ߛߊ߲ ߝߍߙߍ߲ ߠߋ߬ ߖߌ߰ ߘߊ߫ ߛߊ߬ߞߐ߬ߘߎ߯ ߞߎ߲ߖߊ߲߫߸ ߞߊ߬ ߕߊ ߟߊߥߟߌ߬ ߓߏ߲߫ ߡߛߏ ߘߏ߫ ߟߊ߫߸ ߞߵߊ߬ ߣߴߊ߬ ߞߣߐ߫ ߝߋ߲ ߠߎ߬ ߖߋ߬ߣߌ߲߬߸ ߞߎߣߎ߲߬ ߞߎߣߎ߲ߟߏ߲ ߠߋ߬ ߡߊ߬ ߂߀߂߆ ߘߓߊ߬ߓߌߟߊ ߕߟߋ߬ ߁߉ ߣߌ߲߬ ߡߊ߬߸ ߡߊ߬ߡߊߘߌ߫ ߛߊ߬ߞߐ߫ ߞߊ߬ ߛߏ߬ߟߊ ߟߋ߬ ߛߐ߬ߘߐ߲߬߸ ߞߵߏ߬ ߛߊߓߎ ߞߍ߫ ߛߊ߲ߝߍߙߍ߲ ߠߊ߫ ߡߊ߬ߛߎߓߊ ߘߌ߫߸ ߛߊ߲ ߠߋ߬ ߣߊ߬ ߘߊ߫ ߞߎ߲ߖߊ߲߫ ߞߎߣߎ߲߬ ߥߎ߬ߙߊ߬ߝߍ߸ ߏ߬ ߟߋ߬ ߣߐ߬ ߡߊ߬ߛߎߓߊ ߞߍ߫ ߟߊ߫ ߞߎ߲ߖߊ߲߫ ߛߏ ߞߣߐ߫߸ ߞߵߊ߬ ߣߐ߭ ߟߊ߫ ߓߏ߲߫ ߡߛߏ߫ ߛߓߊ߬ ߟߊ߫ ߞߋߟߋ߲ߘߌ߫߸ ߝߌ߬ߟߊ߸ ߊ߬ ߞߊ߬ ߛߍߙߍ߲ߘߊ ߟߋ߬ ߓߐ߫ ߏ߬ ߟߎ߬ ߟߊ߫߸ ߞߊ߬ ߕߊ ߟߊߥߟߌ߬ ߞߋߟߋ߲ ߠߊ߫߸ ߊ߬ ߞߊ߬ ߏ߬ ߣߴߊ߬ ߞߣߐ߫ ߝߋ߲ ߓߍ߯ ߟߋ߬ ߖߋ߬ߣߌ߲߫، ߓߟߏߝߋ߲߫ ߞߟߏߡߊ߫ ߛߌߦߊߡߊ߲߫ ߠߋ߬ ߕߏ߫ ߘߊ߫ ߣߌ߲߬ ߞߏ ߘߐ߫߸ ߊ߬ ߣߌ߫ ߝߊߘߌߦߊߓߐ ߟߎ߬. 

ߞߵߏ߬ ߟߊ߫ ߣߊ߲߬ߝߟߏ߬ߡߊ߬ ߝߋ߲ ߘߏ߫ ߟߎ߫ ߞߊ߲߬߸ ߊ߬ ߣߌ߫ ߣߊ߲߬ߝߟߏ߬ߡߎ߮، ߛߊߣߌ߲߫ ߢߌߣߌ߲߫ ߕߙߏߞߏ ߘߏ߫ ߝߣߊ߫ ߕߘߍ߬ ߦߋ߫ ߣߌ߲߬ ߘߐ߫߸ ߞߵߊ߬ ߟߊߛߎ߬ߘߎ߲߬ߧߊ߫߸ ߝߊߦߌߘߊ߫ ߝߋ߲߫ ߛߌ߫ ߟߋ߬ ߡߊ߫ ߕߏ߫ ߓߏ߲ ߞߣߐ߫߸ ߡߍ߲ ߖߋ߬ߣߌ߲߬ߓߊߟߌ ߕߏ߫ ߘߊ߫، ߣߌ߲߬ ߞߏ ߞߍߣߍ߲߫ ߠߋ߬ ߞߵߊ߬ ߛߐ߬ߘߐ߲߬ ߊ߬ߟߋ ߦߋ߫ ߛߍ߬ߣߍ ߘߐ߫߸ ߊ߬ ߡߏ߬ߛߏ ߞߋߟߋ߲߫ ߟߋ߬ ߕߎ߲߬ ߦߋ߫ ߟߎ ߡߊ߬߸ ߣߌ߲߬ ߞߍ߫ ߥߊ߯ߕߌ߫، ߊ߬ ߟߊ߫ ߞߎߡߊ߫ ߘߐ߫߸ ߊ߬ ߞߊ߲߫ ߞߏ߫ <<ߣߌ߲߬ ߞߵߊ߬ ߛߐ߬ߘߐ߲߬ ߠߋ߬ ߒߠߋ ߦߋ߫ ߛߍ߬ߣߍ ߘߐ߫߸ ߞߏ ߞߍ߫ ߥߊ߯ߕߌ߸ ߊ߬ ߞߊ߬ ߒ ߡߏ߬ߛߏ߫ ߞߋߟߋ߲߫ ߠߋ߬ ߛߐ߬ߘߐ߲߬ ߟߎ ߡߊ߬. 

