ߕߏ߬ߟߊ߲߬ߕߊ߲ ߡߊ߲߬ߕߏ߲߬ߕߍ߬ ߞߙߎߝߊߢߐ߲߯ߦߊ (ߕߡߞ) ߓߍߣߊ߬ ߎߡߊߙ ߊߓߘߎߟߑߞߊ߯ߘߙߌ ߊߙߑߕߊ߲߫ ߛߊ߬ߙߊ ߘߝߊߣߍ߲ ߘߴߊ߬ ߡߊ߬ ߟߋ߬ ߞߐߟߌߞߐߟߌ߫، ߊ߬ ߝߐߣߍ߲߫ ߕߘߍ߬ ߞߏ߫ ߣߴߊ߬ ߞߊ߬ ߖߊ߯ߓߊ߫ ߖߌߟߊߝߍ ߝߎ߬ߟߋ ߝߍ߫߸ ߥߊߘߌ ߡߍ߲ ߘߌߕߐ߫ ߊ߬ ߡߊ߬ ߖߐ߫߸ ߝߌߝߊ ߓߘߴߊ߬ ߦߌ߬ߘߊ߬ ߦߌ߬ߘߊ߬ ߞߏ߫ ߊ߬ ߘߌ߫ ߥߊߘߌ ߏ߬ ߡߎ߰ߡߍ ߘߴߊ߬ ߡߊ߬߸ ߤߊߟߌ߬ ߣߴߊ߬ ߡߊ߫ ߛߐ߬ߘߐ߲߬ ߛߊ߲ߞߊߢߐ߲߯ߦߊ ߘߐ߫، ߟߌ߬ߤߟߊ ߣߌ߲߬ ߞߌ߬ߦߊ߬ ߘߊ߫ ߓߌߓߛߌ ߝߊ߬ߘߌ߬ߡߊ߬ߞߟߏ ߣߌ߫ ߦߊ߬ߤߎ ߝߊ߬ߘߌ߬ߡߊ߬ߞߟߏ ߟߋ߬ ߓߟߏ߫ ߞߊ߯ߙߌ ߣߌ߲߬ ߡߊ߬.

ߕߍߟߐ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߞߊ߬ ߖߊ߯ߓߊ߫ ߖߌߟߊߝߍ ߢߐ߲߯ߓߍ߲ ߠߎ߬ ߝߎ߬ߟߋ ߝߍ߬߸ ߊ߬ ߕߊ߬ ߘߊ߫ ߏ߬ ߟߋ ߞߊߡߊ߲ ߞߣߐ߫، ߞߊ߲ߡߋߙߋ߲߫  ߛߊ߲߬ ߃߄ ߣߴߊ߬ ߘߍ߬ߢߐ߲߮ ߠߎ߬ ߛߋ ߡߌߦߊߡߌ߫ ߡߊ߲߬ߕߏ߲߬ߕߍ߬ ߛߊ߲ߡߊߘߊ߲ ߠߊ߫߸ ߊ߬ߟߎ߫ ߞߵߊ߬ߟߋ ߟߊߕߊ߲߬ߞߌ߲߫ ߦߋ߲߬߸ ߞߏ߫ ߊ߬ ߦߴߊ߬ ߞߐߛߊ߬ߦߌ߲߬، ߊߡߙߌߞߌ߬ ߝߊ߰ߡߊ ߟߎ߬ ߡߊ߫ ߛߐ߲߬ ߊ߬ ߦߋ߫ ߘߏ߲߬ ߊ߬ߟߎ߬ ߟߊ߫ ߘߎ߰ߞߟߏ ߞߊ߲߬، ߣߴߏ߬ ߕߍ߫߸ ߘߌ߬ߢߍ߬ߡߦߊ߬ ߛߓߍ ߡߍ߲ ߦߴߊ߬ ߓߟߏ߫߸ ߏ߬ ߞߊ߫ ߢߌ߲߬، ߊ߬ߟߎ߫ ߞߵߊ߬ ߦߌ߬ߘߊ߫ ߟߋ߬ ߘߐߙߐ߲߫߸ ߞߏ߫ ߞߊ߬ ߓߍ߲߬ ߟߊ߬ߞߊ߲߬ߘߊ߬ߟߌ ߕߊ߫ ߝߊ߲߭ ߡߊ߬.

