫ ߝߌ߬ߟߊ ߣߌ߲߬ ߡߐ߱ ߟߎ߫ ߟߋ߬ ߘߊ߬ߡߊ߲߬ ߓߊ߯ߙߊ ߞߍ߫ ߟߊ߫ ߦߋ߲߬ ߞߊ߬ ߛߌߦߊߦߊ߫، ߞߎ߲߬ߠߊ߬ߛߌ߮ ߓߘߊ߫ ߖߊ߬ߡߊߙߌ ߘߌ߫߸ ߞߏ߫ ߞߊ߬ ߦߋ߲߬ ߓߊ߯ߙߊ ߟߊߟߐ߬ ߌߞߘߐ߫߸ ߖߐ߲߰ߛߴߊ߬ߟߎ߬ ߘߌ߫ ߟߊ߬ߞߙߐ߬ߛߌ߬ߟߌ ߟߎ߬ ߞߍ߫߸ ߊ߬ ߣߌ߫ ߛߊ߫ ߕߊ߲߬ߞߊ߬ ߘߌ߫ ߞߍ߫ ߡߊ߬ߛߎ߬ߓߊ߬ ߜߘߍ߫ ߟߎ߫ ߡߊ߬.