ߏ߬ ߞߊ߬ ߛߌ߬ߛߌ ߟߋ߬ ߦߋ߫ ߓߐ߫ ߟߊ߫ ߓߏ߲ ߞߣߐ߫߸ ߞߵߊ߬ ߛߐ߬ߘߐ߲߬ ߕߊ ߡߊ߫ ߥߌ߬ߟߌ߫ ߝߟߐ߫߸ ߌߞߏߡߌ߲߬ ߊ߲ ߡߊߕߊ߯ߣߍ߲߫ ߛߏ߫ ߞߣߐߟߊ ߟߊ߫ ߣߍ߲ߞߍ߫߸ ߏ߬ ߞߏߛߐ߲߬ ߡߐ߱ ߟߎ߬ ߦߋ߫ ߣߊ߬ ߟߊ߫ ߕߎ߬ߡߊ ߡߍ߲ ߏ߬ ߞߵߊ߬ ߕߍ߬ߘߍ߫ ߟߋ߬ ߕߊ ߓߘߊ߫ ߓߏ߲ ߡߌ߬ߣߊ߫߸ ߒߠߋ ߖߍ߬ߘߍ ߝߣߊ߫ ߣߊ߬ ߘߴߊ߬ ߛߐ߬ߘߐ߲߬ ߠߋ߬ ߕߊ ߓߘߊ߫ ߓߊ߲߫ ߓߏ߲ ߡߌ߬ߣߊ߬ ߟߊ߫߸ ߛߌ߰ߢߐ߲߮ ߠߎ߬ ߞߏ߬ߣߌ߲ ߞߵߊ߬ߟߎ߬ ߛߋ ߞߍ߫ ߕߊ߫ ߟߛߊ ߘߐ߫ ߝߛߊߦߌ߫߸ ߓߊ߬ߙߌ߫߸ ߕߊ ߦߋ߫ ߛߊ߬ ߟߊ߫ ߕߎ߬ߡߊ ߡߍ߲ ߏ߬ ߞߵߊ߬ ߛߐ߬ߘߐ߲߬ ߠߋ߬ ߛߊ߲ߛߙߊ ߓߘߊ߫ ߞߊߘߌ߫ ߓߏ߲ ߞߣߐ߫>> ߊ߬ ߞߵߏ߬ ߟߋ߬ ߦߌߘߊߞߊ߬߸ ߊ߬ ߞߏ߬ߣߌ߲ ߕߌߢߍߟߌ ߣߌ߫ ߛߌߛߍ߲߬ ߕߍ ߘߐ߫߸ ߡߐ߱ ߟߎ߬ ߓߘߊ߫ ߛߋ߫ ߞߊ߬ ߝߏ߬ߟߌ ߞߍ߫ ߊ߬ ߡߊ߬. 

ߓߊ߬ߙߌ߫߸ ߊ߬ ߡߊ߫ ߡߊ߬ߜߍ߲߬ߠߌ߲ ߛߐ߬ߘߐ߲߬ ߝߟߐ߫ ߞߊ߬ ߝߘߊ߫ ߞߎ߲߬ߠߊ߬ߛߌ߮ ߣߌ߫ ߓߐߒߖߘߍߘߐ߫ ߡߐ߮ ߝߋ߲߫ ߠߊ߫ ߝߟߐ߫߸ ߊ߬ ߦߴߊ߬ ߞߊ߲ߠߊߘߌ߫ ߟߊ߫ ߝߊ߰ߡߊ ߟߎ߬ ߣߌ߫ ߓߐߒߖߘߍߘߐ߫ ߡߐ߮ ߟߎ߬ ߡߊ߬߸ ߞߊ߬ ߛߋ߫ ߡߊ߬ߜߍ߲߬ߠߌ߲ ߘߏ߫ ߛߐ߬ߘߐ߲߬ ߠߊ߫ ߛߏ߬ߟߊ ߣߌ߲߬ ߞߐ ߘߐ߫߸ ߓߊߏ߬߸ ߞߏ ߡߍ߲ ߞߍߣߍ߲߫߸ ߊ߬ ߞߍߣߍ߲߫ ߊߟߊ߫ ߟߊ߫ ߟߊ߬ߕߍ߮ ߟߋ߬ ߘߌ߫.