ߞߊ߲ߛߏ߲ߠߌ߲߫ ߓߟߋߓߟߋ ߘߏ߫ ߟߋ߬ ߞߍߣߍ߲߫ ߝߎ߲ߞߎ߲ ߘߏ߫ ߟߊ߫ ߛߣߍ߬ߜ߭ߊߟߌ߫ ߞߣߐ߫߸ ߞߊ߲ߡߋߙߋ߲ ߠߋ߬ ߥߊߣߍ߲߫ ߛߍߝߊ ߂߀߀ ߛߊ߲ߠߌ߲߫ ߞߊ߲ߡߊ߬ (ߖߌ߬ߣߍ߬ ߕߊߡߊ߲ ߥߊ߯ ߛߓߊ߬ ߣߌ߫ ߓߘߎ߬ߓߘߎ߬ ߘߐߙߐ߲߫)߸ ߊ߬ߟߋ ߥߊ߫ ߘߊ߫ ߖߎ߬ߟߊ߬ߗߍ ߏ߬ ߟߋ ߞߊ߲ߛߏ߲߫ ߏ߬ ߘߐ߫߸ ߞߵߏ߬ ߟߊߓߣߐ߬ ߥߊߘߌ߫ ߛߌߦߊߡߊ߲߫ ߠߊ߫، ߒ߬ߓߊ߬߸ ߡߞߊ߬ߛߟߌ߬ ߞߍߣߍ߲߫ ߞߊ߲ߡߋߙߋ߲ ߏ߬ ߟߋ ߞߊ߲߬ ߂߀߂߆ ߞߊ߬ߙߌ߬ߝߐ ߕߟߋ߬ ߁߀ ߡߊ߬ ߖߎ߬ߟߊ߬ߗߍ ߓߟߏ߫߸ ߕߍ߮ ߞߍ߫ ߘߴߊ߬ ߘߐ߫ ߜ߭ߑߙߊ߲߫ ߦߐߝ ߟߋ߬߸ ߘߊ߬ߞߊ߯ߙߎ߫ ߕߌ߲߬ߞߎߘߎ߲ ߘߐ߫، ߊ߬ ߟߊߞߙߐ߬ߛߌ߬ ߘߊ߫ ߞߏ߫ ߞߊ߲ߡߋߙߋ߲ ߛߐ߲߬ ߞߘߐ ߟߋ߬ ߊ߬ ߞߏ߫ ߛߎ߮ ߘߌ߫.
ߛߐߟߍߦ ߝߐ߰ߓߍ߬ߘߊ ߟߊ߫ ߝߐߟߌ߫ ߘߐ߫߸ ߢߌ߲߬ ߣߊ߬ ߘߊ߫ ߟߋ߬ ߝߎ߲ߞߎ߲ ߠߊ߫߸ ߞߏ߫ ߊ߬ ߦߋ߫ ߛߊ߬ߛߊ߬ߕߍ߬ߟߊ߲߬ ߞߏ ߘߐ߫߸ ߊ߬ ߣߌ߫ ߓߣߍ߬ߝߌ߲߬ ߟߏ߯ߟߏ߮، ߥߊߘߌ ߏ߬ ߟߋ ߛߙߊ߬ ߕߎߡߊ ߟߴߊ߬ ߓߟߏ߫ ߛߍߣߍ߲߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊ߫ ߓߟߐߟߐ ߜߊ߲߬ߞߎ߲߬ߠߌ߲߬ ߞߏ ߜߍߣߍ߲ߓߊ߫ ߕߍ߫، ߊ߬ ߞߵߊ߬ ߝߐ߫ ߖߎ߬ߟߊ߬ߗߍ ߦߋ߫ ߏ߬ ߟߋ ߘߐ߫߸ ߞߏ߫ ߊ߬ ߦߋ߫ ߘߌ߬ߢߍ߬ ߞߵߊ߬ ߟߊ߫ ߞߵߊ߬ ߟߊ߫ ߜߎ߲߬ߘߎ߬ ߝߙߍߕߍ ߘߴߊ߬ ߡߊ߬߸ ߛߴߊ߬ ߘߌ߫ ߛߋ߫ ߥߊߘߌ߫ ߛߙߊ ߕߐ߭ ߞߎ߲߭ߘߏ߲߬ ߠߊ߫.
ߊ߬ߟߋ ߞߍߢߊ ߟߵߏ߬ ߘߌ߫ ߞߊ߬ ߗߍ߭ ߟߊ߫ ߛߟߏߟߏߞߏ߲ߘߏ ߖߋ߬ߓߟߌ߬ ߞߊߟߌ߲ ߘߏߞߊ߲ ߖߌ߬ߦߊ߬ߣߙߌߕߊ߬، ߦߊ߬ߣߴߊ߬ ߦߋ߫ ߂߀߀ ߏ߬ ߛߙߊ߬߸ ߊ߬ ߡߴߏ߬ ߞߍ߫ ߘߋ߬߸ ߊ߬ ߞߊ߬ ߁߅߈ ߀߀߀ ߕߊ߬ ߗߍ߭ ߟߊ߫ ߞߏ߲߬ߘߏ ߟߊ߫߸ ߞߵߏ߬ ߟߊߕߊ߯ ߊ߬ ߟߊ߫ ߝߙߍߕߍ ߞߊ߲߬ (ߏ߬ ߡߍ߲ ߦߋ߫ ߓߍ߲߬ ߠߊ߫ ߖߌ߬ߣߍ߬ ߕߊߡߊ߲ ߂ ߄߀߀ ߀߀߀ ߣߌ߫ ߞߐ߫ ߡߊ߬)، ߊ߬ߟߋ ߓߐ ߞߐ ߟߋ߬ ߘߐ߫ ߦߋ߲߬ ߛߊ߫߸ ߗߍ߭ ߞߊ߬ ߥߊߘߌ߫ ߟߊߕߊ߯ ߣߌ߲߬ ߢߊߦߋ߫߸ ߊ߬ ߞߵߊ߬ ߥߟߌ߬ ߒߞߘߐ߫ ߞߊ߬ ߥߊ߫ ߛߋ߫ ߜ߭ߑߙߊ߲߫ ߦߐߝ ߕߐ߲ߓߟߏߡߊߛߏ ߟߊ߫.