ߝߌߝߊ ߝߣߊ߫ ߛߐ߲߬ ߘߊ߫߸ ߞߏ߫ ߎߡߊߙ ߊߙߑߕߊ߲߫ ߕߍ߫ ߓߟߏߘߐߓߍ߲߫ ߞߍ߫߸ ߊ߬ ߘߏ߲߬ ߕߍ߫ ߖߊ߯ߓߊ߫ ߖߌߟߊߝߍ ߕߊ߲߫ ߝߋߎ߫، ߝߌߝߊ ߖߍ߬ߘߍ ߜߎ ߞߵߊ߬ ߦߌ߬ߘߊ߫ ߟߋ߬߸ ߞߏ߫ ߡߍ߲ ߺ ߍ ߺ ߡߍ߲߫ ߟߐ߬ߣߍ߲߫ ߝߎ߲ߘߌߓߊ߯ߕߐ ߟߎ߬ ߟߊ߫ ߞߏ ߡߊ߬߸ ߞߏ߫ ߝߌߝߊ ߛߋ߲߬ ߕߴߏ߬ ߘߐ߫، ߕߏ߬ߟߊ߲ ߛߌ߲߬ߝߏ߲߬ߧߊ߬ߣߍ߲߫ ߖߡߊ߬ߣߊ ߡߍ߲ ߞߣߐ߫߸ ߏ߬ ߞߏ ߦߴߏ߬ ߟߎ߫ ߟߋ߬ ߓߟߏ߫. ߣߴߏ߬ ߕߍ߫߸ ߊ߬ߟߋ ߟߋ߬ ߞߍߕߐ߫ ߕߘߍ߬ ߛߏߡߊߟߌߞߊ߫ ߝߟߐߝߟߐ ߘߌ߫ ߞߊ߬ ߖߊ߯ߓߊ߫ ߖߌߟߊߝߍ ߝߎ߬ߟߋ ߝߍ߫.

ߊ߬ ߛߐ߬ߘߐ߲߬ߓߊߟߌߦߊ ߖߊ߯ߓߊ߫ ߖߌߟߊߝߍ ߘߐ߫߸ ߏ߬ ߡߊ߫ ߞߍ߫ ߊ߬ ߡߊ߬ ߝߎ߯ ߘߌ߫، ߓߊߏ߬߸ ߋߙߐߔߎ߬ ߞߋ߬ߟߋ߲߬ߧߊ ߕߏ߬ߟߊ߬ߕߊ߲ ߘߍ߬ߞߙߎ (UEFA) ߓߘߴߊ߬ ߦߌ߬ߘߊ߬߸ ߞߏ߫ ߔߊ߬ߙߌ ߛߍ߲ ߖ߭ߍߙߑߡߍ߲ ߡߍ߲ ߦߋ߫ ߟߌߜ߭ ߘߍ߫ ߛ߭ߊ߲ߔߌߦߐ߲ ߕߊ߬ߓߊ߮ ߘߌ߫߸ ߊ߬ ߟߌ߫ ߟߌߜ߭ ߋߙߏߔߊ ߕߊ߬ߓߊ߮߸ ߊߛߑߕߐ߲߫ ߝ߭ߌߟߊ ߞߊ߫ ߞߊ߲߫ ߞߊ߬ ߓߌ߬ߟߊ߬ߢߐ߲߰ߠߊ ߡߍ߲ ߞߍ߫߸ ߊ߬ߟߎ߫ ߣߐ߬ ߊ߬ߟߋ ߟߋ߬ ߞߙߍߞߙߍ߫ ߟߊ߫ ߏ߬ ߝߎ߬ߟߋ ߝߍ߫ ߞߊ߲ߡߊ߬، ߢߐ߲߯ߓߍ߲ ߏ߬ ߡߍ߲ ߞߍߕߐ߫ ߘߓߊ߬ߓߌߟߊ ߕߟߋ߬ ߁߂ ߣߊ߬ߕߐ ߡߊ߬ ߛߊߟߖ߭ߑߓߎߙ߸ ߏߕߙߌߛ ߖߡߊ߬ߣߊ ߞߊ߲߬.