ߏ߬ ߟߎ߬ ߟߊ߫ ߢߊߢߌߣߌ߲ ߞߍ߫ ߘߊ߫ ߕߙߎ߬ ߘߌ߫ ߡߎ߬ߕߎ߲߬ ߛߊ߫߸ ߊ߬ߟߎ߫ ߞߊ߬ ߥߊߘߌ ߟߊߕߊ߯ ߦߙߐ ߦߋ߫߸ ߞߊ߬ ߞߊ߲ߡߋߙߋ߲ ߦߙߐ߫ ߢߌߣߌ߲߫ ߞߵߊ߬ ߟߐ߲߫ ߞߏ߫ ߊ߬ ߦߋ߫ ߡߊ߬ߖߌ߮ ߘߏ߫ ߔߊ߲ߕߏߟߊ߫ ߓߏ߲ߓߊ ߟߋ߬ ߟߊ߫߸ ߊ߬ ߡߌ߬ߣߊ߬ ߘߴߊ߬ ߓߟߏ߫ ߦߋ߲߬ ߠߋ߬ ߞߊ߬ߙߌ߬ߝߐ ߕߟߋ߬ ߁߄ ߡߊ߬، ߊ߬ ߡߌ߬ߣߊ ߡߍ߲ ߞߍ߫ ߘߊ߫ ߞߵߊ߬ ߘߊߘߐߢߌ߬ߣߌ߲߬ߞߊ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߡߴߊ߬ ߟߊߥߟߌ߬ ߖߎ߯ߡߊ߲߫ ߡߊ߬߸ ߞߏ߫ ߥߊߘߌ߫ ߞߏߖߊ ߟߋ߬ ߕߎ߲߬ ߦߴߊ߬ ߞߊ߲߬ ߞߏߖߎ߯ߦߊ߫߸ ߝߏ߫ ߊ߬ ߕߍ߬ߘߍ߫ ߏ߬ ߟߋ ߞߍ߫.
ߊ߬ߟߋ߬ ߓߐߛߎ߲߫ ߞߋߟߋ߲ ߞߊ߲߫ ߌߞߐ߫߸ ߞߏ߫ ߊ߬ ߟߊߞߙߐ߬ߛߌ߬ ߘߊ߫ ߞߏ߫ ߞߊ߲ߡߋߙߋ߲ ߓߘߊ߫ ߣߌ߲߬ ߛߎ߮ ߞߍ߫ ߖߎ߬ߟߊ߬ ߛߌߦߊߡߊ߲߫ ߠߋ߬ ߟߊ߫߸ ߊ߬ ߕߌ߯ߕߌ߯ ߛߋ߲߬ߘߐ߬ ߖߎߟߊ ߟߎ߫ ߖߍ߬ߘߍ، ߊ߬ ߝߊ߲߭߸ ߊ߬ ߕߎ߲߬ ߓߘߊ߫ ߞߊߙߏ߫ ߛߓߊ߬ ߥߛߎ߫ ߞߍ߫ ߊ߬ ߛߎ߮ ߘߐ߫ ߂߀߂߅ ߟߊ߫ ߞߘߐ߬ߡߊ߲߬، ߊ߬ ߟߊ߫ ߡߐ߱ ߟߎ߫ ߖߍ߬ߘߍ ߕߎ߲߬ ߓߘߊ߫ ߡߐ߰ ߝߌ߬ߟߊ߬ ߝߣߊ߫ ߟߊ߫ ߥߊߘߌ ߟߊߛߊ߬ߦߌ߲߫ ߞߘߐ߬ߡߊ߲߬߸ ߛߴߊ߬ ߞߊߣߊ߬ ߘߏ߲߬ ߥߛߎ ߟߊ߫ ߢߊ ߡߍ߲ ߡߊ߬، ߓߊ߬ߙߌ߬߸ ߊ߬ ߡߴߊ߬ ߛߐ߲߬ ߞߘߐ ߓߟߏߞߊ߬ ߤߊߟߌ߬ߛߊ߫.
ߊ߬ ߕߏ߫ ߘߊ߫ ߢߟߊߥߛߎ ߟߋ߬ ߟߊ߫߸ ߊ߬ ߟߊߕߊ߯ ߘߊ߫ ߞߕߌߓߋߟߋ߲ ߢߊߞߘߐ߫ ߞߊ߬ߙߏ߲߬ߕߍ߮ ߞߏߛߐ߲߬߸ ߊ߬ ߣߌ߫ ߘߏ߲߬ߠߌ߲ ߡߐ߱ ߟߊ߫ ߞߏ߲߬ߘߏ ߟߊ߫ ߞߊ߬ ߥߊߘߌ ߟߊߓߐ߫ ߛߊ߬ߙߌ߬ߦߊ߬ ߛߐߛߐ ߟߊ߫ ߢߎߡߍߙߋ߲߫ ߛߌߟߊ ߘߏ߫ ߝߍ߬߸ ߊ߬ ߣߌ߫ ߢߎߡߍߙߋ߲߫ ߠߊ߫ ߛߏ߲ߧߊߟߌ.
Aucun commentaire pour le moment.