ߏ߬ ߝߣߊ߫ ߡߊ߫ ߞߍ߫ ߞߎ߲߬ߝߍ߬ ߞߏ߫ ߘߌ߫ ߘߋ߬߸ ߓߍ߲߬ߘߐ ߘߏ߫ ߟߋ߬ ߦߋ߫ ߝߘߊ߬ߝߌ߲߬ߠߊ߫ ߕߏ߬ߟߊ߲߬ߕߊ߲߬ ߞߙߎߝߊ (ߞߊߝ) ߣߌ߫ ߎ߳ߋߝߊ ߕߍ߫߸ ߞߏ߫ ߊ߬ߟߎ߬ ߦߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬߸ ߊ߬ߟߎ߬ ߟߊ߫ ߢߐ߲߯ߓߍ߲ ߠߎ߬ ߝߎ߬ߟߋ߬ ߝߍ ߘߐ߫.

ߗߍ߭ ߡߍ߲ ߦߋ߫ ߣߌ߲߬߸ ߊ߬ ߦߋ߫ ߝߌߝߊ ߟߊ߫ ߡߊ߲߬ߕߏ߲߬ߕߍ߬ ߕߍߟߐ ߟߋ߬ ߘߌ߫ ߞߊ߬ߦߌ߯ ߂߀߁߈ ߠߊ߫، ߎߡߊߙ ߊߕߊ߲߫ ߠߋ߬ ߛߎߘߊ߲߫ ߘߊ߫ ߂߀߂߅ ߟߊ߫߸ ߞߊ߬ ߞߍ߫ ߝߘߊ߬ߝߌ߲߬ߠߊ߫ ߕߍߟߐ߫ ߗߍ߬ߡߊ߲ ߠߎ߬ ߘߐ߫ ߢߐ߲߰ߦߋ߬ߜߏ ߘߌ߫ ߞߊߝ ߓߟߏ߫.

ߣߴߊ߬ ߛߙߊ߬ ߞߏ ߣߌ߲߬ ߢߊߓߐ߫ ߘߊ߫ ߝߌߝߊ ߓߟߏ߫߸ ߏ߬ ߞߍߕߐ߫ ߊ߬ ߦߋ߫ ߕߣߐ߬ߓߊ߫ ߟߋ߬ ߘߌ߫߸ ߞߵߊ߬ ߛߐ߬ߘߐ߲߬ ߊ߬ ߡߊ߫ ߓߊ߯ߙߊ߫ ߞߍ߫، ߒ߬ߞߊ߬߸ ߊ߬ ߕߐ߮ ߡߍ߲ ߓߌ߬ߟߊ߬ߕߐ߫ ߕߍ߬ߘߍ߫ ߘߐ߬ߝߐ ߘߐ߫ ߣߌ߲߬߸ ߞߏ߫ ߊ߬ߟߋ ߟߋ߬ ߞߍߣߍ߲߫ ߛߏߡߊߟߌߞߊ ߝߟߐߡߊ ߘߌ߫ ߞߊ߬ ߖߊ߯ߓߊ߫ ߖߌߟߊߝߍ ߕߊ߲߫߸ ߊ߬ ߓߘߊ߫ ߝߐ߫ ߏ߬ ߟߊ߫ ߛߋ߲߬ߢߊ ߣߌ߲߬ ߝߍ߬ ߘߎߢߊ߫ ߕߏ߬ߟߊ߲߬ߕߊ߲߬ ߓߟߋߓߟߋ ߣߌ߲߬ ߘߐ߫.